مشروع ممتتع ومربح وفوائده حلال

[غالي حبكـ]

السلام عليكم ورحمة الله وبركاته

شخباركم يبنات ديرتي ....

انا بدش با الموضوع على طول بدون مقدمات واجد من البنات اللي يبون مشاريع براس مال صغير
ويكون ربحهاا كثير واهم شي يكون حلال بس راح تكون متعبه شوي بس عن تجربه الارباااااااح

بتنزل عليج مثل المطر






وهي تجارة الغنم ...تجاره مربحه راح اعلمكم شلون مربحه اول شي اللي تبي تشتري

تشتري جمله راح تطلع عليها الوحده 55دينار نضرب 55*70 راس لا تكثروون

55*70=3850 معروف عن الغنم انهم يولدون بسنه مرتين كل سته شهور

وولادتهم اكثر شي بتوم ناخذ المطافيل<<<<<<<<كلمه بدويه بحته

اللي هم توهم والدين وننطر عليهم شهرين وعقبها نبيعها بسعر 60 دينار

وانتم تعرفون سعر الغنم ارتفع دبلات الدبلات و60 هاذا ولا

شي اعرف واجد يبيعونهم على 70 نقول فرضآآ مارح نبيع كل

المطافيل بنبيع 30 راس 30*60=1800 دينار هاذا ربح بس المطافيل

الغنم مابعنا منهم شي وبعد نص المطافيل مابعناهم هاذا بس 30 راس تقديري

ولا هم يجون اكثر من 30 ولو قلنا بتبيعون 50 راس 50*60=3000

بس لازم لها اهتمام وانا مجربه والحمد لله الحمدلله مو قاصرني شي

ابي سفره قلت لزوجي راح وباع لنا منهم وطقينا تذاكرنا ورحنا

ابي اوجب والد راح وباع وحده ولا ثنتين

انا بعت ذهبي وشريت غنم وتنكر وجبت لي صبي وخليتهم ويا زوجي

وابوه والحمدلله مستوووره ...وقلت لازم افيد بنات منتدااي الغالي

عزمو واشترو وماراح تخسروون صدقوني​

واعذروني على سردي للموضوع اول مرا اكتب موضوع ​

 

[meen_ana]

مشرووع حلووة وموفقه ان شاء الله

 

[ام ملاك2]

مشكورة

 

[حبيب قلبي]

الله يرزقج من رزقه ويوسع عليكم
مشروع وايد حلو بس مشكلته المكان

 

[توكلت على الله 22]

مشكورة حبيبتي
بس هم اهي شغله يبيلها راس مال
لانج مثل ماقلتي جبتي صبي والصبي (العامل يبي فيزة واستقداموراتب)وايضا الغنم تبيلها مكان مثل الجاخور
وتبي لها اكل وماي
وانتي قلتي جبتي تنكر والتنكر يبيله فلوس
يعني العمليه موسهله ويبيلها رجال يحووورف وراهم مو احنا يالحريم احس صعبه علينااعذيريني اختي على ردي بس حبيت اشوف الموضوع من كل جوانبه
وانتي الله يرزقج ماشاء الله الي مسهل لج جاخور ريلج وابوة
بالتوفيييق يالغاليه

 

[فانسي نايت]

مشكوووره

 

[قطعة حلا]

فكره حلوه ومربحه بس يااختج يبيلها رجال وبيطري عشان بعضها تعسر ولادتها..وتنكر وجاخوور وووووو..يعني شوي صعبه مع ان ربحها حلو بس متعبه..

 

[أميرة الحور]

شغلة حلوة بس منو بجابل الغنم ؟ ووين نحطها ؟؟؟

أتوقع غنمنا بشهر واحد كلها ميتة لا أرض فيها عشب ولا احنا فاهمين فيها

بس يا وخيتي شرايج نشتري جم راس غنم ونحطهم مع غنمكم هههههههههههه واذا تيسكم يبي صخلتنا مثلا أول طلي لكم وثاني طلي لنا ههههههههههههههههههههههههههههههههههههه

انتي بس سوي لنا مشروع غنم وأنا والبنات نجيب غنمنا ونحطه عندكم

 

[غالي حبكـ]

مشكورات حبيباتي على ردودكم واسفه قطعت عنكم صارت لي ضروووف

واللي تقول يبي لها شغل ومجابل هي صج يبي لها اول شي راس مال مايتعدى اربع الاف وصبي وتنكر ب 800 من ضمن الاربعه بس والله زوجي مو راعي غنم قاطهم ويا ابوه وابوه اللي يجابلهم بس اذا احتجنا شي دق على الصبي وقاله نزل لي 20 راس وبيعهم ويجيب لنا الفلوس والله ان فلوسها حلال الحمد لله

 

[مــســك]

والله صاجة مشروعج حلوو ..


والله يوفقج يالغالية .. ويوفق الجميع ..

 

[أميرة السعادة]

ماشاء الله لا قوة إلا بالله يارب يباركلج في رزقج ويوسع عليج و جزاك الله خير لى الإفادة و ما رديتي على موضوع الأرض أو المكان و الأكل و العناية الطبية و يعطيج العافية حبيبتي

 

[&& دعاء &&]

مشكووووره
المشروع حلو
لو توفرت الظروف

 

[غالي حبكـ]

يسلمو حبيباااااااااااتي

 

[فديت منورة]

يسلمو عالمشروع

 

[بيبي بدر]

والله فكرة حلوة حتى زوجي قاعد يفكر فيها

 

[غالي حبكـ]

خبيرة مكياج اذا زوجج حاب الفكره داامه راح يسويهاا والله مشرووع يهبل اول شي انا ماكنت مقتنعه بس يوم شفت الارباح تشيشت والله يرزقكم برزق الحلال يارب

 

[الموهوبه]

هلا مشروع الغنم
ممكن مرض واحد يروح راس المال وخساير المصروفات

 

[أغلى الأثمان]

يسلمووووووووووووو على الموضوع الشيق

تجارة الغنم ............... مربح ................... ومبروك ............. بس يبيلها مجابل

 

[قلبين وسهم]

عسى الله يرزقنا وياكم من حيث لانحتسب

بالتوفيــــــــج
​

 

[{الجارحه}]

والله فكرتج حلوه بس الحين ماينفع لن الامراض في الغنم والواحد ماراح يستفيد شي

ومعا هذا يبيلها مقابل وصرف بعد

مشكوره غالي حبك وعسى الله يطرح لكم فيها البركه