مشكلة محيرتني

[حلم السراب]

رد : مشكلة محيرتني

لو مكانج اول ماتخلص الماجله اطرش خدامتي تاخذ من شققهم اكل من غير استاذن واذا خلصت ماجله قولي حق زوجج نبي مطعم وكل يوم خسري مطاعم توصيل منازل لحد مايزهق ويحسبها صح ويحاجي اخوانه

 

[KOKO_284I]

رد : مشكلة محيرتني

حبيبتي الموضوع فعلا يضايق لان على حساب بيتج وعيالج . اذا زوجج في مجال اتكلمينة يكلم اخوانة خل يكلمهم مافيها شي ويقولهم ان معاشة ما يكفي عشر عوايل مو محتاجة ( طبعا مو بهالاسلوب لوووول بطريقة ما تزعل اخوانة والحق ما ينزعل منه .

او اذا انزلو الخدامات واطلبو شي قولي ما عندي .
او خلي شهر البيت يصفر ولا اتحجين خليهم يعرفون قيمة كلامج وقلبي الاية انتي كل اشوي طلبي منهم واذا احد فيهم تحجا اظن الجواب عندج . او نفس ما قالو الخوات على القطية او ثلاجة خاصة .

 

[فوفو22]

رد : مشكلة محيرتني

المشكله والحل عندج مو عندهم


اشلون .....؟؟؟؟؟

المطبخ اللي تحت مال البيت الكبير وهي (الخاله) ام الجميع

فكل بيوت الكويت دايما بيت الام يعطي ما ياخذ ....يزوَد عليكم ما ينقص لكم

فشي طبيعي ما ترد الخالة طلب اي جنه و خدامه كرماااااااااال عيالها

الحل

*بما انه شايفه ان جزء من حلال زوجج مستفيد منه الآخرين

تقدرين تسويين مطبخ تحضيري صغير حتى لو بصالتج مثل طريقة الشاليهات

وينباع جاهز او تفصيل وما يكلف فقط يحتاج مساحه من الصاله او اي مكان مناسب بالشقه

وفيه تحفظين كل مشتريتكم الخاصة

اما مطبخ خالتج الكبير فأكيد خالتج ما تقصًر بالماجله

فوفو

 

[غير كل الناس]

واذا انتي نقصكم شي اخذي منهم

يعني عمليه الاستعاره متبادله

 

[قطوة1985]

رد : مشكلة محيرتني

خليهم ايقطون قطيه كل الاخوووووووووووان احسن

 

[عروس شمالية]

رد : مشكلة محيرتني

الله يعينج والله حاسه فيج .. في ناس عديمين احساس وما اتوقع فيهم رجا .. وحتى لو هي اختج بنت امج وابوج تطلب منج 24 ساعه تبين تملين وبتصارحينها ..والبنات اللي قالوا اعتبريهم خواتج الى متى ؟؟ لا وهم موظفات بعد تتحسف الوحده تشتري كرتون الطمام او جيس البصل ما يكلف عليها دينار ما تتكلف لمن تطرش خدامتها تطر!!

بنات خلونا واقعيين والله معاها حق والدنيا غالية شيلحق مسكين زوجها تلاقون حتى الخاله حاسه وساكته شتسوي عيالها وحريمهم ماتقدر تتكلم واذا تحجت شتقول؟؟

المشكلة اذا الواحد ما حس شيحسسه ؟؟ لا حول ولا قوة الا بالله..!! مالج الا على يوم بتنفجرين وتبطين الجربة الله يعينج

 

[روحي تحبه غصب]

انا فاهمتج حبيبتي ومالج الاطريقه وحده انج تنقزين على حريم حموانج

بس بطريقة الضحك وصدقيني بيتفشلوووووووون وبعدين اذا شفتي خدمهم زفيهم قولي لهم مره ثانيه لاتجين اذا ماما تبي شي قولي لها اغراض الجمعيه مو في البيت تحت وزفي خدامتج قولي لها اي شي ينقص من الماجله راح اخليج تدفعين فلوسه من معاشج

وكلمي خالتج على جنب انه معاش ريلج يدوب يكفي يجيل البيت مره وحده بالشهر وانه لوكنتي موظفه عادي مايهمج الموضوع بس الحاله
صعبه الحين وان اهما ماشاء الله موقاصرهم شي وحريمهم موظفات

وشوفي اللي مايستحي منج لاتستحين منه يعني اللي بيزعل من الحق كيفه بالطقاق قصدي حريم حموانج

 

[toofy]

عندي حلين واختااري الانسب لج ..

يا انج تحطين لج ثلاجه صغيره بمكان صااد لج يعني خاص فيج وتحطين فيها اغراضج مو كلها طبعا يعني الي تشوفينه مهم

او

انج تحطين قفل على الثلاجه المطبخ

 

[ديانا سبنسر]

تفاهمي مع ريلج وخالتج

 

[بدلية]

شلون تقولون ماكو مشكلة الا مشكلة وموهينة بعد

انا اتفق مع الي قالت اذا خلصت اغراضكم اخذي من ماجلتهم ولاتقولين فشلة واستحي كا اهما ماستحوا

انا اقول هذي مو نحاسة ولا بخل منهم لكن اهما يحسبون ان هالشي عادي وحلالكم واحد عشان جذي انتي فكري نفس التفكير واذا بغيتي شي طرشي خدامتج وخل تاخذ
ولا تعيشون ع التوست والجبن!!

 

[بطة رشيقة]

شوووفى حبيبتى انا ما ابى اقووولج ان الموضوع عادى وتااافهه لان الصراحه شى يحر بس هم ما ابى اقولج روحى كلمى ريلج وتهاووشى ومن هالحجى انا اقول اول شى صج مثل الاخت اللى قالت تاكدى ان هالاغرااض مو الخدم اللى قاعد يااا خذوونهم ثانى شى انتى سوى جذى مثلهم يعنى اخذى منهم اغراض علبوو مساعده مثل ما انتى قاعده تسااعدينهم عرفتى يعنى مره طرشى خداامتج ومرتين وصدقينى اهم راح يحسووون ان الله احنا هالكثر كنا متضااايقين المره بالطلبات مثل ما احنا الحين تضاايقنا من طلباتها اللى جم مره ما ادرى انا اشوف هذا انسب حل احسن لج من المشاااكل وعوار الراااس وعم فى شغله ثانيه يمكن اهم ما يدرون ان ريلج اللى قاعد يتشرى يحسبوون ان خالتج اهيا اللى تجيل البيت وعشان جذى ياخذووون منها بس ان شالله ربى حبيبى يفرج عنج والله كريم ان شالله .. وبيت الحموله ما يخلى من اللويه هذه

 

[احلى من القمر]

على قولة المصرييين لقمه هنيه تكفي ميه دامكم مستانسين والاوضاع تمام ليش تخربين على روحج ريلج ادرى وهالشي راد له

 

[ام الدرر]

سؤال انتو بالكويت
اعرف ناس جذيه على ابو ان الام عندها بطاقة التموين ومسجله العايلة فيها وتاخذ الاغراض يصير كل اللي بالمطبخ للعايلة كلها
اذا جذيه طلبي من زوجج يفصل كل واحد ببطاقته
اما اذا لآ الحل بايد خالتج
هي المفروض تكلمهم
لانج لو تكلمتي او زوجج تكلم بيزعلون
بس من امهم ماراح يزعلون
زوجج يقولها اما انهم يحطون فلوس
او كل واحد يشتري شهر
او يكلمون خدمهم وحريمهم
وانتي حاولي على ضحك
قولي الماجلة تخلص يمكن الخدم يوزعون اغراضنا على العمال بالشارع ولا يبادلون الاغراض
او قولي يمكن يطبخون من وراكم وانتو ماتدرون ماجلتنا ما تكفي لنص الشهر
والله يعينج صج شي يحر​

​

 

[كنوشة 2009]

بصراحة شي يحر لازم تقولين حق خالتج ان المجالة راح تكون حطة ولازم تكلم الكل علشان يحط اذا عاجبهم الوضع اوكي واذا ما عجبهم سوي لج مطبخ اذا في مكان بالحوش وحطي كل الماجلة فيها وقفلي عليه شون هذا ما يستحون

 

[FeShinGoOo]

رد : مشكلة محيرتني

خل يسوون قطيه او يخلون الجمعيه كل شهر على واحد اقترحي السالفه على زوجج وشوفي شنو يقول

 

[NZaKa]

رد : رد: مشكلة محيرتني

انتوا ما فهمتوني المشكلة يا بنات ان سبوعين ويخلص المعاش ونقعد لي آخر الشهر ما عندة زوجي حتى دينار واحد والثلاجة طبعا فاضية والله نقعد على خيز وجبن ريوقنا وعشانا وانا ما عندي طبعا معاش واهم ما يطرون مرة او مرتين لا كل يوم وكل شي ياخذونة منا مو بس اللي ناقصهم شي فضيع خدامة داخلة وخدامة طالعة ويبطلون الثلاجة على كيفهم وياخذون اللي يبون يعني احط شي اليوم باجر اجي ما القاه اذا جيت بطبخ نص الاغراض خلصة ما في تعبت والله وانا اكون توني شاريتهم :eh_s(16):

حبيبتي مبين انتوا عودتوهم على جذي ميخالف مره مرتين ثلاث يمكن عشر بس كل مره قلة سنع منهم بصراحة عيب انزين اهما يساعدون بشغلات ثانية؟؟ يعني يشترون حلو موالح اي شي للبيت؟ ولا بس ياخذون ويمشون ايدهم بطووفة

انا ماودي ازيدج بس ليش ريلج مايكلم اخوانه؟ من حقكم بصراحة

وبعدين مالكم الا تقفلون الثلاجة :botetoo: شتسوون بعد جود يحسون هههههه الله يعينكم في ناس ماتستحي

 

[DooLy88]

رد: رد : مشكلة محيرتني

محبوبة << المفروض ريلج يتفق
مع اخوانه ويسوون قطيه
فهمتي


معاها

 

[صوت الحق]

هلا حبيبتي ام در اي احنا بالكويت
بس خالتي حيل شخصيتها ضعيفة ما تقدر تكلمهم وبعدين اكيد ما راح يحطون معانا ولا شي لان كل واحد يطبخ بروح بمطبخة بيفولون شكو يقطون قطية

 

[صوت الحق]

NZaKa لا حبيبتي ما يقطون ولا شي والمصيبة مرات وحدة منهم تكون عندها عشا رياجيل حق زوجها عازم احد وتجي تاخذ نص الاغراض من عندنا وما تطرش لنا حتى لقمة عيش من عشاهم

 

[صوت الحق]

صراحة مشكلت زوجي انه طيب زيادة عن اللزوم وخجول م ويبدي الناس على نفسه وليش ان اهو الصغير يستحي يكلمهم احتراما لهم