مشرواتي من جيان..كيك بنكهه العفن الاخضر+صور

[بتبوتااا]

يــــــــــااو شنو هذاا !!

ديري بالج هذي فطريات وبيض فيها تسمم !!

مايندرى شنو دش بطنا من هالمطاعم والله :\

 

[زيزو]

حسبي الله عليهم

 

[الرهيييفه]

هذا من أولها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
:0bee2e8d89::0bee2e8d89:

 

[فديت الاسمر]

يالله الحمدالله ما صار شئ فيج

 

[$الـــحـــلاوه$]

هذي اولها !!!

حمدلله انج ما تسممتي حبيبتي ..

 

[بحر الرمال]

مشكوريين يا بنات على الردود

انا دزيت لهم ايميل(فرع الكويت) بنفس اليوم اللي نزلت فيه موضوعي و طرشت لهم الصور بس ماكو رد..

 

[جلاديلياس]

الحمدالله انج انتبهتي ولا تسكتين عنهم روحي حماية المستهلك وفضحيهم

 

[بحر الرمال]

ترا حبيت اقولكم شنو صار

امس ردو على ايميلي و بالايميل فيه رقم قالو لي ادق..

دقيت امس و طلع مديرهم الفرنسي..طبعا طيب خاطري و قال لي امرهم

مريتهم اليوم توني قبل ساعتين و عطيته الفاتوره و الكيك و اعتذر قال لي راح يعطوني فوشر -كوبون بمشتريات


و هم قال لي ان هذي ثالث شكوى على المخبز..و انه احتمال السبب يكون اني قبل لا اشتري العلبه ان احد ماخذها و مخليها عند الكاشير فصار عفن و بعدها بفتره ردوها لنفس الرف و انا اخذتها..



و بس

 

[قمـة فے الانوثہ]

انزين اشرايج انا كنت شاريه ككاو كيندر هذا اللي داخله حبووب عرفتوو الصغير
و عند الكاشير و لا بـ600 مادري 750 فلس مو معقوووله اهوا مايتعدى ال100 فلس قلنا حق الكاشير جان يقول لا هذا سعره قلنا مااايصيير
وراح عند وحده تشتغل فليبينية اعتقد جان تقول لا هذا سعره قلنا يمكن قصدج العلبة اللي فيها اكثر من حبه هذا بس واحد و تقول اي ادري هذا الواحد الصغيير جذي سعره
و نقولهم كلموو المدير جان يقول هاا انشوف عطيناهم الفاتوره قلنا مانبيها خلوو يشووف مايصير جذي اذا احنا انتبهنا غيرنا مايدري

 

[بحر الرمال]

قمه الانوثه
ليش ماكلمتوهم؟ هالاغلاط بالحسابات وايد تصير بس لو مكلمتهم احسن

 

[الصعيريه]

شالأهماااال

زين جيكتي عليهاا.. بس لاتسكتين حتى لو توصلينها الجرايد

والجرايد مايصدقوون خبر

 

[اوراد العشق]

حسبي الله ونعم الوكيل ارررررررررررف

 

[tmtmt]

وييييييي.. وهذا توا فاتح الله يستر

 

[^ دلـــــوعـــــه ^]

الله يديم النعمه ويحفضها من الزوال

هذي الاخطاء موجودهـ في كل مكان الله يعافينا منهم

 

[dodowa el7elwa]

اي والله كل وااحد ونييته وثاانكس حبوووووبه....

 

[katko0ota]

مساء الخير

غدا الشر حبوبه بس بغيت اقول ان عندهم فرع الرئيسي بفرنسا جمعيه مشهوره و معروفه عندهم دشي على موقعهم الرئيسي و قدمي شكوى

 

[mamanoonaa]

حبيبتي جان دقيتي على حماية المستهلك احسن

 

[TWEETY]

لاحول ولا قوة الا بالله يمكن الغلط من طريقة حفظها
مع ان عندهم حلاوة الرهش مع الزبدة كنت شاريتهم من جيان في السعودية مافي بالكويت مثلها

 

[KOKATY]

لا حول ولا قوة الا بالله
يا معوده حمدي ربج ما تسممتوووو
الحمدلله على كل حاال
عاد جيان انا ولا مرة رحت له

 

[ياعشيري جعلك السلال]

المفروض تجيكين على التاريخ


انا حتى الخبز والصمون اخذ الفرش فما بالج بالحلو والكريمة وهالسوالف



مرة ثانيه انتبهي حبيبتي والحمدلله ان ماصار لج شي

جان شربتي حليب على طووول