مسوية جراحة فك .....قولي تجربتج هني

[أحب أمي]

اهلين بنات

انا حطيت التقويم 4-12-2008

والحمدلله متقبله شكلي صاير وجهي شحلاته ماشاء الله بيبي فيس

والشفايف تبارك الرحمن

بس الخشم نازل والارنبه كبيره شوي وعريض

انا خشمي قبل طويل وضعيف بس الحين صار فيه عرض

وجهه غير الثانيه بس الحمدلله الرضا عن الشكل ربي لك الحمد زين

والله يسهل اموركم جميع

واحلى شي ام شادن ان خيطوا الخشم انا لو مخيطينه لي
الله يسامحهم

 

[دموع منسيه]

رد : مسوية جراحة فك .....قولي تجربتج هني

حبيبتي دموع منسيه انتي نفس حالتي الاسنان ملبسه


انا قلت لج شنو قالي الدكتور بس شكلج ما انتبهتي عالمشاركه

يقول عادي نسويها اذا اسنانج ملبسه لان الشغل بالفك و ماراح يحطلي تقويم :d وناااسه مجرد يركبون سيووور


بس راح تشيلين التلبيس القديم ويحطلج تلبيس جديد بقياسات جديده ويكون التلبيس بااارز يعني اسنانج بارزه جدام نفس قبللل ولما يردون الفك راح ترد الاسنان

اهلين اختي ما انتبهت لردك سامحيني

كيف يعين اساني راح تظل بارزه يعني ماراح يتحسن منظري يكون احلى من قبل لاني انا مضايقني من اللثه لما اضحك تبرز اسنان وانا وجهي ضعيف كثير بنات انا خافت انصحوني

 

[el-zain]

هلووو احب امي ... الحمدلله اهم شي انج راظيه و مرتااحة و الخشم ان شاء الله امره هيين ....
انا حاطه التقويم قبلج بشهرين انا 9-10-2008 شمعنى انتي خلصتي قبلي ما يصير غش لوول

 

[أحب أمي]

ههههههههههه الزين على حسب حالة الاسنان كل حاله تفرق

 

[ام شادن2010]

احب امي كيفك حبيبتي انا دحين ليه اسبوع بالضبط بس مرة قاهرني وجهي مرة متغير مرة موحشة هل خلال شهر ممكن يتعدل

 

[غلاااه]

ام شادن

لا تخافين ..


اذكر دانتيلا الله يذكرها بالخير قالت انه اول ماشافت وجهها بعد العمليه كان يخرررررررررررررررررررررررررع

وكمان صافيه نفس كلامك

عاتي حبيبتي هذه بس بعد العمليه ان شاء الله خلال شهر بيتغير كل شيء .




​

 

[أحب أمي]

ام شادن ايه بيتغير هذا مو شكلج نهائيا

بيصغر الوجه اكثر بعد

لاتخافين

 

[دموع منسيه]

رد : مسوية جراحة فك .....قولي تجربتج هني

بنات مين منكم سوات عميلة الفكين العلي والسفلي جاوبني بسرعه امانه

 

[سيزرتفاح]

[سيزر تفاح !

اين انتي ؟
حابه ابدأ معك الجدول .:eh_s(6):

..

حبيبتي غلاه مشتاقه لك وللقروب كفيفكم بنات أخباركم أنا مسافرة الحين بس أرجع أفضي للقروب وأدخله وأبغى تتفاعلون معي في الجدول وتنظمونه معي .
ومبروك لك يأم شادن سويتي العمليه يارب تقومين بالسلامة وعقبالنا جميعا نسوي العمليه
أحب أمي كيف أمورك بخير

 

[عايشه بأمل]

صباح الخير


بنات ابي ارقام دكاتره جراحه غير النجاده

اذا ممكن

و وين عيادتهم ..

 

[هتاف القحطاني]

ام شادن

ابسالك انا بالرياض ودي اسوي في العسكري اهو حكومي ياخذ فلووس لانو انا بالحرس الوطني ومستشفى الحرس يقول للحالات اللي مرا مشوهه ومدري والله انا محتاره لانو انا الله لايعوق بشر مسويه يعني مسويه ماعندي غير هالكلام بس خايفه من التكلفه تكوون كثيره

وابي دكتوره مش دكتوور

فمادري وش الافضل الجامعي والا العسكري وفي غيره بالرياض
والعسكري ياخذ فلوووس؟؟؟

 

[نونة النور]

طيب نا اسناني تلبيس بس الاضراس ولاسنان لا اسناني يعني مااحط تقويم ياسلام يارب ودي اخلص بس الدكتوره الي حاجزه عندها عشان ابدا اخذه اجازه
هتاف انا من الرياض مثلك اذا تقدري بالحرس وعندك ملف انصحك تسوين فيه بس انا ماقدر ع الحرس يمكن الجامعي الله يسر امري وامرك

 

[نونة النور]

هتاف اذا ماحطيتي تقويم روحي لدكتوره ايمان القفيدي بامج بس هي اجازه الحين
لانك مثلي ماتبين دكتور

 

[نونة النور]

ام شادن انا مثلك الفك نازل مافيه بروز انتي لثتك تطلع؟
بس انا الدكتور قالي تقويم انا ماقلتله ان اسناني ملبسه
توقعون لازم تقويم يارب مابي تقويم ابي اسوي العمليه وارتاح

 

[barbie girl]

رد : مسوية جراحة فك .....قولي تجربتج هني

hiiiiiiiiiiiiiiiiiiiiiiii girls

how r u all



اللي سووا الهمليه حبايبي بسألكم شلون كانت اشكالكم بالمستشفى ؟؟ جذي نفس هالفيديو ؟؟ ومتى شلتوا الباند اللي دار مدار الويه

انا خايفه من ردة فعل عيالي اخاف جذي اصير عقب العمليه نفس الفيديو



انا بسوي فكين لان اللي تحت داش واللي فوق بارز



نونه النور انتي اي اسنان تلبيس؟؟؟ ترى انا اقصد الاسنان الاماميه اذا تلبيس ما تحتاجين تقويم على كلام الدكتور


http://www.youtube.com/watch?v=PpvMmnyTStg&feature=related

 

[سكـون]

السلام عليكم ورحمة الله وبركاته

شخباركم بنات؟ عساكم بخير؟

أم شادن الحمد لله على سلامتج وإن شاء الله ترضيج النتيجة يارب

غلاااه، الزين، أحب أمي، مس لولا،،, وكللللكم بنات شلونكم؟

ادري مقصرة، سامحوني

أولا انشعلت فعلا، ثانيا المنتدى لما ادخله احيان يعلق ويرفع الضغط، ثالثا والأهم ما احس ان عندي شيء جديد أضيفه حالي محلك سر الحمدلله على كل حال، ولا زلنا نسمع هالاسطوانه اللي هي العملية قربت

صراحه مادري، الأيام اللي فاتت دخلت وايد ع اليوتيوب اشوف اللي مسويين العملية وتطوراتها بالنسبة لهم، والزين في هالاجانب ان ماعندهم مشكلة يحطون صورهم وهم منفخين وبكل المراحل :d ونستفيد من تجاربهم المهم اني كثفت دخولي على حالاتهم، عشان اتهيأ <<يا كثر ما تهيأت

المهم قمت اشرح لاختي الحالة عشان أهيئهم نفسيا لأن أعرف اهلي حيل خوافين خصوصا الوالده الله يخليها
جان تخاف أختي وتقول لي ترى انا طول هالمدة مو مستوعبة انج بتسوينها احس بس كلام وعطتني محاضرة تقول ترى شكلج عادي وماحس انج محاجتها ليش تبهدلين نفسج وووو من هالكلام

مادري صراحة

وامس قاعده افكر بحالتي وشكثر صار لي تخيلو يا بنات لدرجة نسيت متى حاطة التقويم بس اللي متأكده منه إنه إما 2004 أو 2005 تخيلو يعني قريب الخمس او ست سنوات، هذا وانا اذكر انه يوم اول ماحطيت التقويم الدكتورة تكلمها امي تقولها يعني ياخذ له 3 سنوات، قالت لا لا شنو ثلاث سنوات بالكثير بالكثير وهذا إذا مطولة تاخد سنتين ونص بس!! والحين وين هالكلام

مادري صراحة، الحمدلله على كل حال هذا اللي اقوله

سامحوني بنات قصيت عليكم قصة حياتي كاملة خخخ، بس شسوي من التفكير
الحمدلله على كل حال
الحمدلله

 

[غلاااه]

سيز تفاح
ترجعين لنا بالسلامه .. :eh_s(7):

...


سكون

هلا وغلا ..

وعليكم السلام ورحمة الله وبركاته

والله يا عزيزتي كلنا حالنا موقف مثل خبرك .. الله لا يغضب علينا :bbbiu:


يلا مايخالف ان شاء الله تهون على خير.

وبالنسبه لكلام اختك .. حتى انا اسمعه احيانا بس اطنش لأني وصلت لحد خلاص مقدرش .

ويمكن لو جاء الجد انحاش هههه ..

اهم شيء الاستخاره والله ييسر .


دمتم بووود


​

 

[دموع منسيه]

رد : مسوية جراحة فك .....قولي تجربتج هني

بنات انا رحت للدكتور وانصدمت بالي قالو الي

 

[نونة النور]

هلا اختي باربي قيرل
مشاء الله عليك الله يسر امرك
شقلتي لابو العيال خخخخخ عشان اقوله مثلك
لا انا اضراسي تلبيس اسناني لا
يارب بدون تقويم يارب

 

[نونة النور]

دموع منسيه شقالو لك؟