مشكله صديقتي مع الماضي

[om3abod]

السلام عليكم ورحمه الله وبركاته...
الحمدالله الذس بحمده تدوم النعم وتزول النقم...

:eh_s(17): خواتي حبايبي انا بعرض لكم مشكله صديقتي واتمنى تساعدونها بحلول منطقية...

اول شي اعطيكم نبذه مختصره عنها وسامحوني راح اطول وايد عليكم ....
اهي متزوجه توها والده هذا بجرها....
ماخذه زوجها عن حب وتحب زوجها حيل وحتى اهو الحمدالله يحبها...
المشكله انها قبل الزواج ايام الدراسه والمراهقه كانت لها علاقات تلفون ونت ومن الي عرفتهم كان واحد من اهلهم يصيرلهم من بعيد...
الريال هذا بسميه لكم المزعج....:eh_s(14):

الله يسلمكم المزعج هذا من عرف انها تصيرلهم لزق زياده فيها من توخر عنها يروح يطلع رقم بيتهم ويخلي اخته تدق ومو راضي يوخر عنها ...شكثر حاولت فيه بس ماكو فايده كل مره يرد ياذيها ...

لي قبل فترة الي تزوجت واهو لازق مو راضي يفج وحتى لو غيرت ارقامها يرد يطلعهم...

المهم... قبل لا تولد طلع رقم اختها ومن اختها خذا رقمها ع اساس اه رفيجه من رفيجاتها شي جذي ماني عارفه الموقف بالضبط...

ودق عليها وهددها انه بيفضحها عند زوجها عن ماضيها وانه عنده صورها قبل ساحبهم من كمبيوترها حسبي الله عليه :eh_s(11): وفعلا طرشلها جم صوره لها من كمبيوترها ومطلع برنتات ع خطوطها ايام الطيش وعطاها ارقام الي كانت تعرفهم وجذي....

اهي مني غلطت غلطة كبيرة انها بينتله انها خايفه وتواعدت معاه ترجاه ان ما يفضحها عند ريلها وانها راح تطلق وتردله ....

وقاعده تسايره عشان يوخر عنها بهدوء بس هذاك لازق ماكو فايده...

طلع عنوان شقتها ورقم ريلها وكل شي....

طبعا انا ادري انها غلطانه وايد... سالفه تصارح ريلها واااايد صعبه ومستحيل يتفهم... :eh_s(16):

اهي الحين حامل بالثاني وخايفه حيل وتبي هذاك يوخر عنها بس موعارفه شلون بليز ابيكم تساعدونها وتدعولها :eh_s(7):

واسفه حيل عالاطاله:eh_s(17):

 

[شوق الوليف]

مااادري شقولج موضوعها صعب لكن مو صعب على الله .. الله يفرج همها ويبعد هالمزعج عنهاا

 

[Tom ♥ Jerry]

,


آنزين آهوة شنو يبي الحين !
أوكي عندك صورها و كآنت تعرفك و بعدين :/

مآ يدري آنه تزوجت و عندها 2 .. شنو يبيها ترد تكلمه يعني
صججج فاااضي هاذا
يبه خل تطنشه و صدقيني هالنوع الي يهدد خوآف مآ يسوي شي

 

[نونه المنكوشه]

الله يعينها بس لازم اتوقفه عند حده تري اذا خافت راح يتمادي ويطلب اشياء اكثر وليش بله اتطلق وترجعله خل يولي لاتعطيه ويه وتكلمه بطريقه حازمه وتقوله اذا سويتلي شي وربي لابلغ عنك المباحث يتلونك وصج خل ادق عليهم وتقولهم كل شي وكل شي راح يتم بسريه بنااااات شكثر اعرفهم مارتاحوا اله لما بلغوا عنهم وكتبوه تعهد مايتعرضلها كلش امبيه هذا شكله مراهق شخباري هالحركات اهم شي لاااااااااتخاااااااف

 

[يتيمة جابر العز]

وضع رفيجتج بمصيبة الله ياجرها ويخلف عليها خير

يا سبحان الله هذا وضع الي لها ماضي اسود ! تكون متوترة بحياتها حتى بعد الزواج

الله يبعدنا ويبعد حبايبنا عن السوء وعيال الحرام

الله يرفع عنها ولا يبلانا

والله احترم واحبذ الي عاشت مراهقتها بين براءه البنات ووناستهم ياربي يستر عليها ويزوجها الرجال الصالح الي يسعدها

 

[صادقة بكلمتي]

الله يفرج همها ويسامحها ويستر عليها هذا بالاول اما الحين انا اقول ماتخاف تدعي الله وتصارح احد من اهلها امها اختها يعنيمهما صار اكيد بيوقفون يمها وشنو ماكان اهبي مكلمته اهي معطيته صورها او اي شي لا تخاف دام تابت وكبرت والله ستر عليها ليش تسمح له انه يهددها وتطلع بعد تشوفه ويمسك عليها سوالف اكثر حرام حبيبتي انا اقول تسجله مكالمة تهدده فيها وتقوله شنو تبي انت بالضبط ووووبقوة وبعدها تقوله انا هم سجلت النمكالمة وان ما وخرت عادي ان الله يبيك تفضحني عقب ما اهو سترني مافي مشكله لكن خسارة وحدة هم انت لا اشتكي عليك واسجنك تحرضني على الفيق والفجور وعمر مااحد يقبلك ريل حق بنته وشوف بعد بين اهلنا وانا لو تطلقت بعيش مع عيالي واقول انك تبليتني وخ1يت صوري عن طريق بنات في المدرسة او اي احد اهو حرام الجذب لكن حبيبتي كوني قويه ولا تخافين هذا لو غريب شيسوي اكيد يبي شي حرام منج الله يهديه ويبعده بس وبشرينا شيصير على رفيجتج

 

[unknown1988]

خل تهدده واذا مافاد خل تدشش امها او ابوها بالسالفه او حتا امه او ابوه .. ولو كان في بعايلتهم ضابط تقدر تكلمه

وتخليه يبينله ان اللي قاعد يسويه راح يضره ممكن توصل لي سجن و اهي مراح تنضر بس اهم شي ييكون هالشخص ثقه

والله يفرج عليها بس نصيحه لا توااااااعده عشان ما يهددها بقضيه خيانه او شي ثاني ممكن تضرها بزواجها وتحرمها من عيالها ..

 

[unknown1988]

ونسيت اقول اذا مافي ضابط تقدر تروح حق محاميه و تطلع كل شي منه سواء صورها او اي شي كان بينهم بطريقتها مع كتمان السريه ...


بس هم لازم يكون احد من اهلها عارف ومعاها .. ترا تصير هالمواقف ويتعاملون معاها بسرية عشان ما تنهدم البيوت ...


اهم شي يا ضابط او محاميه بالسالفه عشان ياخذون منه كل شي وممكن حتا يكتبونه تعهد ما يتعرضلها

 

[هدوووشه]

دام انه قريبهم خلي تكلم عمها اخوها ابوها اي احد
عادي تقول كنت صغيره وهالشي رااح وهو للحين براسه سوالف المراهقه
خليه احد من اهلها يلعن خيره يوريه شغله

 

[كلي خجـل]

تبين نصيحتي لا تقول لاي احد ، وخليها بس تلجا للي خلقها سبحانه ، هو اقوى منه ومن اي شي ، خل تستغفر وتقول اللهم حصني بحصنك المتين ولا ترد عليه حتى لو قال بدق ع زوجج الحين لان عظمت الله فوق كل شي واذا سواها وحاول يدق ماتدري يمكن ينشل او شي الله فوق هالواطي اللي مايخاف ربه ، بس نصيحه لا ترد عليه نهائي ولا تعطيه مجال واعلى مابخيله يركبه ، بس لا تيأس من رب العالمين

 

[ليدي بجد]

الله يستر عليك. لو عندكم هيئه كان قلت دقي عليها هم هذي شغلتهم ويحلوون كل شي بسريهبس الظاهر المباحث تادي نفس الدور عندكم من كلام البنات هنا بكذا موضوع
اتصلي عليهم من رقم مو باسمك أبدا. وقولي لهم وهم يعرفون يهددونه بطريقتهم يطلع كل شي. بعد المباحث من ما يرجف من سيرتها بكل دوله بيخاف
بس لا تقولين له كتهديد بكلمهم اذا ما وخرت .....أخاف يفضحك ويختفي ويخفي اثار جريمته


وفكره المحاميه حلوه خصوصا انها مره وبتدلك شتسوين انشاء الله انا اقول روحي محاميه اذا ما نفع جربي المباحث مباشره


واعملي حسابك انك قاعد يسجل لك للحين ويمكن يصورك وانت معاه اذا طلعتوو فلا تجربين تجرين نااااعم معاه يعني بتقصين عليه. يمكن يوريهم بعد ما تشتكين ويقول شوفو كذابه هي علاقه معاي بعد الزواج!!

والطلعه لا تطلعيييين حتى لو قالك بس أشوفك واتركك على طولل​

عاد هذا الي جا ببالي والله يزيدني جهل بها لأمور والله يستر عليك وعلى كل بنات ونساء المسلمين

 

[i'm so happy]

الله يعينها على مصيبتها

انا من رايي تسوي مثل وحده الله يستر عليها كانت تقريبا مثل مشكلتهاااا
بس هي ذكيه مابينت له انها خايفة كلمته واتفقت معاه انها تلتقي معاه بهاليوم بالمكان الفلاني
ولازم لازم حد يكون معاها اختها صديقتها المهم حد يعاونها

قبلها بيوم تتفق مع الشرطة يجوف بالمكان الفلاني ويراقبونه ويراقبونها وعلى طوووول ياخذونه الشرطه وهناك توكل لها محاميه
شاطرررره وبالتهديد معاه واصلا بهالامور الشرطة مايقصروووون ياخذون منه كل صورج ويكتب تعهد مايقرب منها نهائيا

وتقول للضابط هذا يهددني وسارق صوري من الجهاز وايد مضايقني وانا متزوجه وعندي عيال المهم تشرح له كلللللل شي
لا تقول شرطه وماقدر واخاف ترى المسأله تكبر لا تخاف وتتشجع وصدقيني بهالطريقة بخاااااااااااااااف ولا بتشوف رقعه ويهه


الله يستر عليها وعلى امه الاسلا م

 

[نـعـومـه]

الزمن تطور وللحين خايغين من هالسالفه

حبيبتي في رقم قال عنه عبدالجليل

 

[نـعـومـه]

حبيبتي الرقم مخلينه حق البنات اللي يحصلون تهديد من شباب وخايفين ناعليكم الا ادقون عليه والمباحث تتصرف


الرقم اعتقد موجود بقسم المشاكل الاجتماعيه

 

[Killer^Girl]

الحل بسيط وسهل جدا
تشتكي عليه بالمخفر
او بالرقم الي حاطته الداخليه للشكاوي بهالسوالف
وتحقره كلللللللللللللللللش ماترد عليه نهائيا
وتخلي الداخليه تتصرف معاه

 

[umm-7asson]

في مرة العبدالجليل تكلم عن شرطة يتعاملون مع هالنوعيات بسرية تامة بس مع الاسف ما عندي رقمهم

 

[نـعـومـه]

في مرة العبدالجليل تكلم عن شرطة يتعاملون مع هالنوعيات بسرية تامة بس مع الاسف ما عندي رقمهم

الرقم موجود بقسم المشاكل الاجتماعيه المواضيع المثبته

ياريت رفيجتج صاحبه الموضوع تتعامل معاه وبسررررعه

 

[منال $]

مشكلتها مشكلة
الحين هي لازم تنتبة لايكون بسجل لهل المكالمات وتتورط بزيادة
لو انها عنا بالسعودية قلتلك خليها تتصل عالهيئة ويحلولها الموضوع
زي ماقالو البنات تكلم الشرطة
وهدا الزقة بجد فاضي مادام كان بيحبها لية ماراح خطبها وتزوجها ولا لمن تزوجت حليت بعينة
حسبي الله علية بس
خليها تتكتر من الدعاء وتقول ( استعنت عليك بلاحول ولاقوة الا بالله)

 

[بعد السما]

نصيحتي لج لا تقولين هالموضوع لاي حد من طرفه ابوه اخته امه اخوه لان مهما كان هذا ولدهم ومستحيل يطلعونه غلطان وبعدين تقليب بالماضي ماله داعي ما في حد ما يخبص وهو صغير لكن تاب الله ع من تاب روحي لمحاميه والموضوع بينج وبين ربج ومن ثم المحاميه وخلصي امورج وشنو ما تقولج واتشور عليج امشي عليه لان ان شاء الله في صالحج وقلطي شغلج وهالخبل البدائي هذا مال زمن التهديد الله بيقلعه من دربج انقلاعة الضرس ...
والله يديم عليج الاستقرار والامن النفسي والاسري يا رب وخليج قويه

وطارحة الموضوع طمنينا ع ربيعتج شيصير وياها

 

[Sparkle]

شوفي هل موضوع يعطيها العاافيه فوفو22 حاطه رقم الشكاوي الخاص للبنات
25623888
http://www.q8yat.com/t801196.html