مشخول بصل لذيييييييذ مع المرق

[دلوعه زوجها]

بسم الله الرحمن الرحيم

نبتدي في القادير

3 اكواب عيش ويفضل انديا جيت أو اي نوع تستخدمينه
ملح حسب الرغبه
5 قفشات دهن عافيه
بصلتين كبار
زعفران منقع نص ساعه في بياله شاي
نص قلاس ماي دافي

الطريقه

نسلق العيش في ماي وايد جنج قاعده تفوحينه ونحط معاه ملح لين يستوي نص استوي وبعدين نشخله ونصفيه في المشخال

نحط الدهن بلجدر ونقطع البصل شرائح مدوره وكبيره ونقلبه شوي شوي لين يتحمر شوي بعدين نحط عليه العيش ونضيف الزعفران ونحط نص قلاص الماي فوقه ونحط قصديره فوق الجدر وبعدين الغطا ونخليه علي نار هااااديه مده نص ساعه تقريبا أو لين تحسين انه استوي علي حسب نوع العيش وبعدين تقلبينه بصحن مدور كبير ويصير البصل فوق العيش وبلهنا

ملاحظه
نقدر نبدل البصل بطماط أو بطاط أو ثلاثتهم مع بعض يصير حده لذيذ ​

 

[غروب]

مشكورة عالطريقة بجربها إن شاء الله

 

[ZajiL]

تسلم ايدج

 

[صوت الناى]

مشكورة
دايما انسوى هالمشخول وحني اذا اضفنا له البطاط والطماط
يطلع صج لذيذ
عساج عالقوة

 

[دنيا كفى الله شرها]

يمممي يمممي شكله لذيذ
تسلم ايدينج بالعافيه عليكم
بس بغيت اسألج اذا سويته بالبطاط اقليه قبل ولا بس احمسه ؟
وهم بعد اللي بالطمام شلون طريقته

 

[basema]

يعطيك العافية

 

[أم منصور]

مشكورة حبي

 

[cat_q8]

ثانكيو

 

[ضحكة الدنيا]

تسلم الايادى

 

[دلوعه زوجها]

يمممي يمممي شكله لذيذ
تسلم ايدينج بالعافيه عليكم
بس بغيت اسألج اذا سويته بالبطاط اقليه قبل ولا بس احمسه ؟
وهم بعد اللي بالطمام شلون طريقته

الله يسلمج حبيبتي مشكوره

بلنسبه حق البطاط بس حمسيه مع البصل وكبي العيش فوقه نفس الطريقه بلظبط وحتا الطماط نفس الشي
وجربيه حده لذيذ وعليكم بألف عافيه :wqedqw:

 

[أسـيـل]

يعطيك العافيه نفس طريقتي وحدها لذيذه

 

[دلوعه زوجها]

يعطيك العافيه نفس طريقتي وحدها لذيذه

الله يعافيج حبي ومشكوره عل مرور :wqedqw:

 

[الحــــلوه]

حبيبتي مشكوره

تصدقين انا اسوي المشخول من غير اضافة قلاص ماي اخر شي

 

[جارة القمر]

مشكوووووووره