**السلام عليكم ورحمة الله وبركاته**
(الحمدلله الذي اطعمني هذا الطعام ورزقنيه من غير حول مني ولاقوة)
اشلونكم حبيباتي الغاليات
عسالله يحفظكم بحفظه
هالمشخول سهل وان سويتيه راح تدمنين عليه,,وعلى البطاط الذايب بقاعة الجدر :eh_s(15):
عسالله يحفظكم بحفظه
هالمشخول سهل وان سويتيه راح تدمنين عليه,,وعلى البطاط الذايب بقاعة الجدر :eh_s(15):
اشرايكم نبتدي مع حلوة ومملوووحة....
دجاجه تقطعينها 8 قطع او اصغر حسب رغبتج وتغسلينها عدل وتفوحينها بالجدر مع البهارات الحب (هيل- مسمار- فلفل اسود- دارسين) ومكعب ماجي وبهارات مشكله نص ملعقه اكل وكمون مطحون نص ملعقة اكل ولومي اسود حبتين وتخلينها تستوي ثلاثة ارباع استوا..مانبيها مطبوخه ومستويه حيل.
واهني قربت تستوي مثل مانبي وسكرنا الجوله
نجيب جدر ثاني ونحمس فيه حوالي ثلاث بصلات مقصصينهم صغار بالزيت مع ثوم مدقوق
واذا تشوقروا نضيف قطع الدجاج الي سلقناهم مع اربع ملاعق معجون طماط وثلاث ملاعق كاتشاب
وننحمس ونضيف عليهم ملعقة اكل بهارات مشكله وملعقة اكل فلفل اسود ونص ملعقة اكل كركم ونص ملعقة اكل هيل مطحون وملح حسب رغبتج
ونحمس عدل ليما تمتزج المكونات كلها وتحسين ان الدجاج تحمر وتحمش عدل وغطته الخلطه عدل مثل الصورة
وعقب حبيبااتي نطلع الحمسه ونجيب صينية فرن ونحط الخلطه بقاعتها
ونحط بطاط شرايح مقلي مع حلقات فلفل اخضر مو مقليه نصفهم ونوزعهم فوق الدجاج
وماي الدجاج الي طبخنا فيه الدجاج نضيف عليه عيش مغسول واذا استوا ثلاثة ارباع استوا نطلعه ونضيفه على الدجاج والبطاط عشان يكمل استوائه بالفرن
جذي
ليما تغطين وجه الصينيه بالعيش
وتجهزين لج ماي ورد فيه شوية خيوط زعفران ونتفة هيل ناعم وصبغ العيش نرشهم على وجه الصينيه ونحط على الوجه جم قطعة زبده للنطاعه بالعيش
وندخل الصينيه عقب مانقصدرها عدل بالفرن الي نكون مشغلينه على نار خفيفه حيل
ونخليه تقريبا لمدة 40 دقيقه.
وعقب تطلعينه وتنجبينه وتزينين العيش بالبقدونس المفروم
ملاحظه مهمه: اللي تحس انها ماراح تعرف تضبطه بالفرن لا تضيع تعبهاا وخل تسوي نفس الخطوات ..بس بدال ماتسويه بصينيه بالفرن تسويه بجدر على الجوله احسن لهاا وراح يعطيها نفس النتيجه.
وعقب تطلعينه وتنجبينه وتزينين العيش بالبقدونس المفروم
ملاحظه مهمه: اللي تحس انها ماراح تعرف تضبطه بالفرن لا تضيع تعبهاا وخل تسوي نفس الخطوات ..بس بدال ماتسويه بصينيه بالفرن تسويه بجدر على الجوله احسن لهاا وراح يعطيها نفس النتيجه.
وتفضلوااا على غداااكم او عشاااكم مثل ماتحبوون :eh_s(7):
وطبعاا الاكل الكويتي مايحلااا الاا مع المعابيج والطرشي والليمون الي يفتحون النفس,,,
واتمناا اني قدرت افيدكم حبيببباتي،،،حياااكم الله ،،،،
التعديل الأخير:
