مشكلله عوويصه اذا ابووج راافض مبدا زواج البنت بالمرره والسبب؟؟

[LoLaTi]

يا بخت اللي ابوها جذي والله احسن من مايكون الابو يبي الفكه من بنته ويبي يزوجها اي واحد :eh_s(2):
اااااااخ بس قلبتي المواجع :eh_s(16):

 

[الدلـــع كله]

حبيبتي مالج الا الله سبحانه ... اتجهي لله وادعي بسجودج وبقيام الليل .. صدقيني يمكن كل شي يتغير بلمح البصر
الله يرزقج عاجلا غير اجلا

 

[مولاي الفرج]

اذا مامن النقاش فايده تقدرين تتزوجين بالمحكمه اذا عمرج 21 وفوق بدون موافقتهم اتوقع

بس يمكن صعب هالشي ادري

الله يفرجها عليج وعلينا

 

[شذى2007]

شنو هذا طيب زواجه اهو فاشل بعد ولا لا؟

وكل العالم اللي حوله فاشل شدعوى ؟

دخلو شخص يحبه الاب ومقرب له يقنعه مايصير جذيه

 

[Amera 7elwa]

مااا يجوز اللي قاعد يسويه

قطع الارقاب ولا قطع الارزاق

ياويله من الله اذا ما غير رايه الله يعينكم

 

[Omniya]

حتى اذا قعدتي بالبيت الناس بمسون كرامتج بكلامهم !
قوليله لايحكم عالزواج من تجارب الناس , الله يعينكم

 

[ام زهقانه]

ليش فاقد الامل وليش ما عنده ثقه بدعاء ه البنته زوجها ويدعليها انا تتزوج والزوج الصالح وربج وما يخليها يوفقا بزوجها وبعدين ذا ظلم البنت حرام يمنعها من الزواج وذكريه بالدين

 

[ام حموديNEW]

الشكووى لله

لا الحمدالله اهو زواجه مو فاشل
بس يقول عيال هالوقت كلهم مو كفو ومايتحملون مسئؤلييه ياخذهاا وعقبها يردها مطلقها ومبهذلها لا ويمكن معاها عيال واقعد عااد مشاكل العيال

 

[تبطي عظم!]

مرت علي اذكر بنات معاي بالكليه ابوهم رافض يزوجهم علشان خواته ماتزوجو!!!!

ومادري شصار عليهم

الله يهدي ابووج

 

[بنوتة كول]

انا لو مكانكم جان شفتيني ابجي مو دموع الا انهار
واقول كل الي بقلبي
يمكن يحس ويقدر
وقولوله ان هذي حياتي وان اتحمل سواء كان زين او شين
وبصراحة الزواج مهم علشان الستر والعيال
الله يهديه يا رب وتبشرينا بخطبة اختج

 

[اخت واختها]

ما الومه لان صج الرياييل نذاله من الي قاعده اشوفه حولي

خلها بيت ابوها ابرك دام حايفها حوف

 

[Tom ♥ Jerry]

.,،


آدخل طرف ثالث بالموضوع
يعني آمي أو عمي الكبير .، يفهم آبوي انه الي قاعد يسويه غلط ×××
و آنه اصابع الايد مو سوا
مثل مآفيه الشين فيه الزين الي ينحط على الراس ؛*

 

[رواضي قطر]

ماافي شي يقدررر يووقف النصيب سبحاان الله الله ااذا جاك نصيبك بيربط لساان امك وابوووك واهلك كلهم
بس اهم شي الاستخاره قبل الخطبه

 

[اصيله بنت البدو]

كلمي شخص يكون مؤثر لااابوج يسمعله
اما الزواج كل شي قسمه ونصيب وابوج يعمم والتعميم صفة الجهلاء
والله يسسره لج ويزوجكم

 

[أحبج يمه]

لا حول ولا قوة الا بالله

الله يهديه لكم

 

[أم خشم]

والله هالابو ,, يهبببببببل ,, يعني مو رافض لمجرد الرفض ,, من زود حبه لكم وما وده احد يغثكم
و الرياييل الحين بصراحة يخوفون وما منهم رجا ,, و الزواجات ان طولوا سنة و تطلقوا اعوذ بالله
يعني والله ما يتلام ,, و ترى ما حد يقطع نصيب احد ,, اذا الله كاتب لج شي بيصير وما راح يمنعه بشر واذا الله كاتبلج تتزوجين ابوج ما يمنعه
الله يخليه لكم وو والله ان في ابهات يقطون بناتهم قط ولا يهمهم ولا معبرينهم و بالنسبة لهم هم على القلب وانزاح

 

[ام حموديNEW]

والله ماادري شنو الحل
الله يهدييه يااارب
واي استخاررة ومرتاحه بس ابووي راافض بالمرره واهو حتى ماسأل عن الاسم

 

[عسل سل]

دام التفااهم مايفيد معاه
خلي رجال من العايله يكلموونه جدج اذا كان عااايش
خل يفهمه يعقله شهالتفكير

 

[Pippa]

’

والله ابوج على الاقل عنده مبدأ ..,,!!

آنا سمعت نبيل العوضي يقول واحد مايبي يزوج بناته عشان .... مايناامون مع ريال غريب بالفراش ..,,!!

هذا الي شالحل معاه .,!​

 

[*بسبوسه*]

الحل عند رب العالمين

رفيجتي ابوه رافض زواجها لانه يبي معاشها
دشت عليه وقالت له ذمبي برقبتك ولا تلومني ان سويت شي
والله ماطاف سنه الا متزوجه

طبعا دخلت ناس واجد بالموضوع انهم يقنعون ابوها لان كان يجيها خطاب وهو يطلع عيوب فيهم

مالج الا امج تزن عليه ان البنت ممكن تنحرف ومن هالكلام خل نزوجها اخاف احد يفر راسها وقتها يمكن ابوج يخاف