مصيبه لحقوني؟؟

[أم@الحلوين]

كوه كويتيات ..

اليوم قعدت من النوم متأخر شوي وقعدت عيالي وياي ريقتهم وقلت خل اخصلي جم شغله بالبيت وحطيت لهم ألعابهم وكواريهم وقلت خل يتسلون ورحت اخم دار مكتب ريلي وبعدين دار اليهال وتوني بدش المطبخ واسمع صوت بباي بالصاله قلت ماأبي أطل عليهم دامهم قاعدين يشوفون تلفزون لاهين ..


وتوني فاتحه باب المطبخ ولا صوت صحن انكسر ولا الحلوين داشين المطبخ وعافسينا والأهم من هذا كله ولدي الأول حاط الثاني بالثلاجه ويحاول يصكر الباب عليه:eh_s(14): والفواكه عالارض والزيتون منثر وجبن لقلاصات كاسرينا جان أصرخ ذيك الصرخه الي حسيت جنه راسي انفجر المهم طلعتهم بره المطبخ عشان اشيل العفيسه واغسل المطبخ..

وعقب ماطلعت ولا أشوف واحد قاعد بالصاله والثاني مادري وينه وقعدت ادوره بالغرف تحت السرير ..... ولا الحبيب داش الحمام وواقف عند الغساله وانا حاطه ملابس البيض ولا أطل بالغساله وأشوف اللي ماينشاف





قاط عالبيض الأخمر والأزرق والأسود يعني ألوان الطيف والملابس كلهم صبغواا وختربوا بذمتكم لومريتوا بهالموقف شتسون عشان أنا أحس اني فقت عقلي ساعدوني:eh_s(11)::eh_s(11)::eh_s(11)::eh_s(11):

 

[بتبوتااا]

لووووووووووووووووووووووووووووووووووووووووووووووووووووووووووووول
عادي عادي بتحصل بحسن العايلات ..
عيل انا اليوم ادور ولدي بو سنه و10 شهور الاقيه تحت السرير وحاط من حمرتي
عندنا وعندك خير يختي

 

[منوووووله]

الله يعنج ماشفتي شي من بلاوي اليهال تعالي الموضوع مالي مال اليهال وشوووفي البنات شكاتبين على بلاوي عيالهم وانا اولهم (( ام البلاوي )) هههههههههههههههههههههه

 

[garga_girl]

كطي كواريهم وألعابهم بالكمامه

 

[ضوى العيون]

عندنا وعندج خير

 

[*سكون*]

الله يخليهم لج .. ودوم تحسين بوجودهم

عاقبيهم بشي يحبونه لا تطقين لان الطق يزيد شطانتهم اكثر

 

[al_gardenia]

ام الحلوين لاتحرين نفسج الزم ماعليج صحتج واليهال ياملج بتشوفين منهم
اهما مشالله عليهم كل شوي بيسون شي يعور القلب وانتي الي بتتعبين
كلما اتشوفين مصيبه اخذي نفس عميييييييييييييييييييييييييييق عشان لا تفقدين اعصابج

 

[@Miss Dio@]

عادددددددددددددددي

 

[MISS^^CHANEL]

وييييييييييييييييييييييييييييييييييييييه عادي عادي

بيصير انج ادشيت تلاقين راسمين ع الارض والطوف بحمرتج وصبغ اظافرج ولا قاص قذله اخوه لووووووووووووووووووول

عساج ماتنحرمين من وجودهم يارب يارب ويخليهم لج ويخليج لهم

 

[أغلى حبيبه]

اي والله عادي

 

[sweety_gurl]

LOOOL alla y5lehum lech enshalla
walla ana mo mtzwja bss n9eee7a mni shrkeehum bnaadii a7snleech

Ur LiL SiS : Hind

 

[الحرير]

الله يصلحهم ويهديهم انشالله​

 

[Harmony]

لووووووووووول
عندنا و عندج خير و انا سوها فينى قبلج بس ها مو خالطين الهدوم لأن غسالتى اوتماتيك اللى بابها على ينب ما يعبرون يفجونه و هو يقفل بروحه لشتغلت بس وقفوا الغسالة و تعالى يالحلوة الخدامة و تشر اهدوم كلها صابون و يوم اتيبهم و لا ششوف مقفرين تقولين خشب مو هدوم لووووووووووول بس عادى عسى ربي يخليهم

 

[¤§ زيتونة §¤]

يا حياتي انتي

الله يخليهم ويعينج عليهم يا رب

خل اقول لكم احداثي اليومية واللي توها توها صارت والله

بنتي ام سنتين ونص الحين خمس الا ربع الفير
تبي تفرش اسنانها
تبي تحط حمرة وكحلة
تبيني اسوي لها ريوق
تبي بابا يقعد يلعبها
تبي تبطل ليت الغرفة وابوها نايم عشان تطالع من الدريشة
تبي تدق على بنت عمها اللي بتركيا
تبي تودي الملابس للخدامة تغسلهم الحين الحين




ها شرايج؟؟؟





الله يخليهم يا رب


والله الحين اشوفها ساحبة كرسي التسريحة ورايحة فيه صوب كبتنا شنو تبي مادري؟؟؟؟ يمكن قميص نوم ههههههههههههههههههه





ماشاءالله عليهم شياطين وعيارين










الله يعينج حبيبتي ويعيني ليما يقعد ابوها ويروح الدوام لا تسويلي مصيبة

 

[الحب الخالد]

الله يخليهم لج
كولي بالج وادعي الله يهديهم
هذيل اليهال ما وراهم الا التعب
الله يعينج

 

[ana_tolip]

عندنا وعندج خير
بس مااقول الا الله يحفظهم انشاءالله

 

[هوى الدار]

ضريبه الامومه بعد شتسوين تحملي

 

[Yasmin]

امبيه صج صج ضحكتيني

بنات عاد انا ناويه احمل جنكم خرعتوني :eh_s(10):

بس بالذمه مو عسل, صج مرات يطلعونج من طورج بس شحلاتهم

انا اشوف اختي وعيالها جذي تقول عل كثر ما يطفروني على كثر ما افقد ينونهم بس ينامون

الله يخليهم لج انشاءالله والله يعينج على شطانتهم

 

[Raveena]

لووووووووووووول


الله يعينج على شطانتهم


مرة لبست ولدي ملابس يديدة جان ابوه يعطيه الاقلام اللي تكتبين فيها على السي دي و ما تنمسح و لا حضرته يبي يخش القلم عني ولا هدومة كلها من اللون اللي ما يروحون زفيته و على طوول فصخته هدومه و كتيت اسيتون على البلوزة و راح اللون


انا ولدي مرة اخذ الكريم الفسفوري اللي ينور بالظلمة و حاطه على ويهه لووول و ابوه صرخ عليه قالي تعالي شوفي شنو مسوي قلت له شنو ولا ماخذ الكريم قلت له طف الليت و شوف الولد ينور

و مرة قعدت ادور على الصغير اللي عمره سنة لقيته بالمطبخ قاعدة يلعب بالادراج و مطلع القفاش و قاطهم على الارض

 

[أم@الحلوين]

مشكورين حبايبي عالمرور والله يكون بعونا على اليهال والله يحفظهم جميعااا