مشكلتي كبيره جدا جدا جدا السبب زوجي والضحيه اطفاالي نخيتكم ياهل الكويت ساعدوني

[أجرح وداوي]

السلام عليكم ورحمة الله

ااخواتي ا نا من السعوديه ن اختكم في الله امر بأزمه نفسيه سيئه وربي العالم
وبعد الله مالي غيركم ..بس الله يخليكم ابيكم تصبرون علي لاني بكتب سالفتي كامله لازم تفهمونها زين عشان توجهوني واسألكم بالله تعتبروني اختكم وتقدمون لي نصايحكم الصادقه ..
السالفه ..انا متزوجه من 13 سنه عندي 3 اطفال الله يحفظهم ..عمري30 وزوجي 40 سنه
نبذه عني : انا الحمدلله وربي الشاهد عن كل حرف بقوله انا جميله جسم وبشره وشعر مرحه جدا احب الوناسه وصبوره
خصوصا على عمل زوجي دايم مسافر تبع شغله ومتحمله مسؤولية العيال لحالي
نبذه عن زوجي :انسان طيب كريم يحبني جدا فلوس وسفريات ومشتريات وهدايا ماراح اكدب عليه
مشكلتي: سفر زوجي مع اصحابه ..قبل زواجنا كان يسافر مصر اندنوسيا سوريا المغرب وطبعا ماكتشفت الا بعد الزواج
اول ماتزوجنا كان يسافر مره بالسنتين كان يروح مصر او سوريا بس خفت سفرياته ولاكان متعلق فيها
وبعدين صار كل سنه يروح مصر
قبل سبع سنوات راح مصر ولما رجع قرصني قلبي
دورت بالبوك حقه لقيت ميموري صغيره فتحتها وانصدمممت
لقيت مقاطع سكس ومقاطع لزوجي بمصر طبعا المقطع الاول كان بمرقص كان صوته واضح والمكان استغفر الله وبس
والمقطع الثاني بنت ترقص شغلته الا اسمع صوت زوجي وصديقه جنبه يصور البنت ويضحك وباين في شقه
المهم واجهته وقامت قيامه وتأسف وهجد بعدها ماعد سافر سنتين وعوضني بسفره لبرا
وباين عليه الفشيله ..بعد سنتين قال بسافر مصر سكتت وقلت روح وقلت بنفسي الحرمه ماتقدر تربط الرجال ولو قلت لاتروح بيعاند المهم راح ورجع وانا صار الوضع عندي عادي ..من غبائي طبعا
العام الماضي سافرنا اوروبا واحنا هناك كان يقول يووه مصاريف احنا مجانين كل فلوسنا رايحه ع السفر قلت ايه والله لازم نمسك نفسنا شوي ورجعنا الخمدلله وحملت الا بعد شهر من رجعتنا قال انا حاجز بعد شهرين لاسبانيا
قرصني قلبي قلت اكيد للمغرب وسكتت قلت يلله خليه يروح وكنت حامل واتوحم ..المهم راح ورجع ودورت جوازه مالقيته بعد 5شهور لقيته بالسياره ولقيت ختم المغرب انصدمت
كنت بواجهه سبحان الله كنت بارده وقلبي يقولي طنشي وانشغلت بحملي ..الين ولدت حمدلله وانا نفاس اخوان زوجي كانو يبغون يروحون جنوب افريقيا وترجو زوجي ورفض قال ايش مصاريف قمت فكرت قلت ليش ما اقنعه يروح مع اخوانه ع الاقل يحترمهم لانهم اساسا محترمين باين عليهم وكانو رايحين للعمل وفرصه عشان يصرف وماعاد يروح نهاية السنه ...وفعلا راح معاهم وانا نفاس كان مو مقصر معي ابد جاب لي خدامه ب3000بالشهر فترة حملي ونفاسي بس طبعا لاني ماحب الخدم الا لضروره وكمان مجبر لي سواق للضروره ومعطيني الالاف قبل يمشي وراح ورجع بهدايا روعه المهم خلصت نفاسي وداني اخد عمره وهدا كان طلبي وسكني ع الحرم والخمدلله قضينا احلا يومين وجاب لي جوال هديه ألحين عقب 4 شهور من ولادتي حسيت الرجال فيه شي لاحظت عليه انه يكلم كثير وفيه ترتيب لرحله كدا سمعت كلام ..رحت وفتشت بالشنطه حق اللاب توب لقيت اوراق فيها مواعيد حجوزات بعد شهر ونص الرحله ترتيبها من هنا الو كازا المغربيه الى الدار البيضا الى اندنوسيا وكاتب مصاريف الرحله اجماليا 10 ايام 30000
بغيت انجلط وساكت ماقال لي قلت اكيد بيكدب علي زي العام وبيقولي بروح اسبانيا وهو رايح للمغرب
انا هننا استخرت الله واحس اني مرتاحه للطلااااااق
طبعا ماراح اقوله طلق من الباب للطاقه بستناه لين يقول بسافر وساعتها بقوله يطللق
بس شايله هم عيالي ولدي عمره12 وبنتي 4سنين والصغير 4شهور ..خلاص طبعا اقلمت نفسي الحين اني بتركهم عند ابوهم وبمشي بس الصغير شايله همه وهو يرضع وش اسوي اشيله معي ولا اخليه
والله هالعيال يلوون الذراع ولا كام رحت وخليته من زمان
تكفوون وجهوني ارشدوني هل قراري سليم ام لا
واسفه ع الاطاله وانتظر ردودكم بفارغ الصبر ...

 

[Patcholli]

بعد عمري
مادري شقولج والله مابي اخرب بيتج وماقدر اقولج عادي وطنشي
القرار صعب
بس حطي فبالج ان مهما كان قرارج عيالج لاتتنازلين عنهم حتى لو تاخذينهم معاج ..
ولا تحاتينهم العيال لهم رب يحفظهم ويرزقهم من حيث لا تحتسبين مايخلق الروح الا وقاسملها رزقها معاها ..

 

[orange blossom]

لا حول ولا قوة الا بالله
شفيهم الريايل مو شايفين خير استغفر الله
حبيبتي صار لكم 13 سنة مع بعض مو شويه
قعدي معاه و صارحيه
و قولي له انج مو راضيه على اللي يسويه
و اذا استمر على هالحال انج ما راح تستمرين معاه

حبيبتي فكري بنفسج...الشيطان شاطر و يمكن زوجج ينقل لج أمراض لا سمح الله
و الله يهديه

 

[Perfume]

انا مع باتشو
عيالج لا تخلينهم
والله يسخره لج
ويبعده عن الحرام

 

[غصون مائلة]

ليش تطلبين الطلاق وزوجك يحبك ومومقصر وطيب وكريم مثل ماتقولين عشان سفراته هذا سبب مو مقنع

زوجتك مو صغير اكيد فتره وراح تعدي ويخفف من سفراته و في كثير من الرجال يخنون زوجاتهم وهم في

نفس البلد مو متاجين يسافرون بره وبعدين انتي شنو تفظلين تعشين في بيتك مع زوج يحبك ويدلعك وعيالك


حواليك ولا تعشين في بيت اهلك وتنحرمين من عيالك وتحملين لقب مطلقه ؟


انا اقول فكري بالموضوع زين عشان لا تندمين ...........l

 

[أم عبد العزيز]

قطعتي قلبي والله .. بس مستغربه عليج بعد كل هلمده من الزواج يعني
عشرة طويله مو هينه اول ما تفكرين تفكرين بالطلاق؟؟

انا عندي قاعده بحياتي .. اذا القطوه لما احد يجرب صوب عيالها ما تخليه صح؟؟
فانا اي احد يجرب صوب بيتي عيالي زوجي ما أخليه؟؟ بيتي يا ناس مملكتي اتركها
لوحده ثانيه ؟؟

شبالج وانتي ما شاء الله تبارك الرحمن زوجج مدحتيه بطيبه وكرمه ؟؟ والله ما تخلينه

انتي طالعي بنفسج يمكن صح حلوه وجسم وشعر صح الله يبارك لج ,,, طالعي ليش يطالع بره
ليش كل نقط البلشه على الرياييل ... شوفي نفسج مقصره بشي من اللبس من الاهتمام بالبيت
بالزوج اول واخرا بالعيال ..

حبيبتي انا ما اهاجمج انا انصحج ... شغليه فيج وبعيالج
ادعي له ان الله يحفظه عن الحرام ... سمعيه دعائج له

حاولي بكل ما تقدرين ... خلي المواجهه اخر شي
انا اذكر قصة لوحده مادرس اسمها بس مشهوره حسنه او شي جذي
هم زوجها تمدح فيه لين اكتشفت بانه يطالع ويسافر مع وحده بالنصيحه من وحده
غيرت ستايلها كله شوي شوي الرياال تغير لين خلاص تاب ورجع لها .. الله يهنيها

انتي هم حاولي بالدعاء وتغير من نفسج بعدين بالمواجهه
لكن سالفة الطلاق لأ...

أسأل الله باسمه الجميل ان يرد زوجج لله ردا جميلا ...
اللهم ألف بين قلبيهما وأصلح ذات بينهما واهدهما سبل السلام ونجهما من الفواحش
ما ظهر منها وما بطن​

 

[باحثة عن الامل]

حبيبتي شنو الطلاق صار سهل اللحين بعد العشره ؟؟؟؟؟

زوجج مو بخيل ولا مدمن ولا يضربج بس علشان السفر؟؟؟ حبيبتي الخيانه قاسيه صح والحرمه ما تحمل بس الطلاق صعب وراح تتندمين عدد شعر راسج لما تتطلقين لاسباب كثيره اهمها العيال والمستوى الاجتماعي؟؟؟


الحل شنو؟؟؟

الدعاء لزوجج بالهدايه ليل نهار وعند قيام الليل ،،،،،،،،،،

عدم المواجهه لان زوجج يخبي عنج لمحبته لج وكثره المواجهه بتخليه عينك عينك يسويها ولا يهتم لمشاعرك،،،،،،،،،

حاولي تخلقي ببيتك نوع من الاكشن وفي شخصيتك غموض يخلي زوجج يفكر فيج وينشغل فيج واستعيني بكيد النساء وبالسحر الحلال اللي ربي سخره لنا وجددي من نفسج وخلي زوجج يتحمل المسؤليه مو بس فلوس لا يودي ويجيب واشياء كثيره اشغليه اشغلي فكره ووقته وربي يسعدك

 

[عيني عليه]

اناااا مستغربه من البناات ؟؟؟؟؟

شنووو بس عشان سفررر ؟؟

اهووو مو مسافر سياحه والسلاام ..اهوو مسافر يلعببب ..

اهو ماخباا عنها عشان يراعي مشاعرها ..اهو خبا عنها لان يدري اللي يسويه غلط ومافي مره بتراضاها ع نفسها ..

انتي نفس صديقتي بالضبط ..اصبرت ع خيانات زوجها عشررر سنوااات بدون لاتكون لها ردة فعل قويه ..واكتمت اكتمت لمن انفجرت وقالت له ابي الطلاااق ومالي رجعه في هالقراار ..

طيب ليش ماوقفتيه عند حده من البدايه ؟؟ ليش مااتخذتي موقف قوووي يردعه عن هالبلااا ..اووول رده فعل الطلاااق ؟ لييش ؟؟ خلي في محاولات فب البدايه وشوفي اللي توصلين له معاه وبعدها قرري ..

انتي هالمره خليج قويه في موقفج .. لاتقولين له طلقني .. قولي له اختار بيني وبين سفرااااتك اللي انا وانت عارفين شيصير فيها ..

واجهيهه بكللل شي عرفتيه من ورااااه .. وقولي له يااااانااااا يااااهالوسخخخخ ..

ومافي رجال بيختار خراب بيته عشان اشياااء مايرضاها الله ولا رسوله الاااا المنحط اللي مايستاهل تكونين زوجته ولا يكون ابووو لعيالج ..

الله بيكووون معاااج صدقيني لانج قاعده ترفضيين شي الله مايرضاااه وقاعده ترفضين معاااصي ومحرمااات ..

طقااااق في الفلوس طقاااق في الهدااايااا اهممم شي الوااحد يعيش بكراااامه وبنظااااافه ..

خوانه تقولين محترمين ..اذا استدعى الامرر دخليهم في الموضووع وخليهم يمسكرن اخوهم وينصحونه ..

لاتسكتييين هالمره كبريييها عشاااان مايشوف الدرررب عنده سالك وسهالات وكل شوي بسافررر ..

ارتدع ارتدع مارتدع خليه يعيش حياته في هالوساخه بس بعييد عنج ..

 

[عيني عليه]

لاحد يحطط اللوم ع البنت وكشخي وسوي وفعلي ...

الرجال هذا اهم ..اذا صار عندهم كم فللللس يااعرسوا ع نسوانهم والا لعبببببوا ..

خاصه هالايام مافي وحده ماتعرف في اللبس والحركات .. بس احنا مساكين ..فوووق ظلم المجتمع لنا هم نظلم نفسنا ونلوم روحنا ع اي شي غلط يصير في حياتنا الزوجيه .. وكأنه الرجال منزه مايسوي الغلط الا لسبب منا احنا ..ليش مايكون اهو السبب ليش مايكون اهوو اللي غلط ؟؟؟

 

[ام غمازهـ]

الله يكون في عونك ويهديه ويسخره لك

 

[PuPa^^SWeeT]

صعب اعطيج رايي



بس استخيييري و اهدي شوي



وحرام تتركين عيالج

 

[Amani_86]

حريتي. قلبي والله
1/عيالك معك لا تخليهم
2/ استخيري قد ما تقدري
3/ خيريه بينك وبين شهواته
اذا رجع لخرابيطه لا الله ولا رسوله يرضون تعيشين مع زاني
والله يفرج عليك

 

[يستفزني غلاك]

لاتشوفين الطلاق حل اختي الغاليه ادعيله و ابقي معاااه بالبيت و مع عيالج لاتضيعين نفسج و عيالج معاج
لهي نفسجج
كل شي له حل
هو عنده خرابييييط
قولي مرده لي
و حاووولي تغيرين نفسج من ناحيته لبس شكل اسلووب عسسل
خليه يقول عندي هالزين و اروح للحرام ليه


خليججج قويه
لاتشوفين الطلاق حل و الله يكتبلج اللي فيه الخير

 

[اذوب بكلامه]

طول ما انا اقرا موضوعك وانا حاطه ايدي على قلبي خايفه تقولين فيني ايدز
الحمد لله ان مافيك شي الحقي على عمرك يابنت الناس زوجك يسافر يخربط يعني مراقص وشرب وبنات فأكيد يزني
كلميه وقوليله انا قررت وخلاص طلقني وروح سافر وخربط على راحتك لك رب يحاسبك مالي شغل فيك بس العيال لازم نتفاهم عشان مصلحتهم
ومصلحتهم تقول انهم يكونون عندي وفأي وقت تعال شوفهم ماراح احرمهم منك وبيكون بينا اتصال دايم عشان اطمنك عليهم
وبإذن الله بتنفرج بس عليك بالصلاة والدعاء
ومره ثانيه الحمد لله انك بخير مابينفع عيالك غيرك

 

[mischocolat]

حرام عليكم
تقولكم الريال سفراته كلها خرابيط خش ودس يعني فيها الحرام اشكره تقولون لها اصبري عليه ؟؟؟؟؟
الحرمه الحره الشريفه نفسها عفيفه وماترضى بالدنيه لنفسها ولاترضى ياطيها زوجها وهو مدنس شرفه بالحرام....وانتو بعدكم على غيري شكلج وظلي قاعده في بيتج

 

[توتة UAE]

الا حرام ع اللي تقول تطلقي وتخبلي . . اللي تقترح الطلاق تخاف الله اشوية
عرفنا انه عنده سوالف بس أجرح وداوي حبيبتي لا تخلين الطلاق أول حل
لمشكلة زوجج هل انتي حاولتي طرق ثانية؟؟؟ وبعد لا تواجهينه مرة وحده
اذا انتي معصبة ومنقهرة وقلبج يحترق قوليله لا تسافر خبريه انج شفتي
التذكرة بس لا تواجهينه بالفيديوات كبري السالفة عشان يفهم شعورج
لا تسكتين سكوتج غلط لكن أقولج لا تواجهينه لانه اول ما بيعرف انج اكتشفتيه
تدريجيا بيقول عادي هاي تعرف وف هالوقت مابيهتم لمشاعرج ولا بيخش
بيسوي جدامج . . بنات زوجها عنده إيجابيات وايد ما شا الله لا تقولون لها
تطلقي على طول بدون لا تحاول تغير زوجهها ! ماشي زوج كامل وأنا ما
أدافع عن ريلهها هو وايد غلطان لكن هالعشرة والعيال ما يستوي تتطلقين
بسهولة . . فديتج أجرح وأداوي اهتمي ف عباداتج صلي الصلوات ف وقتها
ادعي الله واقري البقرة كل يوم صدقيني بترتاحين نفسيا . . وربي بيسر
أمورج . . كلمي ريلج وإذا ما طاع كبري الموضوع وازعلي منه زعلة جدية!!
يعني شي طرق لحل الموضوع قبل قرار الانفصال . . ما طاع رمسي أمه
و أبوه وخواته . . ما فاد عقب خبريه انج ما تقدرين تعيشين وياه . .

بس مهما كان قرارج عيالج لا تخلينهم ربي يوفقج ويريح قلبج

 

[باحثة عن الامل]

استغرب من الردود وطلب الطلاق منو اللي ما عنده خرابيط غالبيه الرجال عندهم خرابيط الا من رحم ربي وهذا مو عذر لهم ومالهم عذر وقت الحساب عند رب العالمين بس الطلاق وهدم اسرة علشان خرابيط ممكن تتغير حرام ،،،،،،،،،،،، حبيبتي ممكن اذا كنتي تخافين على نفسج المرض تهجرينه او تتخذين احتياطات وانتي ببيتج وبلغيه السبب وخيريه بين التوبه وعدم السفر الا معاج اوانج راح تتخذين قرار صهب بحياتكم بدون لا تجيبين طاري الطلاق خليه يخاف ويفكر لكن الطلاق نهائيا ما انصحج

 

[طريق السعاده]

لا تتكلمين لين يقول بسافر اذا قال بسافر امسكيه وقولي انا بصراحه عطيتك فرص كثير وعارفه سفرتك لوين بضبط وعارفه وش بيصير من بلاوي ف انا انسانه حره من بيت نظيف عفيف تربينا ع النظافه ومااقدر اتعايش مع شخص يخربط ف انت لك خيار من خيارين ي تبطل هالسفريات والمصخره وتنتبه لبيتك ان سافرنا سوا او سافر مع اخوانك اما سفريات لهالدول انا ماني غشيمه انا مصحصحه هيييه واعرف وش يصير من وراي وصبرت وعطيتك فرص واجد ف يا انا وعيالنا وبيتنا ي هالخراب وانت اختار وكوني جاده ومتاكده من نفسك طبعا ادعي طول الفتره هذي ان ربي يهديه ويسخره لك و اذا سافر وطنش خذي عيالك وومافيهم الا العافيه الحين مو مثل زمان الحين عادي القانون بصف المره بخصوص الاطفال بعد الطلاق صح الابو مرح يقصر معهم بس خلي عندك اثباتات انه سفرياته كثير عشان لو لاقدر الله واحتجتيها وبعد خبريه انك لو رحتي بيت اهلك بتاخذين العيال معك لان الصح يبقون معك ولا ينلوي ذراعك ولا شيء كوني قويه وخل يحس انه من جدك معد فارق معك وانك بايعه عشان يخاف ويتعدل .. صدقيني لو فيه خير ويحب بيته وعياله بيبطل خربطه ويتعدل ولو مافيه خير بيطنشك ويسافر وبعدها ماضن عليه حسوفه لو رحتي وسحبتي عليه والعيال سوا عندك او عنده ربي بيتكفل فيهم مرح ياذي عياله بعد بس ممكن يستخدمهم ضغط عليك ف انتي لاتحسسينه ان ممكن تتنازلين عشانهم ..


الله يهدي سركم يارب ..

 

[طريق السعاده]

والبنات الي يقولون عشان سفر تتطلقين ..

مدري اذا دريتي ان زوجك متسدح مع مغربيات واندنوسيات ومصريات مع احترامي لكل البنات العفيفات من هالدول بسس لو اكتشفتي ان زوجك كل مره يسافر عشان يرقص مع هالاشكال ويقل ادبه ويزني معهم عادي تصبرين عشان فلوس وهدايا !!


الي تنصح ياتحط نفسها بالموقف ولا تكرمنا ب سكوتها مجتمع متناقضضض !! الحين البنت الي موضوع هنا بنفس القسم يوم زنت وشربت صارت شيء شنيع ومره هجوم عليها وهذا كل شهر طاق سفره مع الحريم والبارات والعاهرات الي معهم وعادي اصبري وغيري ستايلك !!

احس في بعض الناس انفصام شخصيه وربي

الله يشااافيكم

 

[مطلقه جريحه]

الطلاق صعب