مشكلتي مع اهل زوجي

[صلوا ع الرسول]

سولفي معاهم وشفيها ؟؟

واذا متظايقه خليلج باب خارجي بروحج

بذمتج بذمتج لو كنتي فبيت اهلج وطلعتي ورديتي البيت ماراح يسئلونج وين رحتي وشسويتي ؟؟ مو معناته تدخل بس ودهم يسولفون معاج ^_^

ياقلبي لاتحلفين الا بالله .....شكو بذمتج ترا هذا شرك


صاحبه الموضوع اشوف عادي شي طبيعي
بس الشي ان زاد عن حده انقلب ضده

 

[أميره بلا قصور]

دامج وياهم ماشوف فيها شي

بس صح كثرت الاسئله تملل الواحد

يعني حتا احنا لو ببيت اهلنا كل مره جذي واحد يسأل وين طالعه من وين راده راح انتنرفز منه

بس هذي مره عووده راعيها عشان عمرها واعتبريها مثل امج

باجر لي طلعتي بيتج والله رزق عيالج بالحريم راح تحسين فيها

 

[القمر هو حبيبي]

البنت قصدها مو مضايقه بس سؤال وين رايحين لا اهي قصدها كثرة اسألتهم يعني وين رايحه واشسويتوا اهناك او مع منو رحتوا واشفتوا
يعني الاسئلة الي اتحسسج انه يبون يعرفون كل صغيره واكبيره سويتيها
وهذا مو حلو حتى لو اهلج اسألوج عن التفاصيل راح تتضايقين
وانا عن نفسي والله من اول ما ادخل عليهم اخر لهم الاولي والتالي من غير ما يسألون وعمرهم ما اسألوني وين رايحه او من وين راده يمكن لانه ماعطيهم مجال اقولهم على طول من غير سؤال*

 

[Bloom]

بالعكس عادي انا دايم يسالوني واقول


يحبون يتطمنون نفس امج ما تسالج شنو سويتي ووينرحتي

اصلا انا لو ما سالوني سولفت عادي

معاها :eh_s(7):

 

[سديم الكون]

لا تخليم امور تافهه سبب لضيقة الخلق


انتي مره عاقله وراشده لاخلين توافه الامور اكبر همومج

 

[الشيرازية19]

بالعكس لا تظلمينهم يسئلونج من باب السوالف نفس ما امج مثلا تسالج شنو سويتي ووين رحتي اناا دايما خالتي ام زوجي تسالني و استانس اصلا احسها مهتمه فيني خخخ

 

[ملوكـه]

بادليهم بنفففففس طبعهم

اللي اذا سألتيهن مااحد يرد
عليج

انتي بعد لاتردين
غيري الموضوع


عشان ماتحقدين عليهم
مثل ماهو بقلبج للحين
ليش مايردون عليج

 

[mima]

اذا كانت الاجابه لاتضر ولاتنفع عادي جاوبي
اذا حسيتي بحرج
قولي طالعين مشوار تامريني بشي
ومو لازم تعرفين عنهم شي
كل شي مايقدم ولاياخر مو لازم نسال عنه ونهتم له