مشكلتي مع اهل زوجي

[الظل المديد]

مشكلتي مع اهل زوجي افففف من اطلع سألوني وين رايحه ومن وين جايه وشنو اكلتو حتى طلعاتي مع اهلي تسألني فيها تعببببت ما ادري عنهم بشي وهك كلى يحققون وراي شنو الحل برايكم كلش ماكو خصوصيه بحياتي وبناتها مادري وين يروحون ويجون سساعدولو تدري بالشي اللي اسألها تقولي مادري وهي تدري

 

[شادن33]

عامليهم بمايرضي الله
واذا سالوج جاوبي بدبلوماسيه عشان لايزعلون وبس

 

[mi corazon]

الله يهديهم

جاوبيهم ( مشوار .. أمروا شبغيتوا)

جذي محد يزعل

 

[iLLuMinaTion]

الله يهديهم

 

[Perfume]

حبيبتي اذا مدخلج بروحج ماكو مشكلة
بس اذا مدخلكم واحد مرة قولي مشوار ومرة سوي نفسج ماسمعتي ومرة خلي زوجج يرد
وشوي شوي اهما بملون ويسكتون

 

[بنت الاحلام]

بالعكس عادي انا دايم يسالوني واقول


يحبون يتطمنون نفس امج ما تسالج شنو سويتي ووينرحتي

اصلا انا لو ما سالوني سولفت عادي

 

[غداً القاك]

^
فديتك معها

 

[Patcholli]

سولفي معاهم وشفيها ؟؟

واذا متظايقه خليلج باب خارجي بروحج

بذمتج بذمتج لو كنتي فبيت اهلج وطلعتي ورديتي البيت ماراح يسئلونج وين رحتي وشسويتي ؟؟ مو معناته تدخل بس ودهم يسولفون معاج ^_^

 

[دلوعة أبوهآ]

خليكي سطحيه ..
ولآتردي ردود مبآشره

 

[om MaRyooM]

هذا شي طبيعي ترا دامج ساكنة معاهم


بس عشان تتجنبين الحجي خلج سطحية معاهم ورسمية عشان يتحسسون شوي من الاسئلة

واذا سألوج مالج الا تردين بكلمة وحدة بس لاتفصلين بالموضوع
عشان يحسون ان هالشي يظايقج

 

[Gifts&Occaions]

مافيها شي

 

[بقلبي انت]

عادي كان يسئلوني وكنت اقولهم وين رايحه
خلج ايزي وانتي ساكنه معاهم في بيت واحد حاسبينج
وحده منهم لاتعقدين الامور

 

[نآعمہ]

من وجهة نظري مآ أشوف فيهآ أي إشكآل

و مثل مآ كنتي فبيت أهلج ، و أمج أو أبوج أو أخوآنج يسألونج وين رآيحه ؟ من وين رآده ؟

نفس آلشي هذيل يعتبرون أهلج و مآ فيهآ شي إذآ سألوآ

و إنتي بدآل مآ تعتبرينهآ " تدخل بشئون آلغير "

إعتبريهآ إنهم يبون يتطمنون عليج و على ولدهم

و إذآ هآلشي مسبب لج مشكلة و متضآيقه منهآ

على قولة آلبنآت ردي بدبلومآسية و قولي لهم مشوآر

و بسسس خلج إيزززي

 

[om_3azoz]

عادي مافيها شي

 

[PuPa^^SWeeT]

ياقلبي مادري يعني




ترا ما تعتبر تدخل اذا سالوج وين رايحة


اذا حبو يتبسطون قلتو يتدخلون

واذا شالو نفسهم قلتو شايفين نفسهم


واهي الام حاسة الظاهر انج ماتعطيينها ريج حلوو لما تسالج علشان جذي ماتبلغج عن بناتها لو تدري



لو تصفين نيتج و اتفكرين انها ام و تبي تسال بغض النظر ان كان فضووول ولا خوف ولا من باب السسؤال


نعتبرها ام ولا مرة كبيرة تسال

 

[om-3azo-83z]

بسيطه و انا كنت مثلج تعرفين سياسه الجواب المحير؟ طبقيها تنفع لهم لوووول يعني مثلا شافوج نازله سالوج وين والله طالعه وين؟ مكان لووول

 

[فوفو22]

وين المشكله ؟؟؟

انا راعيه بيت

محد يطلع او يدخل إلا اسئله وين رايح ومن جاي

جايز اذا قال جمعيه ابي شي

او اذا بروح مكان بعيد ابي اتطمن عليه

اذا بطوّل ماننتظره على وجبه...

يعني باختصار اسئلتنا بريئه وعفويه والقصد منها حسن النيه

فوفو

فوفو

 

[*عهد*]

وااااي حريم مااعاد يتحملن شي صاارت مشكله الحين واذاا اسئلوو مسويه شي غلط ..
احسنوو الظن ياابناات .
تصبحن على خييرررررر :ch12:

 

[ليه الجفآ]

انا مع البنات عادي

لان ببالهم انتي الحين منهم وفيهم وميانه وجذي

عادي ردي اذا سالوج

مو الشي الكبير يعني عادي رحت لسوق رحت لهلي وجذي سوالف يعني


..

 

[ام محمد الافدع]

الله يهديج ويهديهم لج دامج ساكنه معاهم لازم يسألونج الامور عاديه بس لاتكبرين الموضوع عاااادي كلنا جذي وخليج سطحيه وردي عادي والله يوفقج يارب ويهديهم لج