مسوية جراحة فك .....قولي تجربتج هني

[أحب أمي]

مس لولا منو اللي مسوي لج الجراحه عماد النجاده؟

والخشم تغير عليج او لا

 

[نظرتي الحلوة]

:33_1185028183:​

كيفكم يابنات وش اخباركم اعرفكم على نفسي معاكم نظرتي الحلوة سعودية من سكان الشرقية
طبعا مشكلتي تشبة بعض المشتركات الله يعافيهم ويا الجميع هنا و يعطيكم الف صحة وعافية انا بغثكم شوي بس تحملوني شوي خااااااااااااااااااااااااااااااااااااااااااااايفة وايد على قولتكم وانا متابعتكم وادعي لكم من كل قلبي الله يعافني وياكم يارب
مشكلتي هي بروز في الفك السفلي وشوي شوي شوي ضيق في الفك العلوي وانا جدا متخوفة من هذة الجراحة
وعمري 24سنة وخايفة امكن ما تناسبني هذه الجراحة او تكون خطرة وانا متزوجة ومعاي طفلين وخايفة يصيرعلى عمري شئ حبيت اسالكم بعض الاسألة اذا تكرمتم
هل العمر مناسب للجراحة ؟
هل فيهاا خطورة ؟ وما مدى خطورتها ؟
تعرفون احد عملها في السعودية ؟اذا تعرفون وين سوتها في السعودية اقصد في مدينة ومنو الدكتور اللي سوت فية ؟
وافضل دكتور في جدة او الشرقية يسوي عملية فكين ؟
وهل الجراحة في سوريا افضل ام لا ؟
واللي جربت امااااااااااااااااانة تقول لي وش هو احساسها لما طلعت هل تحس بالام ولا لا ؟ تحس بوجود الغرز ؟
وكم قعدت بعد العملية في غرفة العناية ( الانعاش ) ؟
والله اللي ترد علية بدعي لها من كل قلبي في الصلاة وانا ان شاء الله باخذ عمرة وبدعي لها في الحرم وعند الكعبة
ان شاء الله
يعطيكم الف صحة وعافية وجزاكم الله خير
واتشرف بمعرفتي لكم يالغاليات

 

[أحب أمي]

هلا اختي نظرتي الحلوه

حياج الله بين خواتج وكلنا تحت امرج

وبالنسبه لاسئلتج بجاوب بحدود اللي اعرفه
اولا الله يسعدج بحياتج ويخليلج زوجج وعيالج
العمر مناسب وكانت معانا الاخت دانتيلا مسويتها بنهاية العشرينيات وماشاء الله النتائج جميله جدا
والعمر مناسب لاتخافين ومايدققون على العمر احس ماله علاقه بس تفضل تكون بعد سن ال 18
الجراحه كبيره مو صغيره ولكل جراحه مخاطر والسلامه من الله سبحانه وتعالى
بس من كلام دكاترتي يقولون بسيطه وان الناس الحين يسونها بشكل مستمر بس عليج بالجراح الماهر اللي متعود على هالنوع من العمليات
ومعانا خوات من السعوديه مسوينها لو تقرين الصفحات السابقه بتلقين تجاربهم واسماء الدكاتره وكل شي من قبل الجراحه حتى نهاية مرحلة الجراحه
وليش الجراحه بسوريا ماشاء الله عندكم جراحيين شاطرين بالسعوديه
وبالنسبه للي جربت انا عمليتي الثلاثاء القادم ودخولي للمستشفى الاحد اذا الدكتور ماهون
دعواتج لي وإذا الله كتب لي عمر بكتب لكم كل التفاصيل اللي تطمنكم
وصدقيني انا انسانه خوافه لابعد الحدود حتى من الابره اخاف ومن النوع اللي ما آكل ادويه وجذي يعني خوافه من الطراز الرفيع هههه

وامانه ادعيلي ان الله يسهل امور عمليتي ويردني لامي وابوي سالمه
وتكون نتيجة الجراحه بيرفكت 100% وشكلي يكون حلو
والخشم يطلع احلى
وان الله يرزقني بالزوج الصالح

ويامرحبااااا فيج ومسهلااااااا

 

[سكـون]

هلا والله بنات

أحب أمي.. والله؟ يحليلها دانتيلا والله،، ماتقصر أبد، لما كانت معانا بالملف كانت شايلته وتجاوب على الكل وتفيد الكل بمعلوماتها وتجربتها، وحتى الحين لما انشغلت مو مقصرة، الله يسعدها يارب ويوفقها ويجزاها خير

وأشوه دام المستشفى يعطون كمادات عن المشاوير خخخخ


- - - -

MiSS LoOola.. هلا وغلا، ما تفقدين غالي يالغالية

وعن العملية لا والله للحين ما سويتها الله يستر بس، مثل ما قلت فيه بعض الفتحات الصغيرة النهائية هاذي اللي ننتظرها تسكر، وعمليتي راح تكون مثل أحب أمي بالفكين، ترجيع السفلي إلى ورى، وتقديم العلوي لجدام
وآميييين الله يسهل علينا جميعا

- - - - -

نظرتي الحلوة، هلا وغلا،، هلا بج معانا

لا تحاتين ، كلنا خفنا أول مادرينا إنا محتاجين عملية
وإجابة على أسئلتج

بالنسبة للعمر أتوقع بالعكس هذا السن المناسب لهاذي العملية بالعشرينات، لأن قبل هالسن وحسب معلوماتي إن ما يسوون هذي العملية ويحاولون ببدائل ثانية وباستخدام الأجهزة عشان يكون فيها إمكانية للتعديل، لكن بهذا السن يكون الفك أخذ وضعه وصعب تعديله بدون التدخل الجراحي، وحتى لو شخص مثلا حاول بدون جراحة وهو صغير وبعدين تبين إنه يحتاج عملية، يأجلونها لين يوصل لهالسن تقريبا أو حوله.

الخطورة امممم مادري يالغالية أتوقع كل عملية لازم لها خطورتها مهما يكون، لكن عملية الفك بالذات وحسب كلام دكتوري قال لي لما سألته إن نسبة نجاح هالعمليات تكون كبيرة جدا، والدليل هذا انتي شفتي الملف هذا وتجارب البنات ما شاء الله، كم وحدة سوتها الحمدلله قامت بالسلامة وتفيدنا هني

في السعودية، ترى وايد بنات شاركونا هني من السعودية، ياليت تقرين الموضوع كامل (أدري يمكن شوي تعب بس ترى التجارب والنصايح المذكورة فيه تستاهل) أذكر منهم (سارة، الماسة، مشاعل << ومشاعل ذكرت إن كم وحدة من قرايبها مسوينها) وكلهم ما شاء الله تبارك الله كانت نتايجهم طيبة

بالنسبة للجراحة في سوريا، ماعندي فكرة صراحة، بس وجهة نظري الشخصية أفضل الوحدة تسويها بديرتها، خصوصا إنها عملية يبيلها شوي، ويبيلها متابعة وعناية، ع الاقل المستشفيات بديرتج تكونين عارفتها وعارفة القائمين عليها أو ع الاقل اللي حولج عارفين عنها لو سألتي، بينما هناك بتروحين وانتي ماتدرين شالأحسن بالضبط،، عن نفسي ما أيد هالشي،، وارجع واقول هذي وجهة نظري الشخصية وممكن أكون غلطانة

عن الإحساس بعد العملية وإذا فيه آلام أو لا، هذا السؤال هم كان شاغلني، لكن بقراءة تجارب البنات وإجاباتهم تبين لي إن مافيه ألم أبد، لأن يعطونج مسكنات بعد العملية فما يكون فيه ألم، اللهم التعب اللي لازم يكون بعد أي عملية

بالنسبة للإنعاش (كذلك أجاوبج بناء على إجابات البنات اللي قريتها هني) وهي تكون يوم إلى يومين بس، مجرد تأكد إن حالتج مستقرة بعد العملية

والله أعلم
سامحيني على القصور يالغالية، جاوبتج باللي أعرفه من معلومات واللي استفدته من تجارب البنات هني، ويالله يارب نسوي العملية ونقوم بعدها بالسلامة ياااارب

 

[سكـون]

أحب أمي، شكلنا كنا نكتب الرد بنفس الوقت ههههههههههههه :d

 

[أحب أمي]

ياحياااااتي سكوون اي الظاهر

فديتج

 

[أحب أمي]

الذين تشاهدون محتوى الموضوع الآن : 6 ( العضوات 4 والزائرات 2)
‏أحب أمي, ‏Emo Princess, ‏سكـون, ‏نظرتي الحلوة


واااااااااااااااااو وناسه يالله حيهم

 

[Blonde B]

احب امي
حياااااااااتي والله
الله يوفقج يا رب
موعد عمليتج حيل حلو
وتعبج ماراح خساره يا الغاااليه
وصدقيني كل شي يهوووون
وانتي استااانسي
لآ تروحين على اعصابج
خليييييييييييج عآآآآآدي
اضحكي وسووولفي
انا موعدي الاسبوع الياي 17-5
الدكتور يحدد العمليه
انا اتمنى 1-6
اكون مخلصه فاينل وكل شي
ابي اسويها وافتك
انتي بخاص والا حكوووومه ؟؟
لان موعدج ع طول عطاج اياه
انا بحكومه قالي اذا اوك احطج ع الويتن ليست
وعاد شوفي جدامج 30 شخص >.>
انتي كم عمرج ؟؟
والله يوفقج
اذا خلصتي من العمليه باخذ رقمج
عشان تطمنيني مثل ما تسوي دانتيل الحين لج
^^

 

[أحب أمي]

هلا ايموو برنسس فديتج ياقلبي

انا بالحكومه

من زمان اراجع عندهم من 2007
يعني عمر بصراحه ولو بيحطني على الويتنق حرام : \\
اصلا رايحه له حسبالي بعد 3 شهور او اكثر
صدمني قال دشي باجر
قلت اوكي
بعدين قال لا خليها الاسبوع الجاي
وانا احس لالحين الموعد مو صج مو مستوعبه
احس بروح الاحد ويردني

وحاضره رقمي للي يبيه بعطيه كلكم بحسبة خواتي والله
والله يسهل امورنا كلنا وعسى ربي يتمم عليج الصحه والعافيه

 

[Blonde B]

آنآ مع الحكومه
من 2006 بس كل ما عطوني موعد ما اروح
اخاااف من التقويم
ورحت للاميري تهاوشوا رئيسة التقويم مع رئيس الفك
هذا يقول العمليه اول وهذيج تقول انا اول
فقلت خلاص ما ابي
ويم سنة 2008 قلت بروح العدان بحط بس تقويم
ويوم رحت قالوا لا لازم تقويم بعدين نسوي العمليه
قلت طيب فانا الحين معاهم سنتين
يا رب عمليتي تكون قريبه ابيها اخر 5 او اول 6
ادعيلي

 

[أحب أمي]

الله يسهل امور عمليتج وتكون بالوقت اللي يناسبج يارب

وصدقيني كل تأخيره فيها خيره

 

[أحب أمي]

بخصوص عمري مواليد 31-10-1988 وعليج الحسبه لووول

 

[أحب أمي]

احس اني قرقه حدي اليوم ههههههههههه فيني طاقه
:dddds::edbf4317b9:

 

[نظرتي الحلوة]

تسلمون يالغاليات (( احب امي )) (( سكون )) يعطيكم الف عافية تعبتكم معاي شوي
وان شاء الله تقومين بالسلامة يا (( احب امي )) بالله طمنيني عليك وانا مسافرة جدة عند اهلي الثلاثاء بالطائرة وبدعي لك ان شاء الله وانا مسافرة يارب تقومين بالسلامة وتفرحين بشكلك ويرزقك ويسخر لك الزوج الصالح انتي وباقي البنات اللي بيطرقون لهذه الجراحة وغيرها يارب وممكن بدون احراج اعرف شنو عمليتك ووين بعد ؟؟ وامانة خلي احد يطمنا عليك انا واللة اني بقعد احترق عليك وبعد عندنا مناسبة بقعد شايلة هم وبيكون تفكيري شارد فيك وافكر طمنينا عليك يالغالية خلي اذا عندك خوات يطمنونا عليك تكفين قولي تم
مسامحتك يا غاليتي يا (( سكون )) ويعطيك الف الف الف عافية على الرد هذا كلة تعبتك معاي وانتي اللي سامحيني وتقومين بالسلامة يارب وبعد سؤال وبدون احراج وانتي شنو عمليتك ومتى ووين بعد ؟؟؟؟؟
سامحوني يابنات اذا احرجتكم معاي بس والله اني جدا جدا متخوفة واهلي مرررررررررررة خوافين مثلي ما نحب المستشفيات واذا الحمل وهو بسيط وامي بتتجنن عند ولادتنا وبتنجلط بعد من الخوف والحين لو بتدري اني حامل يوم من الايام في خاطري بتنتحر فما بالك بجرااحة يووووووووووووووووووووووووووه بتروح فيها االله يحفظها لي يارب واحنا عائلتنا كلها من اولها لاخرها تخاف من شئ اسمة ابرة الله يستر علية وعليكم ويقومنا بالسلامة
توتة توتة خلصت الحتوتة بالله وش رايكم في سواليفي انا عارفة اني ثقلتها شوي بس عذرا مرة اخرا
تحياتي

 

[نظرتي الحلوة]

احب امي
ممكن طلب
بغيت رقمك لا هنتي
علشان اطمأن عليك وأحمد لك على السلامة
واذا وافقتي كيف اخذة منك يالغالية
وطلب ثاني يالغالية تعبتك معاي شوي الساعة كم بتكون جراحتك يوم الثلاثاء في الصباح ؟ وكم قال لك الدكتور بتستغرق ( اقصد كم تاخذ وقت جراحتك ) ؟؟ الله يعافيك ويقومك بالسلامة ويفرح اهلك فيك
استودعتك الله الذي لا تضيع ودائعه

 

[غلاااه]

هلا اختنا نظرتي الحلوه ...

اولا ان شاء الله توصلين بالسلامه ..

ثانيا بفيدك باللي عندي .. بما انك قلتي جده ... ففيه ماشاء الله الدكتور (مثل ما أسمع) احمد يماني

ماشاء الله هو الاول في هالجراحه .. ولما سألت عرفت انه يسوي العمليات في المستشفى الجامعي في جده

وفي مركزه الخاص في عيادات سمايا ... (سوي بحث في قوقل وبتعرفين عنه اكثر)

انا أن شاء الله بسويها في مستشفى الحرس بجده في مدينة الملك عبد العزيز الطبيه عند الدكتور

حامد البارقي .. والله يسهل علينا وعليييك


امانه ادعيلي انه تتيسر اموري واسوي العمليه قريب واقوم بالثلامه.. عشان وراي مشاريع ثانيه:eh_s(22)::eh_s(22):​

 

[أحب أمي]

هلا وغلا نظرتي الحلوه
فديتج والله فرحتيني على هالدعاوي الطيبه
والله يسعدج ويوفقج
ولاتحاتيين يابنت الحلال صرتي انتي وامي واحد هههه
والله يكتب اللي فيه الخير إن شاء الله
وبخصوص رقمي ابشري بعطيج الرقم وبيكون التلفون عند امي او اختي
والعمليه لالحين مادري متى وقتها بالضبط ماقال لي شي وبيني وبينج لالحين مو مستوعبه ان عمليتي هالاسبوع احس مو صج
احس بروح له وبيردني يقول لي بعدين وإذا صج ودخولي تم بشكل رسمي الاحد بدش وابلغكم بالتفاصيل
وجراحتي الله يسلمج بالفكين العلوي داش داخل والسفلي متقدم فمعطي وجهي شكل طولي ومنطقة الخشم داشه شوي داخل بسبب دخول الفك العلوي داخل
وإذا على اهلج عندي وعندج خير .. وصدقيني كل الاهل جذي ولو تلاحظين اغلب اللي سووا العمليه اهلهم مو راضين
بس انا اقنعتهم لان مابي ادش العمليه واحسهم مو راضيين على اللي اسويه اهم شي رضا الوالدين

واللي خلاني اقتنع بهالعمليه مره ولد خالي الصغير عمره تقريبا 7 سنين يقول لي انتي (حنجج) = فكج طويل واجد
وهالشي ضايقني اذا الطفل ماعجبه شكلي وعلق فما بالج الكبار اكيد يجاملوني.. تضايقت يومها حيل ومن وقتها قررت ابتدي مشواري بهالطريق..والله يكتب لي الخير بنهايته .. ولان اشوف اغلب اللي حولي تزوجوا وملجوا وانا ثقتي بنفسي معدومه للاسف
والكل يقول لو تسوين الفك بيكون شكلج واو لان كل بنات العايله وخواتي مزايين وهالشي يحبط من معنوياتي وصرت اتهرب من الاعراس والمناسبات لان ماعندي ثقه بشكلي

وادري طولتها عليج ههههه
وإذا الفك مضايقج ومزعزع ثقتج بنفسج استخيري وشوفي شنو بيصير وياج
وإخذي راحتج الموضوع لنا كلنا واكتبي اللي يجي بخاطرج وحنا بالخدمه حاضرين بإي سؤال تسألينه
والبركه في البنات ماشاء الله عليهم مايقصرون بشي

والله يوفقكم جميع ويسهل اموركم واشوفكم احلى البنات

 

[أحب أمي]

غلاه فديتج

الله يسهل امورج وتقومين بالسلامه
وتكتمل مشاريعج الثانيه على اكمل وجه
ونفرح فيج عروس قريب

 

[غلاااا الروح]

احب امي ياااااااااااااقلبي انشالله تسوينها ومايئجلهاااااااا نشالله وتصيرين احلى العرايس اذا على الثقه كلنا بالهواه سوه بس لازم تشجعين نفسج حاااااولي وقولي الحمد الله على كل حال انا مره ثقتي ترتفع شووووووووووووي بنفسي ومره تهبط بس عاااااااااااادي قوووووووووووي عزيمتج وانشالله تطمنينا عليج

 

[dantella]

ماتتوقعون منو كلمت تلفون من شووووووووووووووي

تتوقعوووووووووون منو

























































دانتيلااااااااااااا


فديتها ماقصرت ارسلت لها مسج عالنقال ودقت علي على طول وكلمتها
وشرحت لي كل شي وريحتني بصراحه ربي يوفقها


____

سكووون ان شاء الله يخف حسيته صار احسن بعد المره بحط عليه الحين وانام

فديتج

دانتيلا قالت لي بيعطوني كمادات بعد العمليه بالمستشفى

حبيبي انتي ماصار شي وهذا قليل انتي اختي وحاسه بخوفج لاني مريت بهالمحاتاه من قبل وسامحيني عالقصور فديتج .. الله يطمن قلبج مابقا شي على جراحتج بس طمنينا عليج

ماعليه سامحوني انا تاركه الموضوع صارلي فتره انشغلت شوي بس لازلت اتابعكم يارب يوفقكم ويبرد قلوبكم كلكم
احبكم