مشكلتي بللسفر

[زوجة عزيز]

حمدي ربج لا اتخسرين ريلج على شي مايسوى

 

[شواخي]

سوري بس حنانه واايد

 

[جوري 2007]

ماشاءالله عليج ماتملين من الحنه شفتيه اشلون متضايق وموراضي تقعدين تحنين كل ساع خلاص بلاها حلاته الشي

برضى الطرفين والا السفره بتصير ماصخه وفيها مدة بوز ،، الريال مو مقصر بس موبخاطره

 

[جديده 1]

اكو بنات بالخمس سنوات اتسافر مره .. ولا بالسياره و لدول خليجيه مجاوره .. وانتي عسى ما عطستي قلتي سفرني !!
ولا سفره مع العيال .. و سفره بدون العيال .. نزف طاقات و فلوس
حبيبتي اذا حبيبك عسل لا تاكله كله .. على كثر سفراتج الظاهر صار عنده روتين و مل منه .. خلج قنوعه ترى جد والله المعدل الطبيعي لـ 70 % من العوائل اهو سفره وحده بالصيف لكل العائله ..

 

[بحر الرمال]

اذا اهو مايحب السفر سافري بروحج او مع عيالج مو ضروري تاخذينه معاج

 

[bto0olah]

انتي غلطانه عودتي نفسج على السفر منو قايل انه تغيير الجو والنفسيه بالسفر بس
وبعدين اهوا سفرج مع عيالج يعني ما قصر وعلى طريقة كلامج لمن تقولين على حسابج
جنج تقولين ولا منتك من فلوسي وقطيتي سفراته وتعبه بحر

 

[al-musk]

انا شايفه انه مو مقصر وانتي سكري هالموضوع الحين ولاتحنين

 

[راعية الطويلة]

لا تزهقينه و تخلينه يروح وياج كاره و من ورا خشمه

خلي السالفة تطلع منه هو ..

و الحمد لله
زوجج ما قصر
لا تجزاينه بالمشاكل و الأنانية الزايدة


الله يوفقكم للخير

 

[goldensun]

ليش ماتشتغلين علشان ماتحسين بالملل

 

[مدام الدكتور]

سمحيلي بس الصراحه لوعتي جبد الريال الله يعينه عليج يمكن عنده ظروف ومايبي يقولج

 

[نبض شرياني]

خفي على الريال
اللي فهمته من كلامج ماقصر بعد شتبين خلاص ترا مو حلاو
غيرج ماتعدت حدود الكويت
وانتي زعلانه علشان ماسفرج
ماادري شقول بعد
خلي الريال على كيفه والحن مايجيب نتيجه يخلي الريال يعاند

 

[Dalida]

يا بنت الحلال لا تضيقين خلقه .. زي ماقالوا البنات احجزيليج فندق او شي وغيري جو فيه مبدئيا

وعالعيد يصير خير ماتدرين يمكن لو نستي الموضوع وما حنيتي بيسويلج سفره كمافجئه

 

[! Miss.Q8 !]

الله يعين ريلج عليج صراحه
شكلج وايد تحنين !!
كلمتيه مره مرتين وقال لا خلاص بعد لازم كل شوي فاتحه الموضع
في وايد اشياء تسوينها تغييرين روتينج فيها وتغييرين جوو مو ضروري تسافرين كل شوي
اساسا جذي السفر ما يكون له طعم لا وانتي غريبة تبين سفره لج وسفره للعيال بروحهم جنهم عيال اليران مو عيالكم !!

 

[سـما]

اعتقد سبق ونزلتي هالمشكله في قسم الحياه الزوجيه قبل فتره؟؟؟؟؟؟؟؟
مادري مااحس انه غلطان بالعكس ماقصر وسفرك وسفر عيالك بعد قولي الحمدلله على النعمه
اخذي فره على قسم الزوجيه وشوفي المشاكل اللي تشيب اللي زوجها يخونها قدامها واللي يسافر بلاد كلها فساد مع ربعه واللي يتزوج عليها واللي مسكنها مع اهله ومناشبينها والي واللي واللي ...الخ
وانتي ذبحتي الرجال تحنين على السفر
حسستيني انك طفله مو لهالدرجه بتموتين يعني اذا ماسافرتي وطلعتي الرجال من طوره وخليتيه يوصلها للطلاق!!!!!!!!
وترى السفر شي ثانوي مو مجبور زوجك اصلا يسفرك
اعتقد المشكله الحقيقيه مو انه رفض يسفرك
المشكله اللي تحتاج منك تفكير انه ليش فكر يطلقك ؟؟
شوفي شلي خلاه يقولك كذا وحاولي تصلحين الامور بينكم ابرك
وحلاتها تجي منه يكون هو مشتهي يروح مكان وياك لحالكم وتغيرون جو ترى مالها طعم اذا دفعتي انتي الفلوس
ووداك بدون نفس
الله يهديك
الحين انسي سالفه السفر ولا تطرينها قدامه واكييد هو بعد فتره بيشتهي يسافر وبيقولك ..

صح لسانج.
احسنتِ

 

[pinkoosha]

بعد الريال زهق وطفر من السفرات, ماله داعي تزعلين, خلاص سكتي عنه وخليه ومسكي نفسج بعد ,,,شراح يصير اذا ما سافرتي؟ ترا الديره فيها واايد اماكن راقيه وحلوه بس فتحو عينكم شوي على هالاماكن,, الله ما كثر المنتجعات والفنادق الراقيه ,,يا تركبين طياره يا ماكو!؟ تعوذي من ابليس

 

[tt2tt]

اب اب

 

[kuwaitya_zoGaa]

ابيه انتى مو صج
تدرين وانا اقرى موضوعج تنرفت !!
لانه انتى ماانتبهتى لكلامه وترا كلامه سالى اى احد يشتغل راح يحس بمشاعره
ترا الموظف يحتاج لاجازه يرتاح فيها فى بيته يصير ريلاكس وما وراه مسؤولية والسفر يتعبه
صح انه تغيير جو بس اذا كل ساعه بيسافر مايحس انها متعه بالعكس يحس انه واجب ودوام
وانتى بروحج قلتى انه قالج انانيه لانج ماحسيتي فيه ولا فكرتي براحته !!
وبالعكس سفرج مع العيال
تعوذي من ابليس وحجزي له شاليه واستانسو مو ضروري المظاهر والفشخرة

 

[Dark SouL]

حمدي ربج انا متزوجه من 5 سنين وبدخل السنه السادسه والله يتمم علي ان شاء الله ., ماسافرت الا العمرة والحج

وكل مابقوله خنسافر الديرة الفلانيه يقول ماراح ابخل عليج بس مقدوري مايسمحل لي .. صج اني احس بتعب بيت ومشاكل دوام وتعب الحمل واسمع فلان وعلان سافروا اتحسر بس الحمدالله مو مقصر معاي بشي السفر لاحقه عليه والعمر جدامنا طويل وان شاء الله اسافر لو حتي الامارات 3 ايام بس المهم اغير جو ,, بس الحمدالله على كل حاااال

 

[مناير ...!]

,


واااي آحسج سراحه و من غير زعل وآيد تحنين على هالسالفه !
خلاص الريال كفى و وفى عآد مو تقعدين كل فتره و فتره اتييبين له طاري السفر ,! :/


حبيبتي ريلج مبين من تصرفاته انه تعب و طفش من هالسالفه !
خلاص الحين شيلي سالفه السفر من رآسج و قدري آنه آهوة موظف غير عنج
يتعب و له حق آنه يرتاح في بيته بدون حنه و رنه !.,

سكري هالموضوع خير شر , و اذا تبين تغيرين جووو مآ آعتقد آنه لازم تسافرين بره الدوله
قعدووو بالديره و روحو شاليه خيران طلعووو استانسووو روحو فندق ،
مو الا تسافرون يعني .!

سكري هالموضوع الحين و نطرييي عليييه يهدااا وضعه
بعد جم شهر بتلقينه آهوة اييلج و يقولج تعالي نسافر انا وياج .!

بس صبري عآد ,، و من رايي تروحين تشتركين بـ نآدي أو دورة
عشان تلهين بحياتج شوي .، آحسج مآ عندج الا التفكير بالسفر



-منقول للـ قسم المناسب-

:rerrerek::rerrerek::rerrerek::rerrerek::rerrerek::rerrerek::rerrerek::rerrerek::eh_s(15)::eh_s(7):

 

[رحيل المرافيء]

انتي حنانة الله يعينه عليج
خلاص الريال فهم انج بتسافرين يمكن ماله مزاج يسافر
عطيه فرصة زن زن على راسه
خلاص عنده علم انج تبين السفر لااتييبين طاري السفر خلي هو يقولج انا حجزت
خلاص انتهينا
انا تكدرت وانا اقرى الموضوع شلون هو الله يعينه عليج