مسوية جراحة فك .....قولي تجربتج هني

[innocence]

صباح الخير على الحلوين

انا من السعوديه ومن الرياض لقيت الموضوع هذا بالصدفه وانا اسوي سيرتش للدكتور عماد لاني شايله هم تغيير الانف بعد العمليه

وانا مثلكم احتاج عمليه بالفكين عندي بروز بالفك العلوي وكنت مركبه بريسز لكن البروز ماتعدل والشي الوحيد اللي استفدته منه هو ترتيب الاسنان يعني اسناني مصفوفه ومرتبه لكن مره متازمه نفسيا من البروز وخاصة اذا ضحكت تطلع لثتي ومااقدر اسكر فمي براحه بسبب هالبروز

رحت لدكتورين الاول صالح البازعي بمركز الحبيب والثاني زهير حيدر وكلهم قالو احتاج جراحه بالفكين عدا الدكتور زهير اضاف انو يمكن مو اكيد احتاج زياده بالذقن

انا اللي شايله همه هو تغير شكل الانف وهو اللي مخليني اتردد كثير لان الدكتور زهير قال فتحات الانف راح تكبر لكن ممكن يسيطر عليها اثناء العمليه ويخيط لي طرفي الانف بعظمة الفك عشان يكون التغير بسيط لكن التغير لابد منه

فانا توقعت ان الدكتور عماد نجاده عنده الحل خاصة لما عرفت انه جراح تجميل وممكن يسوي لي تعديل للانف بنفس الوقت ومااحتاج عمليه ثانيه لتعديله بعد عملية الفك لكن من كلامك يادانتيلا معناتها مافي اي حل مع اني شايفه صور كثيره ومواقع لتجارب ناس سووها بامريكا واروبا وخشومهم ماتغيرت ماادري ايش السر

والان احس اني متشجعه اني اسوي العمليه حتى لو تغير خشمي راح اضحي واذا مره مره تشوه اعدله

ودي اسالك يادانتيلا

هل انتي مبسوطه وراضيه من النتيجه 100% وهل تقبلتي شكلك الجديد؟

هل العمليه تستاهل اني اتحمل تبعاتها ومضاعفاتها؟

لو رجع بك الزمن لورا هل راح تقررين انك تسوين العمليه او لا؟

هل انتي ندمانه عشان خشمك تغير وقلتي ياليتني ماسويتها؟

ايش المضاعفات او المشاكل اللي قالك عنها الدكتور وحصلت فعلا واذا فيه مشاكل قالك انها ممكن تحصل ولا حصلت اذكريها اذا ممكن؟؟ ونفس الشي بالنسبه للمنافع اللي جنيتيها يعني بالنسبه للشكل وغيره

واذا تذكرت اساله ثانيه راح اسالك ارجو انك تتحمليني واسفه عالاطاله وكثرة الاسئله

والف الحمد لله عالسلامه

 

[^kloOot^]

شااااااااااااااااكره مروركم

 

[بدوره 22]

بنات انا رحت عند نائل وقالي احتاج العمليه.... انا فكي السفلي عوي بس مو مبين حتى هو لمن قتله مالاحظ
الا عقب ما دقق فيني واخذ ربع ساعه بس يمك ويهد ويخز وعقب قالي صح تحتاجين عمليه بالفك السفلي هو ماشا الله شاطر ويسمونه اسد الجراحه بس اخاف اسويها بالكويت والله .... المشكله ان الحين قاعده احس بتنمبل بويهي ومافي دكتور عارف السبب , مادري ليش انا حاسه ان من الفك ويهي قام ينمل ...........

بنات محتارة والله مادري شسوي هو قالي انتي محتاجه العمليع بس هم فكري ترى وايد متعبه ومن كلامه ترددت عفيه اللي مجربتها تقولي تفاصيلها على الخاص الله يخليكم خواتي

 

[dantella]

حبيبتس انسنس سامحيني اني مارديت عليج بسرعه كنت مسافره وتوني اشوف اسئلتج
بالنسبه لي اذا كنت مبسوطه ولا لاء .... شلون ما اكون مبسوطه وشكلي تغير للاحسن والمضغ صار عندي احسن
العمليه تستاهل او ماتستاهل يعتمد هالشي على راعيه المشكله نفسها ... يعني الشغله نسبيه ممكن ناس يحسون ان هالشي وايد مهم وومكن ناس لا عادي متعايشين مع الوضع خصوصا ان مو مشكله خاصه مثلا بالقلب او اعاقه او غيره من الامراض الصحيه
بالنسبه لي لو رجع الزمن لي ورا وانا عارفه متاعبها هم ارجع وتسويها لكن ما اظن ان احد غيري يتحمل عواقبها الي لازلت اتحمل شوي منها واهي صعوبه التفس من الانف نفسه
بالنسبه للخشم فالدكتور كان قايل لي قبل لا سوي الجراحه ان خشمي راح يتغير ولي الحريه اذا بعدله ا و لا وما ندمت لان راح اسوي الجراحه وبيتعدل
شوفي مافي جراحه مافيها مضاعفات على المدى القريب او البعيد والي حاس نفسه مو محتاج جراحه ما اتمنى ان يسوي جراحه عبط
كافي تاثير البنج الي لي الحين انا اعاني منه ... من دوخه وخلافه ... كافي فقدان الدم الي يصير والي صعب انج تعوضينه حتى لو نقلو لج دم
حاليا انا اعاني من فقدان الذاكره وعدم التركيز والدوخه وصعوبه التنفس لان العمليه اظن تغير شوي من مجرى التنفس او تاثر علي
الاحساس بالشفايف .. لازلت اجرح نفسي وانا موحاسه ... اقعد من النوم القا اسناني عاظه على شفايفي
مو مع كل الناس الاحساس يرجع بسرعه مع اني داومت على التمارين الي الدكتور يطلبها مني
مع هذا تسأليني ندمانه ؟؟؟؟ اقولج لا لاني داشه العمليه باقتناع بس ما اقدر اطلب من غيري ان يقتنع نفسي لان كل انسان ورايه ونظرته للامور
وانا حاضره لكل اسئلتج يا عسل

 

[innocence]

كلامك جدا مشجع بالنسبه لي على الرغم من البعض يمكن يتخوف اكثر

لكن انا عندي الاستعداد اني اتحمل كل العواقب لاني فعلا مو قادره اتعايش مع هالوضع واتقبل شكلي وثقتي بنفسي معدوووووومه وفوق هذا ماثر على قرارات مصيريه بحياتي مثل الزواج او الوظيفه واختلاطي بالناس

انا ماانكر ان شكلي مقبول نوعا ما وكثييير يقولون اني مملوحه وشكلي حلو لكن مو قادره اتقبل ان يكون عندي هالتشوه ولما عرفت ان له حل صممت اني احصل عليه باي ثمن وعندي كامل الاستعداد اني اتحمل العواقب


لكن اهلي جدا معارضين وبشددده وحتى لو فتحت الموضوع معاهم يسكتوني او يقولون اجلي الموضوع وانا بصراحه مو صغيره عمري 24 الى متى وانا ااجل او حتى اتناسى الموضوع مو قادره ابدا

سوري على كثرة الهذره لكن اللي عنده هالمشكله اكيد بيكون حاسس فيني


دانتيلا الف شكر على الاجابه والله يجزاك الف خير لكن حبيت اسالك عن صعوبة التنفس من الانف ايش سببها هل كنتي تعانين منه قبل العمليه او عندك عيب بالحاجز الانفي؟

انا سبق وعملت عمليه وعدلت الحاجز الانفي لانه كان مايل وماثر علي خاصة اذا جاتني انفلونزا يجيني احتقان شديد لكن الحمد لله الان احسن

وسؤال ثاني فقدان الذاكره وعدم التركيز والدوخه هل بسبب البنج على انك تقولين صار لك 7 شهور من سويتيها؟؟

واسفه على الاطاله

 

[^kloOot^]

للرفع

 

[dantella]

حبيبتي موضوع التنفس لمن اسئل فيه الدكتور يقولي ممكن يكون من الجراحه وممكن مني انا لان اهو لمن يحرك الفك الفوقي يتحرك معاي الانف واجهزته ........ واهو قالي ان مو الكل تصير معاهم هالمشكله ....... يمكن بسبب ان عندي جيوب انفيه بعد
موضوع المشكله النفسيه ياعمري نفسه اهو الي كنت اعاني منه ....... كنت دوم ابي تكون لي ابتسامه وصفه اسنان مثل الناس ........ ولو كان هالشي سخيف ليش الحكومه مستعده ان تعالجنا ومجاني وتتحمل وزر هالنفقات ؟؟؟ معناها الموضوع صحي اكثر منه تجميلي
لكن ما اقدر الوم الي يقولي والله خايف او متردد لان فعلا تحتاج قلب حديد ... ولا الوم الي يحاول يدور الحلول المؤقته
بس بالنسبه لنتايجها ممتازه ....... اتكلم عن نفسي وعن الي كانو محيطين فيني وسووها لان هالموضوع منتشر وايد بعايلتنا وانا كنت اخر من اجراها لسبب الي اهو ........ الخوووووووووووووووووف
ههههههههههه
بنت عمي عمرها 18 سنه لما سواتها وقدرت وقامت على حيلها ........... وانا ما اقدر ؟؟؟
مع ان اهي لمن سوتها كان وزنها 50 وطولها 160
يعني مافيها ذيك القوه ..... معناته الموضوع مقدور عليه ......... بس يبيله قوه تحمل واراده
ما اقولج سوي نفسي ورضا الوالدين مطلوب بس انا اهلي ماكانو موافقين ودخلت المستشفى بروحي وطلعت منه بروحي
حتى لمن بغو من الوالد توقيع الموافقه على الجراحه رفض ولو ما انا اشتغل بوزاره الصحه واعرف المسؤولين هناك ماكانو سووها لي
بس حبيت اوضح لج شكثر كنت مصممه على الجراحه

 

[dantella]

بالنسبه لحالتي قبل الجراحه .... بطفولتي ماكنت اعاني من شي ........ مع بدايه مرحله البلوغ بدت المشكله واتذكر اني كنت لمن اتوتر احس بثقل بمفصل الفكين ولا كنت اعرف السبب ... مع الايام بديت احس في بروز بالفك التحتي ومشكله لمن اسكر حلجي على بعض
وبدت تصير فتحته بالوسط ... الي اذا بغيت اعظ مثلا خبزه ما اقدر تطلع من بين الفتحه
بالنسبه لابتسامتي ماكانت لثتي بارزه ... البروز كان 2 مل والفك كان معكوس يعني الي تحت اكبر من الي فوق مع انحراف بالفك السفلي جهه اليمين
طبعا من اكبر المشاكل ان لمن انام لازم حلجي مفتوح لان ما يتسكر وهالشي اثر على صفه الاسنان وفاقم المشكله
وكان يصير معاي مشاكل بالاذن التهابات وخلافه وكان يقولي الدكتور ان عظمه الفك لانها بالمكان الغلط كانت تضغط على الاذن
مممممممممممممم اتذكر وارجع اكتب

 

[^kloOot^]

للرفع

 

[dantella]

للرفع عشان عيون ام جوري

 

[^^ROSE^^]

محارة
شصار عليج حبوبة راجعتي الدكتور عادل العصفور بعد ولا لأ؟
ومتى ان شاء الله عمليتج
لاتنسين تكتبين لنا المستجدات اول بأول

 

[^^ROSE^^]

بنات لقيت لكم منتجات تساعدكم على الاكل والشرب بعد الجراحة
المنتجات من ماركة Zip-n-Squeeze
مصممتهم دكتورة حق اللي مسوين عمليات بالفك او الاسنان ومايقدرون ياكلون بسهوله وحتى مايحتاي تمصون العود

شوفوا المنتجات

The Zip-n-Squeeze Bags

هذا الجيس تحطون فيه اي مشروب تبونه او حتى شوربه وتشربون منه عادي مجرد تضغطون على الجيس وبيطلع السائل بدون ماتمصون العود لان وقتها ماتقدرون تمصون
وهذي هي الصفحة اللي فيها المنتج
http://www.zip-n-squeeze.com/zns.html


وعندكم هذا نفس الطريقة
The Soft-Sipp Bottles

ينفع حتى لليهال الصغار
وهذي صفحة المنتج
http://www.zip-n-squeeze.com/softsipp.html


وعندكم هالمنتج يغنيكم عن الكمادات الحارة والباردة
The Cool-Jaw Wrap

هو ينلف على الراس مكان الورم وتقدرون تحطونه بالفريزر عشان يبرد الجل اللي فيه ويغنيمن عن كمادات الثلج
وهذي الصفحة مالت المنتج
http://www.zip-n-squeeze.com/wrap.html

ان شاء الله تفيدكم هالمنتجات انا ان شاء الله بشتري منهم قبل عمليتي لان صج عمليين وينفعون

 

[^^ROSE^^]

للرفع
وينكم بنات؟

 

[ChoCaHolic]

وااي هالموضوع احلم فيه بالليل من كثر ما افكر فيه

اتمنى اللي عندها خبره تساعدني...

طال عمركم انا ويهي صاير طوالي والسبه الفك عندي .. واللثه عندي شوي تبين لما اضحك فمضايقتني..وتدرون ساعات ملامح الوي تصير حلوه بس قصة الوي اذا صارت بالطول تظلم الملامح وتعطي الانسان عمر اكبر من عمره ..يعني مثلا للتوضيح اكثر.. انا تحت عيوني اللي يشوفني يقول عندي هالات سود على مدار العين , بس اللي فيني مو هالات سود ..اللي فيني ان ماعندي cheek bones
ولان الوي صاير بالطول فحتى لو في خدود ماراح يبينون فالوي يصير نحييف وايد حتى لو اسمن مايبين اني سمنت والجلد اللي تحت العين صار لاصق بالعظم ماكو شحم بهالمنطقه فصاير تحت العين مثل خط كأنه هالات سود وهالشي مضيق خلقي وايد
دايما الناس عبالهم اني تعبانه او مو نايمه وهالشي يحبط :\

المهم ما اطولها عليكم..رحت حق دكتور عماد بعد ماقريت كلامكم.. وقالي اني اقدر اختار مابين العمليه وبين اني اتفخ الخدود او شغله ثانيه تغنيني عن العمليه..بس انا توني 22 ومابي شي مو طبيعي بويهي اتعود عليه فتره بعدين يفش وارد اتفخ..ابي شي يتم معاي العمر كله
قالي خليني اشوف الاشعه وادرسها عدل واقولج..
وقلت هم فرصه عشان اخذ رايكم وافكر بالموضوع اكثر..
شرايكم؟ انا شوي خايفه..بس من كثر ما الموضوع مضيق خلقي سنييييييييييين احس مستعده اسوي اي شي, بس اكثر شي مخوفني البنج العام؟ ومسألة الخشم خايفه يرتفع بروحه خشمي مرفوع من الله فمابيه يخترب ماودي اعدل شي واخرب شي ثاني :\

 

[dantella]

دكتور عماد قالج تقدرين تسوين الجراحه من غير تقويم اسنان ؟؟؟

 

[JaGuar]

روز بليز انا احتمال اسوي عمليه الفكين ابي تتواصلين معاي على الايميل او اي وسيله اتصال ثانيه حيل خايفه متردده وشكرا..

 

[^kloOot^]

مااااااااااااتشوفون شر

 

[TBOOLA]

كان عندي مشاكل بالفك ورحت عياده بنيد القار اعتقد
ساعات اسمع الفك وساعات يعلق مااقدر افتح حلجي كله
طبعا السبب اني كنت اتثاوب جني اسد لوووول ....اكل البنك والاشياء اليابسه تضر بعد بالفك
:
قالي الدكتور عندج مفصل الفك راخي وعلاجه صعب ماانصحج فيها
لازم انا احافظ من نفسي لما يخف
اما العمليه ما نصحني فيها كلششششششششش
لان العمليه وااااااااااايد صعبه واي خطأ ممكن تسبب شلل الوجوه الله يكافيكم شره
:
حافظو وراح يخف ان شاءالله
الا الحالات الصعبه اتوقع لازم علاج ؛/

 

[^kloOot^]

تبوله ماشوفين شر
ذكرتبنى بنفسي للما اثااااااااااااوب اسمع صوت طقه (طق طق ) واللي يمى يسمعونه واضح احراج بصراحه
بس انا خلاص قررت انى ما اسويها سالت واااااايد دكاتره قالولى ما تحتاجينه لانه حالتى عاديه وهالعمليه صعبه حيييييييييييييييل
بس دكتور نائل كبر الموضوع شوى ولا انا وسهي وفكي طبيعي بس من التقويم اسنانى دشوا داااااااخل وصارت ما تتطابق بس عادي

 

[sweet.sweet]

امبيه ترى العمليه حيل صعبه واعرف وحده سوتها وترى اهي مو اي دكتور يسويها لانها خطره والمريض ترى يدش العنايه عقبها من خطورتها لان الفك كله اعصاب ويبيله جراح متخصص.