مشكلتي مع صديقاتي

[_كلي دلع_]

صآآجه ألي قألت هألمقوله {{ ألطيب بهألزمن خسرـآـآن }} ..

وبعدين آنآ لآحظت يوم تقؤلين (( ولم عرفت احب اخوهاا تغيرت )) .. آنتي تخيلي لؤ مكآآنهآآ ..!!

آلحين هي على بآلهآآ مآخذتهآآ مصلحه علشآن آنتي تحبين آخؤهآآ .. انا مؤ قصدي شيء بس قآآآع أقؤلج البنت على بألهاأ مآخذتهآآ مصلــــــــحه ..

ؤأذا هم بآآيعنج بيعهم بترـآـآب ..

ؤالله يعؤضج برفيجآآآت آحسن منهم ..’’

 

[!الجادل الصعب!]

الي خلقهم خلق غيرهم .. مآوقفت عليهم ..
الحين آنتي شفتيهم سحبوآ نفسهم بحجة الانشغآل ..
سحبي نفسج منهم .. الي فيها خير بتفقدج .. والي مآفيها خير مآتشوف شر
بين معدنها و آنتي تبينهآ من الله ..,

 

[كيفانيه 22]

لا تسالين عنهم

خليهم هذول مو صديقات عدل
و هذي تجربه علشان تعرفين صدقياتج عدل
لا تهتمين لهم و اهم اذا فكرو يتصلون او شئ
خليهم مالج شغل فيهم
هذي تجربه علشان تعرفين الاصدقاء عدل
و ان شاء الله ربي يعوضك في صديقه تكون اكثر من اخت
انسيهم ابرك
و اهتمي بنفسك و دراستك و شغلكم

 

[حلوة وعسل]

حبيبتي لا تضايقين وامشي على مقولة (عامل كما تعامل)وطااااااااااااااااااااااف ما وقفت عليهم الدنيا وانا اتشرف اتعرف على وحده طيوبه مثلي:eh_s(7)::eh_s(7):

 

[الأنسة ناعمة MA]

ياحليلج والله تفكرين برفيجاتج وليش تغيروا المفروض تفكرين بمستقبلج وبحياتج ووتفكرين تكونين أسرة راح بأذن الله تلقين الحب والاهتمام ووالمودة من زوجج وراح تخلينة تاج راسج صدقيني أنتي عاطفية بزيادة مالومج كلنا عاطفيات
أحساسج بالفراغ والملل لانة مافي جديد وماحد يشغلج عكس صديقاتج حياتهم فيها حركة ووأهتمام وأشياء تخصهم كزوجات
نصيحتي لج أنشغلي مثلا بقراءة القران أو حفظة ووغيري حاولي كل شهر تتعرفين على صديقة جديدة وتضيفيهن لقروب مثلا صديقاتج ووحاولي تعيشين حياتج وأنسي الماضي أنج الكل مايستغني والكل يحب القعدة وياج لانة يزيد الحسرة حاولي اليوم الجديد تخلينة يوم حلوو عليج وسلامتج

 

[الأنسة ناعمة MA]

نفس الحال انا بالسعودية واهلي بالكويت ومعاي بنفس المنطقة رفيجاتي من ايام المدرسة بالكويت تخيلي بس سوالف واتس اب اقولهم ابي اشوفكم خل نطلع كل وحدة عذرها جاهز ورفيجاتي اللي بالكويت انقطعوا من تزوجت يعني بالمناسبات بس والحين طاااف والمشكله ضايق خلقي حيل كله بروحي مااعرف احد وانا ساكنه عند حمولتي لكن نظام ماينادوني ومسوين هوشه فقطعت خير شر كله بشقتي والله ملل تخيلي صرت لما اروح صالون او مستشفا اسولف مع اي مرة يمي صرت مشفوحة سوالف من بعد ماكنت الكلمة ماانطقهاااا بس الله يعين ويرزقني برفيجه تسوووووا رفيجاتي كلهم

والله كسرتي خاطري الله يارب يرزقج الصحبة الصالحة بعدين حاولي تروحين مساجد فيها حلقات ذكر تحصلين رفايج

 

[ليناالعالية]

بصراااحه ما عليج منهم مردهم بيرجعون لج بيملون من ريايلهم وبتشوفين
أنا كنت جذي قبل وااايد أعصب من رفيجاتي لا اتصال ولا مسج ولا واتس اب
ليش أتعب نفسي معاهم ؟؟ ليش أتعب نفسي رفيجتي صار لها متزوجه أكثر من شهر ماشاءالله عليها أرسلت لها مسج أسأل عنها ماردت علي وأرسلت مسجين عااادين وهم ماردت علي
قلت أتصل بها بالعيد ماردت علي واليوم ثاني يوم عيد بعد ماردت علي أنا أتصلت بها عشان الأجر مو عشان شي !
يقهروني هذول المتزوجات ينقطعون عن عالم رفيجاتهم كلش لا مسج ولا اتصال ولا غيره
خلاص أنا قررت أصير قاسية مع نفسي ومعاهم وأصير رسمية
الله يهديهم

 

[ليناالعالية]

أنا وحدة أحب أتواصل مع غيري سواء بالاتصال أو المسج أو الواتس أب
عيشي حيااااتج وأنسيهم والله هم يجيبون لج الهم والغم لا تعبين نفسج ؟
أنا مجربة واايد من رفيجاتي يحبون القطيعه ويطلعون لج فجأة عشان أنساهم رحت تطوعت الحمدلله أروح أحفظ القرآن ، صدقيني روحتج ل دار تحفيظ القرآن عالم ثاااني تنسين همووووووم وأشياء كثيرة تنقطعين عن عالم الدنيا وتدخلين عالم العبادة والطاعه سبحان الله
لا تكدرين روحج وتعبين نفسج وااايد أشياء بحياتج تقدرين تسوينها رووحي دورات استفيدي من وقتج ع الأقل احمدي ربج إنج بنت مو متزوجه بامكانج تسوين أشياء حلوة المتزوجات محرومين منها
الله يوفقج ويرزقج الزوج الصالح
لاتنسيني من دعائج​

 

[shai5at al3arab]

خلي صديقاتج خواتج

ولا تتعلقين بصديقة من بره نصيحة

 

[جواهر35]

رفع

 

[ِAL-ANOOD]

حبيبتي اللي فهمته انه رفيجانج يتهربون منج
اذا جذي لا اتعبين نفسج معاهم لان الحجي معاهم ضايع وراح يجرحونج اكثر من مرة مهما كانت نيتج زينه
اما اذا كانو رفيجاتج من عمر فراح يحطولج الف عذر قبل لا يفسرون نيتج
انتي حاولي تقعدين معاهم وتكلمينهم بصراحة وتقولين اللي بقلبج كله لهم
اذا كانو رفيجاتج صج راح يحسون بغلطهم
اما اذا ما نفع خلي علاقتج عاديه معاهم وشوفيلج رفيجات ثانيات لانهم مصادقينج مصلحه وتضيع وقت لهم
والله يهديهم لج واتردون مثل اول واحسن ان شاء الله
اتمنى اني ساعتج