مشكلتي مع الدوام

[قموشه21]

انتي مْبدعّه قضيتي حتى على مرضيات اللي بربع راتب :d ~

الاجازات علي ناس وناس وكل ماقدم مرفوووضة شسوي صرت اخذ مرضيات وانشالله ع السنه اليديدة بتسنع

 

[الغنج والدلع]

الغنج والدلع​

حبيبتي روحي للمنطقه التعليميه واسالي عن المدارس اللي فيها نقص
والنقل بشهر 1 وباذن الله تتيسر امورج
لاتاخذين مرضيات نصيحه مني خليج ع الاجازات عندج 35 يوم
على ما اعتقد لعبي فيهم لعب بس المرضيات لا تتعدين 15 !!​

والله ييسر اموركم بنات .~​

انتي اي منطقه تعليميه وبعدين انا جديده قالولي لازم اكمل سنه يعني لي آخر 6 الله يعين من وين اجييب الصبر

 

[ام سعود ديكسون]

غنج لا مو لازم عندج عيال ومو لازم متزوجه اصلا الوزاره مني عينها تشوف هالاجازة عشان توفر وماتصرف لنا راتب

هذي اسرع ورقه تمشي اي شي بدون راتب يمشي رفجيتي قدمتها شهر ومو متزوجه عادي قدميها

لا حول ولا قوة الا بالله
الله يعين موظفين القطاع الحكومي اذا جذيه
ماكو حافز ولا دافع للإنجاز

اختي صاحبة المشكلة لا تستقيلين
مو كل ما صادفتنا مشكلة حلها الهروب جان محد قعد بدوام

ادعي ووكلي امرج لله
شكلج يديدة علي طبيعة الشغل

 

[كـــــآترينـــآ]

الاجازات علي ناس وناس وكل ماقدم مرفوووضة شسوي صرت اخذ مرضيات وانشالله ع السنه اليديدة بتسنع

في هذي الله يعينج بعضهم يتليعنون آستغفرلله :eh_s(4): ~

اي شطوره مسكي نفسج ع السنه اليديده ​

انتي اي منطقه تعليميه وبعدين انا جديده قالولي لازم اكمل سنه يعني لي آخر 6 الله يعين من وين اجييب الصبر

شكوو تكملين سنه يبآ مآعليج ، انتي مدرسه مو موظفه بوزاره
حتى لو صار لج شهر يسير تنقلين للمدرسه اللي تبينها
هذي الموظفه بوزاره نفسها واعليه عليهاا اللي لازم يسير لها 3 سنوات يالله تنقل ​

نقلي ودربج خضضر :rerrerek:.~​

​

 

[الغنج والدلع]

انا مو مدرسه واعليا وعلى حالي انا بمدرسه اداريه هذا اللي اقصده الله يعين ):

 

[الغنج والدلع]

غنج لا مو لازم عندج عيال ومو لازم متزوجه اصلا الوزاره مني عينها تشوف هالاجازة عشان توفر وماتصرف لنا راتب

هذي اسرع ورقه تمشي اي شي بدون راتب يمشي رفجيتي قدمتها شهر ومو متزوجه عادي قدميها

متأكده اي ابي اقدمها الكورس الثاني قبل عرسي يارب يارب يوافقون يارب وتنحل مشكلتي والله حدي تعبانه نفسيا من الوظيفه والزواج الله يسهل يارب

 

[Tom ♥ Jerry]

.

كلش و لا الاستقاله و القعده بالبيت !
صبري و حاولسي تغيرين فكرتج السلبيه عن الدوأم
ادعي ربج يحببج بالدوام
و تغاضي عن بعض الأمور الي تبط الجبد بالدوام

 

[*الهنوف*]

الاغلب ببداية تعينهم جذي يكرهون الدوام
وانتم التربيه الله يعينكم علي المدارس
بس قولي يالله كلها شهرين وتجي الاجازه وبعدها اجازة الصيف حمدي ربج احنا بالوزاره ٣٥ يوم وبالغصب ناخذها يعني طول السنه تداومين مقابل هال٣٥ يوم انتم عالاقل ٩٠يوم بالصيف و١٥ بالربيع


الواسطه الواسطه الواسطه اهيا حلج
قولي عسا ينحل مجلس الامه ووقتها تشتغل الوسطات وفرصتج

انا نفسج والله كنت ابجي وانا رايحه الدوام الصبح كل يوم
ياكرهي للدوام

 

[عادت ذكرياتي]

إجازة من غير راتب عادي تكون لمدة شهر !!!!!


أول مرة اسمع


يا ليت تاكدون المعلومة

 

[سكوتي بذوقي]

الله يفرج همك يارب

 

[لؤلؤة مكنونة]

صح حتى انا اسمع باجازه اسبوووع شهرررر على حسب تكون بدون راتب اشلون مادري يمكن بس بوزرات محدده بس يالتربيه ماكو
جان زين تفيدونا بهلمعلومه
لأن هذي ثالث سنه آخذ اجازه رعاية اسره بدون راتب مع اثبات شهادة ميلاد طفل

 

[جوك احلى جو]

ديري بالج من الاستقاله ترا تاكلينها اذا نقل مو قادره ولا ندب علي بالج بالاستقاله يوظفونج بسرعه

نا اقول نطري وشدي حيلج بالنقله وكثري استغفار والصدقه ان شاءالله امورج تتسهل ترا محد مرتاح بدوامه الاغلبيه مستاذين مو بس انتي

 

[قموشه21]

اي في اجازة بدون راتب لمده شهر اشفيكم مستغربين هالشي معروف سوي كتاب الاجازة ووديه لوزارتج والسلام عليكم ورحمة الله وبركاته

 

[نور مغليها]

آلغنج عآدي تقدرين تآخذين طبيه من مستشفى خآص اسبوعين 14 يوم بسس واليوم الـ 15 تدآومين ..
دآومي يوم وارجعي غيبي اخذي طبيه ثانيه .. بس المهم ما توصلين 15 يوم متواصلييين ... عشان ما يصير مجلس طبي
اما اذا اخذتي 14 يوم بيصير ع البند الثاني
الوضع ريلآآآكس

 

[بنت مطليه ذهب]

ديربالج تستقيلين والله تنديمين ميخالف تحملي شنو الوظيفه اللي ماتكون متعبه كل وضيفه متعبه ولها سلبياتها وايجابيااااتها

ويااااااصبر ايوب على بلوااااه

 

[اروري]

يآربيه النآس المتوظفه ماتبي وظيفتهآ
والي مثلي متشفقين اننا نصير مدرسآت
ع الاقل اتوظف بشهآدتي الي تعبت فيهآ 4 سنوات
ادعي لي تتسهل اموري واتوظف

امسكي وظيفتك لين الله يفرجهآ
ويآرب مع هالردود ترتفع معنوياتك = )

 

[الغنج والدلع]

أنا سألت عن الاجازه من غير راتب يقولون بس رعايه أسره وفيها شروط بعد ):

 

[عزتي مالها حد]

شنو شروطها ؟
ووين سألتي اي قسم ؟

 

[الغنج والدلع]

عزتي سألت وحده من رفيجاتي بس ماادري اذا صح كلامها ولا لا الله يسهل يارب

 

[lovely lovely]

انا مثلج جديده صارلي خمس شهور واول ايام كنت متضايقه من الدوام وبعدين صرت احبه تدرييين ليش لاني مااحتك كلش مع اللي معاي اللهم سلام وبس واروح الدوام همي اخلص شغلي وبس ولا فضيت قعدت عالنت ليييييييييييييييييييييييييييما يخلص الدوام والله راحه صدقيني وبجذي تكونين عديتي هالفتره بدون لاتتضايقين وبعدين لامر عليج سنه نقلي الوزاره احسن عشان اذا ماارتحتي بقسم تتنقلين من قسم لي قسم مثل النحله :eh_s(7): ابرك من دوام المدرسه ماعمري شفت احد يمدحه