مشكلتي بالزوارة .......أبي حل ؟؟؟؟؟؟؟

[بحرينية@ماركة]

ارقي نفسج ولاتكلفين بلبسج كوني ناعمه وبسيطه..

 

[كويتية بروما]

والله حبيبتي حريم اخواني في الزواره بعضهم يلبسون دراريع المعرض المصريه ناعمين وحدهم سمبل ولا جينز وبلايز كشختهم بالمناسبات والاعياد
موشرط خلي الكشخه لطلعتج ويا زوجج او اهلج ماتسوى عليج الكشخه
انا وحده صرت قرعه والسبه عيونهم كل اسبوعين صبغه وقصه يديده وادش مسويه ستايلات بشعري وهم بس يتفززون علي
امي قالت لي تبين شعرج يرد نفس قبل لاتقطين الشيله جدامهم والله ببيت ابوي وقت الزواره ماقط الشيله والحمدلله رد شعري نفس اول وقام يطول
ترا العين تموت ديري بالج

 

[seedo]

رد: رد : مشكلتي بالزوارة .......أبي حل ؟؟؟؟؟؟؟

آحلآ كشخه بالبسآطه ..واكيد ارقي نفسج مآيبيلها نقولج ..! بس مو تصيرين نفسهم وتنسين الكشخه .. خلي كشختج حلوه نآعمه علا حسب الجو بس مو تعجزين بنفسج علا ابو انهم مايكشخون ..

=============

هذي المشكلة الكشخة بالبساطه اشلون اطبقها ...ابي امسك العصا بالنص مو عارفه ...:eh_s(13):


مشكووورة حبيبتي

 

[seedo]

لبسى مثل لبسهم وريحى راسج

:cxxxp: يا لهوي جدا صعبه

 

[Chic & Unique]

و الله انا نفس حالتج اهل ريلي يكشخون بس بالطلعه وقت الزواره يكون الوضع طبيعي و اصلا يقولولي ليش تكشخين محنا غرب بس انا ماحب اروح الا كاشخه و مالي شغل اذا اهمه كاشخين ولا لا لما تكشخين حق نفسج و اذا على اللي يصير صدقيني يصير للكل بس انتي ارقي نفسج و اقري ادعيه قبل لاتدخلين عندهم اما انج تغيير كشختج لا انتي قاعده تكشخين لنفسج لانج تعودتي على هالشي لاتخلين شي يأثر عليج و العين مذكوره حتى بالقرأن بس انتي ارقي نفسج و الله الحافظ

 

[al-musk]

رد : مشكلتي بالزوارة .......أبي حل ؟؟؟؟؟؟؟

العين حق وانا أؤمن فيها والناس تفز عليج وهالشي طبيعي انتي اهم شي كل يوم ا لصبح وقبل اي زوارة ومشوار ترقين نفسج وتتوكلين على رب العالمين

 

[بطة رشيقة]

خليج بسيطه وارقى روحج وان شالله مااكو الا العافيه

 

[!الجادل الصعب!]

رد : رد: رد : مشكلتي بالزوارة .......أبي حل ؟؟؟؟؟؟؟

=============

هذي المشكلة الكشخة بالبساطه اشلون اطبقها ...ابي امسك العصا بالنص مو عارفه ...:eh_s(13):


مشكووورة حبيبتي

ميك آب نآعم ولبس نآعم شنو مآعرف ..! لا تسوين موديلآت وحركآت البسي جآهز ..!

 

[عيش و مرق]

كشخى بس لاتيبين اليهده حييييييييل على قولت رفيجتى جذى تكشخ وتخب عمرها واهل زوجها بسيطين

ضحكتنى امها ههههههههه تقول لها والله انت خابه روحج ومعوره قلبج وحمولتج مايدرون شسالفه خلج عاديه تونز وبنطرون

 

[هنـــــد]

رد : مشكلتي بالزوارة .......أبي حل ؟؟؟؟؟؟؟




عادي حبوبه !
خلي ستايلج سمبل .. لان شكلج بيكوون اوفر !
يعني بينهم بتصيرين عارّه شوي .. وشكلج مو اوكي ..
حلاتج مستواج مثل مستواهم .. والخبّـه خليها لـ الناس الخبّه

وموفقه قلبووو

 

[tmtmt]

مومعقوله ثلاثتهم نظلوج !

والشي الثاني
بالعكس مو حلو الي قاعده تسوينه
حسيتج لما ادشين عليهم شكلج غلط يعني حدج خبه عرفتي

وبنفس الوقت لو يصير عندكم استقبال او مناسبه
ماراح تتغيرين عليهم لن من كلامج كشختج كشخة استقبال

فكل مكان ولبسه
وكل مكان واكسسواراته
وكل مكان ومكياجه

هذا بالنسبه لي الكشخه

عرفتي فما يسوا الي قاعده هسوينه كلش
انتي تعبتي من كثر ما تفكرين
وهم تعبتي من العين

فخلاص انتي لازم تمسكين عمرج
وتكون عندج اراده

 

[مندوبة ام بندر]

حبيبتي رقي نفسج
واخذي غسولهم

 

[فـدوه]

رد : مشكلتي بالزوارة .......أبي حل ؟؟؟؟؟؟؟

لا حول و لا قوة الا بالله.... شهالحسد اعوذ بالله

ما شاء الله عليج مبين متربية عدل لأن فوق كل هذا ما سبيتيهم و لا دعيتي عليهم بموضوعج... اشكرج على اسلوبج الراقي

بالنسبة للحسد لا تهدين الرقية اليومية و المعوذات و دايما اقري بماي المعوذتين و سبع مرات اية الكرسي و شربي و غسلي ويهج و حاولي تخففين باللبس يعني مرة و مرة و مرة بدون مكياج يعني...

الله يحفظج و يحفظنا يارب

 

[رحيل المرافيء]

رد : مشكلتي بالزوارة .......أبي حل ؟؟؟؟؟؟؟

وليش المبالغة ؟؟؟؟
خلج بسيطة وكلها زوارة
وماهم غرب اهل ريلج شايفينج وعارفينج وباخصينج زين مافي داعي للكلافة اللي تسوينها
وتبين الكشخة تحملي ما اييج
ويمكن انتي حاسدة نفسج ترى مايحسد المال الا اصحابه مو شرط من عينهم

 

[Alia]

ترى الكشخة والتسنع مو معناتها البس كل الكبت واختب لا ! ترى انتي تحلين لبسج مرات لبس بسييييييييط بس واااااااايد احلى من الخبة! خلي التكشخ الاوووووفر حق المناسبات علشان تفرقين لا يكون ستيلج واحد والله الحافظ حبيبتي

 

[seedo]

رد: رد : رد: رد : مشكلتي بالزوارة .......أبي حل ؟؟؟؟؟؟؟

ميك آب نآعم ولبس نآعم شنو مآعرف ..! لا تسوين موديلآت وحركآت البسي جآهز ..!

===========
مشكورة يا قلبي على الاهتمام

انا ما اواطن شي اسمه جاهز بيني و بينه عداوه عشان جذيه ألجأ للتفصال ولما أفصل تطلع الحركات,,,,,,,بس ان شاء الله بسمع بنصيحتج واطبقها عدل


:eh_s(7):

 

[seedo]

رد: رد : مشكلتي بالزوارة .......أبي حل ؟؟؟؟؟؟؟

جبيبتي اكشخي وستانسي بس قبل لاتطلعين من البيت اقري على نفسج المعوذات والاذكار يعني حصني نفسج

موشرط العين اجيج من شخص يكرهج لا ممكن من شخص يحبج وممكن انهم منبهرين بكشختج انتي حصني نفسج وتوكلي على الله

هلا فيج.........صاجة العين مالها علاقة حتى الام ممكن تفز على عيالها

شاكرة مرورج

 

[seedo]

مومعقوله ثلاثتهم نظلوج !

والشي الثاني
بالعكس مو حلو الي قاعده تسوينه
حسيتج لما ادشين عليهم شكلج غلط يعني حدج خبه عرفتي

وبنفس الوقت لو يصير عندكم استقبال او مناسبه
ماراح تتغيرين عليهم لن من كلامج كشختج كشخة استقبال

فكل مكان ولبسه
وكل مكان واكسسواراته
وكل مكان ومكياجه

هذا بالنسبه لي الكشخه

عرفتي فما يسوا الي قاعده هسوينه كلش
انتي تعبتي من كثر ما تفكرين
وهم تعبتي من العين

فخلاص انتي لازم تمسكين عمرج
وتكون عندج اراده

==========

شاكرة مرورج عزيزتي وعلى النصيحة الحلوة......هذي المواقف اللي ذكرتها بكل زوارة يعني مو مرة وحدة .....والله الحافظ مالقيت تفسير مقنع اللا انها العين

 

[seedo]

كشخى بس لاتيبين اليهده حييييييييل على قولت رفيجتى جذى تكشخ وتخب عمرها واهل زوجها بسيطين

ضحكتنى امها ههههههههه تقول لها والله انت خابه روحج ومعوره قلبج وحمولتج مايدرون شسالفه خلج عاديه تونز وبنطرون

هههههههههه يا حلوج يا عيش ومرق .......والله صاجه ام رفيجتج الله يحفظها


تسلمين ياقلبي ع المرور

 

[درة أهل الطولات]

رد : مشكلتي بالزوارة .......أبي حل ؟؟؟؟؟؟؟

كشخي ولبسي

بس اقري المعوذات