مشكلتي في الحمال

[غرام 20]

السلام عليكم بنات


انا عروس وكنت ابحمل باقرب فرصه يعني من اول شهر بس مالله قسم
وقلت اباكل كلوميد والحين يعورني بطني قلت اكيد حامل او فيني التهاب
ورحت لدكتور سويت تحليل بول ودم البول قالي مافي اي نقطه من الالتهاب قلت الحمد لله ولما طلع تحليل الدم قال مافي حمال طبعا هذا الحجي قبل موعد دورتي بسبوع
وقال اكيد فيج مشاكل بالكله وقلت له اني اكل كلوميد قال ليه مستعجله الكلوميد تاكلينهن بعد العرس بسنه وتحت استشاره الدكتور مو من كيفج وعطاني باسكوبان وخف العوار والحمد لله
الحين ابي خلطه اعشاب حق الدوره تنزلها كلها وتنضف الرحم

 

[غرام القمة]

يا قلبي لا تتعبثين بنفسج صح كلام الدكتور الله بيرزقج لا تستعجلين
اشربي دارسين يومين كثري من الزعتر

 

[عسل حدي]

ربي لا تذرني فردا وانت خير الوارثين

 

[سارة ة]

حبيبتي لا تلعبين بنفسج نصيحه
لا تستعجيلن واتجيبين للنفسج التكيسات

اصبري الكلوميد ماياخذونه الا عقب السنه
لاحقه عل الحمل اعرفي الرجال عدل مو باجر توهقين لا سمح الله واستانسي بحياتج
واذا تبين تحملين شيلي فكره الحمال من راسسسج

 

[ملاك ^ الحب]

انشالله تحملين

بس لاتستعجلين اذا مر عليج سنه روحي الطبيب ولاتاخذين شي بدون استشاره دكتور

 

[مس استي لودر]

خلي كل شي طبيعي افضل

 

[sosowaty]

و عليكم السلام

بحاول اختصر لج

شوفي حبيبتي

انتي ما يصير تتعالجين و انتي حتا ما صارلج ست اشهر

ترا في بنات مو لازم يتهيأ الرحم عندها و تحمل بسرعه

و في الي يتهيأ الرحم من شهر الي شهرين لين اتحمل

و اكثر مدة يتهيأ فيها الرحم مدة سنه كامله عرفتي

يعني انتي مو المفرووض تتعالجين و انتي اصلا ما صارلج نص المدة الي يتهيأ فيها الرحم للحمل

و الكلوميد ترا يأثر عليج فالمستقبل لان بدال ما تنزل بويضه تنزل من ٢-٦ بويضااات

يعني ما يصير عمرج اربعين سنه الا و انتي ما فيج و لا بويضه لا سمح الله

و هم ما يصير تاخذين اي وصفه من غير كلام الدكتور

و حتا لو تعالجين الحين

و بتروحين لدكاترة عندهم ذمة و ضمير و الي مو كل همهم اافلووس

راح يرفضووون يسون اي شي لج في بعضهم يطردون

و في بعضهم يقولون لج تعالي بعد سنه

و في بعضهم بعد سنتين

عرفتي. ؟؟

الله يرزقج حبيبتي

 

[((غلاي))]

الله يرزقج ان شاء الله
تو الناس توج عروس
شربي دوافي بالدوره
زنجبيل دارسين
شاي اعشاب
الفلفل الاسود حطيه مع الاكل او الشوربه

 

[ام الحلوااات]

انـــســــي مــوضـــوع الــحــمــل ولاتــحــاتــيــن واااايـــــــــد وتــوكــلــي عــلــى ربــج
واللــــه يــرزقـــج بــاالــذريـــه الــصــالـحـــه عـــاجــــلآ
يـــااااربـــــي يــااكــــريـــم​

 

[ELFAD3Ah]

الله يرزقج الذرية الصالحة

 

[غرام 20]

حياتي تسلمون الله يحقق لكم اللي في بالكم
ومشكورين

 

[ام يويو-89]

شاااااااااااااااااااااااااااااي زعتر انا كانت الدوره 6 شهور ما تنزل بس من اشرب شاي زعتر تنزل على طول و احسن من الدارسين اللي يسوي تقلصات و اكو دوا الدكتور يكتبا ينزل الدوره .... و ترا انا لما حملت حللت تحليل هرموني ما بين بعدها بسبوعين بين اني حامل .... بس نصيحه انتي توج عروس لا تيبين الياهل و تندبسين الله يوفقج بس استانسي مع زوجج و عطي نفسكم وقت تستانسون مع بعض و تروحون و تردون لاحقه انشاء الله على الحمل و الله يرزقج انشاء الله

 

[عذآب إلـ أنآ]

انا خذيت كلوميد 3 مرات مدة 3 شهور ومانفعني وخذيت ابر تنشط وتفجر بعد ماكو فايدة
وحملت طبيعي بدون علاج
توكلي على الله وقطي كلشي ورا ظهرج لا تتسرعين وتخربين على نفسج

 

[الأميرة جوري]

الله يرزقج يارب

 

[ام فواازي]

الله يرزقج
بس ليش العجله لاحقه عالغثا اذا ربي رايدلج الحمال
اصلا توج استانسي و اعرفي الرجال تالي ان طولتي عن 6 شهور ماحملتي راجعي

 

[ليمونة وزيتونه]

تو الناس انا مع عذاب صاجه

 

[بولندية]

والله اذا انتي وريلج من النوع اللي تطلعون و تروحون و تردون وايد و تحبون السفر

نصيحة ااجلي الحمل سنة ولا ست شهور بالكثير

والله يرزقج بالذرية الصالحة