مصييييييييبه لحقوا على عيالكم !!

[احلى عسل]

السلام عليكم ورحمة الله وبركاته ....
بنات امس كانوا اهلي يسولفون عن بباي يطلع على mbc3 اسمه (( التوأم المختلف )) وكانوا يقولون انه وصخ فيوم سألت ليش قالوا لي في حلقه ان يحطون مربيه في البيت وهالمربيه بالليل تروح تطل على الابو لما يتسبح !!!!!!!!!! ولما تطل وتخلص تروح غرفتها تقط ملابسها وتلبس قميص نوم !!!!!!!!!!!!!!!!!!!!!!
وشافتها مرت الريال يعني الام وقامت طقتها ........
بذمتكم يهال ينحط لهم جذي ؟؟؟؟؟؟؟
عالعموم ترا هالقناة اكثر بباياتها مو زينها فنصيحه مني اللي عندها عيال تمسح القناة لانها مو زينه بالمره وحتى اللي عندها اخوان صغار في مليون قناة احسن منها .........................​

 

[ضمى روحي]

ايه صادقه اكثر من مره شفت لقطااات مالها داعي للاطفال

 

[بيت التوت]

اي صاج اختي آنا صارلي شهر من مسحت قناة ام بي سي ثري




لانهم ايعلمون عيالنا علي العداوه والقتل والذبح والفصاخه

وخليت عندي قناةسبيستون ................ انصحكم فيها

ايعلمون عيالنا اشلون يحبون بع ويحترمون بعض والكبير يعطف علي لصغير

ولصغير يحترم لكبير ويعلمونهم علي آداب الاسلام

وعلي النظافه قبل النوم وبعد النوم



بس آنا خايفه ان باباي اللي علي سبيستون فيه حركات وصخه ولا انتبهت لها الل يستر



وجزاج الله خير حياتي علي التنبيه

 

[الوفا عنواني]

و الله هل قناه مو مضبوطه جم مره اشوف فيها حركات

 

[أمواج البحر]

معقوله

التوأم المختلف انا اطالعه

وابدااااااااااااااا مافيه من اللي تقولين عنه

قصة هالبباي ان في توأمين واحد ذكي والثاني شيطان

وتعالي شوفي المقالب اللي يسويها التوأم الشيطان

بنات احنا كبار وواعين ... مو كل من قال شي يعني صح

عموما هالبباي يحطونه الساعه 7 ونص شوفيه و صدقيني بتعرفين انه غييييييييير عن اللي تقولين عنه

وبعدين يا بنات

اي بباي يشوفونه عيالكم قعدوا معاهم وشوفوه

بدال لا هذا قال وهذا حجى

 

[انصاريه قمره]

الله يستر

 

[جوك احلى جو]

شكرا

 

[غالية زمانها]

انا عموما ما اخلي ولدي يشوف الا اشياء انا ادري عنها مثل توم وجيري وبارني
لان في بباي " كرتون " مايصلح للأطفال وبالذات اللي فيه عنف

 

[فجر الغلا]

الله يحفظ عيالنا من هالسوالف

 

[توتاتوتا]

بشكل عامmbc3موب زينه فيها افلام اطفال فيه مغازل وتبوس بالشفايف

الحمد لله ما عندي الا المجد للاطفال و حتى لما انتهى الاشتراك اجيب لهم dvd وناويه اجدده لان الحين عندهم قناة روضه شكلها حلوه

 

[صدى الأثير]

انا هالقناه بالذات اكرهها اتعلم الصغار على حياة الاجانب ابدا مافيها اي شي عن العرب والخليج

فيها مسلسلات وحركات بايخه حدها,,,

والله احلى شي للاطفال لا mbc3 ولا سبيستون

احلاهم "الجزيرة للأطفال" اشحلاتها روعه والله حتى انا اشوفها!!

يعطيج العافيه,,

 

[حظي حلو]

صااااااجه والله انا مره شفت حلقه من هالمسلسل ما عجبتني فيها تصرفات الاخوين التوائم بالمدرسه مع زميلاتهم تفتح عيون عيالنا على اشياء
جزاك الله خير حبيبتي

 

[^^السندريلا^^]

...خواتي حتى قناة نيكيلودين...باباياتها خايسه احذرواا منهااااا

 

[tooota_]

اشوه ماعندنا يهال

 

[كسرة عود]

جزاااااااج الله خير

 

[đeɱɛɼɑ™]

جزاج الله كل خير حبيبتي *

 

[moone GRL]

ام بي سي ثري اغلب مسلسلاتها حق تين ايجر يعني ما تصلح للجهال .. ومرات فيها خواره

بشكل العام القناة ما تصنف قناة أطفال .. والله ماكو على سبيس تووون تهبل برامجها وهادفه وحتى طريقتها تجذب الاطفال تحسووون موجهه لهم والجزيرة هم ما عليها كلام

 

[البرنسيسة غلا]

امي اسألت شيخ عن mbc3 وقال حرام ... والحمدلله موعندنا ...

 

[عنزية والهيبه وايليه]

الحمدلله والشكر ..

انا شي ماشفته بعيني ما اصدق وصراحه ماشفت شي مخل بالآداب على mbc3



... وشكرا ع الموضوع

 

[om al ghaleen]

مشكووره حبيبتي ع التنبيه اشواا عيالي تركوا قناه ام بي سي
الحين هابين بقنااه اسمها جيم جام والله حليووه اغلب رسومها تعليم

دايما اكون معاهم اذا بيشوفون تلفزيون