السلام:
انتي تعذبيني لما تقولين رحت المكتبة واشتريت كتب لان اقاوم هالايام عشان ما اروح حتى اكمل اللي عندي ..والله جايتني بنت اختي الصغيرة من يومين الا اقولها تبين تروحين جرير هي تقولي لا خالتي واا اقولها لاء انتي تبين بس مستحية وهي مسكنينه ترفض وانا اصر بس ما راحت بالنهاية ..
ومن يومين اتسبب عشان اروح والعذر ابي سماعات للنت وسبحان الله امس معطيني هدية سماعات يعني جرير مسكرة بوجهي ..
انا عندي الكتب ماعدا ذاكرة امي والخاسر ..بس ما قريتهم حتى اليوم ورغم اني محددة اقرأ من النظرة الاولى بعد قصتي اللي بيدي الحين اما صلاة شاريتها اول ما ترجموها وكتبت متى اشتريته في موضوع ام عبد المحسن .
قرأة ممتعة ان شاء الله وترا حتى الروايات في مضمونها بعد الحكم المفيدة اللي تغير حياة الواحد ..
مثل كان زوجي في مشكلة مع بعض ابناء القبيلة وكانوا يحبطونه بكلامهم وكنت اقرأ روايه ايا دوي الرعد اسمع صراخي فاخرجت منها كلمات تفيد موضوع زوجي وقرأتها له ,,والله قالي كنت اظنك تقرين خرابيط بس بكلامك اللي قلتيه لي غيرتي فكري لانه طبق كل ما فيه وصحيح نجح هو ولتموا حوله الجميع وتركوا من كان يحاول يحبطة ..
وكم من رواية غيرتني 180 % وكم من كتاب تنمية لم اخرج منه الا بفكرة ان من كتبه يريد يتربح منا فقط
!
