مشكلتي الارداف وابي حل

[Mrs_Efron]

السلام عليكم

شلونكم بنات

انا بس قبل لا ابدي انا نوعي ماني كسووله انا رياضيه واتدرب واتحرك وايي و اروح و صارلي تقريبا 8 سنين اون اوف عل دايت و التمارين بس ولا مره رديت لوزني اللي كنت فيه قبل هل 8 سنين وكااان داهيه المهمــ

الحين انا من زمان بديت على تمارين كيك كارداشيان الله يعافيها العضوه كمبرلي منها عرفت انها مسويه تمارين و دي في دي و يوم اي ويوم لا لانه السي ديز ال 1 و2 ياخذون مني ساعتين ونص + تمارين من عندي من قبل ف التوتال اتدرب 3 ساعات يوم و اللي وراه تريد ميل على سرعه 6.5 و ارتفاع 8 لمده ساعه يعني باختصار

الاحد كيم كارداشيان
الاثنين تريد ميل
الثلاثا كيم
الاربعا تريد
الخميس كيم
الجمعه تريد
السبت كيم ونرد سيم سيم

بس مع الجامعه الاسبوع الياي بعكس الاثنين والاربعا يصيرون كيم

المهم مثل ما تشوفون ولا يوم بدون رياضيه وتمارين

+ الدايت مالي جهنمي اول ما اقوم قهوه نسكافيه و اتدرب و ما اكل الا الساعه 5 وكميه قليله وشي مشوي مثلا اليوم 5 قطع شيش طاووق وماي وبس وهي هي لي باجر والقهوه و الساعه 5 و جذي

نزلت وايد من يوم بديت

وارداافي نزلو الحمدالله بس موو كثر تعبي وجهدي يعني على اللي اسويه المفروض ينمسحون

بس هم بس خفووا واايد بس ما راحوا

انا ابي اوخرهم

شتعرفون كريمات او تمارين ممكن استعملها وتضعف هل منطقه

انا مابي شغلات اشربها لاني اخاف بس شغلات من برا عل جسم شتعرفون و جربتوه

ولاحد يقولي سالفه القهوه اللي تطلع باول نتايج جوجل عن كيفيه التخلص من الارداف :krkrkr::krkrkr: سويتها ولا سوت شي

وسلامتكم

 

[Mrs_Efron]

ابداااع اووورد بصراحه 12 مشاهده لا رد واحد:krkrkr::krkrkr::ggdw::ggdw: هيييييييييييييييييييييييييييييي

 

[&موناليزا&]

رد : مشكلتي الارداف وابي حل

عزيزتي رفع لعيوووووووووونج

وان شالله البنوتات يفيدووووووونج

 

[كيكه توفي]

رد : مشكلتي الارداف وابي حل

كريمات كريم الزنجبيل وايد بنات يمدحونه تمارين اعتقد المشي حق الجسم كلا وان شاء الله البنات يفيدونج

 

[شذى الحب]

ان شااءلله اضعف بالمنطقة لانه نفس مشكلتج :yaaaaaarb:

 

[فجر_الكويت]

رد : مشكلتي الارداف وابي حل

ان شاء الله تضعفين بصحه وعافيه يارب

 

[@@ام حنين@@]

رد : مشكلتي الارداف وابي حل

نفس حالتي وابي حل

 

[ام مهرة 2009]

الي اعرف

ان الحرمان والرجيم القاسي وايد يمنع الجسم من النزول

ضروري يكون الاكل متوازن جسمج يحتاج كل العناصر الغذائية

الله يوفقج

 

[&فوزه&]

رد : مشكلتي الارداف وابي حل

اول شي أهنيج علي هالمجهود الي اتسوينه بالرياضه بس بقولج هالمنطقه اخر شي ينزل بالجسم لان الدهون الي فيها صعبه وعنيده شوي --الحل الوحيد اذا وصلتي للوزن المثالي وبقي بس الأرداف فيها زياده شوي تكتلات يعني سوي طريقه الإبر الميزوثرابي الي لتذوب الدهون بس لازم توصلين للوزن المثالي عشان تشوفين نتيجه الإبر --والله يتمم عليج والفال لناا ونوصل للوزن المثالي--والسموحه علي الاطاله!

 

[pinky.suger]

حبيبتي من جم يوم في وحدة حطت تجربتها وإهي نفس معاناتج ونزلت لما جربتها اول شهر 6 سم

موجودة بالقسم وإلي إهي زيت زيتون وتبشر زنجبيل طازج وتطبخه بالزيت وتدهن المنطقة الي بتخففها

وتبذل موجود وسلامتج ...

 

[ميلاف علي]

رد : مشكلتي الارداف وابي حل

اختي انا سمعت عن الفجل الاحمر يقولون حيل يضعف منطقة الارداف حطيه مع سلطتج بس للامانه انا ماجربته

 

[زبــــــــدة]

اللي اعرفه ان تمارين كيم تكبر الاردااف وتشدهم ...عشان جذي انا اسويهم :eh_s(1):

اممممممم عطيني شوي تكفين لووووووووول :eh_s(11):

 

[شيخه***البنات]

ماشاءالله تبارك الرحمن الله يحفظج ان شاء الله ..

وتزيد قووتج وهمتج بالرياضه لانها شي مفييد ولازم ماتقطعينها لانها تعطي طاقه ووناسه ..

مشكلتج بالارداف مثل ماتقولين اذا انتي تلعبين رياضه بس ماخفوو يمكن انتي اساساً جسمج واردافج جذي

عريضه من الله لانج سويتي رياضه وخفوو و ترى الارداف اصعب شي بالجسم يبيلهم شدة حييل انتي استمري بالرياضه

وان شاء الله يخفوون .. بالنسبه للكريمات اهوا جل اسمه so skin لونه برتقالي وايد فادني بأيام الرجيم والرياضه

كنت احطه و العب رياضه من قلب وايد خفوو اردافي وبطني كنت البس شورت حراري او كرسيه يشد ..

اذا اردافج يعني لحم زايد راح تضعف . بس اذا كانت عظم هذي من الله ماراح تضعف ..

والله يووفقج ان شاء الله ويعطيج على قد نيتج يااااااا رب ..

 

[vooom]

عن تجربه انا نفس حالتج وكنت ماساااااه والحين واااايد فرق
الحل بابر الميزوثيربي تكسير دهون بس مو عند اي دكتور
في دكاتره ابرهم اي شي وبصراحه اخاف اكتب اسم الدكتوره ويقولون دعايه
اذا تبين اسمها قوليلي عالخاص :eh_s(8):

 

[Mrs_Efron]

مشكوووووووووووووووووووووووووووووووووورين كلامكم عل عين والرااااااااااااااااااس

ما قصرتوا

 

[FOZQ8]

رد : مشكلتي الارداف وابي حل

الارداف شنو مو الفخوذ؟

 

[Mrs_Efron]

لا الارداف اللي هو الحوووض

 

[FOZQ8]

رد : مشكلتي الارداف وابي حل

أها يعني الزايد اللي يمين شمال دايما اخربط بينهم وبين شسمه والفخوذ
:eh_s(4): المشكله الارداف اذا كانت عظم صعبه بس اذا لحم اعتقد تخف مع التمارين
بس ماشالله نظامج حلو استمري لا تيأسين

 

[مــ ك ــلا]

رد : مشكلتي الارداف وابي حل

عطيني اياهم

ههههههه

احمدي ربج عالنعمه ترى غيرج ما عندها

 

[ملح و سكر]

ماشاء الله عليج زين ماسويته بس ديرى بالج مايصير رد فعل عكسى ....

نصيحتى مالج الا المساج التخسيس روحى لاى نادى صحى انا اروح لنادى وايد زين بس ماابى اذكر اسمه علشان مايصير دعايه .....المساج تكسير الدهون مع الرياضه والدايت وربى بتصيرين باربى .....