مطرت الدنيا بيوم الاستقلال يا عساها بشارة خير

[ام سعود ديكسون]

.احنا كنا بمصر وكانو مدخلينا مدارس مخصصه للكويتين فقط اذكر هالايام واذكر لمن قالو الخبر انه الكويت انغزت قمت ابجي بجي مع انه عمري كان 6 سنين واذكر ابوي كان مصمم انه يرد الكويت بس ماكان في مجال كلش حتى كنا بنرد بسياره وما خلوناا ,

والله يرحمه الشيخ جابر كان موصي عليناا احنا المغتربين من كل شي .

فديت دموعج الغالية
ذكرتيني بسنة الدمج وفصائل التعمير
اي حبيبتي أتذكر شيخنا كان مو مخلي علينا قصور
اتذكره بالخير الله يرحمه ويحسن اليه

 

[ام سعود ديكسون]

ماكنت مولوده بالغزو

بس صج صج اليوم الجوو يهببببل

امي تقول لانها ايام خير والناس تمشي وتتصدق

عساها دايمه هالافراح

حياج غلاتي اهم شي عيشناج اجواء التحرير وآخر يوم بمعركة عاصفة الصحراء
والله انها ايام خير

 

[ام سعود ديكسون]

الله يحفظ الديرة وعساها دوم بخير وفرح وسعادة وامن وامان يارب =)​

الله يديم الفرحة منورة فانتا

 

[ام سعود ديكسون]

رد: رد : رد: مطرت الدنيا بيوم الاستقلال يا عساها بشارة خير

الله لايغير علينا .. احس العبره خانقتني من قعدت على هالاحتفالات < طبعاااااا من الفرحه
الله يحفظ لنا كويتنا مامثلها بلد والله

اي والله نفس حالتي
تخنقني العبرة بس الحمدلله هذي دموع الفرحة
كل ما اسمع انتصرناوالناصر الله مالت نبيل شعيل و رابح صقر واليباب وأتذكر ذيك الايام
يا بووووي احس بريحةالمطر و باجي ريحة البارود
وشبابنا بايدهم رشاشات ويطقون طلقات بالجو من الوناسة
وبايدنا اعلام خشيناهم 7 اشهر وصور شيوخنا

صج طعم الحرية غير و الله يهنينا*

 

[ام سعود ديكسون]

رد: رد : مطرت الدنيا بيوم الاستقلال يا عساها بشارة خير

الله يديم الافراح

اسعد الله ايامج
اسعدني مرورج

 

[الإسراء]

والله كلنا بجينا خاصة العرض على أبراج الكويت ... والشيخ جابر لما يوصل ويسجد على أرض الكويت بعد الغزو مباشرة ...
آآآ والله مع إني ما لحقت على الغزو .. بس والله بجيت من قلبي ..

 

[wesh jaah]

الله يديم نعمه الامن والامان


وحمدلله عمااار ياكويت


وانا اهلي كانوا من الصامدين والحمدلله ربي نصرنا على الطغاه وصج اني ماكننت مولوده بس بجيت

وربي يحفظ الكويت

وحمدلله الجو عجييييييب والمطر اينن

وعساج عامره ياكويت

 

[ام سعود ديكسون]

حياكم حبايبي

كتبوا مشاعركم بهاليوم وفرحتكم بالمطر

سواء كنتوا لاحقين ع الغزو والا ما كنتوا مولودين فيه

هالعيد غييييييير والله حتي الجو شحلاته غير عن كل سنة

 

[ياشايل الظبى]

تنذكر ماتنعاد هالايام .. اتذكر لما دشينا الكويت بعد التحرير .. كانت الكويت بالرغم من الخراب اللى فيها تضحك وجوها حلووو << مع ان ابار النفط كانت محترقه .. والجو مغيم من الغازات

 

[::كيك وعسل::]

رد: رد : مطرت الدنيا بيوم الاستقلال يا عساها بشارة خير

:: يارب لك الحمد ::

 

[Miss Invisible]

انشالله ياارب ايامنا كلها افرااح والكويت تستاهل كل الخير

 

[ام سعود ديكسون]

تنذكر ماتنعاد هالايام .. اتذكر لما دشينا الكويت بعد التحرير .. كانت الكويت بالرغم من الخراب اللى فيها تضحك وجوها حلووو << مع ان ابار النفط كانت محترقه .. والجو مغيم من الغازات

اي غلاتي صاجة هذا كان جو التحرير
غيم وحرايج آبار و ظلمة النهار من الظلمة جنه ليل
بس الكويتيين اللي برا كانوا متشفقين ع الردة كانوا يقولون نبي ديرتنا لو انشالله ما فيها بنية تحتية ترابها الغالية يسوي الدنيا وما فيها لو نعيش بخيام لوووووول

واذكر حكومتنا الله يعزها بلشت بمارس 1991 عملية اطفاء الآبار علي اساس تنتهي عقب سنة بمارس 1992

بس بهمة اهل الكويت طفوا اخر بير ب6 نوفمبر 1991 وعطونا إجازة بذيك المناسبة >>>> نحب الإجازات لووووول

 

[فـراوله]

احنا كنا بمصر سياحه يعني واحنا هناك سمعنا الخبر

كان عمري وقتها 3 سنين بس اخواني الكبار كانوا بالكويت واللي

أذكره أبوي كان قاعد يبجي لانه اخواني هناك وكل ما يسمع بالاخبار

أخبار مو حلوه يزعل ويتضايق ويبجي على اخواني وما كان قادر يحصلهم

وأخوي كان منهم أسير بس الحمدالله طلع مع اللي طلعـوووا

وأنا اللي أذكره يوم رديت الكوويت دخلنا بيتنا لقيناه خربان ومبيوووق وكل شيء

مكسر فيه وحاطين كان علم العراق داخل البيت وصورة صدام واحنا ألبومات صورنا

طايحه عالارض وعافسينهاااا


هالشغلات بس اللي أتذكرها أيام الغزو لانه كنت صغير وصورة وشكل بيتنا

عمرها ما راح تروح من ذاكرتي

 

[ام سعود ديكسون]

احنا كنا بمصر سياحه يعني واحنا هناك سمعنا الخبر

كان عمري وقتها 3 سنين بس اخواني الكبار كانوا بالكويت واللي

أذكره أبوي كان قاعد يبجي لانه اخواني هناك وكل ما يسمع بالاخبار

أخبار مو حلوه يزعل ويتضايق ويبجي على اخواني وما كان قادر يحصلهم

وأخوي كان منهم أسير بس الحمدالله طلع مع اللي طلعـوووا

وأنا اللي أذكره يوم رديت الكوويت دخلنا بيتنا لقيناه خربان ومبيوووق وكل شيء

مكسر فيه وحاطين كان علم العراق داخل البيت وصورة صدام واحنا ألبومات صورنا

طايحه عالارض وعافسينهاااا


هالشغلات بس اللي أتذكرها أيام الغزو لانه كنت صغير وصورة وشكل بيتنا

عمرها ما راح تروح من ذاكرتي

فديتج الحمدلله علي سلامة اخوانج
و قرت عيونكم بردة أخوج الأسير الحمدلله علي سلامته

والله لايعيد ذيج الايام بإذن واحد احد
وأحلي شي بالتحرير أكيد لم شمل اهلج
وكحلتوا عيونكم بشوفة الديرة

 

[فـراوله]

فديتج الحمدلله علي سلامة اخوانج
و قرت عيونكم بردة أخوج الأسير الحمدلله علي سلامته

والله لايعيد ذيج الايام بإذن واحد احد
وأحلي شي بالتحرير أكيد لم شمل اهلج
وكحلتوا عيونكم بشوفة الديرة

الله يسلمج يااارب


اي والله كحلنا عيونا بشوفة الديره

والأهل وشعب الكووويت


يالله تحفظ لنا الكووويت يارب

 

[غلا بوي]

رد : مطرت الدنيا بيوم الاستقلال يا عساها بشارة خير

اب اب

 

[ام سعود ديكسون]

حياج فراولة نورتي الموضوع

أنا اليوم أبارك لكم بذكري التحرير المجيدة الله يديمها من نعمة

وبحط لكم ذكرياتي بالتحرير كان عمري ١٤ لي ١٥ سنة بس ترا أنا مو عودة وايد >> مو عيوز صدقوني

كنا نتابع قناة النظام البائد وكان الوضع محير لي يوم ٢٥ فبراير كانت المعركة تدور رحاها

نسمع صوت الارض تندك من تحتنا ويقولون لنا ان بارجة أمريكية تضرب مواقع معادية من الخليج العربي ونسمع صوت طيارات حربية فوقنا تروح تقصف اهداف والعراقيين كانوا يردون عليها برشاش مضاد للطائرات

فتعودنا ع الوضع والأصوات ما عادت ترهبنا

الكويتيين ما قاموا يطلعون اخر يوم لانه مطر قاموا يبوقون السيارات ويأخذون الناس اللي تطلع تصلي او تشتري من الجمعية او ينظفون بسيارة الزبالة كرمكم الله

وماكو نقالات ف الجيران يبلغون بعض ديروا بالكم ترا قاموا يعتقلون الناس عشوائي لا تطلعون

وبنص الليل ومع صوت المطر سمعنا اصوات شاحنات عسكرية صراخ عراقيين وحركة شديدة ليتات سيايير و متنا خرعة بس هذا وضعنا نقرا آيات قران و ننام لان المؤمن لا يجزع

توقعنا الكويت تتحرر بحرب شوارع توقعنا يعدمنا بالكيماوي نفس اهل حلبجة الأكراد الله يرحمهم

بس قمنا ثاني يوم لقينا اعلام و صور شيوخنا وشبابنا يطلقون طلقات من رشاشاتهم بالهوا>>>> أخيرا شفنا ابطال المقاومة الكويتية

وطلعنا بالشارع الرئيسي علي ريولنا مشي بهالبرد الهوا نقي والحرية طعمها غير
نحيي اللي ينظمون الشوارع وبعدها بفترة دشت القوات و حييناها شكر وعرفان

ترا ماكان اكو كهربا ولا ماي نوصل مولد كهربا نشوف ال cnn والفضائية المصرية ونطلب تنكر ماي حلو حق الشرب وغيره

بس صدقوني ترا كانت ايام حلوة كلنا نسال عن بعض ومتكاتفين
والمكرفون لكم حباببي*

 

[ام سعود ديكسون]

رد: رد : مطرت الدنيا بيوم الاستقلال يا عساها بشارة خير

اب اب

غلا بوي

مشكورة ع الرفع

الله يرفع مقامج

نسيت اقولكم ان الأصوات اللي سمعناها بليلة التحرير كانت اصوات شاحنات الجيش العراقي تنسحب والصراخ اللي بالمطر كان صوتهم ينادون بعض علشان ينسحبون >>> خافوا لا ينسون احد من الجيش الشعبي وكان وضعهم مزعزع

سمعنا بهذين ان صارت معركة بالمطلاع جيش التحالف وبين القوات المنسحبة للشمال باتجاه البصرة وموجودة باليوتيوب اذا تحبون تشوفونها

التحالف ضرب القوات قبل دخولها العراق و دمر آلياتها مع بعض الباصات والسيارات المدنية اللي استولوا عليها

 

[ROoONY]

رد : مطرت الدنيا بيوم الاستقلال يا عساها بشارة خير

الله لا يغير علينا يااارب ويديم المحبة والامن اللهم اميين

والجو كااان قمة الروعه شي خيااال صرااحة

 

[ام سعود ديكسون]

رد: رد : مطرت الدنيا بيوم الاستقلال يا عساها بشارة خير

الله لا يغير علينا يااارب ويديم المحبة والامن اللهم اميين

والجو كااان قمة الروعه شي خيااال صرااحة

منورة روني
عليكم بالعافية الجو الحلو والعرض العسكري اليوم كان روعة