مشكلتي بالزوارة .......أبي حل ؟؟؟؟؟؟؟

[seedo]

والله حبيبتي حريم اخواني في الزواره بعضهم يلبسون دراريع المعرض المصريه ناعمين وحدهم سمبل ولا جينز وبلايز كشختهم بالمناسبات والاعياد
موشرط خلي الكشخه لطلعتج ويا زوجج او اهلج ماتسوى عليج الكشخه
انا وحده صرت قرعه والسبه عيونهم كل اسبوعين صبغه وقصه يديده وادش مسويه ستايلات بشعري وهم بس يتفززون علي
امي قالت لي تبين شعرج يرد نفس قبل لاتقطين الشيله جدامهم والله ببيت ابوي وقت الزواره ماقط الشيله والحمدلله رد شعري نفس اول وقام يطول
ترا العين تموت ديري بالج

===========

مشكورة كويتية والله يهون عليج غربتج يارب...والله يحفظج من الحسد للاسف كثر الحسد على اقل شي ...وصلت لصبغة الشعر بعد؟ الله الحافظ

 

[seedo]

و الله انا نفس حالتج اهل ريلي يكشخون بس بالطلعه وقت الزواره يكون الوضع طبيعي و اصلا يقولولي ليش تكشخين محنا غرب بس انا ماحب اروح الا كاشخه و مالي شغل اذا اهمه كاشخين ولا لا لما تكشخين حق نفسج و اذا على اللي يصير صدقيني يصير للكل بس انتي ارقي نفسج و اقري ادعيه قبل لاتدخلين عندهم اما انج تغيير كشختج لا انتي قاعده تكشخين لنفسج لانج تعودتي على هالشي لاتخلين شي يأثر عليج و العين مذكوره حتى بالقرأن بس انتي ارقي نفسج و الله الحافظ

===========

شاكرة مرورج ......انا نفس تفكيرج اقول لنفسي انا متعودة على هالطبع ليش اغير....وللاسف سالفة الرقية والاذكار متهاونة حيل فيها وكل ما اطلع انسى ارقي نفسي لان بسرعة بسرعه

 

[seedo]

رد: رد : مشكلتي بالزوارة .......أبي حل ؟؟؟؟؟؟؟

لا حول و لا قوة الا بالله.... شهالحسد اعوذ بالله

ما شاء الله عليج مبين متربية عدل لأن فوق كل هذا ما سبيتيهم و لا دعيتي عليهم بموضوعج... اشكرج على اسلوبج الراقي

بالنسبة للحسد لا تهدين الرقية اليومية و المعوذات و دايما اقري بماي المعوذتين و سبع مرات اية الكرسي و شربي و غسلي ويهج و حاولي تخففين باللبس يعني مرة و مرة و مرة بدون مكياج يعني...

الله يحفظج و يحفظنا يارب

===========

تسلمين ياقلبي على هالكلام الحلو والنصايح الحلوة مثلج...هذا من طيب قلبج واصلج... بس ظليمتهم شينه و ربي شاهد على كلامي و العين مالها علاقة بالحب او الكره...

 

[مدام سارا]

الله يعينج واحمدى ربــج ان الم صدرج والدمل كله طلع شى بسيــط وراح الان بعض العيون وفزت الحريم تودى ورى الشمس
الله يستر عليج ياقلبى وخففى كشخه والله ماينفعونج اذا صارلج شــى .
و اولا واخيـــرا
اذكار الصباح والمساء ,

 

[seedo]

الله يعينج واحمدى ربــج ان الم صدرج والدمل كله طلع شى بسيــط وراح الان بعض العيون وفزت الحريم تودى ورى الشمس
الله يستر عليج ياقلبى وخففى كشخه والله ماينفعونج اذا صارلج شــى .
و اولا واخيـــرا
اذكار الصباح والمساء ,

-------
نسيتي الحبوووب قطيعه....والله صاجه ومشكوووورة على كلامج الدرر......اي والله العبد مايجحد فضل ربه الف حمد وشكر على نعمته

 

[seedo]

انا ماحب احط روحي بمستوى اعلى من الناس اللي قاعده وياهم

خلج مثلهم يا حلو اللبس السمبل

و اذا على زواره تلبسين لبس عرس على قولتج حتى لو ما صكوج عين بتحصلين لج كلمتين لو من ورا ظهرج شدعوا عليها لابسه كل هذا وين بتروح؟

=========
لا لبس عرس هذي صيغة مبالغه من زوجي :nocommint:.....


والله كل شي جايز ممكن ينقدون :080402ask_prv:ليش لأ

 

[كويتيه مذهله 87]

حبوبه
ماتعرفين ترقين رووحج ؟

مايبيلها تعلووومه ولا شرررررررررررررررررررح

 

[seedo]

والله احنا ماذبحنا الا هالعيون

يعني الناس ليش ماتحسد الممثلات والمطربات وهاللي يطلعون بالتلفزيون جنهم البخت بس حاطين عينهم علينا احنا صج ديرة حسد

ارقى تفسج وكشخي حبيبتي بس اقل من جذيه شوي

خففي الميك آب خليه برونز والحمره مات انعم وارقى واخف
والبدله ناعمه وبسيطه ترى الشعر والميك آب والاكسسريز اهي اللي تلعب بالشكل

ولا تعطين الزواره اهتمام كبير عشان انتي ماتتوترين وتخلينها كأنها مناسبه كبيره

وبقولج شغله الحريم يغارون وممكن الغيره توصل للكره فديري بالج

============
الدولة :تحت اقدام امي


الله عليج حيل أثرت فيني هالجملة....ربي يحفظج لج امج ويخليها لكم يارب


حبوبتي انا مؤمنة بعلم الطاقه...وهي اتقول ان كل انسان تحيطه هاله من الشحنات واذا كانت ضعيفه فهذا بسرعة يتأثر من اشعاعات العين ( انقول عنه بالعامي انسان منخل يعني بسرعة تصيبه العين) و في ناس لو شنو تطقينها عين ما يأثر فيه ....والرقيه الشرعيه اتقوي الهاله المحيطه بالانسان بس في ناس حتى لو ما استرقت ما يضرها شي .... وربي الحافظ والله يكفينا شر الغيره والكره ...كلامج حكيم .....مشكورة قلبي

 

[~LiBrA~]

رد : مشكلتي بالزوارة .......أبي حل ؟؟؟؟؟؟؟

والله الله يعينج هذا الشي نفسه صارلي تقريبا اول زواجي لان حمولتي نفس حمولتج

بس بعدين قلت مايسوى اتكشخ لهم صراحه اذا اهم جذي ومايعرفون بهالسوالف

خليت الكشخه مع ريلي وزوارة بيت اهلي

ويوم واحد الي اهو زوارة حمولتي البس بس شي بسيط منعا للعيون

والله ياكافيج شر العين

 

[شهرزاااد]

نفس وضعي
بعدها انقررررصت صرت ما الفت الانتباه..وارتحت

 

[سوسن1980]

رد : مشكلتي بالزوارة .......أبي حل ؟؟؟؟؟؟؟

كل زوارة خففي شئ واحد مثلا الزوارة الجايه خففي الميك اب واللي بعده اللبس واللي بعده الاكسسوارات لين تتعودين على السمبل والله يحفظك

 

[بشورة الشمس]

حياااااااااااااااااااااااتي
العين حق علينا لو مكان قصدهم إن يعطونج عين لأن مرات تكون من القراب حيل ومن دون قصد مثل أختج أمج خالتج وايد ناس مو في نيتهم الشر بس لو مو عين يفزون لج أول شي أقري على نفسج أهم شي ومن كلامج أنهم عيونهم حارة إسمحيلي بهل كلمة لو موقصدهم فتجنبي الكشخة الزايدة أساسا مو حلو شكلج وإنتي خابه نفسج وغيرج شكلهم سمبل بعطيج مثال أنا ساكنه بيت أهل زوجي فأول ماتزوجت شي طبيعي الكشخة حتى مرت حماي بس بعد شهرين شفت مرت حماي ردت عاااااادية يعني دراريعها جاهزة أو ناعمة حيييل ومرات تحط مكياج خفييييف حيل ومرات بس مسكرة وقلوس وبصراحة ضحكت على نفسي بعد مدة لإني شكلي غلط فسويت نفسها وصرت سمبل ومو متكلفة والكشخة خليتها للعروس والعزايم صدقيني حتى شكلج بيصير ناااايس وأهم شي إرقي نفسج .

 

[كيم كارداشيان]

حبوبة إنتي ترمسين عن أمور هينه ..

دمل ونفرة وويع مال اسبوع ..


تعالي شوفي يارتنا شو استوى بها بسبة الكشخة .. بتعرفين العين شو تسوي صدق


يارتنا تبارك الرحمن شعرها للركبة .. وجسمها حلو .. الاخت دايما تلبس عاري الصدر برا والزنود برا .. وقصير للركبة وحركات في الزوارة

رمسوها بالطيب كم مرة

رمسها ريلها وعصب عليها صارت تلبس طويل بس الزنود برا ..

وطبعا الشعر برا

لين ف يوم سارت الزوراة وردت بيتها رقدت وقامت من النوع تصرخ من الويع ..

يا دوب وصلت المستشفى راسها يعورها .. استفرغت ( وانتو بكرامة ) وطاحت ع الارض

غيبوبة الله وككيلج من 3 سنين ..

عندها حرارة بالدماغ

شعرها الطويل حلقووه بمكينه ع الزيرو

وقصوا طاسة رسها علشان يبردون ع الدماغ ..


ما بقوا بلاد ما سفرووها .. وهي على نفس الححال


يابولها مطاوعة يرقونها يقولون فيها عين قوية ومحد عرف من شو

لين آخر مطوع رقاها وراح ثاني يوم يا لأهلها قالهم بنتكم تتكشف جدام الحريم وتترزز وتلبس الزين وفوق الزين .. وهذي عين من أهلكم اللي يشوفونها .. او بمعنى آخر عيووون متجمعة عليها .. كلهم صوبوها بسهام ابليس وراحت البت فقيدة من كيس اهلها وريلها وعيالها ..


ما أظن تفكرين تكشخين فوق مستوى الناس اللي بتروحين لهم من عقب هالسالفة .. ديري بالج .. واعرفي ان الزين من زانت معانيه وأخلاقه ..

 

[غلاي عزوزي]

انتي نفسي بالضبببببببببببببببببببببببببببببببببببببط اول ايام زواجي
بعدين حسيت نفسي غير
ولمن يبت يهال خليت نفسي سمبل
يعني باجر اليهال بيلهونج عن الكشخه وبدال ماتجابلين المنظر ساعتين 5 دقايق ماتلقين وقت ىمع اليهال
عادي شي طبيعي
مع الوقت بيتغير كل شي

 

[ســتارز]

اشعليج من لبسهم كل وحدة ولها ستايلها الخاص مو علشان عاديين لازم اصير نفسهم !!!

اقري المعوذتين والبسي اللي تبين

 

[الغدق]

حبيبتي اول شي لازم قبل ماتطلعين مكان الا انتي محصنه نفسج
وفزة النفس اتصير من اقرب الناس لج
واذا على الكشخة الكل يحب يكشخ بس لكل مناسبة كشخة ولبس
ووووي عيل انتي مال اخذج واحطج ببيت حمولتي كل يوم كاشخين
بس بحدود مكان ناااعم اشوي والبدله مو الفخمة اوفر حق عرس او عيد او عشا
حاولي لما اتروحين مااقولج صيري نفسهم من غير كشخة لا كشخي
بس بحدود حاولي اتخففين مكياج وحاولي تفصلين بين ملابس العزايم والمناسبات
والزوارات العادية

ورقي نفسج لأن والله الناس الحين ماتعطي خير
وخلي كشختج لزوجج وبيتج

 

[مناير ...!]

رد : مشكلتي بالزوارة .......أبي حل ؟؟؟؟؟؟؟

انتي دوا نفسج خليج بسيطه

 

[مارياq8]

رد : رد: مشكلتي بالزوارة .......أبي حل ؟؟؟؟؟؟؟

يمكن صدفه مو شرط عين

ع فكره يمكن ايحاء ويصير هالشي يعووورج

لا تفكرين وايد اقري المعوذات حافظي على اذكار الصباح والمساء

 

[البسمةالعذبه]

رد : مشكلتي بالزوارة .......أبي حل ؟؟؟؟؟؟؟

تذكري اشكثر تطلعين منهم وتتعبين وما راح تكشخين هالكشخه الاوفر

وحطي في بالج ان العين تسدح الواحد وتودي القبر اسم الله عليج

خلي كشختج عاديه لا تكثرين مكياج وريحه وخلج عاديه لان محد بيتعب غيرج

تلاحقي على عمرررررررررررج

برسل لج رساله ع الخاص اتمنا تقرينها

 

[شوكلاطه]

رد : مشكلتي بالزوارة .......أبي حل ؟؟؟؟؟؟؟

ليش التكلف خليج مرتبه

زواررره !

جنز وقميص مرتب عقب الزواره للطلعه ولابدله مرتبه نفس الي تطلعين فيها مولات ومطاعم

الكشخه لادريتي ان اكو احد غريب ياي