مشكلتي ابي اعرف اتكلم انجلش

[قروب وناسه]

السلام عليكم كيف حالكم
صار عمري 21 سنه ولا اعرف بالانجلش غير yes and no
وكم كلمه على كم جمله مايتعدون العشرين :eh_s(4):
فاذا ممكن اللي يجدون اللغه
كيف اتحدث انجليزي بطلاقه ا
والم بجميع المهارات من قرامر وريدنق ورايتنق
وهل اقدر خلال ست شهور الى سنه اني اتقنها
بشكل صحيح
للعلم اني اتابع كل يوم فلم
:eh_s(10):
وايش تنصحوني بكتب او سيدي اشتريه
يعني مجموعه كامله
لادن دخلت معهد لمده شهر ين ولا استفدت شي لان كل شي يترجمونه للعربي
ربي يجزاها الجنه اللي تساعدني
:eh_s(7):

 

[نبض الجود]

ينقل للقسم الخاص به!​

 

[قروب وناسه]

شكرا

 

[Miss Basma ..}]

أنا خلال سنة تغير مستواي بالانجلش من السيء للمتوسط ،، طبعا كل واحد و مجهوده
أنا دخلت المجلس البريطاني ،، الكلام بالانجلش و الأساتذة أجانب فمراح يكلمونج بالعربي (( عنهم دورة شاملة الكلمات و التحدث و الاستماع بكورسات و عنهم دورة مخصوصة للمحادثة فقط ،،
بس أنا ما اعتمدت عالمعهد فقط ،، درست من الانترنت ،، غلطة بعض الناس أنهم يروحون للمعهد و بس

اقري كتب و قصص بالانجلش ،، أي كلمة ما تعرفينها ترجميها و انسخي ، أنا مرات أنسخ و أتصفح الانترنت بنفس الوقت عشان ما أمل
و أهم شي الاستماع ، مو لازم تفهمين ، أهم شي تعودين أذنج ، و كل ما زادت الكلمات الي تحفظينها و عرفتي طريقة نطقها ، راح تطورين الاستماع أكثر

و في مواقع وايد لتعليم الانجلش
مركز تعلم اللغة الإنجليزية ، هالموقع يهبل ، مقسمينه حسب المهارات و فيه دورات و شغلات وايد
الرابط : هنا

------
Language Exchange Community - Practice Foreign Languages
هذا فيه محادثة صوتية و محادثة كتابية ،، ناس من العالم كله يتعلمون لغات مختلفة

مع الوقت يتحسن مستواج إذا اهتميتي بكل المهارات و خاصة الاستماع و المحادثة

 

[مناوي الكويت]

يعطيج العااااااااااااااااااااافيه خوش فكرة انا بعد ودي اتكلم الانجليزي دوامي كلهم يتكلمون انجليزي وفرنسي الا انا ما اعرف شئ

 

[ربي حقق امالي]

رفع