مشكلتي مع سياقة السيارة :( دحلوا واسوني

[آتعــبني غـلآآك]

انتي بالبدايه اكيد بتخافين وبعدين عاديوبالعكس
المفروض تعلمين من اخطائج مو تزعلين​

 

[فـدوه]

ياحلوج و الله هههه, كلنا شخطنا سياييرنا و سيايير الناس و صعدنا ارصفة و هذا اذا مادعمنه :ggdw:
رياييل و هم رياييل يدعمون, يوبا عادي. انتي اهم شي ماعليج من اللي يلزق فيج حقريه عنده لينات ثانية يدوس فيها و انتي قضبي اليمين او النص و شوي شوي بتتعلمين :rerrerek:

بالنسبة حق الوالد لاتبينينله انج خايفة عشان مايحاتي, و اهم شي سمي قبل لاتركبين و ماعليج الا العافية:eh_s(7):

 

[طموحه بزياده]

@@@





لابد تكون البداية تخوف يس لازم تتوكلين علا الله

 

[ملاك الروح 1]

ما صارت فيني مثل ما صار فيكم اول ما سقت كنت حدي مستانسه

الحين كل الي عندنا في البيت يسوقون حتى الصغير الي عندنا عمره ( 13) سنه يسوق
حبووووووبه لا تخافين خليج جريئه عادي هذا يمكن في البدايه بس عاد مو توصل 4 سنين خايفه انج تسوقين انا اتوقع ما فيه شيى يخليج تخاين انج تسوقين

 

[noorq8]

الله يكوووووون بعونك وانا ماعندي خلفيه عن السواقه بس ماحبيت ادخل وماارد
وإن شاءالله الاخوااات الي يسوقون يفيدونك بس ان احس انك تتوترين وانتي تسوقين لازم تكوني هاديه ومفتحه عدل وشغلي لك قران او اي شي يسليك على اساس ماتفكرين وتسهيين واقري دعاء ركوب السياره وقولي اللهم اني استودعتك نفسي وسيارتي يامن لا تضيع ودائعه ومووووووووووووفقه

حبوبة كلنا اول ماسقنا كنا نخاف ​

وشكثر صعدنا الرصيف وحكينا السيايير اللي يمنا
كل شي مع الوقت والممارسه يتغير
اهم شي تعززين ثقتج بنفسج وتشلين الخوف
حتى الوالد الله يحفظه
مع الوقت بيطمن ويبطل يحاتيج
توكلي على الله
ودايم اول ما تطلعين من البيت قولي دعاء الخروج
((بسم الله توكلت على الله ولاحول ولاقوة الا بالله ))
واذا ركبت السياره دعاء الركوب ​

صدقيني بتحسين انج بحفظ الرحمن وتتغلبين على خوفج ​

كلامهم سليم , الدعاء فقط هو اللي راح يبتج ويعطيج الأمان والثقه وعالتمرين عالسواقه تمشي بالمناطق بالليل مع امج وابوج عشان تعرفين مداخل ومخارج الشوارع وشوي شوي بتصيرين بروفيشنال :eh_s(17):والله يحفظج ويوفقج


نصيحه لاتنسين حزام الأمان ولاتردين عالتليفون لو مهما يصير

 

[بنت الاحلام]

شوفي انا حاسه فيج الخوف من الشي بس بقول لج حل

حلو حيل
تعرفين العاب القيمز الي فيهم مسابقات وسيارات
العبهم والله

العبهم وعيشي الدور وتحمسي والمسابقات وجذي
عرفتي

وشوي شوي
راح تصير عندج السواقه شي عادي

وحطي ببالج ان ماكو احد يموت من سواقه سياره ولا شي كلن بيموت بيومه
والحذر عمره ما منع القدر

وتوكلي علي ربج وادعي دعاء الركوب

ولا تخافين شكثر بنات نفسج مو مشكلتج بروحج
انا اصلا اخاف اسوق
واخاف اطلع ليسن
وكل ما اعصب من اخواني
اقول بس لو ما اخاف اسوق جان سقت وافتكيت من المنه لوووووووولي

 

[~ kaika ~]

اففففف جنج تتكلمين عني والله
تخيلي صارلي الحين سنتين مطلعه الليسن وتخلل بالبوك على قولتج
وامي وابوي يخافون ما يبوني اسوق حدي بالمنطقه بس والمشاوير القريبه
وتعالي شوفي حالتي بالجامعه لما اداوم والدكاتره يعتذرون انلطع ساعه عشان احد يمرني ويأخذني
وامي وابوي عاجبهم الوضع بس ياااربي انا مو راضيه والله يعورون قلبي يعني متقاعدين
عشان يتبهذلون وياي من الصبح لي العصر شفتات بينهم
وهم اخاف ابطل الموضوع وياهم لاني انا بروحي خوااافه
بس بحاول ارد اتعلم مع مدربه واكسر هالخوف واعتمد على نفسي ..
بس بنات شلون انا مطلعه الليسن شلون ارد اتدرب ما يخالفوني فيها هذي ؟​

 

[shai5at al3arab]

حبيباتي والله انتوا


استانس لما اقرى تجاربكم

احس مو بس انا


Kaika عادي ييبي مدربة وقولي لها انا عندي ليسن

كل شركات التدريب تدرب باستمارة وليسن بس التدريب حق اللي عندها ليسن اغلى بدينارين الساعتين ب ١٢

والله يسهل علي وعليكم كلكم


والله هذا انا شوي شوي قاعدة اسوق بمنطقتنا والمنطقة اللي يمنا للحين ما طلعت عنهم بسيارتي

بس مع المدربة لا رحت كل مكان


الله يسهل علينا يارب

 

[بالحيـل ذباحـه]

عادي حبووبه كل شي بدايته صعبه
انا للحين اتدرب في البدايه كنت خايفه بس اللحين الحمدالله راح الخوف مني
ودايم عندي اغلاط لا تدربت ومششكلتي الرصيف كل يوم صاعده فوقه خخخخخ

عاادي حبيبتي ششوي ششوي تتعلمين
وتوكلي ع ربج ..,

 

[AseeRat 8AlBy]

اختى انتي تحتاجين الي علاج ثقة في النفس ....................


لانه هذي اللي فيج نفسية اكثر من تمرين ----------

 

[Moon-ae]

لاااااااااااااااا تخااااااااافين لو دعمتي مرة مرتين عادي ~> طبعا دعمات خفيفة شي طبيعي لانج توج يديدة
خليج واثقة من نفسج انا كنت كل شهرين ادعم كل شهرين
ادعم البيت كله قام يتطنز علي ><"
بس عطيتهم اكبر طاف صح ساعات كنت افقد الثقة بس بعدها استرجعها
الحمدلله كملت سنة والحين حتى ابوي يقولي ماشاءالله سواقتج سواقة ريايل اتحسنت وايد

وانصحج تسوقين بمراقبة حد من اخوانج ولا ابوج خليه يعطيج ملاحظات ع سواقتج يعني ركبي ويا حد ترتاحين له ويعطيج الثقة مب حد يتطنز عليج عرفتي !

 

[Stay alive]

حبيبتي راح تتعودين


انا ماقص عليج واقولج تعودت

الحمدلله سياقتي مافيها شي بس لما احد من اهلي يروح معاي اتوتر واقعد على اعصابي اخاف من الانتقادات وسبحان الله لما اروح بروحي ماكو احسن من سياقتي شي منتبهه عالاخر الحمدلله


عقدتي السفطات اخاف احد يحشرني وماعرف اطلع او ازلغ بسيارة احد

الحمدلله ولا مره سويت حادث او زلغت بأحد بس هالخوف مسيطر علي يمكن عشاني اخاف علي سيارتي حيل ومابي احد ينتقد سياقتي

وانا نفسج انجبرت اسوق لان قبل ابوي يوديني بالجامعه وخذيت الليسن بس ما سقت

بس ماخذيته بواسطه الحمدلله اول مره سقطوني وظلم سقطوني يقول ماتعرفين ترجعين عدل !!! الجزيره عديتها بدون اغلاط والحريم والهنود اللي قبلي يمشون فوق الرصيف ونجحوا

انا اسقط عشان رجعه !!!!!


المهم قدمته مره ثانيه وبمكان ثاني ونجحت الحمدلله

دربني اخوي اول ما توظفت

على الدائري السادس بالليل تخيلي الوضع

كنت حدي خايفه اقوله مايصير تدربني اخاف ادعم قال انا امسك منج السكان لو صار شي

حاليا نفس حالتج ابوي مايخليني اروح اماكن بعيده يخاف علي وهالخوف مسببلي مشكله ودي اسجل بنادي بس ماكو احد فاضي يوديني ولا ابوي راضي اني اروح بسيارتي

قاعده اروح دوامي وجمعيه ومستوصف بروحي

وابعد مكانين رحتلهم اهم الخالديه ومستشفى الفروانيه بس اخاف لما اروح للمستشفى فيه ازمة مواقف وضيج واخاف ادش بين السيايير

والله كريم

 

[الغلا كله لبوي]

الله يخلي ابوج لج ويحفظه
في البدايه راح تصير اخطاء بس مع الايام راح تتعودين وتعرفين تسوقين
وربي يوفقج

 

[عميمة]

ويي يا وخيتي والله ما عندج سالفه
ليش تقل ثقتج بنفسج ؟
دعمتي ؟ عادي so what ?
دعمي وانتي الكشره من هني لي هناك
دعمتج مو اخر الدنيا

ما عطاج ما عطاني

ادكر اول ما سقت اول دعمه لي حكيت سياره ومن زود ماكنت عليميه حكيتها شوي وما عرفت شلون اعدل السياره قمت كملت طريجي وحكيت السياره من اولها لاخرها
وياني صاحبها معصب يقول انا ابفهم منو عطاج الليسن
قلت واسطه <قويه عين

ودقيت على اخوي قلت له اني سويت حادث وانا اضحك

ومن زود البجاحه قلت لهم مابي هالسياره مشؤومه ابي سياره يديده ( طبعا كانو معطيني سيارة البيت دبل اكس لارج)

وطبعا كل حادث ادق على اخوي وعلى ويهي نفس الابتسامه لدرجة انه ادا دقيت عليه يرد علي ( مسويه حادث صح؟ ) <ماتعرف رقم اخوها الا بالحوادث

وحتى مرره صار لي حادث قوي انكسرت فيه ايدي وريلي وخفت اتعقد من السواقه لاني كنت مدعومه مو داعمه بس الحمدلله اول ما طبت رحت سقت سياره امي بس عشان اكسر هالرهبه


وانصحج بهالشي كل ما حسيتي نفسج خايفه او بدا ابليس يوسوس فيج قبل لا يتمكن روحي اخدي مفتاحج وركبي سيارتج لو ان شاء الله تروحين الفرع

وادا انتي نوعيتج تخافين من الموت بالحوادث ترا الرب واحد والعمر واحد ادا الله كاتب لج تموتين بهاليوم بتموتين لو انتي بفراشج

ولا تخلين الحوادث اكبر همج ترا حتى الي صارلنا حول العشر سنين نسوق للحين احيانن نركب رصيف بالغلط ولا نعدم
ولا لو ان شاء الله نفتح

خدي الامور بسهاله وانا اختج وهونيها وهي تهون

 

[فطيرة الشوكولا]

الله يعينج اختي

 

[MoonDiamond]

اقري اذكار ودعاء الخروج من المنزل
وشغلي قران بالسياره
ولاتشترين سياره يديده
خليج على اللي عندج
ليما تتقنين السياقه

وخوفج طبيعي
بس انتي مزودتها حبتين

توكلي على الله
والسياقه تريحج وتريج ابوج الله يخليه لج يا رب

 

[خاله دلوول]

فدمي على سايق أحسسن لك

 

[عزوتي خمس صقور]

يويل حالي اخاااف اسوق
اشوى مو مسموح بالسعودية
ينقال اهلي بيرضون اسوق لووول​

 

[shai5at al3arab]

وااااااااي سكتوا


يوم احس نفسي صرت زينة واعرف اسوووق ويوم اخورها ويضيق خلقي


الله كريم

 

[][ sarah ][]

حبيبتي والله اخذيها مني اناااااااااااااااااااااااااا
والله السواقه ماكو اسهل منها بس خلج واثقه من نفسج وشيلي الخوف شوي