مشكلة رفيجتي مع ريلها بو الحريم

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[معي احلى]

اتوقع خايفة اهلها يتقبلوا رجوعها للبيت بس يشرطوا عليها مايتكفلوا بعيالها لان لهم اب يرعاهم ويصرف عليهم . ..

 

[Vous jamais]

الله يعينها و يفرج كربتها

 

[كويتية بروما]

المفروض تخلعه
وتنكسل اقامته
وتسفره
الحين اقدرت ع اهلها وابوها ومو قادره ع هالخايس
المفروض نفس وضعها يصير لها مداس تحت ريولها
لا حب لا بطيخ
تزوجهابيضمن الاقامه والجنسيه لعياله
وتعالو يا مجلس الامه جنسو عيال الكويتيه
والله اعنس ولا اخد اجنبي اكد عليه
يامعوده صابره ع شنو
احنا رياييلنا كويتين وما نصبر عليهم
وشايل البيت من الى

والله المفروض من يطقها ابن الكلب اجره المخفر خل ينسجن سنه ولا 6 شهور
بس لسانها ع ابوها ابيه ابيه احبه
ويين شخصيتها جدام الزباله ريلها
مثل الصخله يطقها واهي ساكته
ليش منو الحلقه الاضعف اهيا ولا اهو
يبا هدا يبي يطفشها بيروح ديرته يتزوج مناك لان حلاه الثوب رقعته منه وفيه
وعياله ضااااااااااااااااااااااااااااااامن امهم تربيهم ولا لما يكبرون يا يصرفون عليه من خير الكويت
يا ايبونه يسون له اقامه دائمه
فلا تخاف انه ياخدهم محد يعاف جنسيه كويتيه

الزواج هدا مبين مصلحه
ياتحمل وتسكت
ياتتاخد موقف وتقضبه الباب تقضي عمرها تربي عياله

 

[نـعـومـه]

اوله اوله اوله هذا منتهي !!!

شلون صبرت!!

واذا يعني عندها عيال !!!

هذا مافيه ولاميزه !!!

يطقها ولا الطق الجايد !!

يسب اهلها !!!

يكلم بنات !!

ياخذ فلوسها !!!

شنو اكثر من جذي!

ترا الديره مع المرا ولاا ريلها اجنبي كملت رفيجتج يبيلها ريال لاااااااازم تكلم اهلها ابوها اخوانها عشان تطلق ولاتحاتي الاهل عمرهم مايتخلون عن بنتهم مهما يصير مردها لهم الريال يتزوج عشر بس البنت مردها لاهلها

يولي الحقير اي عشره اي حب فيه خلها تصير قويه وتقوله طلقني وادخل اهلها واذا حس وراها ظهر والله بيخق ! مستقوي لانها ضعيفه

 

[قَلبڪْ صًخرْ]

قانونا منصف المراة المطلقه
يروح يموت احسن
الله ياخذه حرني


بس هذي حوبت ابوها
في احد يشري رضا واحد ويعاند ابوه ؟

 

[زوجة عزيز]

واهي ليش تصبر على هالوضع ؟؟ عشان اعيالها !! اعيالها بيتعقدون من كثر المشاكل واذا شافو ابوهم يطقها كل يوم وجسمها ازرق ودمعتها ماتفارق عينها وفوق كل ذي ياخذ فلوسها ويخونها بعد اشبقى ماسواه من يصبر على الطق مافي اي سبب يخليها تصبر على عندها عشره منه والعيال مايقدر ياخذهم واهو موكفو يتحملهم اصلا حتى لو خذهم يوم يومين بيردهم لها اهو مومتفرغ حق اعيال متفرغ حق المغازل بس الحمدلله والشكر من رايي انها تتطلق وتعيش براحه وامان والعيال لها كل الحق في حضانتهم الله يعينها ويقدرها عليه وينصرها يارب

 

[نـعـومـه]

اي والله كلام كويتيه بروما عددددل


خلها تصير قوووويه وتشتكي عليه عشان يتسفر ويعرف شلون يطقها ولايخونها خنشوف شلون بيعيش برا الكويت عشان يندم عالساعه اللي رفس النعمه فيها

 

[نـعـومـه]

وقولي لرفيجتج لاتحاتين اهلها بيوقفون معاها صدقيني

ولو لو لو لو عصبو او قالو ها شفتي ولا ماشفتي !!! هذا ابوها جنتها ونارها ماتتقبل منه بس تتقبل من ريال خايس!!

ليش تبيع نفسها على واحد باعها ومايحبها لو يحبها مستحيل يرضى عليها !!

صج قصتها تقهرررر عاد طمنينا شيصير

 

[al-musk]

خل يولي شتبي فيه الوحده تاخذ واحد غير عن جنسيتها مافي مشكلة بس يكون زين ومتروس مميزات بس هذا هاينها وذالها وتقول ماتهون علي العشرة اي عشرة يابنت الحلال ..! تفتك منه اذا تبي تعيش حياة كريمه وأهلها آخر شي مابتهون عليهم وبيردون يساعدونها وخل تطلع جدامهم غلطانه وماتعرف مصلحه نفسها مو مشكله لأنها بشر مو ملاك ماتغلط ولا ان هذا مو كفو ..

واي حريتيني

 

[انصاريه قمره]

وااااااي اخيرااااا نزززززل الموضوع
اجيك عالردود وارد عليكم


احبكم :**

 

[manoooram]

الله يعينها شلون عايشه معاه وهو حقير لهالدرجة !!
مافي مميزات اللي تستدعي وتشجع على استمراريتها بهالزواج يا قلبي

 

[نونه المنكوشه]

عيزنا انقول لاتاخذون ريال غصبن ع الاهل لانه محد كفو اخسر اهلي وعزوتي عبشانه وثاني شي ليش ساكته خل اتروح اتسجل تقرير عن الطق وترفع عليه قضيه اتشرشحه هذا مومال صبر اهوه استقوي لانه يدري اهلها زعلانين منها خل اتروح لهلها وتسامح منهم وتقول انا غلطت وووووووو وبعدين خل يلعنون خيره شنو الدنيا موفوضه جبح ويهه يقهر فوق الشين قوات العين الله يعينها بس لاتسكت ماحب المره الضعيفه والمستسلمه محد يذل ولايعز غير الله

 

[انصاريه قمره]

مشكورين ما قصرتوااا ردودكم تبرد الجبد واهلها ما يتخلون عنها وحتا اخر مره زعلت ابوها قال لهااا اذا تبين اتطلقين انتي بنتي انا ما اقطج بالشارع بس اهي تقووول اهو دايما يقولها ذنب عيالي برقبتج وشوفي شلون بتربين عيالج بدون ابو وراح يدوسون علا راسج و و و واهي البنت تخاااف تقول انا ما ابي اعيش معاااه لاني تعودت عليه وعلا بيتي باجر اودي عيالي بيت ابوي ويتقيدووون تقول ابي اعيش معاه علشان عيالي بس ابي ادرس واشتغل وابي بطاقتي بيدي وابي افرض هيبتي واحترام يعني تقول ابيه علا راس عياله ظل راجل ولا ظل حيطه

وتقول حتا لو بتطلق ما راح اتزوج واخلي عيالي يعني تقول ابيه حديده عن الطنطل مثل ما يقولون

 

[انصاريه قمره]

حياتي

بنات انتو كلكم تقولون , شتبي فيييييه ؟ والله لو مكانها ما اقعد معه ..الخ

وتقولون بالعقل محد يجلس معه , وصح عليكم صادقيييين

بس هي وفي حالات كثييييييييييييييييير مثلها , يصير هو هازمها نفسيا , ما تقدر تعيش بدونه , مخوفها ....الخ

اذكر مره اوبرا جابت نفس حالاتها , المراه اللي يطقها رجلها او حبيبها وما تقدر تبتعد عنه ! << وهذا هم في امريكا

ترا العنف الاسري مو بس طق وحرمان ... حتى عنف نفسي

ف انا اقول الحل مو تشتكي لابوها ولا لاحد ... لان كثيييييييييييييييييييييييييييييييير وكثيييييييييييير حالات تشتكي لاهلها ولا لاحد واذا جا يراضيها رضت !! لا تستغربون ! والله صدق , تروح ترجع له لانه مسيطر عليها نفسيا

فالحل هو : تتواصل مع طبيب نفسي او معالج اجتماعي او احد المراكز اللي ضد العنف ..ويخلونها خطوه خطوه تنفصل عنه , لحد ما تنفصل عنه نفسيا ! او على الاقل تقرا هالنوع من الكتب

لان حالتها واااااااااااضحه !

ابوي يقول لا تجين تتشكين !<< طيب الابو سند وظهر بس مو الحل الوحيد , تقدر تاخذ تقرير من المستشفى انه يطقها وتلعن خيره في المخفر

عيالي متعلقين في ابوهم<< دايم هذا عذر المعنفه أسريا , متعلقين في ابوهم ولا يشوفون امهم تنطق وحاله ؟؟!! متعلقين في ابوهم يقدر بعد الطلاق يزورهم !


بس هاذي اعذار لانها في الحقيقه ما تقدر تنفصل عنه نفسيا !

ولا الطلاق سهل في هالحاله ! والحق معها والمحاكم معها !


سوري بنات تشعبت في الكلام بس حبيت افيد قدر الامكان هي وغيرها

كلاااااااااامج عدل اهو مكسر مجاديفهاااا وزارع الخوف بقلبهاااا
انزين ما تنصحينها بدكتور مضمون

 

[joojoo pink]

كلاااااااااامج عدل اهو مكسر مجاديفهاااا وزارع الخوف بقلبهاااا
انزين ما تنصحينها بدكتور مضمون

حبيبتي انا في السعوديه

ما اعرف عندكم في الكويت


بس نصييييييحه علميها وفهميها اذا هي بتصبر عليه عشان عيالها

عيالها راح ينشأون يا مدمنين مخدرات ولا في مصيبه من هالمصايب ولا ضعيفين الشخصيه

لا تحسب انها بجلستها معه بتحميهم بالعكس

ولا تقول : مايعرفون شي , او ما يضربني قدامهم ....... يعرفوووووون والله يعرفوووووووووون


وهاذي قصه اتمنى تستفيد منها :

السلام عليكم
أببدأ ع طول
بقولكم قصة حياتي باختصار وقد ايش أنا وأمي متعذبين لعل وحده منكم ترفع يديها لنا وتفتح لدعوتها أبواب السماء
أبوي انسان ظالم طاغي <<< لاتجي وحده تقولي حرام وابوك ومدري وشو أنا أبين لكم عشان تكونون بالصورة
ابوي تزوج أمي ألي هي بنت عمه عمه ابو أمي هو ألي مربيه وزوجه بنته ..كانت أمي أجمل خواتها والكل يخطبها بس مابغت غير ولد عمها للأسف
تزوجت هذا الكلام من زمان من أكثر من 50 سنه ... المهم تزوجته وعاشت عذاب طلع الرجل شكاك ظالم يضربها بالليل والنهار يجلدها جلد بدون سبب كانت تخبي عن أمها وأبوها مع إنهم كانوا عايشين ببيت أهلها لأنه فقير كان يهددها ياسواد ليلها يدري أحد عن تعذيبه لها كانت زي الورده ومن بعد الزواج ذبلت .. مرت السنين وجابت عيال وتوفوا أمها وأبوها وساعدوه اخوانها (خوالي) ساعدوا ابوي واشتروا له بيت ملك وسكنا فيه وزاد ابوي بالتعذيب لأمي .. أقسم بالله عمرها ماقالت أنت عايش بخير أبوي أو اخواني كانت تخاف منه خوف مو طبيعي .. أخلاقها جداً عاليه محترمه بمعنى الكلمه ولازالت عسى الله ينصرها يارب بقدرتك .. عاشت حياة ماتعيشها البهايم لأن عياله للأسف صاروا يقلدون أيوهم ويجلدون أمهم جلد وابوي يصفق لهم ويشجعهم كبرت أنا وكنت عايشه من طفولتي بخوووف كبير من ابوي لأنه كان بعد يضربني ضرب مو صاحي بعد بدون سبب
كبرت شخصيتي معدومه تقريباً نفس شخصية أمي .. كبروا اخواني وخواتي وصرنا قسمين قسم طالع ع أبوي يضرب أمي ويعقها وقسم طالع ع أمي رحوم , بس للأسف القسم الثاني مقدر منهم ولا واحد ينقذ أمي من هالعذاب لأن كل واحد منهم تزوج وعاش حياته وكأنه ماصدق ينفذ بجلده
أما القسم الثاني كانوا بنات وعيال ترأستهم أختي الكبيره الله لايوفقها ويفضحها بعزة إلهي .. تسلطت على أمي من صغرها وكان أبوي يفرح يوم يشوفها تهاوش أمي أو حتى تضربها للأسف أمي ماكانت تسوي أي شي عشان نفسها .. المهم كبروا وتزوجوا وخلفوا ولازالوا عاقين لأمي خاصة ولد منهم عمره قارب الأربعين ولازال مرعب أمي يدخل للبيت تبدأ أمي ترتجف يزمجر ويهاوش وأحياناً إذا أنا صرت منب عندها يضربها جعله للشلل يااااارب .. أتلاها قبل يومين أو ثلاث .. كبرت أنا وتخرجت والحمدلله توظفت لقيت حال أمي مزري قلت يمه وشرايك أشتري بيت ونطلع أنا وانتي فيه هذي مو حياة رحبت بالفكرة وانبسطت بس للأسف قالت لأخواني وخواتي القسم الأول ألي طالعين عليها قالوا لا يمه عيب بعدين وش يقول زوجي والولد يقول لا يمه وش أبقول لزوجتي هذا ألي همهم بعد شوي جت تقول لا ياغروب منيب طالعه .. قلت ليه قالت عيب وش بتقول الناس عمري أكثر من 70 سنه ماعاد بالعمر قد مامضى أتصبر انفعلت أنا وقعدت أصيح أقول لين متى تصبرين قلتيها عمرك فوق 70 سنه الله يشدك بالعافيه وفيك ضغط وسكر وجالك جلطتين وعيونك ماتشوفين الا قليل ومهمومه مذلوله ليل نهار لين متى اذا مارحمتي نفسك ارحميني أنا أنا تعبت
قسم بالله مذلولين ع الطالعه والنازله الطلعه مانخرج نهائي لأي مكان ممنوع المكالمات يوم أمي تكلم خواتها تسولف عادي يدخل ابوي يمسح بها سابع أرض قدامهم ..واذا جو عياله الأنذال هواش وصراخ ورجه بالبيت وهو مايحرك ساكن أقصد ابوي .. قوة شخصيته علينا أنا وهالمسيكينه أمي
أما هالعاقين مايحاول يتدخل ولا عمره وقف بوجيههم يقول عيب أمكم قلت لها هالكلام بس ماردت هي عارفه كلامي صح بس ضعيفة شخصيه لدرجه لاتطاق .. واخواني شايلين يديهم مرة منا وهالعاقين تهاوشت معهم عشان أمي كذا مرة ولا فيهم أي فايده بس مجرد يخافون مني إذا دخلت عليهم قاموا يهربون زي الفيران لأنهم مايطيقوني لا وزياده بكل سعة وجه يحرضون أمي علي وللأسف تصدقهم وتبدأ تمشكل معي بدون سبب مرة تقول انتي مالك دخل فيني ومرة تقول انتي ترفعين صوتك علي ومرة تقولين انتي تمنين علي بفلوسك وقسم بربي هذا كله ماصار بس مجرد خيالات
تزعل علي بدون سبب ماتتكلم معي فجأة واذا جو عيالها هشت وبشت ثم يهاوشونها ويختمون زيارتهم بإيذائها يإما بضرب أو رفع صوت عليها ولا تقول شي وأنا لي التزعل والتطنيش
تعبت مررررة من حياتي مالنا ناصر غير رب العالمين سبحانه .. فكرت أشكيهم للشيخ قلت ماراح أحد يشهد معي حتى أمي نفسها بتكذبني
حاولت انشغل بحياتي عجزت أول ماأسمع أصواتهم اخواني وخواتي وابوي يهاوشونها أنزل عندها وأتهاوش معهم أدافع بس بالنهايه أكون أنا ألي ينزعل مني حياتي مشتته مقهووووورة تعبااااانه مادري ش الحل
بنات تكفون ادعو عليهم لاتقولون ادعي لهم أنا أكرههم كره الله لايبيحهم وينتقم لأمي منهم عاجلاً غير آجل
المشكله لو بتموت أمي مالي أحد غير ربي ...
ترا ترددت كثير قبل أكتب لسبب واحد فقط إني مابي أشكي للناس وابي أحتسب بس ماعاد فيني أتحمل زياده وأنا أشوف أمي العجوز تنضرب من عيالها وأبوي ولا لي حيله غير أرفع يديي لربي وكفى بالله نصيراً
دعواتكم مطلبي الوحيد
غروب

 

[نونه المنكوشه]

^^^^^^^^^^^^^^^^^^^^^^^^^^^^^^^
يحياتي قصتها مأساة لاحول ولاقوة اله بالله الله ينصرها اهي وامها علي الظلمه ويعل ايد عيالها الكسر حسبي يالله عليهم والله ينتقم منه عاجلاغير اجل

 

[انصاريه قمره]

حسبيييييييي الله ونعم الوكيل بكل ريال يذل مرته ويهينها وياخذها من بيت اهلها معززه مكرمه ويذلهاااا عساااااه ما يتوفق

عورت قلبي القصه الله يعينهم وينتقم منه ومن شاكلته

 

[روجَ آحمرَ ..×]

مسكينه والله
قسسم بالله كسرت خاطري
ما اقول الا الله يرجع لها زوجها ويهديه ويبعده عن بنات وعيال الحرام
ما ابي افتيك بشي اجل نفاصيله
بس دعوه وان شاء الله تستجاب

 

[روجَ آحمرَ ..×]

يابعد قلبي يا غروب
ابشري بالجنه ودام الجنه طريقها امك لا تتعبين ابد
ولا تخلين الشيطان يتعبك بالتفكير والهم
لاتخافين ان تخلوا عنك كلهم الله موب متخلي عنك
والله كبيرهم بحوله وقوته يوريك فيهم عجائب قدرته
بس يمهل ولا يهمل صدقيني الحياه سلف ودين
والله بيمدك بالعمر السعيد ان شاء الله وتشوفين
اشلون راح يعقون بابوك وشلون عيالهم يبكرون ويسون فيهم العن من سواتهم لامك
بس الله الله لا اوصيك ذا ابوك قطعه منك وفيك
ماتدرين شنو بدور عليه الدنيا اذا احتاجك لا تقفلين الباب بوجه ابد
وامك شيليها اكثر بعيونك
وعادي تحمليها على قولتك صايره كبيره واصلا حتى هي بهالعمر ماعاد تطيق نفسها
حاولي قد ماتقدرين تقلبين مزاجها غيري سواليف بدل ماتكون نقاشات عن مشاكلكم وش سوا اخوانك
احكي لها قصص القران احكي لها قصص عن الصحابه
سولفي لها عن الجنه والنار
علميها الاذكار خليها تكرر وراك ايات
صدقيني هي اكثر تعب منك اذا انتي بس تعبتي اجل وش تقولين عنها اهي
حشاشه جوفها اللي شالته 9 شهور من الالم والهم والغم يطقها ويكفر عشيرها
بس ما اقول الا الله ينصرها على اخوانك نصر عزيز مقتدر
تكفين اهتمي فيها اكثر سافري معها لمكه خذي عمره وياها
غيري جوها الكئيب ذا
وبعدين اللي يطق امك كسري راسه واذا يبي اكثر اقطعي يده ما اظن يده حسره
كل شي بالدنا الا خاطر امي
يكسرون خاطري يطقوني
يلعنون سل سفيلي بس امي لا لا لا
ياخذون راحتهم بتعذيبي بس امي لا يعذبونها
او يفكرون يجرحونها
عادي انا لي الله والله ثم انا لامي
الام غاليه غاليييييييييه بالحيل
ان راحت راحت معها الجنه