مشترواتي ومشترواتكم من معرض الكتاب حياكم...

[Hambka Q8]

انا رحت قبل امس المغرب
و كانت خفيفة الزحمه .. توقعت زحمه حيل


شريت

رواية (وكالة عطيه) من دار الشروق *نسيت اسم المؤلف* = 3 دنانير
كتاب (عاوزه اتجوز) اللي كاتبته كانت تكتب اب مدونه و عقب جمعتهم و حطتهم اب كتاب يونس عجبتي = دينارين
(الصالحيه) قصص قصيره للروائي *هيثم بودي* = 1.750

 

[Little_Queen]

الحين آنا كل يوم موجوده بالمعرض

مااااااااااااا شفت ويا وحده منكم !

عموما آنا دايما موجوده بالفتره المسائية بجناح رابطة الادباء .. صاله 5 .. جناح 42


و حياااااااكم الله

و لي عوده بعد جم يوم مع مشترواتي و رايي بالمعرض

 

[بمبة المفترسة]

اللي يبون مؤلفات باولو كويلو او غابرييل ماركيز
تلاقونهم بدار ميوزيك /لبنان

 

[Hambka Q8]

انا رحت قبل امس المغرب
و كانت خفيفة الزحمه .. توقعت زحمه حيل


شريت

رواية (وكالة عطيه) من دار الشروق *نسيت اسم المؤلف* = 3 دنانير
كتاب (عاوزه اتجوز) اللي كاتبته كانت تكتب اب مدونه و عقب جمعتهم و حطتهم اب كتاب يونس عجبتي = دينارين
(الصالحيه) قصص قصيره للروائي *هيثم بودي* = 1.750

 

[C'est La Vie]

ليلحين محتارة اروح ولا ما اروح؟
بنات من اللي شفتوه في تشكيلة كتب انجليزية ولا شوية؟

 

[مطيريه ماركه]

أم آلغآلين أنصحج بـ جريمة في سكن آلطآلبآت و المرآة المكسورة وذو البدلة البنيّة و التضحية آلكبرى

بـ تلقين روآيآت كثيرة لـ أغآثآ كريستي وطبآعتهآ ممتآزة بـ جرير بس مو فـ آلمعرض لأن قليلة آلروآيآت هنآك !

بـ خصوص نجيب محفوظ أنصحج بروآية ميرآمآر وصبآح آلورد وحديث الصبآح وآلمسآء و زقآق آلمدق

وهم بـ تلقينهم بـ جرير

وأنصحج بـ روآيآت آحسآن عبدآلقدوس جريئة وشيّقة مثل : آلطريق آلمسدود ، آنآ حرة ، في بيتنآ رجل ، أين عمري

وفيه روآية له مشهورة بس يمكن مآتلقينهآ آللي هي النظآرة السودآء ، لن أعيش في جلبآب أبي

ويطوووول آلكلآم عنّه وعن روآيآته آذآ تبيني أدلي بـ دلوي أكثر آمريني ؟

بمبة المفترسة آخر جولتي دخلت دآر ميوزيك بس مع الأسف مآكآن معآي فلوس ونآوية بآجر أروح مرة ثآلثة !

أسرآر آنآ نآطرة أخلص روآية بدآية ونهآية وبـ شرّع بـ ممنوعآتج :tek:

سي روحي صآلة 6 بـ تلقين مرآدج آن شآلله !

 

[rawona]

زين في أحد نفس ذوقي


الملعونه لكاتبه سعوديه اسمها أميره المضحي آنا شاريتها من بره فما أدري وين تحصلينها بالكويت بس (سبائك) تقول شاريتها من المعرض أسئلي عنها

الروايه عباره عن قصة حب بين كاميليا و(نسيت اسمه:eh_s(10) أحداثها تكون بالقطيف واهيا منطقه بالسعوديه الروايه ممتعه لما تقرينها بس كقصه أحس مبالغ فيها الكاتبه زايده البهارات شوي

اتصدقين عاد انا قمت اتجنب أشتري روايات لكاتبات سعوديات مو علشان شي بس عقب قرائتي لأغلب اصدارات قماشة العليان حسيت ان دايماً بكتاباتهم تكون جرعة الدراما "اوفر شوي" وفيها الكثير من المبالغات .. مادري هذي وجهة نظر شخصية ..

​

الحين آنا كل يوم موجوده بالمعرض

مااااااااااااا شفت ويا وحده منكم !

عموما آنا دايما موجوده بالفتره المسائية بجناح رابطة الادباء .. صاله 5 .. جناح 42


و حياااااااكم الله

و لي عوده بعد جم يوم مع مشترواتي و رايي بالمعرض

حبيبتي ليتل كوين .. انا كنت موجوده بالفترة المسائية بيوم الافتتاح .. ورحت رابطة الادباء لقيت بنت نعومه واقفة تسألني شنو اللي ادور عليه .. سألتها انتي هنادي قالتلي لا بس اتقول اتعرفج فخذيت بس زمن البوح- التحولات للاستتاذ حمد الحمد و طلعت .. ان شاءالله احاول امر مره ثانية :eh_s(6):

​

 

[rawona]

ليلحين محتارة اروح ولا ما اروح؟
بنات من اللي شفتوه في تشكيلة كتب انجليزية ولا شوية؟

هلا سيي لافيي .. يمكن اتحصلين كتب انجليزية في صالة 6 على ما اعتقد .. جربي تروحين وتشوفين ​

 

[مطيريه ماركه]

آسممحولي عـ آلتطفل ليتل كوين أنتي كآتبة ؟

 

[Om eL-3a9aGeeL]

^
^

مط مط نفس السؤال ابالي

لتل كوين انا رحت الفترة المسائية ومريت عند رابطة الأدباء
شفت علياء الكاظمي ووحدة مو متحجبة انتي؟ << عاد الحين لازم اطلعج خخخخخ

:

وسي لا في

ماذكر اني شفت وايد اشياء انجليزية !

في مكتبات حاطين جم كتاب عالجنب طبخ ولا قصص هاري بوتر بالانجليزي
بس مكتبة وحدة ماذكر شسمها كل الكتب عندهم انجليزية

 

[rawona]

اي صج ليتل كوين .. انا البنت اللي كلمتها و سألتها عنج كانت مو متحجبه



​

 

[~q8ia~]

رحت معرض الكتاب يوم الجمعه 30/10 و كان مو زحمة وايد و رحت عالساعه 6 تقريبا بس المصافط حدها زحمة

شريت كتابين واحد من بلاتينيوم بوك اهوا قصتي مع اللوفر لاني قريت لاس فيجاس و عجبني

و خلصته بيوم واحد و حلو زوين

و سعره 3.500

و كتاب الحقيقة لا تقال شديتوني له بس ليلحين ما قريته و سعره 3 و اهوا رواية

و ابشركم ان شاء الله شكلي بروحله مرة ثانية باجر يمكن...

 

[~q8ia~]

و صورت لكم كتب بلاتينيوم بوك اليديدة

 

[رهوف]

احبه هالانسان الله يعطيه الصحة والعافيه ويفيد الناس بهالعلم اللي عنده

 

[باونتى]

بنات شلونكم انا اليوم رحت المعرض كنت هناك من الساعه 4 ونطرت نص ساعه على ما فتحووا .. مشترواتى اليوم كلها لولدى شريت له قصص وسى ديات تعليميه بالانجلش والروحه الثانيه ان شاء الله راح تكون لى انا

 

[rawona]

مشكورين و يعطيكم العافية

​

 

[بنوتة طموحة]

مرحبا بنات

انا عن نفسي شريت مجموعه روايات بس الأكثر من دار بلاتينيوم ووحده من رابطة الأدباء

من الأدباء : التجربه الأنجليزية (عندما تكون وحيدا في لندن ) للكاتب خالد عادل النصر الله

وبلشت بقرايتها وحلوه وإسلوبها شبابي وسهل وانا أحب طابع المذكرات

والباجي من بلاتنيوم (للكاتب عبدالوهاب السيد ) من العالم الأخر و الجانب المظلم أدري أنهم قدم بس كوني كمبتدأة حق روايتها فنصحوني الي يشتغلون إهناك أني ابدي فيهم وإذا عجبني سرده وإسلوبه راح أشتري باجي مؤلفاته

وروايه هذا \انحرافي

وجئتك لحسين المتروك

أختي وردة النرجس

بليز كتاب جئتك لحسين المتروك

من وين أخذتيه وعن شنو يتكلم وما عليج أمر مو مكتوب اسمه الثلاثي لأني مشبهة على واحد يكتب

وآسفة بس آخر طلب تقدرين تحطين صورة الكتاب

 

[butterscotch]

سلااام بنات

هذي حصيلتي من زيارتين لمعرض الكتاب
_03BA:

رسائل الخوف لـ عبدالوهاب السيد

الرابح يبقى وحيدا لـ باولو كويلو

الحب الكبير لـ سارة دان
ما حصلتها بالانجليزي

الحقيقة لا تقال لـ خالد النصر الله

بلا هوية

ورود ملونة لـ علياء الكاظمي

الحرف التاسع والعشرون لـ لولوة صادق

اسرار ممنوعة لـ سارة الراشد

الابعاد المجهولة لـ عبدالوهاب السيد

بلا قيود دعوني اتكلم لـ ليلى العثمان


والشي اللي وايد ونسني اني لما رحت اول مرة شفت المؤلفين الشباب واهم يبيعون مؤلفاتهم بنفسهم ويوقعون على الكتب

وااااايد استانست وحسيت بالفخر وانا اشوف المؤلفين الشباب ماشالله تارسين المعرض

:ggdw:


وتشرفت بمقابلة خالد النصر الله ـ عبدالوهاب السيد و لولوة صادق ووقعوا لي على كتبهم

واااااايد استانست لما شفتهم

بصراحة قمة الذوق و منتهى الاحترام عسى الله يوفقهم ويحفظهم انشالله

بس للاسف ماشفت سارة الراشد ولا علياء الكاظمي كنت اتمنى اقابلهم

بس ما كان لي نصيب

بس ما حصلت رواية ليلى العثمان خذها لا اريدها

خااااااالصة !!!!

:0bee2e8d89:


بس وسلااامتكم



امبييه وايد قرقت

:dddds:

 

[سلة فواكة]

خوش موضوع
بس بغيت أسألكم في أي دار نشر احصل كتاب المدينه الفاضلة لافلاطون ؟؟

 

[rawona]

سلااام بنات

هذي حصيلتي من زيارتين لمعرض الكتاب
_03ba:

رسائل الخوف لـ عبدالوهاب السيد

الرابح يبقى وحيدا لـ باولو كويلو

الحب الكبير لـ سارة دان

الحقيقة لا تقال لـ خالد النصر الله

بلا هوية

ورود ملونة لـ علياء الكاظمي

الحرف التاسع والعشرون لـ لولوة صادق

اسرار ممنوعة لـ سارة الراشد

الابعاد المجهولة لـ عبدالوهاب السيد

بلا قيود دعوني اتكلم لـ ليلى العثمان


والشي اللي وايد ونسني اني لما رحت اول مرة شفت المؤلفين الشباب واهم يبيعون مؤلفاتهم بنفسهم ويوقعون على الكتب

وااااايد استانست وحسيت بالفخر وانا اشوف المؤلفين الشباب ماشالله تارسين المعرض

:ggdw:


وتشرفت بمقابلة خالد النصر الله ـ عبدالوهاب السيد و لولوة صادق ووقعوا لي على كتبهم

واااااايد استانست لما شفتهم

بصراحة قمة الذوق و منتهى الاحترام عسى الله يوفقهم ويحفظهم انشالله

بس للاسف ماشفت سارة الراشد ولا علياء الكاظمي كنت اتمنى اقابلهم

بس ما كان لي نصيب


بس وسلااامتكم

:dddds:


امبييه وايد قرقت

:dddds:

عليج بالعافية خوش مشتروات .. وصاجه والله فخر انج تشوفين هالشباب الكويتي الطموح كل واحد فيهم واقف وهو يشهد على نجاحه و يطمح بالمزيد

انا بعد تشرفت بلقاء

الاستاذ الكبير حمد الحمد


م. عبدالوهاب السيد


خالد نصر الله


لولوه صادق << الوحيدة اللي سمحت لها بكتابة اهداء لي على اصدارها (واسطة المنتدى) لوووول

​