مشكلتي مع حماي اف استغفر الله

[فَـــــرَحْ]

السلام عليكم..
حبيبتي مرت حماج مالها شغل بالموضوع لان شخصية ريلها بهالشكل ما تتعدل وتلاقينه لما تكلمه بموضوع طبعه يجعمها او يهاوشها ! ولا تحطين ابالج ان ريلها معناته بتغير عليها حطي فاصل بينكم ..
وحماج مع احترامي لج قليل الأدب ومايستحي على ويهه المفروض يعاملج كأنج اخته ..
هذا ماينفع معاه الا تردين عليه بشكل غير مباشر .. شلون اهوا يطنز؟؟ ردي عليه طنازه بس على غشمره بشكل يحرجه فهمتي علي؟ انا بيت حمولتي اشوف هالشي تلاقين وحده معصبه حيل تقط قطه تسكت اللي جدامها ! بس بشكل غشمره بس تطلع اللي فيها .. انتي لا تستكين له وتخلينه يتمادى ...
واذا تكلمتي مع ريلج واهوا تدخل.. سحبي عليه وكملي كلامج مع ريلج ! وخليه !! منو اهوا يتدخل بينكم !! والله لو شنو كانت العلاقه ما يتكلم بهالطريقه ! يا تسوين اللي قلتلج عنه يا تكلمين زوجته تقولين له خلي زوجج يعرف حدوده لان الوضع مهزله !!

وردي علاقتج مع مرت حماج بس بحدود .. ولا تعطينها اكثر من حقها .. الللي يقدرج ويشيلج ومايقصر معاج سويله المثل .. واللي مثلها لاترد الجميل ولا تساعدج ولا شي وانتي خادمتها بماي عينج .. سلااااااااااااام وطلعات وبسسسسسسسسسسسسس لا اتعبين نفسج على رضا ناس مو مفكره فيج..

والله يوفقج بحياتج يارب ويهدي حماج ويعقله:yaaaaaarb:​

 

[حبيبي فهوودي]

ماقصرتوو بنات فديتكم


ميرال عجبتني الحكمه

روح مغليها الله يوفقك

فرح فديت عمرج لا وبعد هاذا ولا الخز فيني ولا اذا تجمعنا تحت انا ساكنه فول اهل زوجي دايييم يصادفني وكلا يدخل ولا يتنحنح واذا صادفني مايصد يخز قطيعه

 

[وحيدة امى]

حيل طيحتي ميانه افصلي وخليج رسميه بالمنسابات

 

[!الجادل الصعب!]

بالنسبه لمرة حماج ودي اقول تستاهلين الي جاج بس مابي تزعلين >> يعني ماقالتها
من جد تكوين ملابسها وتمسحين شقتها عسا ماشر
وهي مستانسه مطلعه خلاقينها لج يالله سويهم !!
وشنو شعورها وانتي تمسحيت شفاها والاخت تتفرج!!

الحل .. انسي كل الي صار لا تحقدين ولا تشيلين بخاطرج
ترا الحقد يتعب راعيه والناس مادروا عنه
ابدي من جديد برسميه معاهم .. اضحكي سولفي بس لا تنزلين روحج
لهم ..
قال كلمه .. اسفهيه لانه سفيه شبتقولين يعني ..!

 

[حبيبي فهوودي]

الله كريم انشالله

 

[جوانا2010]

ياقلبي انتي غلطانه ....
انا زيك انخدع بالناس واحسب كل الناس طيبه واطيح الميانه مع ناس ماتستاهل بعدين اندم ..:eh_s(2):
على العموم مرت حماك من البدايه واضحه تصرفاتها استغلاليه ...
خلاص ابعدي عنها وخلي علاقتك فيها رسميه يعني سلام وزيارات بسيطه وبس...
وبالنسبه لحماك هذا عاد حكايه لوحده الله يعينك ....:rgewrg:
حاولي تجنبينه يعني طلعه هو فيها لاتطلعين بيته لاتدخلينه وهو موجود سيارته لاتركبينها....
يارب يرزقك بالذريه الصالحه.....

 

[PuPa^^SWeeT]

الريال شكله يحب مناشب الحريييم


و غيران من اخووه يمكن لأنج اسنع من مرته


انا اقوولج


اذا بيطلعون قوولي مابي اطلع وياااهم


قولي انته بتروح رووح

انا مابي اسمع كلمتين انقث منه م

 

[حبيبي فهوودي]

فديتج واهاذا اللي صاير الحين

 

[حجيه هيونه]

خفي عنهم وبلا ميانه

ونصيحتي نفسي عليهم فتره وخففي علاقتج يمكن الله يهديهم وينتبهون


ونصيحتي اكثر

لاتعطينه وجه ولا تحتكين فيه عشان مايقول شي يضايقج

 

[ياعيون مغليك]

العلاقه الرباعيه مال امها داعي
يعني بالسفر والطلعه والبحر كلكم مع بعض؟؟؟
وين قاعدين اختي
الحمو من النار
وبعدين شهالميانه اللي تخليج تنظفين شقتها وترتبينها لها؟؟؟
اسمحيلي انتي اهنتي نفسج حيل وهذي هي النتيجه ..
الاخ اكيد ماراح يرضى على اخووه وبيعتبر انها من الميانه وموو زين تدخلين زووجج بالسالفه
انتي لج بيت ولج زوج
خلي علاقتج رسميه مع مرت حماج
واقطعي علاقتج نهائيا بحماج بس للسلام غيره لا

 

[قمر كويتي]

اختي انتي غلطااااااانه غلطااااااااااااانهمالج شغل فيها كلت والا ماكلت ليش تنظييييييييييف شقتها ؟؟؟؟؟ المهم الي صار صار
الحين الطلعه ماله داعي كله معاهم ورايحين تصيدون مع بعض ؟؟؟؟؟؟؟؟؟؟؟؟؟؟؟؟؟؟؟؟ ليش خلهم بروح وانتوا بروح ومو حلوه الميانه الزايده ترى خطره والله يوفقج

 

[فيونكه..~!]

- وأنتي ليشش تنضيفين شقتهآ وتمسحينهـأ أ هـآ ؟!

- أنـآ أقول طنشيهآ ولآتنظفين لهآ مآأنتي ملزوممه ة فيهآ .. على مآأظن عندهآ أيدين تنظف فيهـآ

- واذ مآتقدر تقول لــْ زوجهآ يجيب لهآ خدأممه ة

- امآ زوجتسس لآأزم تكلمينه ة يوقف أخوه ْ عند ححده ة !

 

[عشقك وطن]

تفاهمي وزوجك وقوليله يحط حد لأخوه ولا لايلومك لاتكلمتي انتي وحطيتي حد

وعلاقتك مع زوجته خفيفها

ولاتتعبين نفسك عشان احد محد يستاهل اللي تمدين له يدك بالخير هو اول من يعضك

 

[ســتارز]

حماج خطير وقاعد يتحرش فيج فتحي عيونج عدل

غلطتي لما غسلتي ملابسه وكويتيهم

لا تدخلين اهلج بالسالفة ولا تشكين لزوجج حتى لا يكرهج ويحس انج بتفرقين بينه وبين اخوه

الحل مهما يقول ويخز ويعلق تجاهليه وكأنه مو موجود وخففي من طلعاتج معاهم لين تهدا الامور

 

[شقـــرديه]

امبييييه من صجج انتي
ليش جذي تسوي عمرها الصداقه ماصارت جذي ولي هالدرجه تكويين لها ملابسها
خليهم عنج ولاتعورين قلبج ولا راسج
خلج جذي عزيزه واهو قليل الادب طنشي كلامه ولاتعطينهم فيس

 

[حبيبي فهوودي]

بنات انا مسويت لها كل هاذا الا لما اشوفها تعبانه لانها كانت حاامل

وكنت اساعدها بس جد ليتني ماساعدتها هاذاي النهايه بعد تبيني انا ارجع لها واكلمها

يعني ميانه بس في حدووود الحمدالله ماتخطى حدودي

هذاني احقرة وهو بعد حس ويحقرني تخيلو اذا دخل عليينا عند اهله يسلم عليهم كلهم الاا انا يحقرني بالطققاق ماني محتاجه سلامه

بس يبعد شرة عني واذا ساعات امر اشوفه بالصدفه يعني برقا شقتي ومهم نازل مثلا انا متعوده بي اسلم فقط تخيلو ولا يرد صفط

قلنا ابركها من ساعه

اه يااربي كل ماذكر اكره نفسي

 

[NOoOf 305]

تسلمووون ع المرووور


والله يابنات انا زوجي ساعات يرد على اخوه بس مايبرد قلبي

احس بنفجر ودي اصيح انا مو قادره انسى قذارته معاي في ماليزيا في اشياء والله اتفشل اقولها

والله يابنات مو مدح فيني بس قسم اني اسوي لها اشياء واخدمها الاخت ماتسوي لاختها ونادر ماتشوفين وحده زي كذا بطيبتي لدرجه ادربي بتقلون <<غبيه وبقرة اف حتى اسب روحي

انا حتا اذا تعبت اكوي ملابسها هي وزوجها شفتو وحده حمارة زيي <<السموحه يانفسي لاتزعلين غلط عليج ههههه

تكفون شسوي وانا مابي احقد ابي ولا متعوده اشيل واحقد بقلبي بسس اذا الشي زاد عن حده

مره تمسحين شقتها و مره تكوين ملابسها اهي و زوجها انتي خدامة و لا شنو اسفة بس انتي حيييل مشتطة فيها و الافضل ما تطيحين الميانة مع مرت حماج

 

[leeny]

نصيحه عامه
لاتعطين الا كثر ماتاخذين من اللي جدامج عشان ماتنصدمين وعشان ماتعبين نفسج
اللي يعطيني من قلبه اعطيه عيوني لويبي واللي يحسب نفسه قبلي احسب نفسي قبله ليش اقدم تنازلات حق ناس غير امي وابوي وزوجي لانه رضاهم والجنه لكن الناس عطيهم بحجمهم ولاتزيدين نهائيا،نظفت شقتج هي؟ كوت ملابسج وملابس زوجج؟ عطتج من اكلها وقصرت على بيتها؟ ليش كل هذا؟ لاهي ضيفه فبيتي عشان اكرمها اخدمها واقصر على روحي واعطيها ولا انا اللي ملزومه فيها كام او اب او زوج و اخت.
الحين انتي كوني عادي معاها جدا رسميه وزوجها مايستحي اكو ناس تفهم الميانه غلط انا ميانه فوق ماتتصورون مع حماي هو اصغر مني ومو متزوج وكأني اخته وعادي نسولف بالواتس اب وكل شي عمره ماتدخل بلبسي او شي فيني ليش مايخاف من زوجج؟ شكله اكبر منه هو
عموما سدي بابه وريحي بالج ولا تشوفينه حتى وزوجته كوني عادي ورسميه معاها وهي الندمانه خسرت طيبتج*

 

[كويتية222]

طيب احسبي اللي سويتيه اعمال خيرية

وسالفة انسح وانظف لها شقتها !!

حبوبة دينا الاسلامي دين وسطية يعني لا اميل كل الميل ولا انقص شي

وانتي ملتي كل الميل لا تحيفين صار اللي صار واحتسبيه عمل خير

وكان الاولى لما كنتي تيوعين تقولين لها من غير ما اطلبج لازم تعملين حسابي بطبخة حلوة منج شوفيني ما نسيتج بشي

لكن للاسف كنتي تقدمين وهذا طبع شخصيتج وحماتج مو مثل طبعج غير فكنتي تقارنين نفسج فيها وهذا غلط

لان ما طقتج ع ايدج وقالت لج سويلي وانظفيلي وامسحيلي وتنقصي لي من غداج وغدى اهلج

وسالفة حماج قولي لزوجج يقول لاخوه انج زعول وماتحبين الغشمرة الثقيلة وفهمي زوجج هالشي وقوليله ترى ام تغشمر وثقل غشمرته يمكن تنفجرين يعني مهدي لنفسج علشان ان سوى شي بايخ ردي عليه وقوليله رجاء ما احب هالاسلوب

 

[Heaven Light]

افف حماج ذكرني بولد عمتي
جذي اسلوبه قذر وقليل ادب ..
ما ارتحت الا لما شلت نفسي عنه كلش ..
حتى سلام ما اسلم الا اذا هو سلم ارد
لما تزوج بنت خالتي وانا علاقتي فيها قويه
فلما اكلمها لازم يقط حجوه تغثني يعلي صوته عشان اسمع
عاد شسويت حتى بنت خالتي ثقلت عليها وما قمت ادق تبي شي تدق غيره لأ
فانتي حبيبتي شيلي نفسج عنه وعن مرته
لا تطلعون معاهم ولا تسافرون معاهم
والمكان اللي يقعد فيه قومي عنه ..
صدقيني بترتاحين .. وبعدين شدعوة كل هالخدمات حق مرته
اثقلي شوي .. وبعدي عنهم ..
والله يوفقج يارب ..

​