مصيبه بصراحه فششله عالكويت , استغفر الله ,

[بنت.المطيري]

مادري يعني ناويه تحلين اللي ماحلوه المجلس مثلا ؟؟!!
اقدر فيج الروح الوطنيه بس ترا مو شي جديد ال3 سنين الاخيره صار هذا روتيننا
وباختصار كلل اللي بتحصلينه من الموضوع الهواش
وكل وحده عندها راي خاص فيها يخالف الثانيه
الديره يبيلها من يضبطها
سواء من وضع سياسي او اقتصادي او اجتماعي
بس الوضع خرطي. .. لاحسيب لارقيب
بوق لاتخاف

وكل من يبي الكويت له بروحه
والفقير كل من يجي يدوسه
والطمع زاد .. نفوس قشره الله يكافيننا شرها


ترا رديت عالسريع .. والا انا هالموضوع بالنسبه لي ذو شجون

سلام

 

[سنين العمر1]

يارب تبعد عن الكويت واهلها كل مكروه

 

[alamira]

رد : مصيبه بصراحه فششله عالكويت , استغفر الله ,

حبيباتي اخياتي

اشكر اناملكم اللي خطت آرائكم هي الاروع ، و اختلاف الراي لا يفسد للود قضيه

همسه : ياليت محد يتخانق والموضوع للجميع كويتيات وغيرهم لاحد يقول بس كويتيات ويتلفظ بليييز

ويسلمووووووووو

 

[الـزيـــــن]

بإختصآر كل هالظوآهر إللي طلعت ..

بسبب مشآكل بين الاسره الحآكممه من توفى الشيخ جآبر الله يرحمممه ..

إذآ إنحلت إنحلت امورنآ ,

 

[يمة يادلبي]

صج ان المشاكل بالديرة زادت بس مادري ليش الناس يحسسسونا ان بس الكويت الي فيها مشآكل ترا كل دول العالم جذي بس لان شعب الكويت شوية فالمشاكل مبينة أكثر ولا احنا حالنا حال اي دووول

 

[_zahra]

الاسباب كثيرة ,, النواب والحكومة الحكومة تتفرج علي طمع النواب وهمجيتهم ,والشعب اللي همن يبي بس ومافكر يعطي اقل شي نتعاون بنظافة ديرتنا بترشيد الماي والكهربا نربي عيالنا علي قيم صحيحه ,الشعب رزم يكون واعي باختيار النواب
شنو هذولي اللي وصلو مجلس الامة؟ وطمع التجار والفساد بالبلدية؟ منتجات غذائية منتهية الصلاحية من 9 سنين بالمخزن !!!عيل متي كانوا بينزلونها السوق؟؟ نااس صااحية تاخذ بطاقة اعاقة وفلوس مالها حق فيها,فساد التربية والتدريس وين التنمية؟ منو قاعد يخطط للكويت مانبي ل20سنة جدام علي الاقل ل10سنوات؟ وين المشاريع؟ عندنا بالرقعي الدوار صارله سنتين يشتغلون فيه؟ لا والشارع بعد ما رصفوه طلع مرقع وفي فتحات؟ قضية البلاطات اللي كل ما يرصفون الشوارع فيها يردون يشيلونها ويحطون غيرهم؟؟؟ازدواجية الجنسية ناس تاخذ فلوس من الكويت ومن دول ثانية؟؟فساد الصحه والعلاج في الخارج ؟؟ والتجار وما ادراك ما التجار؟؟ يهددون الجمعيات يا نزيد اسعار الدجاج يا ما نوردلكم دجاج؟؟ يضطرون يستوردون من برا؟؟ وايد شغلات ؟الجرايم واللقظاء والعمالة الساايبة؟ والشركات الوهمية واللي قاعدين ببيوتهم وياخذون من الهيكلة فلوس ؟؟ هالاشياء كلها منو مسؤل عنها؟ الكويت كيكه كل من يبي ياكلها ومافي ضمير ولا وازع وطني؟ مادري اذا كلامي غلط قولولي؟؟

 

[فيلجـ كول ـاويه]

رد : مصيبه بصراحه فششله عالكويت , استغفر الله ,

موضوع وااايد حلو يعطيج العافيه

 

[*سوسو ستار*]

الموضوع من شهر 8 وليلحين ينرفع على شنو بالله !!

 

[ذهبيه مرصعه بألماس]

السبب بسيط : ( مايحبون الكويت يحبون نفسهم و بس )

لأن كل نائب مقتنع وواثق انه لمن يعلي صوته و يصارخ و يسب العائله الحاكمه و يسوي حركات و يهدد و يتوعد راح يظمن كرسي بالمجلس القادم و هالشي فيه فايده له و ماله فايده للكويت ...

لأن كل نائب شايف ان المجلس وسيله سريعه للربح لا اكثر و شال الكويت من حسبته ...

لأن كل نائب صاير ممثل عن قبيلتة او طائفته او شريحه معينه من الناس اهو يمثلهم و نسى باقي الناس لذلك نلقاه يتوسط لمجرم او يطلع اقامات لأهله او يرسي مناقصات لولد عمه ..


لأن كل نائب قام يشوف الكويت كيكه له نصيب منها و الشعب كيفه ...

غير جذي :
النائبات وجودهم مثل عدمه بس تلقونهم بإفتتاح المعارض النسائيه جاهزات ... والله ولا وحده شفنا لها راي قوي او حاولت تقترح قانون يفيد البلد و حتى الوزيرات كل وزيره صارت بعهدها ابشع الجرائم و الفضايح و التجاوزات ...

ايام فهد الاحمد كان المجلس يمشي على السراط المستقيم لن في سلطه تحاسب و تراقب النواب و تحركاتهم ..

هذا هو صاحب اليد الفولاذيه ...
و البركه بعياله انشالله ...

ماكان احد يتجرأ يسوي تجمعات و تظاهرات و سب و قذف بحق رئيس مجلس الوزرا او وزير الداخليه .. قبل منو يتجرا يرفع عينه الحين اللي توه ماصارله 30 سنه داخل الكويت صار نائب و قام ينادي رئيس مجلس الوزرا بإسمه حاف بدون شيخ و لا غيره من الألقاب اللي يستحقها!!!!

اخ بس اخ

لازم وقفه قويه و صريحه جدام هالنواب

وياريت تتوقف صلاحيات النواب و تتحجم و تتحدد ضمن المجلس لا اكثر

مو كل دقيقه جريمه متدخل فيها نائب
مخالفه متدخل فيها نائب
هوشه متدخل فيها نائب

خلاص شيلو المخافر والشرطه و خلو النواب بدالهم

و الله المستعان ...

 

[راعية الطويلة]

رد : مصيبه بصراحه فششله عالكويت , استغفر الله ,

الإختلاف و المطالبات و التوترات ​

أمر جدا طبيعي ​

في جميع الدول​

أجل لو عشتي بدول العالم المتقدم​

شسويتي ؟؟!!​

لو شفتي مظاهراتهم و اعتصاماتهم وإضراباتهم​

و انتقاداتهم للكل و أولهم رؤساء حكوماتهم؟؟​

و مع ذلك تطوروا و تقدموا و تفوقوا و ووقت الجد يدافعون ​

عن سيادة أوطانهم؟؟!!​

العيب مو بالإختلاف!!​

العيب ,, و النقص هو ..​

كيف ننظر للإختلاف ؟؟ و كيف نفسره؟؟!
و كيف نتعامل مع شرائح المجتمع((طبعا أقصد الرئيس و المرؤوس))؟؟
و​

مشكورة ​

 

[Q8.Bee]

رد : مصيبه بصراحه فششله عالكويت , استغفر الله ,

دام انفتحت الحدود بينا و بين الخكره و قاموا يعيشون بينا قولي على ديرتنا السلام

 

[Tom ♥ Jerry]

.


اي و الله فشلونآ الدول الي بره قآموآ يظحكون علينا !
من متى آحنآ عندنآ تفرقه بين سني و شيعي و حظري و بدوي
آلله المستعآن ! :|

 

[فوقهن و تسواهن]

رد : مصيبه بصراحه فششله عالكويت , استغفر الله ,

النواااااااب و سكوووووووووب اهم السبب

 

[tulip]

رد : مصيبه بصراحه فششله عالكويت , استغفر الله ,

1 - المصالح الشخصيه على المصلحه العامه
2- اعلام فاسد .. وتصفيه حسابات على مشاعر الناس العامه
3- حراميه مال عام

هالثلاث عناصر اذا خلت منها الساحه السياسيه والاجتماعيه ..اتوقع الكويت تصير باريس

 

[tt2tt]

رد : مصيبه بصراحه فششله عالكويت , استغفر الله ,

اب اب

 

[ام خالدوعبود]

بالعكس انا حدي اخالفج

احنا الحمدالله ياربيي الف حمد وشكر لك يارب بس وقت الصجيه نصير على قلب واحد عكس كل الدول الي حوالينا الله لا يفرقنا
بالعكس انتي غلطانه يمكن موقف موقفين او حتا عشر بوقت حماس يعبر عن اشخاص مو عن دوله كامله عادي هل شغلات تصير بس احنا احسن من غيرنا وااااااااااااااايد

يعني نطر غزو ثاني والا مصيبه عشان نصحا وتصير قلوبنا على بعض :eh_s(4)::lkmnkl::eh_s(2):الوضع جدا تغير عقب جابر الخير ماعاد في الدنيا خير :0bee2e8d89:

 

[انا وايد حلوة]

اي والله صح!!

مآدري شصاااير

عين ماصلت ع النبي!!

عين وماصلت ع النبي صح صح
من كثر ما الكويت شيخ:q8:ة البلدان
صار العالم
يغااااااااااار :0bee2e8d89:

 

[::كيك وعسل::]

رد : مصيبه بصراحه فششله عالكويت , استغفر الله ,

الله يرحم ايام جابر

 

[العبيدان tenuta]

رد : مصيبه بصراحه فششله عالكويت , استغفر الله ,

اولا ارفع لج القبعة علي هالموضوع:fun: ويكثر من امثالج يااصيلة بنت الاصول شوفي وتأكدي ماطرحتي هالموضوع الا من وطنيتج وناااااااااااااادر نلاقي من امثلالج ويخسي ويهبي من يقول ان الكويت عليها السلام كانت ولازالت وبتكون اهي وبس علي القمة :q8: وهي الاساس لانة اللي طلعوا من تو قااااعدين يقلدونا ومهما وصلوا مالهم غنات عن الكويت واذا تبون نصير مثلهم خل ندخل المنكر من مشروب ودعارة ولحم خنزير وصالات لعب قمار علشان نصير مثلهم ولا نتحالف مع اسرائيل علشان نتطور مثلهم بسررررعة :ada:

ثانيا يابعد قلبي العيب تدرين من وووين القصوور وراح تستغربين منا احنا احنا السبب لانة مافي ثقافة بعض الردود للاسف مافيها حتي ولاء حق الديرة مافي وعي اجتماعي تهقين جم واحد ولا وحدة مثلا شاف شي غلط وصلحة ولا حتي عل الاقل بلغ عنة :050103nbh_prv:


ثالثا تعتقدين هل توجد بطانة صالحة لي اولات الامر للاسف اغلب الموجود فاسدة والامير في كل خطاب قاعد يصرح وينتقد ويحاول يهدي الاوضاع بس عمك اصمخ :rgewrg: ابي اعرف كل وحدة لما تروح وتصوت حق الانتخابات الاغلبية بس مصالح اجتماعية وليست وطنية واخيرا اغلب الردود للحين عايشين علي الاطلال ابونا جابر انزين لي متي :eh_s(11): احنا الحين علي ارض الواقع فياسيدتي العزيزة الحل بايدينا احنا احنا الشعب لانكم ياعباد اللة انتوا مسائلين يوم القيامة فاتقوا اللة في الاختيار الاصلح اتقوا اللة في السكوت عن المنكر اتقوا اللة السب والقذف لي اولات الامر كلكم رررررراع وكلكم مسئول عن رعيتة ابسط شي وابي جواب صريح لو علي سبيل المثال كل وحدة ملتزمة في دوامها الحضور والانصراف وهل تنجز عملها بأتقان ومخافة من اللة الشي يجي من دددداخل من خوف اللة واذا صلح الفرد صلح المجتمع بس اذا الفرد فاسد :s141:
وبالنسبة للقنوات بالعكس مثل هالقنوات جزاهم اللة خير لانها قاعدة توعي وتنبر وتطلع الخايس والخنين وجم ريال وجم مرة اتصلوا وبجوا وحصلوا مرادهم عقب ماصدهم الوزير ومن بعدة النائب وووووووين الفتنة ؟؟؟:eh_s(10):


وعلي فكرة بكمل معاج علي نفس موضوعج بس منحني ثاني لانة صج اكو اشياء يبيلها تعديل

 

[RoWaIsHeDyA]

رد : مصيبه بصراحه فششله عالكويت , استغفر الله ,

الله يهدي النفوس ويخلي الكويت لنا