مشكلتي الخجل الاجتماعي ممكن تساعدوني

[sweet.sanfoora]

هاي بنات


مشكلتي بكل بساطة اني اعاني من الخجل يعني لما ادش مكان ويهي يحمر واحس انه كلهم يخزوني ويضحكون علي ويتحجون عني واحس ان شكلي غلــط واني جيكرة واني ولا شي و ما اعرف اكون صداقات وما احب اطلع واخاف من راي الناس فيني وكلش مو واثقة من نفسي


ساعدوني عسى ربي يوفقكم !

 

[sweet.sanfoora]

بنات شدعواا محد رد

 

[ملآمح يوسفية]

لما كنت اصغر كنت شوي مثلج ,

بس لما كبرت تغيرت و صرت واثقه لدرجه الغرور احيانا لووووول

بس شوفي ياعمري مو يقولون واثق الخطى يمشي ملكاً ؟!

انتي خلج واثقه من عممرج وماعليج من كلام احد ولا تدققين بكل صغيره و كبيره لوول

 

[omy nour 3any]

جم عمرج حبيبتي؟؟؟؟

 

[الدنيا دنيه]

رد : مشكلتي الخجل الاجتماعي ممكن تساعدوني

هلا ياقلبي
شوفي لازم تعرفين شي واااااحد الثقه يحتاج لها الانسان مثل حاجته للهواء 00لان في الواقع الانسان من غير ثقه فهو كالميت لايستطيع الاستمتاع في هذه الحياة ولو يكون في وسط الملذات لان بداخله الم عميق لابستطيع الافصاح عنه وه اهتزاز الثقه بداخل شخصه000
واساس النجاح على جميع الاصعده 00هو الثقه

حبيبتي--اعلمي ان هذه الدنيا بما فيها من بشر فانيه وهي مجرد اختبار لنا 00ومآلنا الى شي اعظم واجل من ذلك 00فلا شي فيها يستحق الآلام 0وانتي عندما تعززين في نفسك هذه الافكار ستجدين نفسك تتحسنين في قوة شخصيتك00
فمثلا 000عندما تدخلين الى مكان فيه اناس كثر 00ضعي في مخيلتك انهم مثلك على حد سواء لايزيدون عنك باي شي فالبشر كاسنان المشط 00كما قال حبيبنا محمد عليه افضل الصلاة والسلام 00
وتأكدي000
انه لايوجد انسان الا ويشعر بالخجل ولكن00بمقاااييس مختلفه 00صدقيني حبيبتي لاشي يستحق العناااء 00امضي ورأسك فوق--
فأنت فعلا تستحقين ذلك 000 /center]​

​

​

​

 

[ام المزيووون]

حبيبتي كلنا واحنا صغار كنا جذي بس تكبرين شوي وتحتكين بالناس تتغيرين00000
الله يوفقج0000

 

[sweet.sanfoora]

ثانكيووو بنات على ردودكم

انا مراهقة :$

 

[ياشوقي للجوري]

رد : مشكلتي الخجل الاجتماعي ممكن تساعدوني

الثقة ماتجي مع السنين لا
لازم انت تعودين نفسج انج تتجرأين شوي
وتكثرين طلعات مع رفيجاتج وتكثرين الصداقات
وتحاولين تتكلمين في اي موضوع يتناقشون فية
جذية راح تتجرئين وتزيد ثقتج في نفسج

 

[غآمضه]

رد : مشكلتي الخجل الاجتماعي ممكن تساعدوني

اول شي خل يكون عندج اراده انج بتغغيرين للاحسن وتتغلبين عالخجل
كل هذي اوهام وتخيلات ووسواس يظل ابالج فلماتروحين اي مكان لو حتى الي وياج لاهيين دام اسستي فكرة انهم يطالعونج ويضحكون عليج بتحسين ان صج اهما جذي وبتتعبين نفسيا معنهم مايدرون عنج وعادي
ويمكن تكونين احسن منهم بوايد اشياء بس مشكلتج ماعندج ثقه بنفسج تغلبي على هالشي مره على مره ولاتحطين ابالج هالتفكير كلش لما تنسيه وتتصرفين عادي وطبيعي

 

[اشكي لحالي]

رد : مشكلتي الخجل الاجتماعي ممكن تساعدوني

راح تتغير يييييييييييييييين صدقيني

مع الايام والظرووووووف والدراسه والاحتكاك بالناس اكثررررررررررررر


انا كنت جذيه واكثررررررررررررررر مامنيييييييييييي طب اصلا لكن الحمد لله تغيرت وايد

 

[bigsmile66]

شلونج قلب ..والله البنات ماقصروا وانا رايي غيري تفكيرج تتغير حياتج حطي ابالج الافكار الايجابية وان شاء الله بتلاحظين التغيير ..الله يوفقج يارب ويسهل امورج

 

[lightning]

الخجل حلو, وتوريد الخديين احلا,
وتراها شعبه من شعب الإيمان ^_^

 

[بنت السلاطييين]

رد : مشكلتي الخجل الاجتماعي ممكن تساعدوني

نفس حااااااالتي والله

ان شاءالله نتغير مع الوقت يارب

 

[احب المنتدى]

رد : مشكلتي الخجل الاجتماعي ممكن تساعدوني

لرفع


الله يعينج

 

[صعب غلاها]

انا ايام المتوسطه كنت حييييييل حييييييل جذي

بس كلما اكبر شوي تخف عندي هالحاله ماقولج صرت بيرفكت بس قاااعده احاول اتجرأ اكثر

وابدي الشي اللي اخاف منه

 

[mimi_el3so0ola]

حلوو انج عارفه ان هالشغله مو حلووه فيج ، والأحلى انج قام تبحثين لها عن حل
.. لا تحاتين غلاآتي كل شي ممكن يتغير للأحسن بالصبر والإراده ..
وطبعا ماكوو شي يصير بين يوم وليلة .. بس انتي اخذي بالأسباب وحطيلج هدفج يكون " تطوير شخصيتج "
ومع الوقت بتلاحظين نفسج تغيرتي شوي شوي ...
بس اهم شي انج ما تيئسين لو فشلتي مره ~.^ وحلاة الطبخه تستوي على نار هاديه ،
وتذكري ان حلاة البنت يكون فيها شوية حياآ .... يعني لا تقضين ع الحيا اللي فيج بالمرره قلب ^^
والله يوفقج حبيبتي وان شاءالله تحظين بالشخصيه اللي تحلمين فيها ياآرب

** عجبني كلام الاخت " الدنيا دنيه " بردها ماشاءالله كله تفاءل وايجابيه ،،
& تقبلي مروري ،،

 

[friends]

راح تتغيرين بس مو مني والطريج
ساعدي نفسج عشان تتغيرين طلعي روحج من الاحراج اللي تكونين فيه
دايما اذا قعدتي بمكان فيه ناس شكثر حاولي تبدين رايج تشاركينهم ع الاقل
لو بكلمه
خلي يكون لج دور
قولي اي شي حتى لو سخيف اهم شي تشاركينهم
طلعي وقعدي بين ناس حتى لو اول فتره ما تكونين مرتاحه وتحسين انه مو جوج
ومو متعوده بس حبيبتي هذي سالفة وقت
انا كنت ام الخجل ما اتوقع في وحده كانت تستحي كثري ما اقولج تغيرت اميه بالاميه
بس اقولج تغلبت على جزء كبير منه وغيرت بشخصيتي بفضل الله للاحسن
دايما عطي نفسج باور وقوه ايجابيه
الناس ؟ قولي ليش اخاف منهم بياكلوني؟! اوكي خل يخزون خل يقولون
محد همني
ادري بتضحكين على روحج ويمكن تناقضين نفسج وتقولين اقص على عمري
بس حياتي العقل الباطن جذي يتبرمج دايما قولي انا اعرف اسولف والحمدلله اقدر
اتغلب ع الخجل حالي حال هالناس اهما بشنو احسن مني
صدقيييينيي بتتغيرين وحتى ما تصدقين هالشغلات تطلع منج
بالتوفيييج

 

[DA3LOoOLA]

مع الايام انشالله راح تغيرين كل البنات كانوا جذي بس الواحد يكبر كل يوم والايام تعلمه وحاولي تشوفون الاشياء الايجابية فيج علشان تقدرين تكسرين الجانب الحيوي الي فيج وتأقلمين مع الموجودين حوالينج

 

[sweet.sanfoora]

ثانكيوو بنات على ردودكم عسى ربي يحققلكم كل امانيكم ويوفقكم

 

[( المـلاك )]

حبيبتي مشكلتج الثقه بالنفس بس
حاولي اكثر من مرة انج تسوين الاشياء اللي انتي تتضايقين منها
مثلا طلعه مجمع او يمعه ناس او قعدي بقروب بنات
هالاشياء انتي تحسين انج ما تحبينها وتخافين و اييلج احساس الخجل الاجتماعي
بس سويها غصب و حاولي تتأقلمين
و مع الوقت بتحسين انه ماكو شي و هالشي طبيعي
و بتصيرين طبيعيه
بس انتي شجعي نفسج شووي
و زيدي الثقه بنفسج شويتين

و الله يوفقج حبيبتي و ينولج اللي ببالج =)