مشكله أبوي اخوي أمي

[ايامناحلوه]

ماعليش بنات على الأخطاء بس علشان مفحطه شوي هع

 

[D.manoor]

شوفي حياتي
انا مراح اقول لج هذا غلطان ولا هذا غلطان
اول شيء قعدي مع اخوج وقولي له من السبب بعد الله سبحانه وتعالى بوجودك في الدنيا غير امك وابوك
واللحين اخوج شايل على ابوج عشان طق صارله 7 سنين بصراحة مو منطق ليش شايل هالكثر على ابوج الا اذا كان في سبب ولا سبب قوي يخلي اخوج شايل على ابوج >>> مع اني ما عذره لو شنو ياناس هذا اب لو شنو ماسوى يضل ابو
انزين ويمكن ابوج عنده سبب قوي يوم طق اخوج
كل شيء وله مبرر

ابوج لما يطلب الفلوس من اخوج يمكن لها اسباب يبي يجمع له ولما شافه عاند عاد راح ابوج وعاتد زياده
اخوج المفروض اول معاش يكون في اييد امه وابوه من باب رد الجميل
لان انا خالاتي اول معاشاتهم عطوها امهم وابوهم وجزء صغير لهم
ويمكن ابوج يعرف اخوج وين يصرف هالفلوس عشان جذي قاله
صدقيني الابو مهما سوا والله من خوفه على عياله
وحتى لو عنده فلوس وطماع >>> مع انه المفروض ما تقولين طماع
هذا الشيء بينه وبين ربه ما نيي احنا عياله بعد زمن ونحاسبه
ممكن تقولين اني مع ابوج
بقولج لأ
لان الكلام كله لمصلحة اخوج
لا ينسى انه بعد حم سنه بتزوج وييب عيال بسويون نفس ماسووا ..> لاتقولين حجي افلام لانه هذا الصج حياتي
وبعدين تقولين اخوج حاقد على ابوج من كان عمره 17 سنه
ليش نسى فضله عليه قبل 17 سنه لا يصير حاقر للجميل
قولي لاخوج انه اذا عطيت ابوي شوي من معاشك او شريت له ملابس او غتر او نعال (انتوا بكرامه )
بس يكون من طيب خاطره والله ربي راح يبارك له بمعاشه وما تدرين راح تنسد ديونه وسالي مجرب
(ابوي ما اذكر في يوم خلا جدي بروحه والله حتى لما مرض وقعد شهور بالمستشفى ينام عنده وكنا نسوي له شاي واكل خفيف واصلا ما كان ينام يقول اظل طول اليل قايم اخاف ابوي يقوم اويبي شيء ويلقاني نااايم الحمدلله ابوي بر جدي الله يرحمه وبعد ما مات لا تشوفين سبحان الله الديون تسددت وحالنا صار احسن من قبل لا تقولين من الورث لان ورث يدي كان شوي)
اللي ابي اقوله لج خلي اخوج ياخذ ابوج بسياسه
وياخذه بالكلام الطيب >> ,والله الكلام الطيب له تاثير عجيب
ويتحمل ابوج
لان شكله ابوج واايد عصبي
وارجع اقول لج اليوم انتوا قاعدين مع ابوكم وتشوفونه معاكم باجر لاسمح الله بتفقدونه وبتقولون ياليت وياليت
( والله اني اتحسف على كل لحظة ضيعتها وانا ماقعدت مع جدي الله يرحمه تحسفت اني ما حبيته على ايده يوم كان بالعنايه)
بالسياسه كل شيء ينحل حياتي
وابوكم مهما كان عصبي يكفي اسمه ورى اساميكم
الله يخليه لكم ويحفظة ويهديه ويسخره لكم ولامكم
ويهدي اخوج ياااااااااااارب

 

[مطيرية متواضعة]

الله يشرح صدوورهم لبعض يااارب

 

[nora al]

حبيبتي بصرااحه ابوج غلطااااااااااااااااااااااااااان


حرام تعبه ليش يااخذ منه ؟؟؟


بس هم اخووج ( مع غلط ابوج ) بس مفروض مايعصيه هذاا ابوه مهماا كان خل يشارك ولو بالقليل اجر عند الله

 

[om_dodo]

الفلوس تغيير النفووس
نصيييحه ادعى بالثلث الاخير من الليل
ان الله يهدى بينهم
حرام يتفرق الولد ووابووه

 

[معشوقه سعود]

الله يصلح الحال

 

[روانتي 12]

تبين صــرآحه أبؤؤج هو الغلطاان ليش يضرب ..بعدين ماكوو سبب مقنع انه يضربه و يربطه بعد وين قاعدين احناا

وللمعلووميه : البنت او الولد اذا كانوو بفترة المراهقه اهلهم يضربوونهم على طوول يكرهوونهم ولا تقولين لا امبلا

عششان جذي الاب و الام لازم يحسسون عياالهم بأنهم بحيوونهم و يخاافون عليهم مو ضرب على طول و صراخ

جذي ماراح يفيدهم شي كل الي يبوون يحصلوونه ان عيالهم اكرووهووم .. و صراحه مألوومج اخووج

اكيد يووم كاان صغيررر ميت من القهرر بس ابووج يضربه عشاان مايناام خوووش صراحه

ماودي ازيدهاا عليج بس مهماا ما حااولتم في اخووج صدقيني ماراح يفيد خلاص الولد حط براسه مو دافع

ولا راح يقط فلس دام ابوووج طاايح فيه ضرررررب

حاولوو معااهم عسسى يوافق

 

[ام حموديNEW]

ميخااالف حتى لو يطقه خلييه يقط بمصرووف البيت ويقصر الشر
بعدين 25 زوجووه وخلوه يطلع مو معاكم بالبيت بعدها ابوج ماراح يشرهه علييه يكون مسؤول عن بيت ومره

 

[الأميرة جوري]

اقنعووه يعطي ابوج علشان تهدي النفوس...

 

[عهود آلخآلدي]

الله يعين

 

[الشامخة بوطنها]

صجج الله يعينكم بسسس مهماااا كان وسووا يظل ابوه ورضا الله من رضااا الوالدين انتي كلمي اخووج قولي لووو صار بابوي شي بعد عمر طوويل ومو راضي عليك ماراح تدشسس الجنة وخووفي مت هالكلاام اخواني ابووي يامااا طقهم طققق وبالاخيرر طلعووا ماشاءالله عليهم انا معا ابووج خلي اخووج يتقرب منة قد مايقدر مثلااا يشتري له هدية او شغلة يحبهااا ويبووس راسةةة ويشتري شغلات للبيت صدقيني الله بيبارك في معاشة هم ابووه ماقصر صررف علية من يوم جابة بالدنيااا الحين يوم صار رجال ومتوظف يتمنن على ابوه حتي لو كان ابوج عندة خيررر يمكن الابو يستانس يشووف ولدة يعطية من معااشة ويستري لي البيت السالفة مو بخل والله يحنن قلب اخووووج مهمااا كان الابوة والام ماكو نفسهم بالدنيااااا ومايتعوضووون

 

[aṕriliå]

لا يتوقع ان ابوه يطقه بدافع الكره

مستحيل ابو يكره ولده

بس صج بعض المراهقين كل الاساليب يستخدمونها وياهم وماينقع شي

يروحون للطق

انت ومالك لابيك

الله يهدي النفووس

 

[**lalia**]

اهوا صج يقولون انهكل الابهات يطقون عيالهم بس هاذا شي خلص وصج لازم اخوج يصرف شويي على البيت اذا كان الابو طالع ولا مساافر وماعندهم فلووس بس هم اخوج يبي يطلع و يستاانس توه شاب و مولازم يصرف عالبيت مدام البو موجود مفروض الابو ريال البيت اهوا اللي يصرف علييكم انا هاذي وجه نظري

 

[bal8es]

الله يهدي ابوج انشالله ... لا تعليق

 

[♥ SWeeRa ♥]

الله يهديهم ويسخرهم لبعض ان شاء الله

انا اشوف ماكسب اخوووج عدل ..


الزمن هذا الولد ماينطق

على ايام ابوي وجدي عادي ينطقون

بس الحين لاا

 

[دلوعة أبوهآ]

الله يعينكم ..

 

[فاهييه]

ربطه وهو نايم وطقه

زين ماانشل اخوج او انجن او وقف قلبه
لاحول ولاقوه الا بالله
اشفيه ابوج متسلط عليه
يمكن احد ساحر ابوج او عاينه على ابنه < عاد هذا اشلون تقرون عليه ؟؟
صج مشكله
شوفي انا اقول فجوا عن اخوج احسن مايهج من البيت >>ويأجرله شقه بروحه
انزين انتوا يالبنات مافيكم وحده تشتغل
كل شهر ودوا لأبوكم 100 دينار من معاشاتكم انتوا يالبنات < و قولوا هاذي فلان دازها لك .