$مشكلة هاواس الشوبنج حلها عندي ومجرب$

[غراوي]

مرحباااااا


اغلبنا اذا مو كلنا عندها هاواس الشوبنج وبس ينزل المعاش تروح تقش الاكو والماكو
وتتفاجئ بالاخير انها :-

-ماصفي شي من معاشها لاحتايجاتها الضروريه لاخر الشهر
-نص الاغراض اللي شرتهم مقطوطين بالكبت *والادراج ويمكن ماصار مناسبه تلبسهم
-انها البست الشغله مره ومرتين ونستها او ملت منها
-ان عندها نفس لون الحمره او البلوزه او الجوتي وانتم بكراهه
..........الخ الخ الخ

طريقتي مجربتها انا شخصيا ولقيت لها نتايج مرضيه
وهي تتلخص بنقطتين


$ اول شي (الجمعيه)

جبرت نفسي ادش جمعيه بمبلغ 100 دينار لان تقريبا هذا المبلغ اللي اقطه علي سخافات السوق
(مكياج-شوز-جنطه-بلوزه.......الخ)
ولما استلم جمعيتي يكون مبلغ حلو اقطه بسفره او اخشه واما شخصيا استفدت منه لمقدم سيارتي


$ ثاني شي امشي علي قولة المثل(الفرجه ابلاش)

*اخر الشهر اكون مفلسه طبعا والبوك والفيزا تصفر
فاروح اقز باي مجمع ادش مثلا ستور معين ، واخذ سلتي واحط فيها كل شي عاجبني اترسها ترس
واروح اقيسهم وابرد جبدي
وبعدين اطلع ايد وري وايد جدام

((طبعا لو تسولون العلماء النفسيين بيقولون لكم ان التبضع امر نفسي..حتي انه ينصحون اللي يمر بحالة اكتئاب انه يروح يتبضع،،لان الانسان كل شي يلفت نظره من النظره الاولي ..بس لما يمعن النظر بالسلعه يغير رايه..فهالطريقه نفسيا صحيحه ان ماتخلين شي بخاطرج وتجربينه )))
*
$$$$$$
فايده هالحركه.. اني تعودت حتي لما يكون معاي فلوس واشتري غراض لما اروح اقيسها واشوفها عدل *قبل لا احاسب اقعد احاسب نفسي
شبي فيه؟ ولشنو بلبسه؟ واكيد بيطيح بالكبت عندي!

او اني اساسا ما يصير عندي شغف الشراء لاني ارضيت شغفي بالقياس او التجربه

طبعا نفس هالشي قيسيه علي محلات التجميل
حطي بهالحمر وصبغي اطافرج وترشرشي من هالعطور واطلعي


ان شاء الله اكون افدتكم

 

[أحمرجوري]

ههههههههههه اتصدقين انا جذي بس عندي كنترول الحمد الله وسالفت الجمعيه مطبقتها ومشكوره حبيبتي

 

[غراوي]

العفوا

 

[RO0O7Y KUWAITYA]

مشششكوووره
قبل كان عندي هوس والحمدالله بطلت وكل شي صار عندي له حدود

 

[الزورق222]

مو زينة هالحركة ماتجوز اشلون استخدم الاغراض بدون مااشتريهااا ماايعجبنى هذا الاسلوب ..اخسر على شى عاجبنى افضل لى ..
ومثل ماقلتى اذا تضاايقت قبل طبعا مو الحين الحمدلله الله يتمم على من ستة سنوات انتهت هالسالفة عندى قبل اذا تضاايقت اروح لصالون اما اصبغ او اقص واغير اللوك او اشترى ملابس ومكياج ..

 

[Lourdez]

مو زينة هالحركة ماتجوز اشلون استخدم الاغراض بدون مااشتريهااا ماايعجبنى هذا الاسلوب ..اخسر على شى عاجبنى افضل لى ..
ومثل ماقلتى اذا تضاايقت قبل طبعا مو الحين الحمدلله الله يتمم على من ستة سنوات انتهت هالسالفة عندى قبل اذا تضاايقت اروح لصالون اما اصبغ او اقص واغير اللوك او اشترى ملابس ومكياج ..

حبيبتي من وين عرفتي انه ما يجووز
ساعات احنا ندش السوق بس جذي و صج مرات تعجبنا شغلات حيل و نطلع شاريين شغله ولا 2
و صاحبة الموضوع فكرتج حلووووة صح كلامج انا متبعه هالطريقة حاليا بس الله يستر الاسبوع الياي اول معاش بينزل لي و ادري راح اخلصه من اول اسبوع
بس الجمعيه فكرة حلوووة حيل و راح اسويها طبعا عشان اسدد اقساطي اسرع و حلو الواحد ييمع مبلغ مو كل شي يصرفه

 

[looksh]

سالفه الجمعيه انا معاج وحييييل مفيده

 

[love-latee]

مشكووورة

 

[مريوم م]

مشكووووره

 

[atc666]

في طريقه أحسن روحي شوفي كبتج وقايسي هدومج بتنصدمين شكثر عندج ملابس مالبستيهم ولا مره ونسيتيهم وقعدي لبقيهم وقولي هذا بلبسه وقت جذي وهذا بلبسه بالمناسبه الفلانيه مو سيدا لما احد يطرشلكم مسج ولا وتس اب ولا بطاقه ركضتوا نزلتوا السوق وفي طريقه قديمه يمكن كانوا هابيين فيها قبل الغزو وانا ياهل اشوف البنات الكبار يتسلفون ملابس العروس من رفيجاتهم من خواتهم من بنات خالاتهم اللحين مادري ليش الاخت تستحي من اختها تقول لها عطيني جنطتج اكشخ فيها جدام حمولتي ترى مافيها شي بس عاد انحرج اطلب من اختي حدها طنازة طبعا على غشمرة بس تمصخها وصج اذا نفسيتج تعبت اخذي شاور وحطي ميك اب وسوي شعرج راح تتغير نفسيتج مليون بالاميه وعندي لكم نصيحه انتوا شتبون تيمعون الخلاجين والساعات والاكسسوارات والالماس والذهب اخرتهم الخدامه تبوقهم ولو تمر عشرين سنه ما انتبهتي انا وحده اعترف انه الخدم باقوني وما انتبه الا اذا شفت الشغله اللي عندي مبيوقه بالسوق ولا بصورة ولا باعلان لأنه كلش ما أثبت أغراضي اقطهم بالكبت وانساهم

 

[جذابه بنت ذيابه]

سالفة الجمعيه حلووه ومفيده لكل بنت



و سالفة الملابس قبل كان عندي هوووس ملابس


بعدين رحت تصدقت فيهم و صرت اشتري الاشياء الاساسيه ..

.. الكبت فاض والله يالله لك الحمد