مشكلتي مع زوجي وزني الزايد

[أبله شقحه]

غلطانه حدج اسمحيلي زوجي لما زاد وزني هددني بالزوجه الثانيه ترا عينهم زايغه

 

[دنيا جديدة]

هلا اختي
اولا عليج بلاستغفار سبحان الله يجعل لج مع كل ضيق مخرجا
ثاني شي في حبوب اسمها زنيكل للتنحيف وحدة بوحدة
لازم مع نظام غذائي ومشي ساعه باليوم
وشربي زنجبيل بدون سكر يوميا
ومرامية بعد تنحف
اللهم صل وسلم وبارك على نبينا محمد

 

[انثى عاشقة]

ياقلبي زوجك يبي له طق
لووووووووووووووول
امزح
بس مو من حقه يخووون
ليش هو كامل ومافيه عيب يعني ؟؟
انتي قبل تبدأين دايت وهيك
زيدي جرعة الثقة بنفسسسسك
بعدين اشتركي بنادي
وروحي اخصائية تغذية تمشي معاك
بنظام غذائي

الله يسخر لك زوجك ويبعد عنكم الحرام ​

 

[:: Diva ::]

سوي تكميم او حلقه حسب كتلة الجسم

 

[عسل مرت قيمر]

وزنج موعذر للخيانه


والبنات ماقصرو عطوج حلول

 

[ملگه]

الله يعينج حبيبتي بس حاولي تخففين اگل بس موفترت انفاس مايصير تسوين رجيف في النفاس يسبب خواء

 

[قمرية الفيس]

لا والله.
حبيبتي بما انه زوجج الخيانة تمشي قدمة لو تضعفين وتصيرين منكان بضل يخونج
لنفترض ضعفتي اوكي علاقته الباطلة شبقولهم خلاص باي بروح لزوجتي ضعفت
انتي لازم تضعفين عشان نفسك وخيانه زوجج شوفيلها حل ووقفيه عند حدة

 

[مشتطـه]

حبيبتي مهو عذر وزنك لخيانة زوجك
هو ماصدق لقى شماعه علق عليها خيانته وهي وزنك
لو زوجك فيه خير وحاب يساعدك عشان تنزلي وزنك كان وداك دكتورة تغذيه او اشتركلك في شركات اكل مثل دايت سنتر
واشترالك سير ولا دخلك نادي ودعمك
مو يروح يخونك
من جد عذره اقبح من ذنبه

صلي عالنبي ..!!

ها عيل شنو عذر الريال اذا خان مرته !!!!!


حبيبتي الريايييل يدورون الرشاقة والجمال

واهي تقولج وزنها 110

مو 70

يعني متنها اوفر !
عسى الله يضعفها بصحه وعافيه


الريال عينه زايغه يطلع ويروح ويرد ويشوف البنات اكيد بيخووون !
اذا مو جدامها من وراها

انا انصحج بعملية التكميم

وزنج وايد وحيل راح تتعبين بالريجيم
لان متعب حيييل انا سويته شهرين وتعبت نفسيتي

 

[ELFAD3Ah]

حبيبتي خلصي نفاس ودشي نادي زين فيه كلاسات زومبا وايد زينه هالرياضة وخففي اكل

 

[" ذوق "]

اذا بتنزيلين وزنج نزليه لنفسج وصحتج
مو عشان ريلج الي يخونج هذا ماله اماان

 

[ام عبدالرحمن..]

انصحج بالتكميم مرت اخوي سوتها وكل مالها تضعف صج صج عمليه تسوا بس اهم شي استخيري قبل
الله يسخرلج روجج ويسخرلي زوجي يااارب

 

[miss t]

اولا الحمدلله على سلامتج حبيبتي
ومبروك ما جبتي
ثانيا الجسم والرشاقه و التعدل و التسنع بالاول و الاخير سويه لنفسج وبيستانس عليج ريلج
بس مو يكون هدفج الاساسي نظرته لج لان ممكن يكون مزاجي ممكن ما يلاحظ فتتحطمين وتردين اسوأ من قبل

غير كذا الخيانه مالها مبرر بالوزن او النفاس او حتى العلاقه الخاصه بين الزوجين لان المفروض يكون بالكلام والتفاهم يوصلون اثنينهم لمطالبهم و احتياجاتهم

عموما رتبي لنفسج جدول مشي يوميا و اعتبريه وقت متعه مو الزامي عشان ما تملين واقل شي نص ساعه و الافضل ساعه و بتلاحظين الفرق من اول اسبوع ان شاء الله

اهتمي بأكلج انه منزوع الدسم و قللي نشويات قد ماتقدرين ابتدي وجباتج دائما بسلطه خضرا مفيده و تنزل الوزن وتملي المعده

شدي بطنج على طول لين تتعودين و تقدرين تساعدين نفسج بمشد او كوروسيه ليه تتعودين (هالحركه من حركات كيم ببدايتها للجسم اللي وصلت لها لحين )

اهتمي بجسمج من تسمكر و تعدل سنفرات و ترطيب و مغربي و غيري ستايل شعرج ان كان بلون او قصه لنفسج
وبعد اسبوعين من الالتزام بتلاحظين الفرق و تتحمسين تكملين المشوار لين توصلين للي تبينه ان شاء الله و انتي بصحتج

والله يعمي بصر و عقل و قلب ريلج عن غيرج و يرده لج و يهديه

و ان شاء الله اكون فدتج ^_^

 

[pusy cat]

الرضاااااااعه الطبيعيه

انا الحمدلله حملت وولدت وجسمي رد كأني عروس لا رجيم ولا رياضه ولا شي بس اني ارضع ولدي طبيعي

لان الولد يسحب الدهون اللي بجسمي هذا غير فايدة الرضاعه للطفل

انصحج وانصح الكل بالرضاعه والالتزام فيها

 

[tbola]

دشي قسم السمنه والنحافه ان شا ءالله تلقين حل

 

[Patcholli]

رجيم ورياضه

 

[somalian girl]

الله يهدي زوجك وحاولي ان لاتاكلي اكل عالي السعرات الحراريه وكلي الخصار والفوكه بكثره. والله يعينك يا اختي.

 

[انا لها شمس]

بالنفاس اكلي خفايف وكثري شاي اخضر
وبعد الاربعين اشتغلي ع نفسج ابسسسط شي مشي
او نادي صحي بشهرين يرد جسمج مثل ماكان
ولاتخلين لزوجج عذر لخيانته لانج لو ضعفتي وبعده يخون
راح تنصدمين اكثر
تقربيله وحببيه فيج انتي وبقلبج
مو جسمج ولبسج

 

[سميتكـ _ غلاي]

الله يهديه

 

[Perfume]

حبيبتي خففي اكل حاولي تاكلين مشويات اكثر شي
ابتعدي عن المشروبات الغازية والفاست فود
تعشي مبجر يعني عالساعة 7 او8 وخلي عشاج خفيف مثل سلطة قطعي فيها دياي مشوي او خضار مسلوقة
واشتركي بنادي ولعبي رياضة او حاولي تمشين كل يوم ساعة
وانا اقولج خلي صحتج هي السبب اللي تبين تضعفين عشانه مو خيانات زوجج

 

[شمس 20]

نصيحه دشي نادي واضعفي لا يصكج ب مره