مشيت بالهطريج وابي اوخر عنه ما ني قادره

[^مرايم^]

حبيبتي خليج قريبة حيل من أمج ..

طلعاتج و روحاتج كلها معاها ..

و خلي اللاب توب بالصالة مو بدارج..

و قولي لأمج .. لأنها ما راح تاخذ اللاب توب منج .. هي مو طايحة عليج إنتي طالبة مساعدتها .. بتساعدج قوليلها ابيج تقننين لي استعمال اللاب توب.. و تكونين عندي عشان ما اسوي شي غلط ..

حبوبه توج صغيره و ما شا الله عليج عارفة إن هالشي غلط .. يعني هذا يكفي إنج توخرين عن هالشغلات .. والله يهديج ..

صلي و إدعي بصلاتج ربي يهديج و يبعدج عن رفقاء السوء..

 

[دلوعة أبوهآ]

ياساتر
عمرك 11 ومسويه كل هالبلاوي ..
يالله ياكافي ..


الله يهديكِ
انتبهي ع عمرك لاتنحرفين أكثر

 

[ميمة الحاس]

رد : مشيت بالهطريج وابي اوخر عنه ما ني قادره

أهم شي ان عمرج 11 سنة واتعرفين تكتبين أحسن من اللي عمرهم 30 سنة ،،، تركي عنج هالسوالف بوية وليدية ،،،

 

[الـعـونِـيِّـه]

بصرآحة انا مثلج ما عندي أحد والفضاوووة ذابحتني حييييييييل

وهم انا نفسج قبل كنت ادخله وبعدهـآـآ وخرت علششان امي ما تاخذ اللاب ..

حبيبتي يا بعد قلبي الشـآـآت والله في بلاوي .. وما تعرفين منو ورآ الشاشة اذا كانت بنت ولا ولد ..

وبعدن انتي توج صغيرة يعني اذا احلفت انها بنت بتصدقين .. والله العظيم ان في نآآس تحلف بربها واهي جذآآبة ..

يعني يا قلبي لا تصدقين اذا حلفت انها بنت .. واذا تبين تدخلين الشات ادخلي من باب التسلية بس مو من باب التعآآرف

وان شاء الله خوآآتي يفيدونج بشي ثآآني

لج ودي

 

[عاشقة المايسترو]

حبيبتـي إنتي توج صغيره :| شنو أنا إنحرفت خلاض .. ~

لا تقولين هالحجي حبيبيتي هذا أول الغلط .. ~

إنتي ما اختربتي ولا شي !! إنتي لأنج فاضيه وشفتي شي يديد عليج ..

حبيبتي أنا وبنات المنتدى عندج إذا تبين شي أحنا موجوديـن ..

:*

 

['Basma']

لحقي على عمرج من الحين

وخري عن هالطريج

 

[Ms Ferro]

لآ حول ولآ قوه إلآ بالله ،،

 

[*الشيـــهـانـة*]

الله يهديج ويستر عليج

 

[بدورة القمورة]

عيشي حياتج على انج بنت لا تفكر بالشغلات القذرة!!!

ارفعي راس امج و ابوووج لا تخيبن ضنهم حبيبتي

ان شاءالله ربي يصلحج و اذا بغي اى شي انا مستعده اساعدج!!

 

[جنى q8]

يااحياااتي انتي


باجر تكبرين وتندمين وتضحكين على نفسج وتتحسفين على قد شعر رااسج انج مشيتي بهالطريج

حيياااتي انتي دام انج كتبتي مشكلتج يعني انتي مو راضيه
انتي بنووته اسم الله عليج

توج كتكووته
خليهم يولون وبعدي عنهم
ولا تسمعين كلامهم

ولا تقولين انتي انحرفتي ولا شي اسم الله عليج

مافيج الا العافيه

 

[يالبيه 17]

الله يهديج يآآآآآآآآآآآآآآآرب

 

[ريفيل]

رد : مشيت بالهطريج وابي اوخر عنه ما ني قادره

انتي بمرحلة تحبين تجربين اي شي انا انصحج جربي تروحين حلقات الذكر او انظمي لجمعية احياء التراث الاسلامي او الاصلاح ااجتماعي تتعرفين على بنات صالحات ويصير عندج توجه وافكار مو انسانه تافة تلحق الاموار الفارغة وترافج النواقص من البشر

 

[هجووورة]

لا يا بنيتي
هالطريق غلط اسمعي مني وانا امج
الاعتراف بالحق فضيله واللاب توب مثل ماهو فيه خير فيه شر
اشغلي نفسج بأي شي مفيد تقولين اشلوون اعطيج اختيارات وشوفي اللي يناسبج
1- دشي دورة للميول اللي تحبينه (تصوير-طبخ -كميوتر)ويااااااااا كثرهم بالصيف
2- اذا مسكتي اللاب توب لا تفكرين الجات دشي على العجايب على الطبخ على النكت على مواقع دينيه اقري فيها شوي شوفي اشلوون يصممون الملابس تعلمي شغل يدوي
حاولي تغيرين الروتين اللي عندج اطلعي مع امج للسوق للاهل للجيران دشي المطبخ
اقري القراان حيل يهدي النفوس ويغير بالاطباع
فكري وانا امج فيج بكرة لو صرتي بووووووووووويه اشراح يقولون الناس عنج عن اهلج والانسان اهم شي سمعته
اتمنى اسمع عنج اخبار حلوة

 

[laiol]

حبيبتي الي مريتي فيه وايد ناس مرو فيه
واهوا انج تدرين غلط بس ماتوخرين عنه
الي يخيلج تستمرين فيه الفضاوه والنت مافيه شي جذبج
وبنفس الوقت تسايرين الي معاج من بنات
اول شي انتي لازم تراقبين تصرفاتج و تحطين لج قواعد تستخدمينهم بالنت
واذا عالجات ترى مامنه الا البلاوي شتبين فيه وشتبين بالتعارف اذا عندج رفيجاتج وبنات الاهل
وسالفة انج بويه بذمتج بالسكول ولا لمن تكونين طالعه شنو نظرتج حق البويه فتخيلي الناس يتنظر لج نفس النظره
وعند اي تصرف تسوينه حطي يدام عيونج الله والله كبير يمهل ولا يهمل
وبتصرفاتج حطي تربية امج ابوج وثقتهم فيج
الحين انتي تقولين لو بقول حق امي ماراح تثق فيني
عيل ليش تتصرفين بشي مايرضيهم
خلي ارادتج قويه انج تتركين هالطريج
واهم شي ضميرج يكون مرتاح امشي بحياتج صح وتقربي من ربج ولا تتركين صلاتج
والي يمشي بطريج صح يعيش صح وضميره يكون مرتاح

واذا احتجتي شي احنا موجودين وبالخدمه

 

[سيزرتفاح]

حبيبتي وخري عن هالطريق والله هالشئ مونافعك لا بتقدرين توخرين عنه بعزيمتك وأيمانك بالله وثقة أهلك فيك تبعدين عن هالخرابيط خلي الله بين عيونك كلمي نفسك وقولي أنا وحيدة أمي وأبوي و أبي أرفع راسهم ما أنزل راسهم وأنا ضناهم وحبيبتي أنتي صغيرة عيشي طفولتك لا تحاولين تكبرين نفسك وتفكيرك بهالشئ ولا تدخلين شات عشان ما تخربطين وتعوذي من الشيطان كل ما مسكتي اللاب
وحطي خلفية سطح مكتبك عن ذكر الله .

 

[سليله من نماجدي]

شوووفي الي يقولج انتي صغيره هذا ماعنده سالفه انتي لو مو كبيرا ما فكرتي بهالطريقه وماحسيتي ان الي تسوينه غلط لان الجاهل مايعرف الغلط من الصح صح كلامي ولاا لاا؟؟؟

في ناس بعمرج للحين يحسون انهم جهال وفي ناس لا يحسون انهم كبروووا ومايقددرون يسوون مثل مايسوون الجهال ترا عادي هذا يرجع للعقل اذا عقلج كبر بدري تحسين بهالشعور فانا عندي لج خوش خطه بما ان احنا بصيف دشي ناادي صيفييي تعرفي على البنات هناك سيري على رفيجاتج ولا استغلي الاب صحححح دوري خلطات قصات موديلات نفانيف وقزريها جذي يمكن انتي حاسه بفراغ لان ماعندج خووات لان انا ماعندي خوات نفسج بس لازم تقزرينها صح مو غلط لانج لو دخلتي في هالدرب مراح تطلعين منه وانتي بنت مو ولد يعني قدامج عيال وزوج فكري حق بعيد والله يوفقج يا قلبي

 

[so_what]

الله يهديج ان شاء الله

 

[NoOoBy]

ليش حبوبه ليش ؟؟

ليش تمشين بهالطريج اللي ما منه فايده

تقدرين توخرين عنه وتمشين بطريج احسن منه وكل هذا بيدج انت

فكري بروحج وبمستقبلج وبأهلج لا تشوهين سمعتج بيدج ترى انتي بنت وحلات البنت بسمعتها وانوثتها

اهتمي بدراستج وشغلي وقت فراغج بشي يفيدج و لا تلهين باللاب فترات طويله

اخذي عهد على روحج انج ماتدشين الجات مره ثانيه

خلج بهالمنتدى معانا بين خواتج شاركي وضيعي وقتج بنيه صافيه

لا تخربين على روحج

عسى ربي يهديج ويصلحج

واذا تبين اي شي اعتبريني اخت لج وماراح اقصر وياج فديتج

 

[إبشر بعزك]

الله يسهل امرج انتي شجاعه وقدها وقدود الحل تركي الجات الحل قرار انتي تاخذينه من داخلج اخذي وعد بينج وبين نفسج انج لازم تتغيرين
صدقيني لو مهما قلنا وانتي مو ماخذه قرار من نفسج ماراح ينفع كلامنا لو انحجي من الحين لين باجر

 

[سنفورة]

البنات كفووو ووفووو ماقصروا
والله يهديج ويثبتج ياااااااااااااااااااااااارب