مشكلتي نادرة..اللي وقت ولادتها وأربعينها أمها مسافرة ..شنو تسوي؟

[زوجة عزيز]

حبيبتي ليش ما تولدين بالكويت وتتنفسين ابيتج لو عندج خدامه علميها على الطباخ وقعدي يم ريلج وقعدي ببيتج انا اتنفس ببيتي وما عندى احد بالكويت كل اهلي برا الديرة

بس ريلي يهتم فيني ويراعيني الله يخليه لي بس انتي تبين نصيحتي قعدي ببيتج وتنفسي ببيتج وخلي ريلج يشوف ضناه مو تروحين تقدين 3 اشهر وعقبها اربعين يوم نفاس وااااااااايد الصراحه

معاها انا والله يسهل عليكم بناات :eh_s(17)::eh_s(17)::eh_s(17)::eh_s(17):

 

[حبيبي وبس]

اختي ولدت بااستراليا وعمليه قيصري واول طفل لها واسلوعين وردت للجامعه تتدرس سبحان الله تساهيل الافضل تولدين بالكويت وتقعدين اسبوع وتسافرين للرياض

 

[ديانا سبنسر]

مع جيرلونا

 

[Om_Ksha]

اول شي جدامج 3 شهور يمديج تطلبين خدامه ..
وانا اقول قعدي مع ريلج ترا سهالات ربي يسهلها ,, اصلا بالعكس جذي يحن قلبه عالبيبي ويتعلق فيه وباجر يسهر معاج ويعيينج لانه حس المسؤليه والابوه غير عن لمن تيبينه جاهز مجهز واسمالله عليه عووود ويقعد يبجي والابو يتنرفززز سكتييه تلقينه يستانس اول مايشوفه بس مايتحمل صيحته ولويته

انتي اذا كلش ماتقدرين عالخدامه شوووفيلج مره تبيع للنفاس
واشتري برنامج للنفاس يمدحون خبيره اعشاب وانا شريت منها وهالايام ولادتي انشالله .. وماشالله عليها كاتبه دفتر فيه كل شي ماتحتاجين شي اللهم عليج تتدفين وترتاحين وتاكلين عدل

واذا تقدرين يبي سستر اول اسبوعين بسسسس تعينج وقت اللليل تسهر مع البيبي بس يطيح الخياط ترد عافيتج وتقدرين تقومين بنفسج

والله يسهل عليج ويشااااافي اميمتج ويسهل ولادتي ’’


بس نصيييييييييييحه مو تخلين ريلج 3 شهور ,, 40 يوووم وزين يتحمل !!

وقبل كل هذا استخيري .. وادعي ربي انه يسهل عليج الولاده والنفاس ويعييييييييينج ويعطيج القدره والعاااافيه ويسخرلج الناس الزينين

ترا الدعاء شي عجيب ,,

 

[جولينار]

البنات ماقصرو


والله يقومك بالسلامة

 

[no0ona_100]

الله يعين

 

[fatomd]

خالتج أخت أمج ؟
ولا أم ريلج ؟
عموما الولاده تساهيل مالها شكو عند منو تولدين
وعشان أكون صريحه أهم شيء الزوج يكون يمج مو أي أحد ثاني
أنا ولدت مرتين وبدون زوجي كانت فترة الثلاث أشهر الأخيره عشان السفر وشغله
وعانيت نفسيا حيل لأنه أهم شخص بحياتج وأكثر شخص يقدر يدعمج نفسيا
وبغض النظر عن هذا كله .. مسألة 3 شهور بعيده عنه انسي لا تغلطين غلطتي مع انها كانت غصبا عني وعنه
ما كنت أقدر أسافر وياه وأنا حامل
والبعد وهالمده الطويله أثر على نفسياتنا حيل
خصوصا انه بولادتي الثانيه ما قدر يي الا لما فات أسبوع وطبعا زفتت النفسيه مررره
فنصيحه لا تروحين الا بعد ما تولدين
يصير يمج ويوديج وينتظر الفرحه وياج ويصير أول واحد يشوف البيبي
ولا ولدتي ماعليج الا العافيه سفرج سهل ان شاء الله سواء عمليه ولا خياط تمددي بالسياره وبس

ابييييييييييييييييه انتي نفسي بالضبط
نصيحتي نفسها لاني مجربه و حاسه
3 شهور واايد

 

[Melazlaza]

حسيت ان في حدث عظيم بيصير مو نفاس!!!!
حبيبتي لانج بجر خايفة ماتدرين وتسمعين من الحريم ترى سهالاااااات انا كنت بجر وولادتي مستعصية قعدت بشقتي مع زوجي نصي الثاني الي كان سبب وجود طفلي..
بعد الولادة ممكن تحوش الوحدة كآبة وانتي بتتغربين كل هالمدة وهم نفاسج ماتشوفين زوجج ترى اهوا الداعم لج
عن نفسي اعتبر ادوية النفاس و الاكل الدسم والعجييييين و اللحم وااااااااااي كل شي يمتن وسدحة الفراش و اللبس الشتوي بعز الصيف(جريمة بحق انفسنا)
قعدي بشقتج واكلي اكل صحي الله يعافي المطاعم سلطات و مشاوي و هريس و يريش و دايت كير عندهم قسم بالجمعيات اكل لذيذ بس يتسخن بالمكروييف وتركي البيبسي و الحلويات و هالسوالف المضرةو لبسي جم طويل مو شرط شتوي و باذن الله مافيج الا العافية ترى مو كل شي نسمعه من الناس نصدقه
خلي زوجج يشاركج الحياة اليديدة وترى ( البعيد عن العين بعيد عن القلب)
فكري عدل هذي حياتج لا تخلين شي يأثر عليج سلبي

 

[غلاتي 123]

اولدي عند زوجج وانتي قريبه منه
وادوية النفاس اخذيها من الحريم او من ام خالد الهاجري معانا
بالمنتدى ومع ادوية التفاس تعطيج مذكره طريقة الاستعمال

وعلمي خدامتج على الحسو او العصيده طلعي طزيقتها من النت
والغدا والعشا اطلبيهم من حريم
او علمي خدامتج

ترى الامور سهالات عسى الله يهون عليج الولاده وتكون طبيعي
ويشافي اميمتج وهي اللي تنفسج ان شاءالله

 

[* الجليلة *]

اعرف وحدة اهلها بسعودية
تولد بالكويت وعقب اسبوع او 10 ايام تسافر لاهلها
وكلها ساعتين بالطيارة وانتي عند خالتج
بس نصيحتي لا تروحين وتخلين زوج كل هالفترة عقب تندمين
والله يوفقج وتولدين بالسلامة

 

[كويتية بروما]

قعدي عنده الحمدلله انتي بلكويت في خدم والاكل اشتراك عند الحريم ماتسوى عليج يشوف غيرج