مشواري

[HearT ChocolaTe]

السلام عليكم ورحمة الله وبركاته



الهدف من الموضوع هذا الإفادة من جميع عضواتنا الغاليات اللي تعبوا وعانوا الكثير مع عيالهم
حتي يصلوا لمبتغاهم الكثير والكثير ....
لفت أنتباهي أمس في نادي الخرافي .. ان حالات الداون الأكثر وجودا بين الأطفال
ما شاء الله واحد كان بينهم يتكلم اللغه الإنجليزيه وبطلاقه ... وحسيت بالفخر لأن في مجموعه
كبيرة قامت تهتم بعيالنا الداون .. في حين كانوا في الأول يخشـــشونهم


عسى الله يبلغنا فيهم مع أحسن الناس ,,,, موضوعي هو " مشواري "
أبي كل أم حنونه فخورة ... تحدت وصبرت ونالت تكتب لي قصة ومشوار النجاح اللي يستفاد منه
سواء كان مشوار في الخبرة الحياتيه ،، أو مشوار الخبرة العلاجيه

على سبيل المثال :

مشواري مع نوفا في العلاج : .........................................
مشواري مع مرمر في الخبره الحياتيه : ................................... فديت جنتي أنا
مشواري مع يويو في ................... لج الحريه يا الشمرية
مشواري مع عزوزي فديت قلبه مع خطيبته مرمر
خخخخخخخخخخخخخخخخ


طبعا ما أبي أسمي أسماء لأن كل وحدة فينا عاشت المشوار بشكل مختلف


وأتمنى من مشرفتنا الغاليه وقدوتنا الأولى المشاركه (( نحبج في الله ))


أتمنى التفاعل لأجل المنفعه ...
:gathering:



هلمووووووووو[

 

[مشاعل الشمري]

خوووش موضوع ومنه نفيد ونستفيد
بس انشاء الله في وقت ثاني لاني رايحه لاهلي المطار بيسافرون
نبي نبدي بمشرفتنا الغاليه ولا يهونون الباجي
لمه اقول عنج مبدعه انتي مبدعه بافكارج
:ggdw: :ggdw: :ggdw:
وهذي صفقه تلحقها الف صفقه

 

[الصابرة المحتسبة]

خووووش موضوع يا أحسن طالبة

 

[الصابرة المحتسبة]

بذكركم سالفتي مع دكتور أطفال الخدج : وانا بالمستشفى بعد ما مر 10 ايام على الولاده طبعا هذا كان أصعب موقف ان يمر اليوم وما تشوفين البيبي ...... ما قدرت أتحمل نزلت بالويل جير لأطفال الخدج وأول ما شافني الدكتور....... كان يقول : انتي جايه لمين ؟ رديت عليه بإبتسامه : جايه اشوف ولدي اللي حالته كذا وكذا . كان يرد علي بتهجم وبوجه مكشر: هذا لا يسمع ولا يشوف وراح يظل طول عمره متمدد على الفراش يعني حي وميت بنفس الوقت. عاد تصدقون وهذا من فضل ربي ومنته يالله لك الحمد ابتسمت وقلت: أأأأأأأأأبيه ولدي حبيبي مع انه مو البجر ولله الحمد عندي قبله عسى يحفظهم ويحفظ عيالكم المهم... رحت صوب الحاضنة وكل يوم أبي أشيله والستاف اللي هناك يمنعوني منعا باتا............... ليما شالوا منه أجهزة التنفس وما رضوا إلا لما ترجيتهم وقمت أبجي بس بشيله .......... كسرت خاطرهم وشلته وشلته وضميته ويا حلاتها من ضمه صج لي قالوا الضنى غالي يا عسى يرزق كل وحده ولا يحرمها آمين يارب العالمين تقبل في هذا اليو م المبارك,,,, وسميت عليه وتقريت عليه وعطيته .......... عشان يرضع اهني بجيت وقلت لك الحمد يارب ولدي كل هالتشوهات ويبي يرضع ولدي ما فيه شي ولدي ما فيه شي ولدي بيعرف وبتيحسن بقدرت واحد أحد الفرد الصمد اللي قادر على كل شي اللي يقول "كن فيكون " ما بين الكاف والنون .... وقعدنا من مستشفى ليما مستشفى وعملية ورا عملية .......... ولك الحمد والشكر راضيه بقضاء الله وارادته... ألحين أجمل عيالي وأحن واحد فيهم وعسى ربي يشفيه ويشفي كل مريض اللي عينه ماتنام آآآآآآآآآآآآآآآمين يارب العالمين.

انا وأعوذ من كلمة انا ما تجرأت وكتبت الا علشان الأمهات وخصوصا البجر انها تعلم وتصبر ولا يضيق خلقها ولا تكدر........ وتعودي انج دايم تبتسمين ......... وقوي نفسج ولا تضعفين تدرين ليش؟؟؟؟؟؟؟؟؟ لأن معاج ربي سبحانه ما يخلي عبيده.......... وليدي عسى ربي يشافيه ويشافي كل مريض أول حالة تشنج كنت مرتبكه وخايفه وما عرفت أتصرف وخرع الأبو....... شوي شوي ربي لك الحمد ألهمني اني ما أجزع ,,,,, لي تشنج احطله التحميله ووديه المستشفى وبالطريج اتقرى عليه واسمي لا أزعج ابونا واقوله اسرع وما تسرع عندي ربي هو الشافي المداوي اللي يقول كن فيكون الحمدلك يارب كل ما حطينا أول لقمة بحلوجنا تشنج وطرنا فيه برمضان ألحين ربي الودوود الرحمن الرحيم خفت منه بالشهر أربع ولا خمس مرات .... فيا أمي يا حبيبتي لا تقولين انا قلبي رهيف انا ما أتحمل لازم عندج قوة علشان تشيلينه وتوقفين معاه اهو بحاجتج والقوة اللي اقصدها مو قوة العضلات ولا الجسم قوة التفكير والتدبير الصح ........... وقولوا آآآآآآآآآآمين عسى ربي ما يضيع التعب ولا يحرمنا من رحمته .......
وهذا مشواري بالعلاج في الخارج:وقعدنا بالمستشفى ولا أحد سأل عنا قصدي الم....... احنا واجتهادنا لو مانعرف انغليزي كان رحنا وطي بس ربج ما يخلي......... وتخلص الفتره وندق نبي أحد يقرر متى نرد علشان العمليه الثانيه وعمج أصمخ وربج الكريم الحليم الجواد اللطيف يسخرلنا عيال الحلال وناخذ الموعد ونروح نسوي العمليه ويجي يوم العمليه واقعد انطر وادعي ربي انه يرفق بحالة وليدي وقومه بالسلامه ا ويدخلونه العمليات وانطر بالغرفه وما قدرت يا أروح صوب الممر ولا فوق أوتحت وتمر الساعات جنها دهر ويطلع البرفيسور ولا انا بوجهه : بشر والدموع تنزل مني ابتسم ياعل ربي يسعد أيامه وقالي: كل شي تمام . ويطلع من العمليه وودونه سيده بالإسعاف لمستشفى الأطفال العنايه المركزة ..ونلحقه بالسيارة ووصلنا وما رضوا أدخل معاه ........ ويمر اليوم والثاني ودشيت عليه وتقول لي السستر لاتتكلمين طبعا الأجهزه بكل مكان بحلجه وادياته ما يقدر يحرك شي إلا عويناته تصدقون حس فيني من غير ما انطق بأي كلمه ودموعه تنزل تناديني تبيني أمسحهم عن خده الطاهر فديته ضناي ياناس لا تلوموني والله أحبه عسى ربي لا يعذبه.
محفظته سور صغيره من القرآن وأركان الإسلام وبعض كلمات انغليزي وأعداد عربي وانغليزي من مجهوودي الشخصي لا حضانه ولا مدرسه التعب الأساسي على الأم اهي المدرسة الأولى للطفل).

 

[@شمس الضحى@]

ياحبيبتي يالصابره الله كريم
الله يشفيه ويخليه لج ويفرح نظرتج فيه
الله يؤاجرج ولايضيع تعبج ولاتعبنااا

 

[@شمس الضحى@]

عاشت ام الافكاااااااااار
عاشت ام عزوز

 

[الصابرة المحتسبة]

جزاج الله خير ياشمس

 

[HearT ChocolaTe]

خوووش موضوع ومنه نفيد ونستفيد
بس انشاء الله في وقت ثاني لاني رايحه لاهلي المطار بيسافرون
نبي نبدي بمشرفتنا الغاليه ولا يهونون الباجي
لمه اقول عنج مبدعه انتي مبدعه بافكارج
:ggdw: :ggdw: :ggdw:
وهذي صفقه تلحقها الف صفقه

شهادة وأعتز فيها منج يا أحلى شمريه :eh_s(22):
عسى دربهم درب السلامه ... وناطرينج

 

[HearT ChocolaTe]

مشرفتنا الصابرة المحتسبه
أسأل الله العظيم رب العرش الكريم أن يقر عينك بشفاءه ..
مشكورة على مشاركتج لي وإستجابتج لطلبنا ,, وأتمنى أنها ما تكون الأخيرة
لأجل أمهاتنا يستفيدون من خبرتج في مشوارج مع الغالي

:hjy5jewf:

 

[HearT ChocolaTe]

عاشت ام الافكاااااااااار
عاشت ام عزوز

تعيش أيامج يا الغاليه ... وناطرين مشاركتج حتـــاتو

 

[مشاعل الشمري]

ماشاء الله عليج
والله يطول بعمرج ويشفي لج اياه
ويزيد ايرادتج
اللهم آمين

 

[الصابرة المحتسبة]

عيوني لكم وكل ام مثال للتحدي والصبر وياعسى ربي ياجرنا

 

[HearT ChocolaTe]

صح لسانج وللأعلى دووووم يا يويو يا ولد الغاليه .. ويجعل ربي صبرج له الجنه يا رب
وصاجه يا الغاليه محد يفهم الحاله غير الأم هي التقدير الأول لطفلها أو طفلتها
بارك الله فيج يا مشاعل ويجعل يوسف ذخر لج آمين

 

[HearT ChocolaTe]

عيوني لكم وكل ام مثال للتحدي والصبر وياعسى ربي ياجرنا

تسلملي عنـــــونـــج يا بعدهم أنتــــي

 

[الصابرة المحتسبة]

:ggdw::ggdw::ggdw::ggdw::ggdw:

تستاهلين الصفقة يا مشاعل وكثر الله من أمثالج ولا لليأس والقنوط من رحمة رب العالمين

 

[نووووونا]

ام عزوز


الصابره

مشاعل


مميزين ما شاءالله وعسى ربى يعوضكم بشفاء عيالكم ويطرح فيهم البركه


ويخليهم لكم ,

موضوع مميز ومؤثر ,,

 

[%عـجـمـيـه صـريـحـه%]

أم عزوز الحلو ما يطلع منه إلا الأحلىىى

أمهات ذو الإحتياجات الخاصه بالنسبه لي إنتوا خوات كنت ومازلت أتعلم منكم الكثير..:eh_s(22):..

 

[نونا العتيبى]

مشواري مع الغاليه نووفه توه في بدايته ,,لكن الله يشهد أني ما يأست صحيح كانت تييني فترات يضيق فيها خلقي لمن أشوفها
ما تقدر تلعب مثل اللي بسنها ,,بس علي طول أحمد ربي وأشكره أن حالتها أحسن من غيرها ,,والله يا خواتي ما تتخيلون
أشكثر غلاتها بقلبي,,تكسر خاطري ,,دوم أفكر لما أموت من يدير باله عليها ,,هل بيصير حنون عليها مثلي ,,ودوم أوصي
أخوها وأختها أنهم يحطونها بعيونهم عقب عيني ,,هدفي الأول أني أشوفها تمشي علشان جذيه وديتها أمريكا ومصر والتشيك
والبحرين ,,كل ما أسمع عن شي جديد في العلاج الطبيعي أسعي أني أوديها ,,فديتها ,,الله لا يحرمني من شوفتها ,,
والله يا خواتي لمن وديتها عند الدكتور بدون ذكر أسماء وشاف أشعة المخ قالي بنتج ما في فايده ماراح تقدر تمشي
لو تودينها أي دوله بالعالم ,,كلامه مثل الصدمه وكنت مصممه أني ما أخليها وأسعي في علاجها دام الأمكانيات موجوده
ولله الحمد ,,ولما أشوف أشلون تحسنت اليوم أشكر ربي مليوون مره علي هالنعمه ,,ولما تمشي راح أوديها عند الدكتور
وأقوله شوفها مو هذي اللي قلت ما في فايده من العلاج الطبيعي ,,من الحره اللي فيني ,,سامحوني هذا بداية المشوار
مع شوية فضفضه ​

مساء الخير ,,مشواري مع الغاليه بنتي ,,,
مثل ماتعرفون بنتي عندها شلل دماغي ,,وهالنوع من الأعاقه ماتصيب الحركه بس لكن حسب الجزء المصاب (وأختي فالنسيا
ماقصرت بشرح هالموضوع)وبالنسبه للغاليه أثر عالنظر فصار معاها حول خلقي وطبعا مايتعدل ألا بالعمليه ,,وهم أثر
عالنطق يعني يسمونه تأخر تطوري
لمن وديناها أمريكا سووا عمليه حق عيونها وتحسن وايد لكن بعد يبيلها عمليه ثانيه وراح نسويها لمن تكبر شوي
المهم بديت مشوار لعلاج التأخر التطوري
طبعا كنت أراجع بالحكومه وزهقت من المواعيد الطويله وعده الأهتمام واللامبالاة من الدكاتره مثل ما صار وياكم
قمت أراجع بالخاص والحمدلله توفقت بدكتوره ساعدتني وايد بالشغلات المفيده حق بنتي ,,يبتلها أخصائي علاج بالعمل
قعد معاها سنه وأهو يحاول يخلي بنتي تلعب بالألعاب اللي تنمي الذكاء وكانت بنتي تحذف اللعبه وتخرب كل شي يسويه
لدرجه أنه ياني أحباط بس قلت لازم أخليها تعرف تلعب ,,نصحتني الدكتوره بالحضانه ووديتها حضانه يم بيتنا جديده
وكان عمرها سنتين ونص ,,بس عقلها عمره أشهر والحمدلله حسيت بتغير في سلوك بنتي للأحسن وصارت موعنيده
مثل قبل وتلعب بالألعاب ,,والحين الحمدلله تحب الألعاب وخصوصا التركيب( سبحان مغير الأحوال ) ووديتها مصر
عند دكتور تخاطب ,,ويبتلها أخصائي نطق (طبعا يننته بالبدايه) وكنت أقعد معاها وعرفت أشلون الطريقه وقمت كل شي أخليها تعرف أسمه وصارت تعرفنا كلنا وتعرف أسم كل واحد فينا بما فيهم الخدم ,,,وقامت تخربط بالكلام والحمدلله العافيه يبيلها صبر وكنا وين وصرنا وين وللحديث بقيه

 

[%عـجـمـيـه صـريـحـه%]

مشواري مع الغاليه نووفه توه في بدايته ,,لكن الله يشهد أني ما يأست صحيح كانت تييني فترات يضيق فيها خلقي لمن أشوفها
ما تقدر تلعب مثل اللي بسنها ,,بس علي طول أحمد ربي وأشكره أن حالتها أحسن من غيرها ,,والله يا خواتي ما تتخيلون
أشكثر غلاتها بقلبي,,تكسر خاطري ,,دوم أفكر لما أموت من يدير باله عليها ,,هل بيصير حنون عليها مثلي ,,ودوم أوصي
أخوها وأختها أنهم يحطونها بعيونهم عقب عيني ,,هدفي الأول أني أشوفها تمشي علشان جذيه وديتها أمريكا ومصر والتشيك
والبحرين ,,كل ما أسمع عن شي جديد في العلاج الطبيعي أسعي أني أوديها ,,فديتها ,,الله لا يحرمني من شوفتها ,,
والله يا خواتي لمن وديتها عند الدكتور وشاف أشعة المخ قالي بنتج ما في فايده ماراح تقدر تمشي
لو تودينها أي دوله بالعالم ,,كلامه مثل الصدمه وكنت مصممه أني ما أخليها وأسعي في علاجها دام الأمكانيات موجوده
ولله الحمد ,,ولما أشوف أشلون تحسنت اليوم أشكر ربي مليوون مره علي هالنعمه ,,ولما تمشي راح أوديها عند الدكتور
وأقوله شوفها مو هذي اللي قلت ما في فايده من العلاج الطبيعي ,,من الحره اللي فيني ,,سامحوني هذا بداية المشوار
مع شوية فضفضه ​

الله يطول بعمرج ويخليج لها
دمعت عيوني ربي يشهد ما قصرتي معاها

 

[الصابرة المحتسبة]

مشواري مع الغاليه نووفه توه في بدايته ,,لكن الله يشهد أني ما يأست صحيح كانت تييني فترات يضيق فيها خلقي لمن أشوفها
ما تقدر تلعب مثل اللي بسنها ,,بس علي طول أحمد ربي وأشكره أن حالتها أحسن من غيرها ,,والله يا خواتي ما تتخيلون
أشكثر غلاتها بقلبي,,تكسر خاطري ,,دوم أفكر لما أموت من يدير باله عليها ,,هل بيصير حنون عليها مثلي ,,ودوم أوصي
أخوها وأختها أنهم يحطونها بعيونهم عقب عيني ,,هدفي الأول أني أشوفها تمشي علشان جذيه وديتها أمريكا ومصر والتشيك
والبحرين ,,كل ما أسمع عن شي جديد في العلاج الطبيعي أسعي أني أوديها ,,فديتها ,,الله لا يحرمني من شوفتها ,,
والله يا خواتي لمن وديتها عند الدكتور وشاف أشعة المخ قالي بنتج ما في فايده ماراح تقدر تمشي
لو تودينها أي دوله بالعالم ,,كلامه مثل الصدمه وكنت مصممه أني ما أخليها وأسعي في علاجها دام الأمكانيات موجوده
ولله الحمد ,,ولما أشوف أشلون تحسنت اليوم أشكر ربي مليوون مره علي هالنعمه ,,ولما تمشي راح أوديها عند الدكتور
وأقوله شوفها مو هذي اللي قلت ما في فايده من العلاج الطبيعي ,,من الحره اللي فيني ,,سامحوني هذا بداية المشوار
مع شوية فضفضه ​

الحمدلله على كل حال يالغالية ومن سعى وما يأس من رحمة ربي بيلقى كل خير وياعسى ربي يعطيج الصحة والعافية .