مشكلتي بسيطة بس ابي استشارتكم و نصايحكم

[Ray.Bana =$]

نصحيهم قولي شرايكم نحط قرآن ناخذ أجر أحسن من ما ناخذ ذنوب أو اناشيد اسلاميه كلماتها هادفه تستفيدين مو كلام مايفيد مثل اللي بالاغاني

 

[الحللللوه]

الله يثبتك يااااارب

 

[al6aylaaa]

اولاً تقدرين باسلووب هاادي تقنعينهم اذا ما اقتنعوا


اهم شي نيتج لربج صافيه



والله يوفقج

 

[^LILY^]

شوفي إذآ قعدتي بمجلس فيه نميمه واغاني
على طوول قومي ولآ تقعدين معهم
لانج راح تنجمعين معهم حتى لو مانطقتي بكلمه
لذآ اذا سمعتي آحد حآط اغنيه قوليله ممكن تصك الاغنيه
وآذا مايبي ويعاند وانتي مثلاً قاعده بالسياره
حاولي تضيعين السالفه وتقولين للي يسوق السياره
ماقلتلك شصار ..
عاد اقعدي سولفي وقصي قصص والله راح يتونس على المجلس معج
وجذي لين الله يهديه بفضل دعاأج له ..
ولآ اتنسينئ ،،*

 

[سكوتي بذوقي]

حلوه الاغاني

شنو الحلو فيها ؟

 

[زوجة عزيز]

بارك الله فيج والله يثبتج وياجرج ان شاء الله ويرزقج باللي في بالج واللي تتمنينه يارب

 

[سكوتي بذوقي]

شوفي اختي لما تكونين طالعه مع احد

قولي لهم شرايكم تسكرون المسجل وخلونا نسولف مع بعض

وإذا فيه أغاني بأي مكان انتي فيه طلعي منه أحسن

الله يثبتني ويثبتك يارب

 

[ميس المشاعر]

موميتو بعد عمري والله بجد فرحتيني
الحمدلله خطوة حلوووة ووالله بتشوفين ورااها خير ماتدرين من وين يايج
لأن من ترك شيئا لله عوضه الله خيرا منه
ويارب يرزقج كل اللي تتمنينه يارب
وسالفة إن اللي معاج يحطون اغاني سواء كنتي في البيت او بالسيارة نصحيهم قد ما تقدرين
واذا ما اقتنعوااا اهم بيشيلون ذنوبهم واذا بالسياره صديقاتج تقدرين بطرق وايد مثلا تغيرين الموجه وتحطين اذاعة تستفيدون منها بدل الاغاني وهالطريقة نفعت مع ابوي الحمدلله لما اكون معاه اغير الموجه قبل لا يركب السياارة واذا غير اقوله انا متابعه البرناامج واحول عليه خخخخ وتقدرين تشترين شريط اناشيد وتقولين لهم في نشيدة وايد عجبتني وكلماتها رووعة وانشاءالله يستجيبون واذا تطنزوا لا تسكتين قوليلهم فكروا بكلامي عدل انا ابي مصلحتكم ..... وأسأل الله العظيم أنه يثبتج يارب ويهدي اللي معااج .....آمين اللهم ثبتها على دينك وطاعتك وحسن عبادتك آمين
انشاءالله كفيت؟؟؟

 

[ام جويسم]

الموسيقى غذاء الروح

 

[انتهت قصة هوانا]

وانا بعد ودي مثلك اكووووووووووووووووووووون متقربه لربي اكثر

 

[أنت رجائي]

الله يوفقج خيتووو
اذا طلعتي مع احد وحطى اغااني انصحيه بهداااوه ولاتشدديين علييه
وعلى طووول حطي سماعات بأذنج واسمعي اناشيد قراان اللي تبييينه
وخليهم على اغانيهم ومره عن مره رح تتحببينهم ويحسون على نفسهم
كل شي بالهداوه يمشي
والله يوفقج ويهدينا ويهديييج

 

[روح مغليهاM]

ربي يثبتك ع طااعته ويهدينا ي رب
تصدقين اعرف وحده من العايله معرووف ماتسمع اغاني وهي صغيره بالعمر تصدقين لها هيبه لو نجيب دي جيه وهي بتجي وربي احترام لها نجي دي جيه اسلامي مشاءالله عليها تعجبني مخليه الكل يحترمها ولها هيبه بالجلسه وربي استحي البس عندها قصير وعاري او احش بالناس شفتي شلوون مخليه الكل يحترمها
ي حلو التمسك بالدين
ي رب اكوون مثلها واحسن كمان دعواتك

 

[Beyoncee]

الله يثبتج ان شاء الله
والله نفس مشكلتي مع بناتي ما يركبون السياره الا والاغاني شغاله
بالكلام ما نفع بالعصبيه والزعل ما نفع والله صرت ما احب اطلع معاهم بسبة الاغاني
والله ما ادري شسوووووي