بسم الله الرحمن الرحيم
السلام عليكم ورحمة الله وبركاته
شلونكم كويتيات
بنات انا فيني عقدة من سياقة السيارة ، او بالاحرى كانت فيني عقدة
اخذت الليسن باخر كورس لي في الجامعة وخليته زينة فيه بوكي وتوظفت وصار لي الحين 4 سنوات متوظفة
ومشكلتي اللي مأرقتني السياقة
انا وحيدة امي وابوي وعندي اخوان الله يخليهم لي.
ابوي حبيبي من كثر ما هو مدلعني ويخاف علي ما خلاني اسوق لانه يدري اني مو شاطرة بالسياقة واخذت الليسن بوساطة ويعرف شكثر انا خوافة
فكان اللي يوديني الدوام اهوا واخواني ربي يحفظهم
بس وايد تمشكلت واكيد كلكم فاهمين معاناتي
اخواني ارتبطوا بدواماتهم وحريمهم ودواماتهم شفتات وعندهم مشاغل واللي تزوجوا بيوتهم بعيدة
وابوي حبيبي كبر وضعف نظره ويعور قلبي اني قاعدة اكلفه فوق طاقته
اللي كبري مفروض اهي توصله وتداريه
غير الدوام ، عندي مشاويري الوايدة واللي مأجلة .. تدرون البنت تحتاج اقلها الطبيب والجمعية
عشان كل هالمعاناة اللي ما اقدر اختصرها لكم بهالموضوع قررت قبل شهر بس اني اسوق ، خصوصا انه عندي اجازة وصج يبت مدربة ممتازة وتعلمت السياقة
وراح مني الحمد لله الخوف ورحت معاها اصعب الاماكن بالكويت وصرت شاطرة بالسياقة
الحين هذا اول اسبوع لي في سيارتي اليديدة وقمت اطلع فيها بس بحدود منطقتي والمنطقة اللي يمها. للحين ما باعدت.
وين المشكلة ؟!
مشكلتي اني للحين وايد اغلط وانا اسوق مو عدم معرفة ، لا اسهى
يعني اليوم دودهني واحد لازق فيني وخلاني اصعد الرصيف وسيارتي وايد نازلة فعلم عليها مكان الليتات ووايد ضاق خلقي
كل ما اغلط غلطة وانا اسوق تقل ثقتي بنفسي واحس اني ما استاهل السياقة ولا اعرف اسوق وانا مفروض ما اشتري سيارة وانا اقعد بالبيت احسن لي
خصوصا انه ابوي وايد يخاف علي ومن كثر خوفه زرع في قلبي الخوف
تصدقون لي طلعت ابوي ما يسوي شي من كثر المحاتاة ويطلع برة يطل بالباب ينطرني ارد وما يبيني اطلع
واذا دق علي وما رديت.تصير عنده حالة ويحاتي ويوسوس له الشيطان ويدق علي ويخرعني زيادة
وما يبيني اروح مكان خوفا علي
فصرت حتى لو طلعت وغلطت غلطة وانا اسوق اقول حق نفسي استاهل لاني خالفت حجي ابوي
امبي احس اني بصراع
يعني خوف ابوي انعكس وااايد على نفسيتي وصرت احس بالذنب دبلات وانا بالشارع خصوصا لي كنت بدعم
ومع هذا احس لازم اطلع عشان امرن نفسي واسوق اكثر واعرف حق الشارع اكثر
يعني صراحة انا ادور لي سبب يخليني اطلع بس ابي اتقن السياقة اكثر وكل من يقول الشارع يعلم
الحين انا وايد متضايقة ورادة البيت مكتأبة لاني حشت الرصيف ودعمته وتعورت سيارتي
وقاعدة اقول حق نفسي لازم ما اطلع واسوي كلام ابوي
شسوي يا جماعة شوروا علي :eh_s(16)::eh_s(16):
السلام عليكم ورحمة الله وبركاته
شلونكم كويتيات
بنات انا فيني عقدة من سياقة السيارة ، او بالاحرى كانت فيني عقدة
اخذت الليسن باخر كورس لي في الجامعة وخليته زينة فيه بوكي وتوظفت وصار لي الحين 4 سنوات متوظفة
ومشكلتي اللي مأرقتني السياقة
انا وحيدة امي وابوي وعندي اخوان الله يخليهم لي.
ابوي حبيبي من كثر ما هو مدلعني ويخاف علي ما خلاني اسوق لانه يدري اني مو شاطرة بالسياقة واخذت الليسن بوساطة ويعرف شكثر انا خوافة
فكان اللي يوديني الدوام اهوا واخواني ربي يحفظهم
بس وايد تمشكلت واكيد كلكم فاهمين معاناتي
اخواني ارتبطوا بدواماتهم وحريمهم ودواماتهم شفتات وعندهم مشاغل واللي تزوجوا بيوتهم بعيدة
وابوي حبيبي كبر وضعف نظره ويعور قلبي اني قاعدة اكلفه فوق طاقته
اللي كبري مفروض اهي توصله وتداريه
غير الدوام ، عندي مشاويري الوايدة واللي مأجلة .. تدرون البنت تحتاج اقلها الطبيب والجمعية
عشان كل هالمعاناة اللي ما اقدر اختصرها لكم بهالموضوع قررت قبل شهر بس اني اسوق ، خصوصا انه عندي اجازة وصج يبت مدربة ممتازة وتعلمت السياقة
وراح مني الحمد لله الخوف ورحت معاها اصعب الاماكن بالكويت وصرت شاطرة بالسياقة
الحين هذا اول اسبوع لي في سيارتي اليديدة وقمت اطلع فيها بس بحدود منطقتي والمنطقة اللي يمها. للحين ما باعدت.
وين المشكلة ؟!
مشكلتي اني للحين وايد اغلط وانا اسوق مو عدم معرفة ، لا اسهى
يعني اليوم دودهني واحد لازق فيني وخلاني اصعد الرصيف وسيارتي وايد نازلة فعلم عليها مكان الليتات ووايد ضاق خلقي
كل ما اغلط غلطة وانا اسوق تقل ثقتي بنفسي واحس اني ما استاهل السياقة ولا اعرف اسوق وانا مفروض ما اشتري سيارة وانا اقعد بالبيت احسن لي
خصوصا انه ابوي وايد يخاف علي ومن كثر خوفه زرع في قلبي الخوف
تصدقون لي طلعت ابوي ما يسوي شي من كثر المحاتاة ويطلع برة يطل بالباب ينطرني ارد وما يبيني اطلع
واذا دق علي وما رديت.تصير عنده حالة ويحاتي ويوسوس له الشيطان ويدق علي ويخرعني زيادة
وما يبيني اروح مكان خوفا علي
فصرت حتى لو طلعت وغلطت غلطة وانا اسوق اقول حق نفسي استاهل لاني خالفت حجي ابوي
امبي احس اني بصراع
يعني خوف ابوي انعكس وااايد على نفسيتي وصرت احس بالذنب دبلات وانا بالشارع خصوصا لي كنت بدعم
ومع هذا احس لازم اطلع عشان امرن نفسي واسوق اكثر واعرف حق الشارع اكثر
يعني صراحة انا ادور لي سبب يخليني اطلع بس ابي اتقن السياقة اكثر وكل من يقول الشارع يعلم
الحين انا وايد متضايقة ورادة البيت مكتأبة لاني حشت الرصيف ودعمته وتعورت سيارتي
وقاعدة اقول حق نفسي لازم ما اطلع واسوي كلام ابوي
شسوي يا جماعة شوروا علي :eh_s(16)::eh_s(16):
التعديل الأخير:
