مشترياتي بالفتره الاخيره ...وأليوم

[أحترت أعبر]

شلونكم بنات .....زمان ما نزلت موضوع , واليوم قررت اصور مشترياتي بالفتره اللي طافت وشيئين شريتهم اليوم ....
وقبل اي شي ....
كل الشكر لحبيبت قلبي مروواي , فديتها هالعسوله ...

عطر نينا الجديد ريحته هاديه وعطر كفالي ريحته قويه بس انا حبيته اكثر مع بخور عود

مثبت لوريال غني عن التعريف ...يمكن هاذي الغرشه المليون اللي اخذها ...وصبغة كولستون الرغوه توني اليوم ماخذتها للحين ما جربتها بس اللي تبي اول ما احطها بقولكم النتايج

باليت شدوات من سينما من السعوديه (سوق الجمله) هالماركه وايد حلوه واسعارها رخيصه والباليت مو كامل اخترت بس هالاربع الوان وعطاني الباليت بلاش لاني وايد اخذ من عندهم , واللي مثل المرايه اللي من انجلوت هاذي خذيتها من انجلوت السيف استخدمها لخلط الفاونديشن او للبغمنت مع الفكس او القطره وايد حلوه وتنظيفا سهل ...روجين من ميك اب فور ايفر ..اللون الاحمر رقمها 21 والوردي 5 ...بس الاحمر ساتن والورديه مات

باليت النيكد 1 شريته من وحده تطلب من النت لاني للاسف ما اعرف اطلب بروحي وكنت خايفه يكون تقليد بس الحمدلله البنت فعلا امينه ويابتلي الاصلي وما رضت تاخذ الفلوس الا لما تاكدت انه اصلي سعره من عندها28 دينار بحريني غالي بس يستاهل , الباليت الثاني من انجلوت ,كوليكشن يديد بس انا اخذته قبل العيد باسبوع والوانه روووعه

أظافر وصمغ الاظافر من دايسو ,صبغ طقم من الهنود , والعلبه اللي فيها الالوان هاذي الكافيار طلبته من نفس البنت اللي طلبت لي النيكد داخلها 12لون بسعر21 دينار بحريني ...والعلب اللي داخل الكميه اللي فيها راهيه يعني تكفي اليدين واظافر الاقدام (عزكم الله )

​

حنة اظافر ومرطب شفايف من صيدلية الواحه

من اليمين مسكرتي المفضله من برجواه وقطرة انجلوت والثالث كونسيلر من كفرديرم رقم 3 والرابع هذا كحل حواجب مائي من كرولاين ...بالمحل كان روعه ولما جربته بالبيت تحسفت ...يمكن لازم اجربه اكثر من مره مع فكس او مع قطرة الشدو او اخلط اللونين لانه اسود وبني مثل ما تشوفون ...المراد بحاول مره اخرى

حمره برتقاليه من ديغو رقمها 15 والورديه41 والاخير كونسيلر ستيك رقم01 , بلاشر برتقالي بلمعه رقم 10 , ديغو موجوده بسنتر بوينت بس للاسف الواحه الرفاع مو كل شي موجود يعني الستاند مالهم تقريبا مغبر بس هالمره بشوف الافرع الثانيه​

والحين يا بنات لازم اشكر مروواي علنا ومو بالخاص ...الحمايه مالت نيتروجينا اللي ذكرتها باخر موضوع لها روووعه يا بنات , لا تدبق على البشره ولا تخليج تحسين بثقل على ويهج , بمجرد ما تحطينها تمتصها البشره وحمايتها 30 يعني جدا مناسبه لشمسنا ...والبيوتي بلندر , حدي استانست لما اخذتها , وابشرج وايد حبيت الصالون وبنتي تبي نرد نروح نسوي اظافرنا عندهم وهم لقيت عندهم حنة الاظافر (اسي) ما كنت لاقيتها من قبل ...مشكوره حبيبتي وان شاء الله مردوده

​

الكيتي اصرت تشكر مروواي وتسلم عليكم ..​

 

[manoooram]

ما شالله ما شالله عليج بالعافيه تتهنين
حلوين أغراضج
ومراوي22 حبيــــــــــبة وعسل وذوقها بالميك اب اينن ما شالله عليها

 

[$الاميررة$]

عليج بالعافيه حبيبتي تجنن اغراضج بس انا سمعت ان منتجات نيتروجينا فيها نسبة كرتيزون مادري صج والا لا ؟ عجبتني حمر فور ايفر وباليت انجلوت تتهنين فيهم

 

[مهـآآآآوي]

تهنين فيهم يارب ........................الكيتي تهبل

 

[أم*سلمان]

عليج بالعافيه

 

[الغلا الصعب]

وااااااااااااو عليج بألف عااافيه اغرااضج ذوووق

 

[ميس هارودز]

فعالا عليكي بالف عافية عجبوني ،ومراوي٢٢ اعتبرها من اهم عشر ينات تعرفت عليهم في المنتدى

 

[ديانا سبنسر]

عليج بالعافية

 

[PuPa^^SWeeT]

الف شكر لمراوي



والف عافية علييج



اتهنييين

 

[أحترت أعبر]

مشكورين بنات ...الله يعافيكم حبايبي ...
اي والله مراووي ماقصرت وفعلا ما تتخير عنكم , بس سالتها بالخاص وما شاء الله عليها يابت لي رقم التلفون وحتى مكانهم , والاهم نصحتني قبل لا اروح ...
ربي يسعدها ويسعد قلوبكم يارب​

 

[مملكه الرشاقه]

عليج بالعافيه

 

[سالم الروح]

عليج بالعافيه

 

[Pink Chocolat]

عليج بالعافيه

 

[سـلام العـشق]

عليج بالعافيه مشترياتج ذوق وووايد حلووة

بس حبيت أسال شنو حنة الاظافر من ايسي !

واذا ممكن صوورة لها

 

[MaZyOoOoNa]

عليج بالعافيه

 

[Sweet Angle]

واااااايد حلووين عليج بالف عافيه حبيبتي ;**

 

[foshia girl]

ماشالله مشترياتج عوار قلب ذوووق ماشالله

تهنيتي يارب ​

 

[مسكـ الامارات]

تتهنين فيهم

 

[funrose]

عليج بالعافية

 

[أحترت أعبر]

مشكورين بنات ...الله يعافيكم يارب
سلام الروح ....الله يسلمج هاذي ماركة صبغ اظافر مشهوره بس للامانه للحين ما جربتها , ان شاء الله باخذ لي كم لون من عند الصالون اللي خذيت منه البيوتي بلندر ...
هاذي صوره من النت لشكلها