مشكلتي نادرة..اللي وقت ولادتها وأربعينها أمها مسافرة ..شنو تسوي؟

[no0ona_100]

السلام عليكم ورحمة الله وبركاته

كل عام وانتو بخير بمناسبة العام الدراسي الجديد.....

بنات ابي اخذ رايكم بشغله وااايد واااايد محتارة فيها...وان شالله كلكم تتفقون على راي عشان ما احتار اكثر...

الموضوع يخص حملي و ولادتي ...انا واايد تعبانة من الوحام و النسات..و كل شهر لازم دريب عشان الجفاف واللوعه.....

المهم زوجي زهق مل ...

امي الله يحفظها مسافرة تتعالج برا....

يعني انا وااايد مسكينة...........
...........المهم اقترحت علي خالتي في الرياض ...اروح أولد عندها في مستشفى الحبيب....وبعدها هي بتهتم فيني فالاربعين....الله يزاها خير ماقصرت ...


زوجي قالي ... كيفج....

بس الدكتورة قالت لي اخر فرصة للسفر شهر 10 لاني بسافر بطيارة..يعني لازم اقرر بسرعه

يعني وااايد بغيب عنه فوق شهرين لأن ولادتي اخر شهر واحد..الله يتمم على خير

يعني تخيلوو اخليه بروحه..شهر 10 و 11 و 12 لان ولادتي ان شالله و عقبال الكل شهر واحد...

وحدة من صديقاتي اقترحت علي بس هي مو متزوجة يعني ماعندها تجربة في الولادة والخياط والاربعين...قالت لي ... احسن أولد في الكويت...وبعدها باسبوع اسافر عند خالتي عشان تراعيني في الاربعين.... لان هي ماتقدر تخلي بيتها و تجي الكويت عندي ...

قلت لها..صعبه اسافر ومعاي ياهل وفيني خياط و الله اعلم شنو ظروف ولادتي طبيعي قيصري متعبه؟؟؟

يعني وااايد افكر واحاتي الولادة....:eh_s(16):
وافكر اكثر وين مكان ولادة...عند زوجي ولا عند خالتي:eh_s(16):


الله يعين ويسهل علي وعليكم

الله يردج بسلامة يا امي ويشافيج ويعافيج ....مكانج خالي ...والله يرحم حالي وحالج...

بنات تكفوووون علموني وين القرار الزين..؟؟

 

[صديقت قوقل]

مادري حبيبتي يمكن اراء البنات تفيدج اكثر

بس بنت خالتي ولدت بالكووووييييييييت بعدين سافرت لامها بديره ثانيه وهي عمليه
والحمد لله مرتاحه

نفس فكرت رفيجتج

والله يسهل عليييييييييييييج يالغلا ويرزق كل محرومه

 

[محتاره بحياتها]

اول شي الله يسهل عليج وتقومين بالسلامه...

مادري احس صعبه تتركين زوجج هالفتره يعني ماترجعين الا شهر 2
طيب ماعندج خوات بنات خاله حميات يقعدون عندج وقت ولادتج...
حطيلج خدامه قبل لاتولدين وسويلج نظام فيافي واذا مالج. خلق اخذي من حربم يبيعيون ادويه نفاس
واتفقي مع حريم اللي يسون اكل نفاس اختاري ريوق غدا عشا بوصلووون لج الاكل عند الباب واذا ولاده طبيعبه اسبوع وتقومين وماعليح شر..يعني مناي مضطره تسافرين وتعب عليج واذا ودج عند خالتج روحي بعد الولاده مع اني مانصحج تعب وغثه الطريق ويتغير الجو عالبيبي موزين
وبالتوفيق

 

[كـ غلا ــلي]

انا بالنسبه لي الولاده حدث مو هين يعني لو شنو ابي احد يجابلني بغرفه الولاده قبل النفاس

وضع الولاده تبين اللي تحوفج وتقرا عليج وتسمي وخالتج ام ريلج الحمدالله داقه السدر وبتقوم فيج

ولا تنسين امج وظروفها انا من رايي خلج عندها تراعيج ونفاسج يكون مضبوط تالي ترجعين له وانتي بنت بنوت

واذا علا ال3 شهور قبل الولاده الله يعافي النت والايفونات ما تقصر كلميه بالوقت اللي تبين بالصوت والصوره

والكتابه يعني هم انتي معاه طول الوقت واكيد بيرجع لج ولهان اكثر واكثر

 

[iLLuMinaTion]

اب اب

 

[عزف الخريـــف]

خالتج أخت أمج ؟
ولا أم ريلج ؟
عموما الولاده تساهيل مالها شكو عند منو تولدين
وعشان أكون صريحه أهم شيء الزوج يكون يمج مو أي أحد ثاني
أنا ولدت مرتين وبدون زوجي كانت فترة الثلاث أشهر الأخيره عشان السفر وشغله
وعانيت نفسيا حيل لأنه أهم شخص بحياتج وأكثر شخص يقدر يدعمج نفسيا
وبغض النظر عن هذا كله .. مسألة 3 شهور بعيده عنه انسي لا تغلطين غلطتي مع انها كانت غصبا عني وعنه
ما كنت أقدر أسافر وياه وأنا حامل
والبعد وهالمده الطويله أثر على نفسياتنا حيل
خصوصا انه بولادتي الثانيه ما قدر يي الا لما فات أسبوع وطبعا زفتت النفسيه مررره
فنصيحه لا تروحين الا بعد ما تولدين
يصير يمج ويوديج وينتظر الفرحه وياج ويصير أول واحد يشوف البيبي
ولا ولدتي ماعليج الا العافيه سفرج سهل ان شاء الله سواء عمليه ولا خياط تمددي بالسياره وبس

 

[د. فاطمة]

هلا حبوبة
أنا رفيجتي
ولدت باليابان بحكم ظروف تغرب زوجها
واسبوع وسافرت لأهلها عشان امها تهتم فيها
ترى سلة ان شاء الله لأن المشوار اقصر
وتتسهل

صععععبة تخلين زووجك كل هالفترة
وتوكلي على الله وروحي عند خالتج بعد الولادة اذا اقتنعتي
والله يقومك بالسلامة يااارب

 

[no0ona_100]

كلي غلا

اقتنعت بكلامج..اصلا الايام تمر بسرعه تركض ركااااض

اصلا هو زهق مني و من كثرة الروحات للمستشفيات
ارووح عند خالتي احسن

 

[ضيوانه]

الله يقومج بي إسلامه انشالله البنات ايفيدونج

 

[كنوشة 2009]

ليش ما تسافرين بالسيارة اذا دخلتي شهرج
او تسافرين بعد الولادة باسبوع تقريبا
صعبة تتركين زوجك كل هالفترة

 

[مألوفة]

حبيبتي ليش ما تولدين بالكويت وتتنفسين ابيتج لو عندج خدامه علميها على الطباخ وقعدي يم ريلج وقعدي ببيتج انا اتنفس ببيتي وما عندى احد بالكويت كل اهلي برا الديرة

بس ريلي يهتم فيني ويراعيني الله يخليه لي بس انتي تبين نصيحتي قعدي ببيتج وتنفسي ببيتج وخلي ريلج يشوف ضناه مو تروحين تقدين 3 اشهر وعقبها اربعين يوم نفاس وااااااااايد الصراحه

 

[ورد]

ما انصحج تتركين زوجك كل هـ المدة ،، بيتعود على فراقك اولا .. ثانيا ما بيحس بتعبك ولا بيقدر لانه مو شايف بعينه ،، بيسمع بس وبيفتكر ان السالفة كلها دلع ،، ثالثا حلاة الابو يكون جنبك ويشوف الياهل على طول ويحس بابوته ومسؤليته ..

وفي الاخير ترى سالفة الولادة والنفاس مكبرينها وعاطينها اكبر من حجمها ،،، انا ولدت في امريكا وما كان جنبي الا زوجي ،، والحمدلله ارتحت ولا حسيت باي تعب ، قام فيني زوجي وعلى راحتي اول اسبوع ،، وبعدها انا الي قمت من نفسي وداومت بعد وما فيني الا العافية .. ترى سالفة النفاس والتبطح ٤٠ يوم مو صحيحة ١٠٠٪ .. كل الي عليكي ان ما تتعبي نفسك ولا تشيلي اشياء ثقيلة ،، بس الحركة مطلوبة في هالفترة عشان جسمك يفك عنه التعب ويرجع مثل اول ،، والاهم تنظفي .. وشغلات النفاس طالما انتي في الكويت بتكون متوفرة ويجيبوها لك للبيت ،، يعني ما بتتعطلي ان شاء الله ..

 

[قلبي عبدالله]

انا مع ورد

هونيها تهون وحلاته يشوف ولده بعد الولاده على طول ويكون معاج

 

[ToOoT"Q8]

حيل مكبره سالفة النفاس
ترا عادي مو شرط احد يمج
أهم شي جيبي خدامه وعلميها الطباخ
وأشتري أعشاب نفاس
وأقري برامج النفاس بالنت
أنا مو مجربه بس أشوف أمي بوقت ولادتها محد يمها لأنه
جدتي بديره ثانيه
وخالاتي بمنطقه بعيده يعني صعبه عليهم الروحه والرده كل يوم

بس ديري بالج تخلين زوجج ثلاث شهور غلط غلط
خليج عنده على طول

 

[G!RLooNa]

ما انصحج تتركين زوجك كل هـ المدة ،، بيتعود على فراقك اولا .. ثانيا ما بيحس بتعبك ولا بيقدر لانه مو شايف بعينه ،، بيسمع بس وبيفتكر ان السالفة كلها دلع ،، ثالثا حلاة الابو يكون جنبك ويشوف الياهل على طول ويحس بابوته ومسؤليته ..

وفي الاخير ترى سالفة الولادة والنفاس مكبرينها وعاطينها اكبر من حجمها ،،، انا ولدت في امريكا وما كان جنبي الا زوجي ،، والحمدلله ارتحت ولا حسيت باي تعب ، قام فيني زوجي وعلى راحتي اول اسبوع ،، وبعدها انا الي قمت من نفسي وداومت بعد وما فيني الا العافية .. ترى سالفة النفاس والتبطح 40 يوم مو صحيحة 100٪ .. كل الي عليكي ان ما تتعبي نفسك ولا تشيلي اشياء ثقيلة ،، بس الحركة مطلوبة في هالفترة عشان جسمك يفك عنه التعب ويرجع مثل اول ،، والاهم تنظفي .. وشغلات النفاس طالما انتي في الكويت بتكون متوفرة ويجيبوها لك للبيت ،، يعني ما بتتعطلي ان شاء الله ..

اي والله مادري ليش مخلين النفاس مشكله العصر

عجبتني التبطح 40 يوم :dddds:

و الله صج ماله داعي اولا اذا بتسافرين شهر 10 و ولادتج اخر 1 و بتتنفسين 40 يوم يعني منتي راده الا على اول شهر 3!! من شهر 10-3 قريب ال5 شهور !!!

الريال ما تخلينه بروحه اصلا نفاس 40 يوم بعيد عن الزوج يقولون ممكن تسوي برود و يتعود الريال عالعزوبيه شلون جم شهر؟؟

بعدين لو شنو كان الريال زين تهدينه 4-5 شهور بروحه بيلعب الشيطان براسه اقلها يدش نت يقزرها سوالف

و بعدين ماراح يكون حاظر الولاده ولا يشوف ولده ولا بنته باوا ايام عمرهم ماراح يشوفهم الا عمرهم فوق الشهر !

بعد اللي عندهم ظروف قاهره لاحول و لا قوه بس انتي حالتج مو مستعصيه قعدي عند ريلج

 

[قره عيني صلاتي]

الله يسهل عليج ولادتج وتولدين بسلامه ان شالله ا جببي لج خدامه واخذي من الحريم الي يسون ادويه نفاس وتكونين وثقه بشغلها واقعدي في بيت اهلج احسن لج من التعب

 

[ماحب اتدلع]

تدرين انا عمري 22 يعني مو تقولين عيوز وخبرة وعندي بنت عمرها سنة ونص والحين قبل 3 اسابيع توني والد بعملية وامي مسافرة احسن شي وجود زوجي يمي اهو الي يخفف علي اول مارديت رحت لأمة الي اهي خالتي طفشتني تقولي شفتين كلة منج ماتاكلين زين شوفي الياهل كيف صغير وانا مو ناقصتها توني بسم الله والد بنهاية الثامن وعمليتي بعده جرحها يألمني وامي مو معاي بجيت جدامها مت من القهر بس من طلعت من الغرفة قلت لزوجي برجع شقتي هذا اولها مغثة بدل الحمد لله ع السلامة والحمد لله ظليت لحالي ولا منة احد اساسا تحسين حالج ثقيلة وماتاخذين راحتج وزوجي الي اهتم فيني حتى بنتي الي عمرها سنة ونص اهو الي يسبحها ويلبسها خخخخخخخخخخ

الشي الوحيد الي يخفف علي وجود زوجي معاي ع الاقل مابكون ثقيله علية الولد لي ولة وبيحطني بعيونة غير كذا من بعد الام نووووووووووووووووو


الحمد لله امي توها ردت وسفرها كان خيرة عشان اعتمد على نفسي على الاقل اسبح البيبي الصغيرون ومااخاف ههههههههههه اول كنت ابجي من اشوف مولود يسبحونة

 

[دآنة آلرشآيده]

الله يكون بعونج ويرد امج سالمه يارب
ويسهل عليج ولادتج بس حراام تهدين زوجج ثلاث شهور
مده طويله خلج اولدي بالكويت وانتي اهنمي بنفسج ماشاء الله
النت مو مخلي شي واكلج اطلبي من الحريم اللي سون اكل نفاس​

 

[honey 2010]

حبيبتي اولدي بديرتج واقعدي ببيتج الامر وايد بسيط لا تكبرين الامور كلميلج جم وحده اللي توفرلج اعشاب وللهوم واللي توصللج الغداء والريوق وزهبي اغراضج من الحين لا تقولين مبجر لا خلج سنعه والله اني زهبت التمره بالادويه من انا حامل وغسلت الاعشاب ونشفتهم اللي لي واللي للبيبي وحطيتهم باجياس ووديتهم عند امي من قبل لا اولد وازهب ريوقي بنفسي عالرغم من ان عندي خوااات بس ما عند اهلي خدامه وكنت قبل لا انام ادهن جسمي بزيت زيتون مع مسااااج وغيار والاهتمام بالبيبي كنت كله انا محد يمسكه غييري وكل يوم كنت انام بس ساعه وما فينا الا العافيه وجيببيلج خدامه واذا امكن خذي خدامة احد من قرايبج وبسسسس

 

[ديمة الشوق]

نصييييييحه لاتسافرين اقعدي ابيتج والله احسنلج ترا مدة طووويله اكثر من ثلاث شهور موزين للرجال والنفاس موشي صعب اقعدي بيتج وحطيلج خدامه اذا ماعندج واشتريلج ادوية نفاس ونفسي نفسج والله يسهل عليج يارب ويصلح ذريتج