مسوية جراحة فك .....قولي تجربتج هني

[رمز123]

الحمدلله ع سلامتك رمز
بأسالك كم شهر ظل التقويم باسنانك قبل العمليه ؟

الله يسلمك يارب ..

جلس علي التقويم سنه ونص والحين بعد العمليه " بعد مااشيل الحديد باسناني " بيحطون لي تقويم لمدة 6 - 9 شهور تقريبا ..

بناااااااااااااااااااااات ابسالكم بصراحة احترت على ردودكم وعندي اسئلة ياليت تردون علي

هل عملية الفك للي بس عندها اسنان متقدمه ؟؟؟

او لان ودها يجي شكل وجهها مربع ؟؟؟

وكيف اعرف اذا فكي محتاج عملية ؟؟؟

وهل يغير شكل انفي ويطلع قبيح ؟؟؟

لا الاسنان ينفع معها التقويم .. لكن بروز الفكين هو الي يحتاج لعمليه ..

وتري السالفه كلها نفسيه .. اذا شكلك عاجبك لا تسوينها .. واذا لا روحي لاي دكتور ثقه واستخيري وسويها ..

مرحبا بنات كيفكم أشتقت للقروب واشتقت للنت في السفر أنشغلت ماقدرت أشبك ايه كل عام وأنتم بخير
الله يعين الصبح عندي موعد التقويم يارب اخلص التقويم و أسوي العمليه قريبأ
وماشاءالله في تطورات واخبار زينه في القروب رمز123 سوت عمليتها عقبالنا يارب .
غلااه كيفك ها في تطورات وش سويتي
دموع منسية كيفك ماعليك لا تخافين تفائلي بعدين بدري على الخوف من العمليه انتي أبدي بالتقويم وخليها على الله .

عقبالكم يارب ..

السلام عليكم بنااااااات ...


عسى الله يوفقها يااااارب الي ترد علي بصرااحه

انا احاااااااااااتي حيييييييييل وملي الا الله وانتوا ..


بناااااات انا عندي مشكله عدم اطباق الفكين مع بعض (اسناني الاربعه الاماميه في الفك العلوي ما تتطابق مع اسناني الاربعه في الفك السفلي)


وبصراااااااااااااااااااااحه انا وحده خوااااااااافه حيييييييييييل ما تتصورين خاصه من طبيب الاسنان

المهم انا ويهي ضعيف وطويل .. وهذا الي خلاني اتشجع بعد حنه وروح وتعال اني اروح اراجع عند 4 دكاتره الاسناااااان


وكنت رااايحه على اساس تقويم ولاحظواااا مع هذا كنت ميته خووووووف >> تقويم وخايفه

الدكتوره رقم 1 :
اكشقت علي الدكتوووره قالت انتي عندج الضحكه العكسيه ما ادري المقلويه شي جذي ( الي فهمته انه فكي العلوي صغير اصغر من فكي السفلي المفرووض العكس )

وقالت تحتاجين تقويم لمدة جم شهر وعقبه لازم عمليه بدوون عمليه ماراخ تنحل المشكله


انا بغيييييييييت ابجي عندهااااااااااااااااا قلت تكفين ابي بس تقويم قالت اسمحيلي التيجه راح تكون مو حلووووه وانا ماراح اسويلج

رديييييييت البيت ضاااق خلقي كلمت رفيجتي قالت مالج شغل فيها روحي لدكتوووور ثاني


الدكتور رقم 2 :

كشف علي قااااااال لا عااادي ان شاءالله راح احلها بالتقويم بس رااااااح يطول عليج التقوووويم وراح احطلج تقويم داخلي وخارجي وجهاز توسيع للفك العلوووووي >> سالفه طويله
خذا القياسات وسوالي اشعه

بس انا ما ادري ليش ما ارتحت ما كملت عنده ..

الدكتور رقم 3:

شافني قالي انتي صح يستحسن عمليه عشان النتيجه تكووووووون حلوووووه وواضحه بس عادي اقدر اعدل من اسنانج بالتقويم

الدكتور رقم 4 :

نفس كلام الدكتور رقم 3 بس الي فرحني بنات قالي التحسن بيكون احتمال 80 %

انا الحييييييييين محتااااااره انصحوني ينااااااات شسوي

انا والله اتمنى يصير شكلي احلى ويقصر ويهي وكنت متوقعه ان التقويم بيحله بس الله يسامح بعض الدكاتره الي العبوا بحسبتي


انتوا شرايكم ؟؟

انا رأيي مايضر لو تحطين تقويم وتشوفين اذا اعجبتك النتيجه خلاص شيليه .. واذا لا سوي العمليه ..


موفقين يارب ..

 

[رمز123]

رد: رد : رد: رد : مسوية جراحة فك .....قولي تجربتج هني

اهلين سيزر...انا اراجع في المستشفى التخصصي الطبي احتمال اليوم يحددلي موعد العمليه:tomato2:

طمنيني عليك اذا حددت لك موعد ..

:eh_s(17):

 

[موفقه بأذن ربي]

رد : مسوية جراحة فك .....قولي تجربتج هني

هلا اختي رمز 123

انا اقصد هل اللي ودها يتحول وجهها من طويل الى مربع تنفع معها هالعملية ام لاااا ؟؟؟

 

[رمز123]

خلوني اقولكم سالفتي ..

انا وجهي طويل وعندي بروز بالفك العلوي وقمي سمايل " يعني اذا ضحكت او ابتسمت اللثه تبين كلها " + عدم تطابق الفكين والعضه + الفك السفلي راجع لورا + انحراف بالفك العلوي وهالانحراف مابين الا بعد ماخلصت مدة التقويم مع ان الدكتور قال لي من قبل انه فيه انحراف بالفك عندي بس ماكان باين .. بعد التقويم وصفة الاسنان صار واضح مررره ..

المهم رحت للدكتور عبدالله العتل " قبل سنه ونص " قال لي احط تقويم لمدة سنه ونص بعدين اجي اسويها " وهذا الي صار " ..
كان مقرر اسويها بالتخصصي قبل سنه ونص بس الدكتور عبدالله قال بسويها بمستشفى المملكه " عاد بعدين قال لامي انهم يريحون الدكتور بغرفة العمليات وكل شئ يلقاه جاهز له علشان كذا صار يسوي عملياته عندهم " ..


الخميس كان عندي موعد للمقاسات .. وكان الدكتور عبدالله العتل + الدكتور عصام جومر هم الي يشيكون على المقاسات .. ومعهم اوراق ومجسمات وحوسه .. وشرحوا لي وش بيصير بعد العمليه انتفاخ واستفراغ وتعب ووو الخ .. وخلوني اوقع على ورقه على كل شي بيسوونه لي ..

والاحد بعد طلبني الدكتور عبدالله العتل بالعيادات الخاصه وخذا مني مقاسات اخيره .. ودفعت للعيادات 30 الف ريال ..
الاثنين رحت الصبح مع امي واختي علشان التبرع بالدم وبالليل قابلت دكتور التخدير .. وبعدها دفعت 9500 ريال حقت حجز غرفة العمليات + النوم بالمستشفى الى الخميس ..

عمليتي كانت 8 الصبح ..

رحت للمستشفى 6 ونص صباحا ودخلت رفة العمليات 7 ونص تقريبا ..

الجو كان مرعب صراحه والدكتور عبدالله يحاول يلطف الجو لين انام بس انا خلاص قفلت معي هههههه مدري وش جاني تبلدت احاسيسي كنت حاسه اني خلاص بموت وامي واختي سلموا علي وانا رايحه للعمليات وجلسوا يبكون ههههههههههههه بعدها تبلد عندي الاحساس صرت ماني خايفه ولاني مرتاحه بس ابي انام واقوم واشوف وش يصير ..

والحمدلله عدت على خير ..

الصراحه مادري وش صار اول يوم بس الي ذاكره اني قمت من النوم وجلست استفرغ دممم بغت تطلع روحي .. وبعدها ذبحني البلغم وانتم بكرامه والممرضات يقولون لي اشربي علشان يروح بس ماقدرت ..

المفروض اطلع الخميس بس انا خايفه واهلي خايفين اكثر مني .. فقررت امدد يومين زياده .. بس الجمعه قالوا لي الدكاتره مايحتاج تجلسين اطلعي وتعالي لنا السبت نحط لك مطاطات نسكر فيها اسنانك واذا تحملتي ركبنا لك الحديد الاثنين ..

انا حلقي مرررره راح فيها .. وكان السبب انبوب التخدير .. وكل ماجو الدكاتره شافوا حلقي مررره متنفخ وماني قادره ابلع شي ..

على كثر فرحتي بانجاز العمليه وخلاص اخيرا سويتها .. جلست اصيح من التعب .. والدكتور عصام جومر ياخذ المرايه مني يحسبني ماني متقبله شكلي يقول هذا انسيه هذا مو شكلك لكني كنت اصيح من الالم وهو يجبرني اشرب قدامه هههههههههههه

بس فعلا الطاقم الطبي كان رووووووووووعه صراحه حسيتهم فعلا مهتمين مو بس عمليه ويلا السلام عليكم ..

وقالوا لاهلي اجلسوا لين نقول لكم روحوا لاننا نبي نوصله للامان مو بس يلا تروح ماندري هي بخير ولا لا ..

على فكره احتجت نقل دم " كيسين " وتثبيتات داخل الفكين .. وجلست يوم زياده بالمستشفى " وكلفني هالشي 5 الاف تقريبا ..

يعني تكاليف العمليه تقريبا 45 الف ريال .. والتعب مااكذب عليكم مررره متعبه بس يعني اول اسبوع بعدين الحمدلله كل شي يصير بحدود المعقول ومع المسكنات كل شي تمام الحمدلله ..

تعبت وانا اكتب .. الي عندها استفسار تسأل ..وعقبال كل وحده تسويها وترتااااااااااااح ..

 

[رمز123]

نصائح مهمه من تجربتي بعملية تعديل الفكين والذقن :

1- خذي معك للمستشفى مرّه علشان ماتشمتين - لان الممرضات بعضهم يحطون عطور تصك الراس
2- بعد ماتطلعين للبيت سوي لك كبو حق الشمم .. " انا بهذل فيني الشمم صراحه وجهي انتفخ اكثر من قبل مررررره ..
3- لا تاخذين مضاد حيوي اذا انتي ماكنتي تاكلين لاني تعبت من معدتي مااكل شي ومع المضاد اعوذ بالله ماقدرت انام .. وكلمت اختي الدكتور عبدالله العتل قال وقفوا المضاد وخذي مسكن اذا حسيتي بالم " انا اخذ مسكن فيفادول حق الاطفال الي علبته لونها وردي لانه خفيف على المعده + تقدرين تنامين اذا اخذتيه .. قبلها اعطاني الدكتور حبوب اذوبها بماء بس طعمها مر ماقدرت ابلعه .. ودورت بنادول السائل لان البنات الي مسوين العمليه مدحوه مررره بس مالقيته .. فأخترت فيفادول " طعمه مو زين بس احسن من غيره
4- الدكتور يقول لازم تنظفين اسنانك بفرشاه ومعجون .. بس لاني مااقدر افتح فمي .. مااشوف الا الاسنان الاماميه الاثنين الي فوق والي تحت .. اشتريت فرشة الاسنان هذي وقمت افرش اسناني شوي شوي .. واقدر اتحكم بالفرشه يمين ويسار ..

5- الدكتور اعطاني محلول للمضمضه اسمه corsody .. طعمه لاذع مرررره ياليت الي تبي تسوي العمليه تذوق طعمه قبل ماتستخدمه لانه مره لاذع ولو تبلعينه رحتي فيها ونبه علي اكثر من مره اني ما ابلعه ..

6 - للحين ماحطيت ثلج على وجهي وحتى بالمستشفى حطو لي اول يوميم 3 مرات تقريبا بعدين وقفوه .. امي سألت الدكتور قال لا مايحتاج مدري وش المشكله !! كل وحده تسأل وتشوف تحط ثلج ولا لا ..

وابي طلب منكم تدعون لي بالشفاء العاجل + الي تعرف طريقه يخف فيها الورم تقول لي ياها ..

 

[رمز123]

رد: رد : مسوية جراحة فك .....قولي تجربتج هني

هلا اختي رمز 123

انا اقصد هل اللي ودها يتحول وجهها من طويل الى مربع تنفع معها هالعملية ام لاااا ؟؟؟

هلا ..

حسب معلوماتي ان العمليه خاصه بالفكين بس مالها علاقه اذا وجهك طويل ولا لا ..

لان احيانا يتغير طول الوجه " يحتاجون يرفعون الفك ويرجعونه .. واحيانا لا ..

 

[المتفائلة دائما]

رد : مسوية جراحة فك .....قولي تجربتج هني

الله يقومك بالسلامه يارمز123 معلوماتك مرررره مفيده
بالنسبه للورم انا سألت الدكتور اذا فيه شي يخففها و يخليها تروح بسرعه ...قاللي اذا مره مأزمتك فيه ابر كورتيزون تحل المشكله

 

[رزه مرتزه]

رمز 123

هلا حبيبتي عسى الله يسهلها عليييج وين ما تروحين ويشافيج ويجملج بعين خلقه يااارب

بس انا خايفه ان التقويم ما يحل المشكله بالعكس يخليها تبين

وانا خواااااااااااااااافه لدرجه ما تتصورينها ( رحم الله امرء عرف قدر نفسه ) فمابي العمليه

لا انا ولا اهلي نرضى

 

[رزه مرتزه]

السلام عليكم بنااااااات ...


عسى الله يوفقها يااااارب الي ترد علي بصرااحه

انا احاااااااااااتي حيييييييييل وملي الا الله وانتوا ..


بناااااات انا عندي مشكله عدم اطباق الفكين مع بعض (اسناني الاربعه الاماميه في الفك العلوي ما تتطابق مع اسناني الاربعه في الفك السفلي)


وبصراااااااااااااااااااااحه انا وحده خوااااااااافه حيييييييييييل ما تتصورين خاصه من طبيب الاسنان

المهم انا ويهي ضعيف وطويل .. وهذا الي خلاني اتشجع بعد حنه وروح وتعال اني اروح اراجع عند 4 دكاتره الاسناااااان


وكنت رااايحه على اساس تقويم ولاحظواااا مع هذا كنت ميته خووووووف >> تقويم وخايفه

الدكتوره رقم 1 :
اكشقت علي الدكتوووره قالت انتي عندج الضحكه العكسيه ما ادري المقلويه شي جذي ( الي فهمته انه فكي العلوي صغير اصغر من فكي السفلي المفرووض العكس )

وقالت تحتاجين تقويم لمدة جم شهر وعقبه لازم عمليه بدوون عمليه ماراخ تنحل المشكله


انا بغيييييييييت ابجي عندهااااااااااااااااا قلت تكفين ابي بس تقويم قالت اسمحيلي التيجه راح تكون مو حلووووه وانا ماراح اسويلج

رديييييييت البيت ضاااق خلقي كلمت رفيجتي قالت مالج شغل فيها روحي لدكتوووور ثاني


الدكتور رقم 2 :

كشف علي قااااااال لا عااادي ان شاءالله راح احلها بالتقويم بس رااااااح يطول عليج التقوووويم وراح احطلج تقويم داخلي وخارجي وجهاز توسيع للفك العلوووووي >> سالفه طويله
خذا القياسات وسوالي اشعه

بس انا ما ادري ليش ما ارتحت ما كملت عنده ..

الدكتور رقم 3:

شافني قالي انتي صح يستحسن عمليه عشان النتيجه تكووووووون حلوووووه وواضحه بس عادي اقدر اعدل من اسنانج بالتقويم

الدكتور رقم 4 :

نفس كلام الدكتور رقم 3 بس الي فرحني بنات قالي التحسن بيكون احتمال 80 %

انا الحييييييييين محتااااااره انصحوني ينااااااات شسوي

انا والله اتمنى يصير شكلي احلى ويقصر ويهي وكنت متوقعه ان التقويم بيحله بس الله يسامح بعض الدكاتره الي العبوا بحسبتي


انتوا شرايكم ؟؟

بناااااااااااات وينكم

 

[سيزرتفاح]

رد: رد : رد: رد : مسوية جراحة فك .....قولي تجربتج هني

اهلين سيزر...انا اراجع في المستشفى التخصصي الطبي احتمال اليوم يحددلي موعد العمليه:tomato2:

حبيبتي ربي يسهل عليك ويكون موعد العمليه مثل ماتبين وعاد قوليلنا متى موعدك ؟

أنا أمس كان عندي شد التقويم وتسكير الفتحات والله حيل تعبني الشد كان أمس كله نايمه ماقدرت أتحرك من الألم ربي يعينا
حتى الدكتور قال ماعليش تعبناك مره وأنا مقروده وقردت الدكتور معاي وتعبته كل ما يبي يشد الخيط ينقطع ويعيد يسويه مره ثانيه حوسه قعدت ساعه ونص يحوس فيني كأني مثل أول ماركبته تعب هالأسنان جابت لنا الهم .

 

[سيزرتفاح]

بناااااااااااات وينكم

شوفي حبيبتي حالتي تقريبا زيك الاسنان الاماميه والفك العلوي ماتتطابق مع الأسنان السفليه وكمان الفك العلوي عندي صغير وداخل والسفلي كبير ومتقدم فقالي الدكتور نوسع لك الفك العلوي بالتقويم متحرك وفعلآ والله حيل توسع فكي بس أنه مايحل أبدا مشكلة التطابق وطلع شكل أسناني وفكي أحلى من أول اوكي بعدين سويت التقويم حق الجراحه الثابت ولسى ماخلصت منه اذا خلصت راح يسون لي جراحه عاد يكسرون العلوي وينزلونه على تحت والسفلي يرجعونه حتى يتطابق مع العلوي وشوفي مثل هالحالات كثير من الدكاتره ينصحون بالجراحه حتى تصلين للحل الأفضل مو الحل الأسهل وبس
أنتي مثلي في البدايه كنت متشتته زيك ومابقيت دكتور الا رحت عنده وهالشي يتعب نفسيآ ويشتتك .

أنا أقول روحي للدكتور رقم 1 أو 2 تشخيصهم لحالتك مثل الدكاتره اللي رحت لهم وسالفة التقويم ماضنيت أنه يحل مشكلتك وبس و أنتي شكلك خوافه شوفي صراحه العلميه حيل تخوف وكابوس بس شر لابد منه وكلنا نخاف منها بس لازم نسويها من بغى الدح ماقال أح انشاءالله أني أفدتك
أي أستفسار أنا حاضره لك .

 

[المتفائلة دائما]

رد : رد: رد : رد: رد : مسوية جراحة فك .....قولي تجربتج هني

حبيبتي ربي يسهل عليك ويكون موعد العمليه مثل ماتبين وعاد قوليلنا متى موعدك ؟

أنا أمس كان عندي شد التقويم وتسكير الفتحات والله حيل تعبني الشد كان أمس كله نايمه ماقدرت أتحرك من الألم ربي يعينا
حتى الدكتور قال ماعليش تعبناك مره وأنا مقروده وقردت الدكتور معاي وتعبته كل ما يبي يشد الخيط ينقطع ويعيد يسويه مره ثانيه حوسه قعدت ساعه ونص يحوس فيني كأني مثل أول ماركبته تعب هالأسنان جابت لنا الهم .

سلامتك من الالم...

الدكتور شافني امس و قالي بيرفع الفك العلوي 6 ملم من غير ترجيع"على كلامه ما احتاج ترجيع للفك العلوي!" وبيقدم الفك السفلي 5 ملم ولا راح يسوي تقديم للذقن يقول يمكن يعجبك شكلك من غير تقديم الذقن يكفي تقديم الفك السفلي...اذا بغيتي بعدين سويتلك الذقن "الصراحه احترت مالي خلق عمليه مره ثانيه و بنفس الوقت يمكن ما احتاج ياربي :bbbiu:
حدد لي موعد عمليتي على يوم الثلاثاء الجاي يمممممممه

 

[سيزرتفاح]

رد: رد : رد: رد : رد: رد : مسوية جراحة فك .....قولي تجربتج هني

سلامتك من الالم...

الدكتور شافني امس و قالي بيرفع الفك العلوي 6 ملم من غير ترجيع"على كلامه ما احتاج ترجيع للفك العلوي!" وبيقدم الفك السفلي 5 ملم ولا راح يسوي تقديم للذقن يقول يمكن يعجبك شكلك من غير تقديم الذقن يكفي تقديم الفك السفلي...اذا بغيتي بعدين سويتلك الذقن "الصراحه احترت مالي خلق عمليه مره ثانيه و بنفس الوقت يمكن ما احتاج ياربي :bbbiu:
حدد لي موعد عمليتي على يوم الثلاثاء الجاي يمممممممه

الله يسلمك أنتي حالتك عكسي تمامآ بس تصدقين ماعمري سألته عن الذقن حقي وماعمره جاب لي طاريه . صراحه حيره والله أنا أقول سوي مثل ما قال يمكن صدق مايحتاج وأنشاءالله ماتحتاجين عمليه ثانيه
على البركه الله يعينك عاد أستعدي نفسيا وجسديا هههههههه وطيحي بالأكل أشبعي منه و عقبالي يارب بس أنا شكلي مطوله على ماسوي العمليه عاد وافينا بالتفاصيل .

 

[غلاااه]

السلام عليكم روحمة الله

ما شاء الله انضم لنا بنات زياده

حياكم الله :hjy5jewf:



رمز 123 حمد لله على سلاااااااااااااااااامتك

وعقبالنا يااااارب:yaaaaaarb:


ان شاء الله ربي يهون عليك الآم والتعب وتقومين بالسلامه

بالنسبه للورم كانت تقوم الاخت احب امي .. إللي اذكره تقول تنقعين مره في مويه وتمسحين
بها وجهك يوميا ..

ولا يهمك راح اشيك على مشاركتها وانسخها لك هني ..

بندلعك شوي عشانك تو مسويه العمليه ههههه

..

المتفائله

ان شاء الله تقومين بالسلامه .. بس كيف بتسوينها في رمضان ؟؟!!

لو منك اجلها للعيد ..

...

سيزر تفاح ...كيفك يالغلااا ؟
خليك معي نغني يا ليل مطولك :bbbiu:


..

رزه مرتزه ..

استخيري كثير وان شاء الله ربي يوجهك للدكتور الافضل

بصراحه مابي احد يغلط غلطتي .. أنا قالوا لي عمليه لازم بعد التقويم لأن التقويم راح يحل جزء من المشكله

لكن انا رفضت .. والحين بعد ماشلت التقويم ولي تقريبا 5 سنين رجع الوضع مثل قبل بقليل وحسيت بندم قوووووووووووووووي

والحين رجعت للتقويم عشان اسوي العمليه ..:eh_s(11):


لذا استخيري .




​

 

[رمز123]

حبيبتي ربي يسهل عليك ويكون موعد العمليه مثل ماتبين وعاد قوليلنا متى موعدك ؟

أنا أمس كان عندي شد التقويم وتسكير الفتحات والله حيل تعبني الشد كان أمس كله نايمه ماقدرت أتحرك من الألم ربي يعينا
حتى الدكتور قال ماعليش تعبناك مره وأنا مقروده وقردت الدكتور معاي وتعبته كل ما يبي يشد الخيط ينقطع ويعيد يسويه مره ثانيه حوسه قعدت ساعه ونص يحوس فيني كأني مثل أول ماركبته تعب هالأسنان جابت لنا الهم .

لا حبيبتي لا تفكرين كذا عادي لا مقروده ولا شي ..

انا اسناني الاربع الي فوق تلبيسه ولو تشوفين انواع البهذله بالتقويم .. بس صامددده هههههههههه الحمدلله عدت سنه ونص التقويم على خير وسويت العمليه وبعدين بكمل التقويم وبتبهذل بعد بس معليش الي يبي الزين يتحمل .. وان شاء الله ربي يعوّض تعبنا وتصير اشكالنا احسن مما نتوقع ..

سلامتك من الالم...

الدكتور شافني امس و قالي بيرفع الفك العلوي 6 ملم من غير ترجيع"على كلامه ما احتاج ترجيع للفك العلوي!" وبيقدم الفك السفلي 5 ملم ولا راح يسوي تقديم للذقن يقول يمكن يعجبك شكلك من غير تقديم الذقن يكفي تقديم الفك السفلي...اذا بغيتي بعدين سويتلك الذقن "الصراحه احترت مالي خلق عمليه مره ثانيه و بنفس الوقت يمكن ما احتاج ياربي :bbbiu:
حدد لي موعد عمليتي على يوم الثلاثاء الجاي يمممممممه

زييين ماشاء الله .. نفس اليوم الي سويته فيه الثلاثاء المرعب هههههههه ..

ولا تخافين ولا شي هو مافيها خوف صراحه وراح تشوفين الدكتور عبدالله العتل والدكتور عصام جومر .. مررره يريحونك بالتعامل يعني تتبنجين وانتي مرتاحه صراحه ..

بس لا اوصيك كلي الي تشتهين الحين والله اني مشتهيه اكل هامبرجر ومشاوي اااااااااه بس الوعد اذا فكيت الي باسناني ان شاء الله

رمز 123 حمد لله على سلاااااااااااااااااامتك

وعقبالنا يااااارب:yaaaaaarb:


ان شاء الله ربي يهون عليك الآم والتعب وتقومين بالسلامه

بالنسبه للورم كانت تقوم الاخت احب امي .. إللي اذكره تقول تنقعين مره في مويه وتمسحين
بها وجهك يوميا ..

ولا يهمك راح اشيك على مشاركتها وانسخها لك هني ..

بندلعك شوي عشانك تو مسويه العمليه ههههه

..

​

ههههههههههههههه


ياحبي لك .. الله يسلمك ويرفع قدرك بالدنيا والاخره ..



بنات بتدلع شوي عليكم << ماتنعطى وجه :eh_s(20):

انا صار فيه حموضه بفمي .. نفس الي تجي بالمعده بس الحين طعمها بالفم وهالشي مررره مضايقني لان العصير طعمه يتغير يصير مررررر صرت اشيل هم اشرب شي علشان طعمه يصير يلوع الكبد

احد مر عليه كذا ؟

 

[رزه مرتزه]

شوفي حبيبتي حالتي تقريبا زيك الاسنان الاماميه والفك العلوي ماتتطابق مع الأسنان السفليه وكمان الفك العلوي عندي صغير وداخل والسفلي كبير ومتقدم فقالي الدكتور نوسع لك الفك العلوي بالتقويم متحرك وفعلآ والله حيل توسع فكي بس أنه مايحل أبدا مشكلة التطابق وطلع شكل أسناني وفكي أحلى من أول اوكي بعدين سويت التقويم حق الجراحه الثابت ولسى ماخلصت منه اذا خلصت راح يسون لي جراحه عاد يكسرون العلوي وينزلونه على تحت والسفلي يرجعونه حتى يتطابق مع العلوي وشوفي مثل هالحالات كثير من الدكاتره ينصحون بالجراحه حتى تصلين للحل الأفضل مو الحل الأسهل وبس
أنتي مثلي في البدايه كنت متشتته زيك ومابقيت دكتور الا رحت عنده وهالشي يتعب نفسيآ ويشتتك .

أنا أقول روحي للدكتور رقم 1 أو 2 تشخيصهم لحالتك مثل الدكاتره اللي رحت لهم وسالفة التقويم ماضنيت أنه يحل مشكلتك وبس و أنتي شكلك خوافه شوفي صراحه العلميه حيل تخوف وكابوس بس شر لابد منه وكلنا نخاف منها بس لازم نسويها من بغى الدح ماقال أح انشاءالله أني أفدتك
أي أستفسار أنا حاضره لك .

حبيبتي سيزززر عسى الله يوفقج ويسعدج ويجملج بعين خلقه يااااااااارب

انتي نفس حاااالتي طيب عندي اسئله واتمنى تجاوبينها

1- جهاز توسيع الفك شلون صاير وهل هو مؤلم ؟؟؟ وكم مدته قعد فيج ؟؟
2- الفك عندج تغير ؟؟ شلون من اي ناحيه وجهج قصر صار اعرض ؟؟
3- جم مدة التقويم كانت ؟؟


والله يعطيييييج الف عافيه حبيبتي ..

 

[رزه مرتزه]

استخيري كثير وان شاء الله ربي يوجهك للدكتور الافضل

بصراحه مابي احد يغلط غلطتي .. أنا قالوا لي عمليه لازم بعد التقويم لأن التقويم راح يحل جزء من المشكله

لكن انا رفضت .. والحين بعد ماشلت التقويم ولي تقريبا 5 سنين رجع الوضع مثل قبل بقليل وحسيت بندم قوووووووووووووووي

والحين رجعت للتقويم عشان اسوي العمليه ..:eh_s(11):

غلااااه حبيبتي عسى الله يسر امرج ويكتب لج الي فيه الخير

عندي سؤالين ؟..

كم كانت مدة تقويمج ؟

قلتي رجع شكلج مثل قبل .. شلووون بالضبط يعني التقويم ما صلح اي شي ؟؟

 

[المتفائلة دائما]

رد : رد: مسوية جراحة فك .....قولي تجربتج هني

ان شاء الله تقومين بالسلامه .. بس كيف بتسوينها في رمضان ؟؟!!

لو منك اجلها للعيد ..

هلا و غلا

انا العمليه المفروض مسويتها من شهر بس الله يهدي الدكتور خرب الخطه...
بسويها في رمضان لانه ما عندي مجال اسويها بعد كذا ارتباطات العمل و مدارس عيالي...

عندي نقطه ودي اذكرها...
على فكره عمري 32 سنه " ماادري منو قالت انو العمليه مرتبطه بعمر معين موووووصحيح"

رمز123 بشرينا عنك ...قدرتي تتكلمين والا لسه؟وعندي سؤال كم عمرك؟وكم نزل وزنك؟

 

[يارب تحقق حلمي]

بنااات ابي اسألكم الحين لما الدكتور يسوي لك المقاسات وكذاا الموعد اللي بعده وش يسوي ؟؟

وكم تنقصون من أوزاااانكم ؟؟ يعني تنقصون كثييير ؟؟

 

[المتفائلة دائما]

رد : رد: مسوية جراحة فك .....قولي تجربتج هني

بنااات ابي اسألكم الحين لما الدكتور يسوي لك المقاسات وكذاا الموعد اللي بعده وش يسوي ؟؟

شوفي ياطويلة العمر...

الدكتور ياخذلك:
1. القالب للاسنان العلويه و السفليه مثل اللي ياخذ دكتور التقويم
2. العضه-تعضين على قطعة شمع عشان يبين البعد"القاب" بين الفكين
3. قياسات لطول الوجه-اثلاث الوجه-المسافه بين اسفل الانف وبداية الشفه العلويه من فوق وغيرها
4.اشعه
5.صور فوتوغرافيه
وعلى هالاساس يصير عند الدكتورتصور للحاله ويبني عليها السيناريو او الخطة اللي بيعتمدها في العمليه ... مثلا كم ملم بيحرك الفك؟
وبعد كذا الموعد اللي بعد القياسات يقولك وش بيسوي لك و يحدد تاريخ العمليه بالاتفاق معك...وقبل العمليه بيوم تجين علشان التحاليل و تقابلين دكتور التخدير و لازم احد يتبرع لك بالدم...حالها حال اي عمليه ثانيه