مطبق زبيدي أم نصوربالدهن العداني...؟؟؟؟

[nanah70]

شلونكم ياالغاليات..جايبتلكم اليوم طبخه شغل إيدي ..ماودكم تغسلون إيدكم من زينها..وطبختي اليوم مطبق زبيدي ؟؟؟؟أم نصور..ومقاديري:سمج زبيدي وسط-رز انديا جت مغسول ومنقوع بماي دافي "نص ساعه أوساعه إلاربع"-تتبيلة السمك وهاذي التتبيله تكفي لسمكه وحده وزيدوا نفس الكميه لكل سمكه زياده والتتبيله اهي"ملعقة اكل كمون ناعم+ملعقة اكل كركم+ربع ملعقة اكل فلفل اسود+نص ملعقه بهار مشكل"علبه خضراحديد عليه سفينه" وشويه ملح"...الطريقه: 1-نغسل السمج ونعصر عليه ليمون من داخل وبره ونخليه ربع ساعه ونغسله ونحطه بمشخال لين يجف مايه 2-نمسح السمج من داخل بشويه ثوم مدقوق عشان يعطيه نكهه 3-الحين نخلط البهارات ونمسح السمج من داخل وبره مع تدليك خفيف عشان تتشرب السمجه البهار4-نضع بداخل السمجه ربع ليمونه "من الليمون اللي عصرناه علي السمج"5-نخليه ربع ساعه ونقليه بزيت غزير وحار"ونضع بزيت القلي ربع ليمونه وكل ما تحترق نشيلها ونحط وحده ثانيه"لان الليمون مايخلي تصير ريحه قلي بالمطبخ"6-الحين نحط بالجدر الدهن اللي قلينه فيه السمج وحاولي تزيدين الدهن عشان يصبر العيش مدهن واخذي الدهن من تحت عشان تكون فيه بهارات غامجه ونكب العيش ونقليه دقيقه ونصب عليه ماي حارفيه هيل حب+مسمار+دارسين+ورق غاروبعد ماينشف الماي نخليه علي نار هاديه ونحط فوقه صبغ عيش وحشو كشمش وطريقته:نحمس بصل بمقلاه عالناشف وكل شوي نرش ماي ونحمس لين يصير الحشو بني مشوقر نحط زيت ورشه بهار مشكل وهيل ناعم ولومي ناعم وفلفل اسود ونحمس دقيقه بعدها نحط الكشمش المنقوع بماي ونحمس دقيقه ونقصر عالنار دقيقتين ونسكر"7-ننجب العيش ونحط فوقه السمج والحشو ونرش علي السمج دهن عداني ونزين شرايح ليمون ....وشوفوا النكهه والطعم....وحطي يمج الخضرا والرقي..واكلي بالخمس..وجعله مهابيط العافيهoster_av1:oster_av1:oster_av1:oster_a

 

[حلمانه]

نسلم ايدج يالغالية
والطبخه في طور التنفيذ

 

[*الهوا الغايب*]

تسلم ايدج

 

[جورية كويتية]

تسلم يدج ياقلبي
احنا نقلي السمج بنفس الجدر اللي نطبخ فيه

​

 

[لولي**]

يسلموووووووووووووو

 

[حصوص الكويتية]

يسلمووووووووووووووووووووووووووووووووو

 

[حمام شاقني فنه]

يعطيييج العافيه :aha:

 

[مخرووشه]

واى تسلم ايدج صراحه روعه باجر زوجى بسوى له مطبق زبيدى بسوى نفس خطواتج

 

[yoyoo]

يعطيييج العافيه

 

[ورد وكادي]

يعطيج العافيه نفس طريقتي بالضبط بس الحشو ما أحط معاه كشمش اذا كان اليدام سمج بس بصل وبهارات واخر شي سمنه

أما اللحم والدجاج أسوي الحشو مع كشمش

 

[جارة القمر]

تسلم ايدج

 

[nanah70]

مشكورين خواتي عالردود الحلوه...وسووها بالعافيه عليكم...وهني ومطرح مايسري يمري....؟واوعدكم بكل ماهوجديد ولذيذ....

 

[كريستال ليدي]

بالعافية

 

[foofo]

يااااااااااااااااااااااااسلام خوش طبخه تسلم ايدج ياااااااااااارب

 

[حرير.]

تسلم ايدج

 

[عنايد]

واااااااااااااااااااي

تسلم ايدج