مشاعر للذكرى ...

[نايفة الوصوف]

بسم الله الرحمن الرحيم .....

ها هي الحياه..
تأبى ان تستقر على حال...
وتأبى ان تبوح لنا بما تحمله لنا في ايامها ...
تجعلنا نعيش لحظات :
،؛،سعاده ،؛،
،؛،حزن ،؛،
،؛،امل ،؛،
،؛،يأس،؛،
،؛،حب ،؛،
،؛،كره ،؛،

ولا نملك الا ان نبوح نحن بما تجعلنا نعيشه لذا احببت ان تجمل طيات هذا المنتدى بعضا من بوح مشاعري


واول من يستحق هذا البوح هو :

،؛، محمد صلى الله عليه وسلم ،؛،

دعت سمرالجدايل وانتخت بالقذلة الهلة 000تبي مني عروس للقصيد ازريت لاغويها
ويوم اني لقيت لها الخلود وجيت ابوصل له000 تنحرك الكلام اللي فهقها دون مغليها
خضع لك راس مسبوق القصايد وانحنى كله000 وانا بك شاعرالدنيا ومشغلها وماليها
يذكرني رحيلك مجلس باق على حله 000مداهيل الرجال اللي تنومسنا مواطيها
هنا سليت سيف يوفي الثارين من سله000هنا علقت رمح يطعن الجوزا ويطفيها
هنا بينت مصحفك الكريم ودلنا دله000معك نبدا مواعيد الكلام وننتهي فيها
هنا ساقيت غصن من غلا كنا تحت ظله000نسولف بالغنا يا بايع الدنيا وشاريها
هنا كان الرجال جبال ما تقبل خنا الزلة000عمايمها سحاب وابله باقي مواظيها
رجال لو تشوف الماء غدر ما شربته لله000نبت عشب الرضا يا سيدي بأول مغازيها
هل التوحيد وكنوز العلوم ونصرة الملة000رجال يضحك التاريخ لولها وتاليها
هنا ماضيك ورياض الخليل اللي رعى خله000شربنا عذبها مدري لعبنا في مغانيها
هنا تخنقني العبرة وانا اكتب يا رسول الله000على قبرك نسيت الناس حاقدها وحانيها
وابو قبر يتيه من الفخر بالبيد وتجله000على حسد تبين من سمايمها وصاليها
ويهناك الوفا قبر يضمك في ثرا تله000ما دامه بين فردوس الجنان وبين منشيها
وانا لامن ذكرت فراقك اللي في يدي غله000نسيت ان الليالي شيبتني من بلاويها
على بعد الزمان اللي يعقد الحبل ويحله000ليامني ذكرتك طاحت الدمعة وراعيها
سلام الله ما هز الصبا نسرينه و فله000على الطفل اليتيم اللي عطى الدنيا معانيها






،؛، وشلون ما نبكي على فقد جابر ،؛،

الله يعين العقل ويثبت الدين
فى حزن لا منسى ولا هو بعابر

بصدورنا كنه طعون السكاكين
ولعيوننا مثل الكفن والمقابر

حنا حزنا للشيوخ البعيدين
وشلون ما نحزن على الشيخ جابر؟

يااكبر غلا تدمع علشانه العين
يا اعز من ناحت عليه المنابر

يا متعب بعطفك شموخ السلاطين
ويا مثبت بسهدك سمو المخابر

يامن خلقه الله وطن للمساكين
يا اصدق قصيدن سيلته المحابر

رحت وتركت محبتك عندنا دين
علمتنا معنى فراق الاكابر

ياسيدى نلقى مثل طيبتك وين؟
وانت الذى تكبر وغيرك يكابر

ان غاب جابرنا ..يجى جابر منين؟
وحنا ملاهيفك مثل ماانت خابر

حنا يبكينا فراق البعيدين
وشلون ما نبكى على موت جابر؟؟






،؛، ســـولفـــــوا ،؛،

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي




،؛، تدري ! ،؛،
تدري وش اللي ذابحن روح مغليك
عجزت اوصـف في حياتي مكانك

احسك اكـبر من غلا روح معطيك
واحسك اكبر من غـلاك بزمانك

في ذمتي لو تطلب عيوني لاعطيك
بس المهم اعيـش داخل أمانك

ولو تطلب الوجـدان والله لافديك
واصب حرفي داخــل سطور شانك

ياخذني ربــي لو أنا كنت ناسيك
وماعاش قلب ياضـنا الروح هانك

وياخذني ربـي لو انا كنت جافيك
واطعن انا قلبن تخلى وخـانك

يامنيتي ماعيــش انـا دون طاريك
حبك بقلبن عاش لجــلك وصانك

يجفوني الـعالم وانا روحي تناديك
ماعمر قلـبي ياحــلا الروح دانك

أنا اللـذي لاضــقت دايم يسليك
وانا اللذي شــايل همـومك وعانك

في ذمتـي مابيع حبـك واخــليك
واجلـس معك واذوق كامــل حنانك

عرفــت وش اللي ذابحـن روح مغليك
اني عجــزت اعرف بقلبـي مكانك

 

[نايفة الوصوف]

،؛، يا قـــو قلــــبـــك ،؛،

ياقو قلبك على الصّـده ويـا صُــــــبـرك
وياوسع صدري على صدك ويا صُبري

وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري

والله لون حمل صبري فوقـك..ان تبرك
والله ولو تعتذر منـت بعلـى خــــــــبـري

ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري

تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري

طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري

امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري

 

[نايفة الوصوف]

حاول تذكرني .. وانا بحاول اذكرك
وان ما ذكرتك وش تبيني اسوي


دقيقه .. اصبر .. عيد لـ فتة تكبرك
ابوك في الجنة ! تذكرت توي


هذا انت ! ياللي كنت لاجيت ابادرك
باللين يحلى لك علي التقوي


بعد ايش لنت وجاي تبغاني اعذرك
ماعاد جو " اقسى وانا ألين " جوي


يا سخفها لعبة " تكبّر واقدرك "
رغم اني الرابح بها اليوم .. لوّي


ما صنت خاطر طيبتي قبل خاطرك
وسمحت لك تحكي معاي بـ تروي


يومك مكاني منت يمي واحاورك
واشب من غيضي وتدفى بـ ضوي


يابن الحلال ان كان تبغاني اذكرك
بالخير سوي بي مثل ما اسوي

 

[نايفة الوصوف]

،؛، جيت اقول اني احبك شفت عينك استحيت ،؛،

ادري اني صدق احبك وادري انك مادريـت
اني حتى ضد نفسي صـرت ياعمـري معـاك



لو اقول اشكثر احبك ! ما تصدق لـو حكيـت
داااام حبي فـووق والله مستـواي ومستـواك


(كل حرف ٍ لك كتبت ) و (كل حرف ٍ لي قريت)
(فيه شي ٍ من عناي) و(فيه شي ٍ من غـلاك


في غيابك ياحبيبي ياكثـر ماقلـت لييـت
وياكثر ما قيييل عني في غيابـك وش بـلاك
دام يزعلني زعلّك ودام يرضينـي رضـاك


انت دمع ٍ في عيوني مابكيتـه لـو بكيـت
وانت كل اللي كتبته وانا بس اللي قـراك



وانت درب ٍ من بديته فـي حياتـي مانتهيـت
وانت تعني لـي بهالدينـا نجاتـي والهـلاك
جيتك أتأسف حبيبي وأعترف انـي خطيـت
جيتك اسبق لهفة اشواقـي ويسبقنـي غـلاك


وانا مدري( شلت قلبي لك ) بعد وجييت
وإلا ( قلبي شالني لك ) يابعد عمـري وجـاك



جيت اقول( اني احبك) شفت عينـك استحيـت
في عيونك قدرة الله واشهـد ان الله عطـاك


لا تقول اني ذكرت ولا تقول انـي نسيـت
دام قلبي ماذكـرك ودام قلبـي مانسـاك..

 

[نايفة الوصوف]

،؛، الضيقه ،؛،
الضيقه اللـي دايمـاً تالـي عصيـر
وش حيلتـي واردّهــا لا تجيـنـي
لاطال ظل العود حـزة عشـى الطيـر
كنها علـى سجـن الحديـد تحدينـي
يضيق صدري كل مـا جـات واسيـر
ولا يخفـف سـوج رجلـي حنينـي
لاحولنـا مشـراف ولا اقـدر اطيـر
يالله قسـمـة خـيـر لا تبتليـنـي
وعقارب الساعه توقف عـن السيـر
ولاكن في الدوحـه سواتـي حزينـي
والعبره اللي تاصـل الحلـق وتحيـر
ياقربها لـو قيـل لـي ( ياعوينـي)
امل شـوف النـاس وردّ ومصاديـر
واللي يقـول اشفيـك كنـه يهجينـي
يعني على ماقيل مـن بـاب تصويـر
(لاحد ٍ ابي قربـه ولا احـد ٍ يبينـي)
اروح ادوّر( خط) مـا بـه( دواويـر)
وادوّر الـلـي هـادهـا تهـديـنـي
واخذ مع الهاجـوس سجـه وتفكيـر
واراجـع اللـي فـات بينـي وبينـي
واحسّـب ذنـوبـي وادوّر لتكفـيـر
وعسـاي ماقصـرت فـي والدينـي
وعساي ماقارنت مـن ينفـخ الكيـر
واللي يحمل المسـك جعلـه قرينـي
ويطري علي يـوم الحشـر واطلـب
مجير ما اعطى كتابي في شقيقة يميني
ويطري على صدقـان كثـر الدنانيـر
اللـي تعادينـي الـى كثـر ديـنـي
وراع الهروج اللي سـوات المناشيـر
اصـد عنـه وادري انـه يعنيـنـي
الله حسيبـه يـوم عـرض القواريـر
والله حسبـي مـن صـواب مكينـي
والى طرالـي واحـد ٍ كانـه صغيـر
امـا اصغـر بيوميـن ولا سنيـنـي
دريت وش قومـي وعينـت تفسيـر
للضيقه اللـي مـن زمـن تعترينـي
حبه بصدري سالفـة سـر فـي بيـر
وكـن الفـواد يقـول هـذا زبيـنـي
اشفق على علم ٍ يجي منه مـن غيـر
مايسمع اللـي سولفـوا بـه ونينـي
العام اجيهم مـن حسـاب المساييـر
واليوم حـال عـداي وينـه ووينـي
ياكثرهـم غيـره ولكـن خبـر خيـر
ماغير شوفه فـي الوجـود يهنينـي
رايـي كـذا ياعاشقـيـن الغنـاديـر
ماله علـى وجـه البسيطـه وزينـي
خطاي تعليـق الامـل فـي المدابيـر
إليـن راح وشفـت حقـري بعينـي
صبر جميـل وخابـر انهـا مقاديـر
والله على تخفيـف حزنـي عوينـي
ذي حالتي لين اتغبا الشمس واصيـر
معطى صراحي عقب ما انـا سجينـي
والى امتلا جوف الشجـر بالعصافيـر
طلبـت مـن رب العبـاد يهديـنـي
يعتقني المذن عقـب ضيقـة عصيـر
اللي علـى سجـن الفـراق تحدينـي

 

[نايفة الوصوف]

،؛، كنت ألوم ،؛،

والله انى كنت ألوم اللى يضيق أن غاب خله
لين جربت المحبه والفراق وقلت توبه


لعنبو جد المفارق فيه هم وفيه ذله
أثر كل الحب لذه والفراق أكبر عيوبه

امس فارقت الغلا ومفارق الخلان عله
والعلاج الوصل لا تبلش طبيب ولا حبوبه

الزعل هو سبه الفرقا يهز الحب كله
ليتنى طولت بالى قبل لا يعلن غروبه

وآهني اللى وسيع الصدر.. صدره وسع فله
غلطه الصاحب تجى وتروح ماهى بمحسوبه

عارف قدره.. وقدر اللى يحبه فى محله
ذاك نفسه لا حشا ماهى على الحب مغصوبه

ليش تحسب غلطه الصاحب على الصاحب مذله
ليش ماتحسب ميانه لو تجى عشرين نوبه

لا وربى.. كنت أحبه حيل مادورت زله
لا تشكك فى غلاه ولا تساعد فى هروبه

لايمى قبلك تعبت ألوم شعار المجله
وكنت مؤمن فى مقوله اعذب الشعر الكذوبه

وأثر كلن فى حياته له تجارب مستقله
وانت لا تشره على مثلى وتبلا لك بحوبه

كان جابتك.. الحميه روح له تكفى وقله
لا يخلينى واذا وده يخفف من ذنوبه

يستخير وله غلا قلب صدوق مايمله
فدوة له كل قلبي من شماله لى جنوبه

يوم قفى والخفوق يفوح عقبه فوح دله
وسط وقدرة واحد عز الشتاء والسهر دوبه

لا تقهوى بارده من برد فنجاله وزله
ثم قربها على جال الجمر وأرهى شبوبه

وين يدله هالخفوق وكل مايدله يتله
طاري اللى ياكثر ماأتعبت رجلى فى دروبه

لا طرى جريت ونه من بلاده مستحله
مثل ماراحت بلادى مع شعارات العروبه

كل هاجوس يجيبه جعل شعرى فدوة له
وأعذابى كل ماجبت لى القبله هبوبه

مشغلن قلبي يحبه دون خلق الله من الله
هيه ياللى ممتلكنى حسن وأسلوب وعذوبه

ماسمعت ان الخوي له بالخوي تسعين زله
وانت طوف زلتى ياعل تفداك اللعوبه

صاحبي سيف الهجر لا صرت تقدر لا تسله
ماتظن ان العفو عند المقدره اكبر عقوبه

ايه انا اللى كنت ألوم اللى يضيق ان غاب خله
لين جربت المحبه والفراق وقلت توبه

 

[نايفة الوصوف]

،؛، ما هو بكفو الوقت ،؛،


ماهـو بكفـو الوقـت حبـك يمحـيّـه
ياللي تخاف صـروف الايـام تمحـاه

ارتـاح ..مـادام المواصـل يقـوّيـه
انت انت..وانـا انا..وقلبـي هـو ايـاه

حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكــراه

حبـك علـى رملـة خفوقـي مواطيـه
ورياح عذلني عنك مـا تمسـح خطـاه

واللي يعـذل القلـب عـن درب غاليـه
الله بمـا يـبـلا الموالـيـف يـبـلاه

اخفيـه يابالفـيـت والـحـال يبـديـه
ادنـاة واحـد ينظـر الحـال يـقـراه

مخفيـه فيـه ومعتنـي ٍ بـه وحاميـه
من كـل عيـن ٍ ودهـا تنـزل حمـاه

قلب ٍ يحبـك والهـوى الـذرب ماليـه
كانـك مكذبنـي ؟؟ بعينـك تـحـلاه

شـرط ٍ تشوفـك فيـه منـت بحواليـه
ويمكن تشوف ديـار واماكـن ارعـاه

وبتشوف بـه تمثـال والوقـت هاريـه
وبتشـوف زرع ٍ ميـت وواقـفٍ مـاه

وبتشوف جـرح ٍ فيـه سكيـن راعيـه
راح ونسـى السكيـن والجـرح ينخـاه

وبتشوف حصن ٍ عـج الاقـدار سافيـه
وبتشوف باقـي بيـت راعيـه خـلاه

لا تنزعـج هـذا خفـوقـي وباقـيـه
ولا تضايـق مـن تصـدع زوايــاه

قـد زلزلـه فرقـا وهـزت عراويـه
والله ستـر والحـظ عـانـه وعـافـاه

وكانه صلح لك واعجبـك زيـد تبنيـه
ابـنـه وجـهـز للمقابـيـل مبـنـاه

ابغيـك بـس مـن المفـارق تداريـه
وازهل من يـداري شعـورك ويـدراه

وحلـل وحـرم فيـه يابـرك بلاويـه
وحلّه وراع رضاي ورضاك ورضـاه

جعلك بعد بعض الوجيه ... امحق وجيه
نـاس ٍ مراتعـهـا الرفـيـق بتقـفـاه

انـواع واخطـر نـوع مانـي بناسيـه
نوع ٍ علـى تفريـق الاثنيـن مسعـاه

تلقـاه دوم وكــل يــوم ٍ تلاقـيـه
والى بغيتـه صـدق مـا عـاد تلقـاه

ولا انت ردك كل ما ادعيك.. (( لبيـه))
انشهـد ان منتـوا بفيعيـنـي اشـبـاه

منت بمع العالم ولا تقـول لـي.. ليـه
انت ادرى منـي وش جوابـي وفحـواه

كذيـه... ومـن الله يـازيـن والـيـه
واغلا طـروش القلـب ودواه مـن داه

الحلـم ياتينـي بـزولـك واراعـيـه
وفـي كـل حلـم اقـوم قبـل اتحفـاه

اعشق سميـك فـي البزاريـن وادعيـه
واقبـل خطـاه الـى اخطـا واتلـقـاه

واسمـك يروعنـي الـى مـر طاريـه
واحـب ملقـوف ٍ يسولـف وطــراه

وامـر بيتـك مـن بعيـد ٍ ولا اجيـه
وانـا لونـه فـي يـدي مـا اتـعـداه

حتى (توايـر) (موتـري) تلتفـت فيـه
تبغي تلـف ويستحـي العقـل والجـاه

وصلك يخيط الصـدر والبعـد يفريـه
ويابري حالـي كـان صديـت بريـاه

ويلي علـى ادري حبنـا ويـش تاليـه
وويلي على ادري وش ورى الغيب ويلاه

عشـان اشـوف اذا محبتـك ..ترفيـه
والله لا اقفي عنّـك....... واستغفـر الله

 

[نايفة الوصوف]

،؛، الله يسامح غلاك ،؛،

غيبتك لو هي دقيقه تعتبر صدّه=الوقت دونك سجن وغيابك اسياجه
لا تعتذر لي ترى ماعاد في شدّه=اعيد حكي ٍ يكود الصدر مخراجه
دامه يوصف بجود ابيك وبجدّه=وشلون تبخل على المجروح بعلاجه؟
ووشلون قاوااك قلبك رده وصدّه=مع انه بيـّن عليه الضعف والحاجه
ياقو قلبك برد ايمينك وردّه=بخلت بمصافحه وارهيت بحراجه
لو ماسقى غيم عينه جرهدي خدّه=تراه يبكي وقلبه يلحق اخلاجه
ولو شفته يمازحك تراه من جدّه=الضحك عن درب ضيق الصدر ماعاجه
غير الغلا والوله عليك وش حدّه؟=يادرب ليله ويامسراه وسراجه
كنـّه يعرفك قبل يلقاك من مدّه=مع ان مابينك وما بينه امواجه
هواك بدو ٍ نووا للقلب بالشدّه=ورياض قلبي لشوف البدو محتاجه
والوصل..بحر ٍ متى انت بتسمح ابمدّه=السيف صبري وبحرك شح بامواجه
قصيدي اللي قريته واللي اعدّه=قديم لا يزعلك معناه واخراجه
وفراغ قلبي غلاك ارهى على سدّه=ليتك تشوف الغلا وابراجه وعاجه
اقوى رياح العذل ما تقدر تهدّه=والا الجفا لو تنفس هدم ابراجه
تغانم الوصل لن البعد لابدّه=ياتيك في يوم ثم ياخذك بادراجه
اللي لي انك تلين وتترك الشدّه=واللي لك اني ما سولف بك لهراجه
ولاني بزعلان واللي نرتجي مدّه=يا باب قلبي ويا قفله ومزلاجه
زعلة تغلي ومن تزعله من قدّه=ما دام كل ٍ يبي دربك ومنهاجه
غالي وتبخل علي وتطـّول الصدّه=الله يسامح غلاك ويلعن الحاجه

 

[نايفة الوصوف]

،؛، ودي اذوب بداخلك يوم لقياك ،؛،


هـلت دمـوع العين منـي تناديــك

ملـت ثواني سـاعتي طول فرقـاك

طيــفك يجيني حلـم وأفز لـــبيك

كـنك حظرت وخافقي قال حـــياك

وفاح العطر في غرفتي وأنتشى فيك

وألغى وجوده يا قمر فوح ذكـراك

حتى الظلام اللي كـسى جو مغلــيك

زاح وضوى من عقبه ألفين شبــاك

وأتخيلك قدام عيــني وأناجـــيك

ملـيت مابي بالـهوى غـير دنيـاك

وأجمع شتاتك وأنتثر بين أياديـك

ودي أذوب بـداخــلك يـوم لقيــاك

وأشعلك شمعه داخلي وأحترق فيــك

وأسـهرك ليلة وأسـطبح في محيـــاك

وأكتبك جمله وأشطبك حرف وأمحـيك

والقاك شعر(ن) داخـلي عـذب وأقــراك

وعهد(ن) علي بصافي الود لسقــيك

نـبع الحـنان بـداخلي مـلك يمنـــاك

 

[نايفة الوصوف]

،؛، يالله عفوك ،؛،

يالله عفوك يوم تصفية الحساب ..
.. يوم حصاد لما زرعنا في السنين

يوم الحشر قرّب ولا معنا زهاب ..
.. اليوم في الدنيا و بكره راحلين

نجمع ذنوب ونرتجي عفو وثواب ..
.. وعلى نصر ربي لنا مستعجلين

تدرون ليه آمالنا مثل السراب ..
.. تدرون ليه النصر سيف الأوّلين

الأوّلين أعمالهم وفق الكتاب ..
.. قاموا عليه وباعوا الدّنيا بـ دين

وحنّا غفلنا بين مالذ وطاب ..
.. والنصر سيف ما يسله غافلين

نصبح على شوف انتهاكات وخراب ..
.. ونمسي على دمع وتنهّات و ونين

بصدورنا شي تذوب له الهضاب ..
.. وأفعالنا والواقع رياح .. وطحين

وعلى العيون من الفتن مثل الضباب ..
.. ماعاد ندري من يسار ومن يمين

ما للضعيف الا الدعاء لو ما يجاب ..
.. ما غيره الا الشوف مكتوف اليدين

يالله زلزل تحت الأعداء التراب ..
.. والطف بنا واحقن دماء المسلمين

ندعيك يا قادر على جعل السحاب ..
.. جيش لنصرة قلة مستضعفين

أغرقهم بنوع من أنواع العقاب ..
.. غرق الغلام اللي يحسب انه فطين

لوما عصى نوح نجا به في رحاب ..
.. سفينته وأمضى معه في العمر حين

لكنه اختار الخساره والذهاب ..
.. اصنع بهم صنعك به وانت المتين

والا اخذهم يا مجري سود الحقاب ..
.. أخذ العجوز اللي بقت في الغابرين

ذوقهم اللهم أنواع العذاب ..
.. اللي عثوا في أرضك من المفسدين

وألطف بمن لبسوا من التقوى ثياب ..
.. عبادك المستهدفين المتقين

تكالبت عليهم أنياب الذئاب ..
.. ولا غير عونك يا معين الصابرين

من بينهم شيبه يعجزون الشباب ..
.. من وقفته من طولها في الركعتين

ومن بينهم عذرا تونّ بلا حجاب ..
.. حجابها لفوا به الجرح المكين

تصيح ما هو من ألم و لا صواب ..
.. تبغى الحجاب اللي خذوه المسعفين

وطفل عن عيون أمه الثنتين غاب ..
.. تبكيه عين وتلتفت لأخيه عين

من هول ما يجري لهم شاب الغراب ..
.. يا وسع حلمك وانت ما فوقك مدين

أدعيك وانت ادرى بحال أهل المصاب ..
.. وأمد كفي لك يا أكرم الأكرمين

 

[نايفة الوصوف]

،؛، الصراحه مزعجه ،؛،

الجبـــال اللــي تزحـــزح ماتزيح *****والغصون ادنى هبـــوب تزولها

اعـــتنز علــى جــبل ولا تطـــيح *****الجــــبال تذّري اللــــي حـــولها

والصــراحة مزعجة وأنا صريح *****تزعجــك ما تزعجــك بأقــــولها

شاعــر موهوب والسـاني فصيح *****ســابـــح عرض البحور وطولها

والأفــاعي روســها تنـــدح نديح *****والعقـــارب سمّـــها في ذيـــولها

ما علــى الدنيا ضمير مســـتريح *****كل خـــلق الله تعــــن خـــــيولها

ذا يــون وذا يحــــن وذا يصــيح *****وذا يخـــطّف راســها ورجـولها

والشــعر هذا قــــبيح وذا ملـــيح *****وكلبـــوها ســــاري مفـــعـــولها

اجـــلد القـــبيح في وجــــه القبيح *****وقول وش رايك واقول اصولها

وإلا انا ماقد مــدحت إلا المــديح *****الجمـــال اللـــي تشيل حمــــولها

والصـراحة مزعجة وانا صـــريح *****تزعجــــك ماتزعجــــك بأقـولها

وإلاتدري مايصح إلا الصـــحيح *****خــاطـب العــــالم بقـــد عقــولها

 

[نايفة الوصوف]

،؛، ايه احبك ،؛،


اسرق اللحظات من وقتي واجيك
واشتكي همي وعتابك واسمعك
***
ايه احبك ايه ارددها ابيك
بس اخاف الناس تشوفني معك
***
موقفي واضح ولا يخفى عليك
مشربي غيرك وشفي منبعك
***
ايه اودك واحلف اني مهتويك
عاشق صادق وروحه تتبعك
***
مل امري ياحياتي بين يديك
انت تامرني وانا رهن اصبعك
***
بعت هالدنيا لجل يمكن اشتريك
صاحبك ربحه يشاهد مدمعك
***
في غيابك كل شي يحتريك
عين وانفاس وشتات يجمعك
***
اسال قلبي اذا عنده شريك
في غرامك اوفكر يخدعك
***
اساله كيف المعاني تحتويك
يحضنك قلبن غفى في مهجعك
***
الحلا والطيب والاخلاق فيك
والسماحه والامل في مطلعك

 

[نايفة الوصوف]

،؛، ان شفتني غايب ،؛،

يابحـر .. فينـي مـن الحـزن .. كثـر مافيـك ..
من حزن .. وأوجاع .. وغياب .. وغرايب !!


لاتلومـنـي إلـيـا شفـتـنـي .. دايـــم أجـيــك ..
ولاشفتنـي دايـم .. عـلـى الـشـط .. ذايــب !!


حزني كبير .. أكبـر مـن حـدود .. شاطيـك ..
وأقسـى مـن جــروح الـزمـان .. العطـايـب !!


وإن كـان تنشـدنـي فـأنـا .. مـقـدر أخفـيـك ..
دايـم اظــن .. ويطـلـع .. الـظـن .. خـايـب !!


فـي هالزمـن .. أقـرب حبايـبـك .. يشقـيـك ..
إلـيــن تـدفــع فـــي غــــلاه .. الـضـرايــب !!


من بعـد هـذا .. يبتعـد .. عنـك .. ويجفيـك ..
. ماكنه .. بجنبك .. قضـى الوقـت .. طايـب !!


وإلا .. الـخـوي الـلـي تـوقـعـت .. يـفـديـك ..
يفـديـك عـمـره .. لاغــدت بــك .. نشـايـب !!


صد .. وتصدد .. مايبي .. سمع .. طاريك ..
وياما .. أنت .. دونه .. أتعبتك .. الطلايب !!


لاتقـول لـي .. بـدري .. وتـوك .. ويمديـك ..
وتعـال .. وأسمـع باقـي الهـرج .. صـايـب !!


خلـك بحالـك .. وأطـلـب الــرب .. يهـديـك ..
.ولاتنشد اللي غاب .. ويـن أنـت .. غايـب ؟؟


وإن شفتني غايب .. عن حدود .. شاطيـك
أعرف تراني .. تحت .. ذيـك .. النصايـب !!


وأعرف تراني .. دايم إن ضقـت .. بآجيـك ..
لأني .. أنا .. والموج .. صرنـا .. حبايـب !!

 

[نايفة الوصوف]

،؛، اي والله اهوجس ،؛،
إي والله أهوجـس ولانـي بمرتـاح ...... والحزن فى حوش الحنايـا بفـاروع

أمسيت من وصل المواليـف مـزاح ...... وأصبحت من فرقى المواليف مفجوع

البارحه.. في غبة الوصـل سبـاح ....... واليوم من عرش المواصيـل مخلـوع

ياصاحبي.. صرح الهوى والوفا طاح ...... والقلب كنه من عراويـه مقشـوع

كنت أحسب إن لحبنا عشرة أرواح ....... إلين شفت الحبـل بيديـه مقطـوع

يوم العهد به حده إسبـوع لا راح إسبوع ..... ويعوّد علي شوق ودموع

واليوم خمس سنين والهم مـازاح ....... هم الفراق اللي بلا عذر مشـروع

أستغفر الله تسعة شهـور ياصـاح ....... في غيبته قمت أحسب اليوم بإسبوع

العام .. خلي يسمع القلب لا صاح ....... واليوم .. مهما صاح ماهو بمسموع

ضاع الحساب وشفت برق الجفا لاح ...... وأيست لولا إن الرجا في مـزروع

وحالي نحل والحال مهوب منسـاح ........ من كثر ما أظمى للمواصيل وأجوع

بليت في من دونه سيـوف ورمـاح ........ وغدا علي وصله مثل حبة الكـوع

له مني إن سره على النـاس مابـاح ...... ولي منه إن الصد غصب ٍ بلا طـوع

 

[نايفة الوصوف]

،؛، ليت السفر ،؛،


ليت (السفر) بين المحبين ممنـوع
.... تحجز(جوازت) المحبين بالذات..!!




بتعيش لو أن (السفر) حق مشروع
.... المشكلة.. لأهل الهوى حزن وآهات




لاغاب (خلّك) والرجاء فيه مقطوع
.... لابه (رسايل) تاصلك واتصالات




الخط مغلق...كنّه (الكرت) منزوع
.... من ضيقتك تلعن جميـع اشتراكـات




تضرب على الكفّين والقلب مفجوع
.... تضيق بك عقبه جميـع المساحـات




في ليل دامس ضايعٍ مابه شمـوع
.... (الفكر) تايه فـي دروب المتاهـات




(العين) تذرف بالدقايق له دمـوع
.... و(القلب) عايش بين حسره وونـات




لوّك تجر الصوت ماهوب مسموع
.... ياطول مـا بينـك وبينـه مسافـات




يمكن ظروفه مامشت له على طوع
.... ويمكن سلا فكره بروحـه وجيّـات




الهم مدهالك من أسبـوع لسبـوع
.... لاحل ذكرى ( .... ) هلّيت عبرات




بس الأكيد أن (الغلا) فيك مزروع
.... (الحب) يبقى بالضمايـر ولا مـات




الصدق قلته والزعل دوم مرفـوع
.... وقت(السفر) تبدي كثيـر المعانـات

 

[نايفة الوصوف]

،؛، عقبال مية عام ،؛،

عقبال ياماخذ فؤادي مية عام ..
.. ضيعتني منك وانا ما اهتديتك

لا ..ما نسيتك كيف بانساك ما دام ..
.. ذكرى الفراق تهزني لو نسيتك

حبك قدر وانا على دين الاسلام ..
.. مكتوب في وجه الجبين ورضيتك

لك في الضمير الود والحشمه اتوام ..
.. ولي في ضميرك مثل ما انا بغيتك

ولك منزل في نايف القلب وخيام ..
.. وذود الغلا ترعاه ولا شكيتك

يفطر عليك القلب وان فارقك صام ..
.. والله لونك شوك سدره كليتك

القلب طير لادعي للهوى حام ..
.. والا انت وكره من كثر ماهويتك

كن العيون من النظر عقبك ايتام ..
.. وكني ماريت الا انت من يوم ريتك

وكنك معي وانا فقدتك من اعوام ..
.. مع الخيال القاك كني لقيتك

من صعب وصلك ما تهنيتك احلام ..
.. وان جابتك فزيت شوق ومحيتك

يعني وصالك صعب واهدافي اوهام ..
.. يعني زرعتك للقدر ماجنيتك

صبرك يقولون العرب كل الايام ..
.. يوم عليك ويوم لاجاك جيتك

ويا قلب ياللي ورثك اجروح وآلام ..
.. بليتني ماهو بانا اللي بليتك

ولعتني من عادني في الهوى خام ..
.. واسرفت بي وانا خطامك عطيتك

طعتك وزبدة طاعتك هم وهيام ..
.. مالله كتب لي واستخرت وعصيتك

لوللقلوب اسواق بايع وسوام ..
.. لابدلك وان جيتني ماشريتك

والا انت ياللي جيش عينيك مقدام ..
.. لا اقنعت منك والرجا مارجيتك

كني سجين بين..افراج ..واعدام ..
.. وكنك سجن وانا بنفسي بنيتك

تنبيك عن حالي محاصيل الالهام ..
.. وتخبرك نظراتي نهار التقيتك

عقب الوصال اللي على عين من لام ..
.. قدهو يكفيني عن الوصل صيتك

وقدني الى مريت بالشارع العام ..
.. لديت من ما في الضمير ودعيتك

ادري ان صوتي ماقطع عشرة اقدام ..
.. وادري بي اعود الى من نصيتك

 

[نايفة الوصوف]

،؛، تكفى تخليني ،؛،

لاقلت لك خلني تكفى تخليني ...
النفس ضاقت وتعرف من مضيقها ...


ماني بحاجة علومك لو تسليني ...
بعد عن العين وأحسن لو تفارقها ...


لاضقت أنا حتى روحي ماتدانيني ...

وإليا هدى البال شرقها وغربها ...


لوكان غيرك حرام إنه يحاكيني ...
لوكان كل الدروب البيض يطرقها ...


تدري وش إللي ذبحني والبلا فيني ...؟!
بعرف عروق الغلا وشلون تسرقها ...!؟


يمكن تكون الخيانه من شراييني ...
وإلا حظوظك يجوز الله موفقها ...

ماقلت لحدن سوى ( أمي ) يابعد عيني ...

وشلووووون خليتني لعيونك أنطقها ...َ!!

ياروح روحي ياقلبي يابساتيني ...
يابسمة العين ليه العين ترهقها ...


والله من زود حبك صنت رجليني ...
ماشفتني يوم أسوق الرجل وأفهقها ...


أنا بصفك وأضيع وانشدك ويني ...؟؟
وشلون لارحت جدراني أصفقها ...


ماتدري إني شريتك يوم تشريني ...

عشان حبك أبيع الخلق وأحرقها ...


أرجوك لاشفتني ضايق تخليني ...

وإليا هدا البال غربها وشرقها ...

 

[نايفة الوصوف]

،؛، لا يطول غيابك ،؛،


لا يطول غيابك ثم اخذ عليه


لو تخليت عني عنك قلبي تخلى



العذر والتعلل والحكي ما نبيه


من تحرك فواده بالهوى ما تغلى


طبعي الصبر لكن وش عليه ارتجيه


من طويل الصبر يعقوب وايوب ملا


دامني حي عطني وش بقى نحتريه


ما بي دموعك اللي عقب موتي تهلا


ما بقى بالعمر مقدار ما راح فيه


كل ما زل يوم يوم بالعمر ولى


ما يعرف الجمر مثل الذي يكتويه


احد يدفا بناره واحد فيه يتصلى


يا من القلب حطيته براحة يديه


ما رضى له مكان غير كفك محلا


كم تعذر وعيا عن هوى مهتويه


لين طاح بيمينك بالغرام وتجلى

 

[نايفة الوصوف]

،؛، يا شين طبع فيك ،؛،


يا شيـن طبـعٍ فيـك يا زيــن الأطبـاع
لولا الرجــاء ما كان خلّيته يفـوت
سَـنَـع يشـوّه لا تـذكّـرتــه أسـنـاع
مثل الحصاة اللي وسط عقد ياقــوت
تخـفي هيـامـك وإنت ميـّـت وملـتـاع
ما تـدري إنه في ملامـحـك منـحـوت
ويبخل لسانك وإنت للسمع طمّـاع
والبخل .. في سِلْم المحبيـنممـقـوت
الحكي قوت السمع / وأسامعي جياع
ومسامـعي ماتت من الجـوع للـقـوت
وحكي الغزل في صدرك أشكال وأنواع
لكن صمتك حوّل الصـدر تـابـوت
إلا طَلَبتـك وصـل صعّبـت الأوضـاع
مدريمن اللي درّسـك جعله يمــوت
تصـد .. ما كـنّـك من الصـد .. مـرتـاع
وإن قلت : يا القاطـع تلفّـت مبـهـوت
أقطع بـ دَرْب مواصلك في الشهر باع
.وإلاّ إنت تقطع للوصل فـ السنة فوت
طعني وطاوع واحدٍ فيك ما طـاع
ناسٍ صغار عقول وأشواروبخوت
وإلطف بحال اللي نحـل حاله و راع
قلبٍ جروحه تنزف أفكاروبيوت
قلبـي إلا منّه شـرى قـلـب ما بـاع
إنت هالله هالله فيه والعمـر موقوت
اسمع أشعاري في الهوى وارخ الأسماع
ياللي غـلاك بـ تربـة القلب مكـتـوت
لا للفـراق و لا لتجديـد الأوجاع
ونعم نعم للوصل لو كان بالصوت

 

[نايفة الوصوف]

،؛، هاجوس،؛،

كل ماذعذع علي صلف الهوى حدرية
يكفخ فوادي بصدري قبل يكفخ ثوبي

خص لاجا بارد(ن) ومذعذع(ن) عصرية
يجمع اللي به من الذكرى وياتي صوبي

قبل يلعب بي وانا قد ريت في مارية
ضايق(ن)من صبح والهاجوس دوبه دوبي

والله ان كنه يداوي الجرح بالشبريه
والجوارح من هواه الصلف ماصدوبي

لاذكرت اللي رحل وعيونه الدرية
كل مالديت فيها تهت لا لدوبي

تمطر عيوني وخفاقي سرا ساريه
ينعصر وانا دموعي للوفا عذروبي

صمت عن وصل المحبة لانها عذرية
والردى ماهوب من طبعي ولا بسلوبي

اذكر انه قال لي مرة وش الحرية
قلت عكس اللي لقيته منك يامحبوبي

اهتوي طاري هله من حبي لطاريه
والدروب اللي تجنبهم ماهي بدروبي

متعب رجلي ولو هي صوبهم عبرية
وابني امالي على الترحيب لاهلوا بي

اثرهم ناويني بالنيه الشريه
واثرهم دارين وانا اقول ماشكوبي

واثرني ضايع واصدق قصة الحوريه
وش ينجيهم من اثامي الا قفوا بي

جزت مادام الهوى يبغي عصا سحرية
وتبت مادام القدر عيا على مطلوبي

قد همومي وين ألاقي الصيد في البرية
وقومة في وجه ضيفي واعرف ماجوبي

اصغر اهدافي تزول الدولة العبرية
واكبر امالي يغفر الله جميع اذنووبي