مشروع روعه برأس مال بسيط بس ابي مساعده

[دوا الغوري]

مرحبـــــــــا بنـــــــــات....

انا ان شالله ناويه اشتري سياره عاديه وبخلي زوجي يجيبلي سايق بكفالته اضمن
وبخلي يودي ناس الدومات او اي مكان
وبقوله ابيك اطلعلي باليوم عشرين دينار والباقي لك
عشان يتحمس يعني بالشهر يطلعل 600 بالسنه 7200
وبعدين اتوسع و اشتري سيارات وسواق ثانين
بس وين اسكنه وشلون اضمن مايقص علي يعني في عداد احطه بالسياره يشوف البانزين او طريقه ثانيه
وشلون اشغله اخلي باليوم يطلعلي
او انا اعطي معاش ويعطيني كل الفلوس

 

[الحــور]

والله حبيبتي

هالشغلة تكسب حيل بس فيها مشكلة انج ما تضمنين السايق يروح من وراج ويكد بسيارتج واحسن شئ لازم تحطين له اعلان بجريدة الوسيط مستعدين لتوصيل الطالبات او المعلمات وبالشهر كذا وكذا وانتي اخذي الفلوس وعطي السايق معاشه وفوقها شوية زيادة والله حلوة
الله يوفقج

 

[^^DADDIES GIRL^^]

حلو بس وين تسكنينه

 

[اسرار الغلا]

سكنيه عند اهلج او اهله

بس اخصمي من الربح البنزين وقسط السياره


الفكره حلوه مبدئيا والله يوفقج

واذا نفذتيها عطينا من تجربتج علشان البنات يستفيدون

 

[أم حمادين]

اي والله وايد حلوة الفكرة اجدمي عليها والله يوفقكم يارب

 

[تيجان]

بس لازم اتحطين ابالج هذي مخالفه تحميل ركاب ... كافى المخالفه تقريبا 50 دينار وحجز اجازه اول مره وويقدر وللعسكري صلاحيه حجز السياره واذا صادوه ثاني مره تسفييييييييييييييير + خرابات السياره من سوء الاستعمال بما انه بيفتر وايد على منواااا + التبديلات للسياره الاستهلاكيه مثل السفايف الزيت ... اللى لابد منها على منوااااا + اذا خالف فيها ممنوع الوقوف او اشاره او او او اشلون؟ + اذا لا قدر الله دعم فيها شتسوين ؟ فى وايد ناس اسوونها بس يبيلها دراسه وشروط واتفاق اتفاق اتفاق من اولها بينج وبينه افضل شي

 

[حجيه هيونه]

اتوقع كلها تهون بس يمكن سالفة انه يطلع مو امين هني المصيبه
يعني يحط بذمته ويقص عليج او مايراعي ربه بشغله او يسبب مشاكل
هني لازم تختارين واحد حيل ثقه يعني خلي احد يجيب لج واحد زين مو مني والطريج

 

[روقاء]

حبيبتي بس قويه يطلع عشرين دك باليوم قولي تقريبا عشره دك يمكن

 

[anwaralghadeer]

فكريييييييييي بالموضوع اول زين وبعدين بلشي فيه

 

[فوشيه عجيبه]

شوي شوي ولا تتسرعين و موفقه

 

[ديمي 12]

شوفي احد من الهنود الي ياخذون السياره ويعطونج فلوس اخر الشهر والبانزين والخراب عليه

 

[ميــآســهـ ..!]

شلون ياخذون سياره ويصير البنزين والخراب عليه ؟؟