مشكلي غريبة.. انا و زوجي ودنا نسولف ونضحك.. بس ماندري بشنو

[Life is short]

مرحبا بنات
والله مادري شقولكم بس وربي مشكلة كبيرة و اعاني انا و زوجي منها
صارلي اربع سنين متزوجة
و انا و زوجي مانقعد باستمرار بسبب ان عنده دوامين وانا عندي دوام
فلما نجتمع ماندري شنو نقول
احنا حيل مختلفه شخصياتنا
زوجي يحب القنص و الاسلحة و بعد مو ذاك الزود
ماعنده اهتمام معين بشي بالحياة
يتعامل مع الامور كل يوم بيومه
و لهالسبب يعاني من الملل و الطفش و الزهقة كل يووووم

انا احب اقرا الكتب و اشغل نفسي باي شي
لكن المشكلة لما نقعد مع بعض
ماعندنا سوالف
لانه هو ماعنده اهتمام معين
و انا ماعندي شي اسولف فيه
اذا تكلمنا ماعندنا غير الاخبار نعلق على احداث سوريا
ماكو خصوصية بيني و بينه
سولفت له عن طفولتي
و سولفلي عن طفولته
الحين صارلنا شهور توصل فينا انا نقول احنا مو بخير وعلاقتنا مو زينة لان ماعندنا سوالف
ماكو شي يجمعنا مع اننا نحب بعض
وقت الليل ودي نقعد ونسولف ونضحك
و اهو وده
بس النتيجة ماكو سوااالف كلش
محد يقدر يبتدي بشي
عطوني افكار
والله تعبت مليت
صرنا نحس ان احنا متهاوشين مو متراضين من كثر الصمت

 

[غيث السماء]

حبيبتي أختي ..

أنا اسمع أنه بعد مدة من الزواج يصير هيك ..

اممممم ..

دامش تقولي أنه عنده دوامين وانتي عندج دوام .. تقدرون تسولفون شنو صار لكم بالدوام أكيد راح تحصل لكم مواقف ..

فيكم تسولفون عن طموحاتم في المستقبل .. ودامش تحبين القراية فيج تهديه كتاب حلو وبعدين تتناقشون فيه ..

ممكن تسافروا تغيروا جوو و نفسيتكم هم تتغير ,, روحوا ملاهي بتحسوو بالوناسة والمرح ,, ممكن كمان تلعبوا أونو أو زاته وتراهنوا بعض على أشياء وتخلقي جو من المنافسة والتحدي ..

امممم ..
ممكن تعملي اله حركات ومفاجأت في البيت بشكل غير متوقع حتى لو شي سهل وبسيط اكييد راح ينبسط ..

اذا خلصت السوالف بينكم وودج تتحشي ممكن تمدحي بشكله أو اناقته أو ريحة عطره هننني راح يشق الحلج وراح تكون نفسيته حلوة ..

ألعبي معاه لعبة الأسئلة الزوجية هاذي االلعبة آنا اخترعتها واعجبته وااايد مثلا تيبين اوراق وتحطي الأسئلة داخلها والسؤال يكوون موجه الش واله .. ممكن تسأليه وش أكثر الصفات اللي تحبها فيني والعكس .. ممكن تسأليه بعد وش أكبر هووشة صارت بينا بالنسبة الك وههيك ..

أتمنى أختي أني اكوون أفدتش .. وربي مايحرمكم من بعض

 

[Smchoocha]

سولفيله عن الكتب اللي تقرينها و اهو يسولفلج عن دوامه و شصار بيومه

 

[ي حليليِ]

تبين نصيحتي ؟!

خليج طبيعييييية حيل يعني لا تتصنعين انج تبين تسولفين
ابدي عادي وضحكي ع اي شي

اذا سولفتوا جرجريه بالمواضيع بعني سبحان الله موضوع يفتح موضوع وتدردشون بدون م تحسون

بالدوام اتصلي عليه سولفي شوي وسكريه سأليه وينك ؟ منو عندك ؟ مم حبيبي لا تنسى تجيب لي معاك كيت وكيت

مثلاً اذا كنتوا قاعدين قولي تشبه فلان ، تشبه اختك ،انت مملوح اكثر من خواتك ... الخ


اذا شفتيه جامد ويجاوب ع قد السؤال خليه ساكت لا تحنين عليه !
يمكن يكون متضايق ...



اذا شفتيه ساكت شوي سأليه شفيك ؟ احد مضايقكك ولا هذاا طبعك ؟

ازعلي ع اي شي وحبي كل شي ، خلي حياتكم فيها بهارات شوي ، يعني خليط من الزعل والغيرة ،،، الخ

سولفي له عن عايلتج وانتي بعد لازم تعرفين كل شي عن عايلته ...




اذا كككلش م تغير ، صارحيه !!

لاز اازم لازم لازم لغة الحوار تكون بششكل يومي ، عشان العلاقة تتوطد


واذا مالقيتي هالشيء فيه صارحيه ، مثلاً اذا كنتي تعبانةة قولي ي فلان ليش م تدق علي تسأل
اذا اليوم عيد ميلادج قولي المفروض م تنساه



يعني الزبدة حسسيه انج ناطرة اهتمام منه ناطرة اشياء منه لا تسكتين ترا السكوت ما راح يفيد





اخ كتبت وايد ادعي لي

 

[ي حليليِ]

واقري كثير لفوزية الدريع عن الحياة الزوجية بيفيدج حيل

وترا كل هذا يحتاج صبر ، يعني اطبخي ع مار هادية مو فجإة جذي تهتمين فيه

حبة حبة
واهم شي الرزة والتكانة والثقل ، لاتقطين روحج حيل وبث

 

[فوفو22]

يا كثر السوالف

سولفي عن دوامج

انتاجج بالعمل

المواقف اللي تصادفينها


شنو شفتي بالتلفزيون توسعي بشرح حلقات او فيلم مشوق

ابحثي في هواياته وتثقفي فيها عشان تناقشينهة

انا تابعت الدوري الاسباني وحفظت اسماء الاعبين عشان يندمج معي بالحوار


دايما اداره المواضيع بالبيت بيد الزوجه


اجتهدي اتتي


فوفو

 

[مذهلة2013]

حبيبتي سولفي عن كل شيء عاااااادي

عن الدوام عن موقف صار لج تكلمي وياه عن شنو يحب ياكل باجر مثلا شنو سحوره اليوم

عااااااااادي ضحكي وياه قوليله موقف يضحك طفريه عادي حبيبتي السوالف مو لازم نفس الافكار

 

[اذوب بكلامه]

والله انا كنت مثلك وانا صار لي تقريبا سنتين وعندي بنت هااااديه تنام بدري واقعد مع زوجي مدري بشنو نتكلم لدرجه انه جاني اكتأب بعدين قمت اسولف بأي شي شنو صار معاي اليوم بنتك شنو سوت شنو قريت بالجريده شنو شفت بالاستقرام وصار الوضع احسن شوي

 

[M!SS.LOBY]

لا حول ولا قوة الا بالله

 

[M!SS.LOBY]

الله يهديه ويسخره لج

 

[Life is short]

جزاكم الله خير
والله بحاول ازيد من عندي
بس سبحان الله شلون انطرم و هو يسكت ماعندنا شي
خصوصا ان كلنا اجازات الحين وماكو شي نسويه

 

[البارونـه]

صدقيني السوالف ماتخلص والدليل ربعنا واهالينا نجوفهم بشكل اسبوعي او حتى يومي ومن نشوف بعض قرقه وبعد ماتخلص سوالفنا
يعني مثلا سولفي عن الكتب عن الدين عن المواقف الي تضحك عن حياتكم ومره قعده رومانسيه
اصلا هاي احلى ايام تكونون بروحكم وتتقربون لبعض استغلي الفرصه وخل يوديج كل مكان خل تصير بينكم ذكريات وايام حلوه ومواقف، وطبعا بعدين مع العيال بتتمنين لحظه فراغ طويله مثل الحين تقعدين فيها معاه لانج بتنشغلين
المهم لا تصيرين روتينيه بسوالفج ولا تصيرين بيتوتيه
الله يسخره لج حبيبتي

 

[M!SS.LOBY]

لا حول ولا قوة الا بالله

 

[M!SS.LOBY]

بالتوفيق ان شاءالله

 

[راقيه وجذابه]

اقول استريحو بس جاتكم الفدعه ههههه

شكلج مو من النوع الي يظيف لمسه جماليه ع الجو !!

يعني اعطيج مثال بعمري

انا كنت يوووووووووووميآ ﻻزم اسوي شغﻻت جديده وغريبه

يعني يوم يدش البيت يلقاني لابسه وكاشخه وفاله شعري ومجهزه حﻻ ونفيش وعصير

نقعد واسولف له انا شسويت اليوم حتى لو بالمطبخ اقوله جربت الشغله الفلانيه سويت جذي سويت جذي

مو تسولفين له عن الطبخ ﻻ اقصد يومياتج سولفي فيها لزوجج قوليله عن اهتماماتج شنو حابه تسوين شنو تخططين له

تغزلي فيه يبه قولي اي شي هههههههه

ايام زان يدش يلقى القهوه والجاي والفطاير والحﻻ اسأله هاا شصار معاك شسويت شنو مشاريع لباجر وين بتروح شنو بتسوي

واحيانآ كنت احش بالناس ههههههههه

ﻻ اتغشمر ﻻ نقعد نعلق على فلان وفلانه شلون كانو قبل الزواج شلون صاروا

نسولف عن تربية الاطفال حتى من قبل ﻻيجينا بيبي .. نسولف عن السفرات والدول

نكسر الروتين نطلع انتمشى او نتابع فلم واكون مجهزتله القعده نفيش وبيبسي وكاكاو عشان يستانس

كل يوم اغير بشكلي بالبس بالشعر حتى بطريقة الميك اب

عاد اخنا يالحريم امهات السوالف شلون ماتسولفين وترا المواظيع تسحب بعظها

الله يوفقكم ويهنيكم

 

[نـعـومـه]

خابره اللي مايحبون بعض اهمه اللي يحسون بملل !!

قعدي طالعي معاه فلم مسلسل سولفي عن اللي يصيرلج بيومج مثلا قوليله سويت جذي رحت جذي شفت جذي

سولفيله عن عايلتكم وأحداث عايلتكم بس طبعا موشي خاص شي عادي تقولينه خليه يسولف عن يومه شنو سوه وشنو اخبار اهله بس طبعا بحدود موبتدخل بتفاصيل

سافرو غيرو جو او روحو شاليه او سويله ليله رومانسيه
اذا يبتو عيال بتغير وضعكم اكثر للاحسن

 

[رودي الطويرقي]

الله يعينكك م اتخيل نفسي يمر يوم وم اسولف ﻣأشآء الله علي الا السوالف ، إنتِّ ابدي بالهرج وكذا ومايبالها يعني بالذات السوالف حكي عن اي شي عن خواتك واخوانك وعايلتكم وكل شي

 

[هيبة ملك]

سولفي. حبوباي. باي. شي. عن. مسلسل. عن برنامج. تغزلي. فيه

عن. عيالكم. وشوي. شوي. تنسجمون.

 

[modern]

الحمدلله ان المشكلة سوالف بس يعني سهلة.....

 

[بنت قابوس_ مسقط]

نفس مشكلتي