مشكلي غريبة.. انا و زوجي ودنا نسولف ونضحك.. بس ماندري بشنو

[M!SS.LOBY]

اب اب اب

 

[M!SS.LOBY]

حاولي تطرحين مواضيع بينكم تتناقشو فيها

 

[Dalalyv]

نفس الحاله

 

[Life is short]

لازالت المشكلة قائمه

 

[قطرية كشخة]

دامكم باجازة والجو براد رومنسي روحوا ممشى فيه مطاعم جي مقابل البحر روحوا بر بروحكم انتي وهو واشوا كستنه وبطاطا وذرة احم واعزمونا لووول امزح امزح او اشتروا سيديات مسرحيات طارق العلي لووووووووول بصراحة هالفنان روعة يضحك وينسي الهموم

 

[جامعيه طموحه]

حبيبتي سولفي معاه عادي اعتبريه رفيجتج :d بس عاد مو كل سوالفج عن الدوام يعني جذي بيمل

بما انكم بأجازه مثل ما قلتي من رأيي قوليله مثلآ شرايك نحجز شاليه ولا شي نغير جو شرايك نروح سينما ولا رديتوا قوليله فيلم كان عجيب ولا الجو ايينن ياريت كل فتره نروح جذي نغير جو بدال الروتين حبيبي يا حلات الطلعه معاك خلج رومانسيه بكل كلمه تقولينها عشان تلاقينه بعدين يتلهف عليج ويبي يكلمج ومنها تشجعينه بس لا شاف منج البرود هو بعد بيطخ ويسكت

سوي قعده في بيتكم رومانسيه بروحكم سمعي معاه جم اغنيه حلوه وضحكي معاه غيري الجو فصلوا مع بعض مارسوا هوايه معينه اي شي ان شاءالله تلعبون كره بالبيت مع عيالج يعني تسوون فريقين وجذي وانتي تاكلين مثلآ قوليله خذ هذي من ايدي ووكليه واهو قاعد بالصاله مثلا تعالي من وراه وغمضي عيونه وبوسي خده (سوري عالوصف بس عشان اوضحلج) وتكلمي معاه

واكيدد لا تنسين المظهر الخارجي يلعب دور كبير يعني تسنعي وجددي الحب ما بينكم بتلاقينه يرد متلهف من دوامه عشان يشوفج ويقعد معاج


ادعيلي عاد انا بعد اتزوج واسوي كل هالسوالف مع ريلي

 

[قطرية كشخة]

ترى انا جامعية طموحة عزابيات لووووول بس نضبطج افا عليج

 

[Patcholli]

حبيبتي ليش جذي انتي لازم تبلشين لاتعودين ريلج على الصمت موزين حق علاقتكم واتوقع قاعده تعيشين النتيجه الحين

بكل بساطه اول مايدش البيت حظنيه و ساعديه بتديل هدومه

لما يدش البيت فاجئيه فبجامه مريحه مثلا وعطر وقوليله اليوم وانا بالسوق يت على بالي وحبيتهم لك ومن هالكلام

سولفيله مثلا عن موقف صارلج بالدوام احداثج اول باول

سئليه انت شلون دوامك شسويت وماشسويت

قعدي خططي معاه حق المستقبل

روحي معاه السينما او طالعو فلم ولكا يخلص اتناقشو فيه

قوليله سالفه غريبه انتي سامعتها

قوليله موقف باط جبدج

اي شي اي شي سولفيله عن الفنانات او عن مسلسل

شوفي اهو شنو هواياته ماتوقع في ريال مايحب السيارات حاولي تسوين روحج تحبين هالسوالف وقوليله شنو احسن سياره وشنو نوع السياره الي تحبها وليش واشمعنى

ترى تطلع السوالف بس انتي حاولي

ومو ظروري سوالف يوم خليه كله كلام حب وغزل ورومانسيه غيريله اجواء الشقه حطيله شموع وفواحات وموسيقى خفيفه وسويله مساج

مدام ريلج دوامين اتوقع محتاج هالاجواء

 

[New_bride]

دام تداومين اكيد تمر عليج احداث كثيره
تقدرين تقولينها له

وتقدرين تسولفين معاه عن ذكريات الملجه وشنو احلى المواقف اللي مرت عليكم
وتقولين له عن شعورج يوم الخطبه

احب استرجع هالذكريات بين فتره والثانيه لان احسن انها تجدد العلاقه وترجعنا للايام الحلوه وتخلي المود طاير

انا اذا تمللت وماعندي سوالف كلش كلش وريلي هم ساكت ادخل اكاونت نكت عالتويتر واقرا النكت واضحك وهو يتحمس ويشاركني
وبعدها نقعد نتذكر مواقف تضحك او نكت تضحك

اذا سمعت سالفه وايد غريبه او سالفه حزينه او مضحكه اروح اقوله طبعا مع بعض الؤثرات الصوتيه وتعابيير الوي واذا السالفه حزينه انزل كم دمعه اخليه يتأثر ويتكلم عشان ينسيني الموضوع

لازم تتعودين تتكلمين معاه لان الريال لو ماكلمتيه عادي يتم ٢٤ ساعه ساكت معاج ومن يطلع يشتغل سوالف مع الناس اللي تعود يسولف معاهم

 

[الغريقه]

اسىليه عن الحب عن الحنان عن عاطفته اطباعه شنو يحب شنو يكره عن طريقة تربيتكم لعيالكم بالمستقبل ]مثلا او شنو طموحه وهو بيتفاعل وياج ان شاء الله ويكمل سوالف