مسوية جراحة فك .....قولي تجربتج هني

[dantella]

اها روز فكره عمليتج مختلفه ...

 

[dantella]

فتفوته .... اي وايد ضعفت قطيت بهالشر 15 كيلو .... بس عقب صرت احسن لن بلشت اكل ....... اذكر كان الدكتور يوصي الضعاف قبل العمليه ان يزيدون 10 كيلو تقريبا عشان لايتعبون عقب الجراحه

 

[ftafet85]

واي وناسه جانزين اضعف عقب العمليه اقولج شي بس لا تضحكين من الاشياء الي محببتني بالعمليه انا راح اضعف يعني انا اراده ميح وادا سويت رجيم تيني كابه خيال فمره وحده كابه بكابه

 

[dantella]

لووووووووووول يعني نيو لوك .... بس هم انتبهي لصحتج من الحين ... يعني جيكي اذا معاج فقر دم او سوء تغذيه وبلشي اذا احتجتي مكملات غذائه من الحين ... عشان لايضعف دمج ... لان ترا فيها نزف دم شويه ... صج ان يحطونلج دم ... بس ترا انا صار معاي ثعلبه تخيلي وقرعت والسبه ان الدم ضعف والتغديه موزينه ... صج ان شهر بس لاتنسين ان عقب هالشهر هم ماراح تقدرين تاكلين عدل

 

[سارة252]

وفيه شي اسمه انشور الدكتور نصحني عليه مررة زين
لأن طعمه حلو وفيه كل الفتمينات خذي منه في اليوم 4 بتسير صحتك ان شاءالله تمام

 

[dantella]

هلا حبيبتي ساره .......... شنو اهو بالضبط يعني مثل مكمل غذائي ؟ وشلون تاخذينه ؟... شراب ؟

 

[غرشة عطر]

حبيباتي ابي منكم الخبررره انا معاي الم باذني والم بعظمة الفك صوب اليسار تقريبا صار لي 5 شهور بس يزيد علي اكل بندول او بروفين
قبل جم يوم رحت للعدان شافني وحولوني علي العياده الصبح عند الدكتور فواز وضغط علي عظمة الفك اللي صوب الاذن قعدت اصارخ يعورني الم مثل الكهربا بنات جذيه تحسون فيه عاد قال روحي لدكتور اسنان الفك بالاسنان يوم الاحد دكتور بيتر جنسيته تشيكي واهو يقرر شيسوي لج انا خااايفه لان اسناني ماتسكر علي بعض احس معووجه واهو بعد انتبه لي

ابي احسن دكتور وابي اعرف تهقوون بيسون لي عمليه والله حدي خااايفه

 

[ملك]

الله يسخر لكم الدكتور الزين ماتشوفون شر حبيباتي

 

[dantella]

هلا حبيبتي غرشه عطر .......... ماتشوفين شر يارب .......... انتي شكوتج مختلفه ......... احنا نتكلم عن عدم تطابق الفكين ان واحد فيهم متقدم عن الثاني او الي يسمونها العضه المقلوبه ......... انتي من متى تحسين بهالشغله ؟ من وانتي صغيره ولا بس هالايام ؟ ولاتخافين لازم تراجعين الدكتور عشان يطمنج وان شاء الله ماكو الا العافيه

 

[dantella]

مشكوره حبيبتي ملك على هالدعوه الحلوه والله يوفق الجميع .

 

[امووله23]

هاايز ^KloOot^

انا الصراحه كنت قاعده ادور بgoogle عن دكاترة الجراحه وشفت موضوعج وسجلت عشان افيدج من تجربتي

انا عمري 16 وعندي مشكله بالفك السفلي يعني underbite ولازم اسوي عمليه.. تقريبا من سنه ونص رحت عياده خاصه وقالي تحتاجين عمليه. بديت اعالج عنده واهيا شوي تطول.. لازم تحطين تقويم وبعدييين تسوين العمليه.. فانا بشهر 8 انشاالله راح احط التقويم والعمليه عالصيف الياي يمكن بمستشفى المبارك.! انزين حق العمليه اهيا تستغرق من 4 الى 5 ساعات. بنج كامل.. ويحطلح بالتقويم بعد العمليه سيور من فوق لتحت عشان يسرع عمليه الشفاء يعني عادي ممكن تتكلمين.. ولازم بعدين اكلج كله يكون سوائل واشياء بالخلاط تقريبا شهرين.. والانتفاخات اللي بالويه بتروح تقريبا بعد شهر او اقل... للاكل لازم تستخدمين ابره مخصصه للاكل... يعني تعبينها وتضغطينها بحلجج لان ماتقدرين تبطلينه...
الصراحه انا مو خايفه من العمليه لان بعد ما تكلمت مع واايد ناس سووا العمليه وشفت صورهم قبل وبعد ارتحت وايد...
وحتى اهم قالوا انه احسن قرار انه سووا العمليه...

انا يبت لج هذول الفيديوات حق نا سووا العمليات... واذا تبين تقدرين تتواصلين معاهم

قبل: http://www.youtube.com/watch?v=15ULJneTAKY
ثاني يوم من العمليه: http://www.youtube.com/watch?v=Z3VqhRfG7sA
بعد شهر من العمليه: http://www.youtube.com/watch?v=xCZH6xY-W6Q&feature=channel

وتقدرين تلاحظين الفرق!!

اذا تبين تشوفين اشخاص بعد قبل وبعد تقدرين تروحين يوتيوب وتكتبين corrective jaw surgery

والله كل اللي سألتهم قالوا انهم يحسون احسن بعد العمليه وان العوار يسيطرون عليه بمسكن للآلام...
انا بحاول ايبلج صورة الابره

واذا تبين معلومات اكثر لا تترددين تسألين!

 

[امووله23]

غرشة عطر..

انا بعد ايني عوار صوب الاذن عند الفك.. وقلت حق الدكتور وقالي انه هالمكان فيه عصب.. فالكين يضغطون عليه.. والاحسن انه تعالجينه واذا لازم عمليه سوويها ولا تخافين

 

[سارة252]

اهلين dantella بسالك الحين لما كانت عندك منطقة الشنب منتفخة كنتي تحسين انها قاسية شوي؟
وهل راح هذ الشعور ولا لا؟

 

[Ba3aD^ChaBDy]

بناااات اليوم رفيجتي سوت العملية حق الفك السفلي
سوتها بالاميري من الساعة 8 و نص لي ال 4 العصر
و بينومونها يومين بالعناية و باجر يفج عنها البنج ان شاء الله و بعدين مادري شكثر بتنام بالمستشفى

بنااات بلييز ادعووولها الله يقومها بالسلامة ان شاء الله
انا حدي قاعدة احاتيها و كل شوي اذكرها و ابجي
البنية عمرها 21 بالجامعة

 

[dantella]

بناااات اليوم رفيجتي سوت العملية حق الفك السفلي
سوتها بالاميري من الساعة 8 و نص لي ال 4 العصر
و بينومونها يومين بالعناية و باجر يفج عنها البنج ان شاء الله و بعدين مادري شكثر بتنام بالمستشفى

بنااات بلييز ادعووولها الله يقومها بالسلامة ان شاء الله
انا حدي قاعدة احاتيها و كل شوي اذكرها و ابجي
البنية عمرها 21 بالجامعة

الله يقومها بالسلامه ........ لاتحاتين حبيبتي وعموما كل ماكانت اصغر بالعمر كل ماكان احسن لها ...... انا سويتها وشوفيني الحين مافيني شي والحمدالله مع ان انا الصوبين فوق وتحت ...... ماقولج انها مومتعبه بس مومستحيله وعادي نقوم مافينا شي ........ ان شاء الله ماعليها الا العافيه

 

[Ba3aD^ChaBDy]

مشكورة حبيبتي طمنتيني بكلامج و ان شاء الله تقوم بالسلامة
اليوم رحتلها زينة الحمدالله بس ما كانت تتكلم و تكتب بالاوراق
و اهي بمستشفى البابطين مو الاميري

 

[dantella]

اي عادي بتظل جذي مده شهر لان بكون حلجها مسكر .......... وهم لي بطلو السيور هم بتلاقي صعوبه بالكلام الحجي بكون ثقيل عليها هم عادي لاتحاتون كلشي يتعدل مع الوقت

 

[الجود2005]

السلام عليكم ورحمة الله وبركاته

يسعدكم من جد متعاونين وريحتوني خاصه الاخت دانتيلا
......
اول شي .. انا عمري 19 ومشكلتي بالفكين عندي تقدم..بس السفلي اوضح تقدمه...
ومتعقده مره من شكله و ع كثر ماني خايفه من العمليه ع كثر ماني مصره اني اعملها
....
بس ابي اسأل هل ضروري اركب تقويم لمدة سنه ؟؟؟؟ فكل الحالات يعني لازم ؟؟؟
من جد مافيني صبر سنه خلاص ودي افتك ...:0bee2e8d89:


وانا شايله هم التنفخات لان شكلها يوما مره يخوف
ابسأل بعد كم من العمليه يصير الشكل مقبووول يعني؟؟

انا ناويه اسويها في الرياض مدري اذا فيه احد يعرف دكتور شاطر ؟؟ياليت يفيدني

ويعطيكم ألف عااااااااااااااااااااافيه

 

[الجود2005]

وووويييييييييييييييييينكمممممممممم ردوووو علي تكفووووون
و الله محتاجه اعرف ضرووووووووري

 

[dantella]

هلا حبيبتي الجوده ........ اي لازم التقويم ......... لازم ماتدشين هالعمليه الا والتقويم مركب على اسنانج واساسا ماينشال الا عقب الجراحه ب4 اشهر .......... عشان الاسنان لاتطيح لاسمح الله عقب الجراحه ......... بالنسبه للشكل انا والله شخصيا بديت احكم على شكلي بعد مرور سنه بالضبط ........ اهو بعد مرور 4 شهور بتحسين ان كل الورم راح ....... بس مو هذا شكلج النهائي الملامح ماراح تتشكل الا بعد مرور سنه