مطعم أبراج الكويت ،، لا لا مو صج !!!!!

[أحلى^حياه]

تصدقين انا ما افكر اروح الابراج
حددددده مطعمهم قددددددديم
تروحين مطعم هندي ابررررررك

المهم

عوضي ريلج بمكان ثاني هههههههه
قوليله مادري انهم محافظين عالتراث ههههههههه

 

[قوطي نيدو]

اكيد ستافهم من الجنسية المصريه
لانه اي ستاف من هذي الجنسية يخرب المكان

 

[miss_lymoona]

من صجج جا رحتي مطعم الافق اللي بابراج الكويت يهبل اكله ومسوين جو رومانسي حده ويايبين واحد يعزف والبوفيه عجيب

 

[قهوة برية]

اهو البوق خلاهم يسنعون شئ بالديرة .!

ع قد ماتقدر اخمط لك خمطه قبل لايطير منه الكرسي .!

شئ يفشل كلش ولا الغوري والكوب .!

عسى بس ماعطوكم جباتي على هالغوري .!

 

[miss_lymoona]

جربوا مطعم الافق حده رووووعه بالابراج انا جربته ثالث يوم العيد حلو جو رومانسي حده

 

[om MaRyooM]

هلا والله ..



بنات عاد الافق مجربته شحلاااته .. كنا بنروحله بس كانو مسكرين البوفيه ماااالت ..


يللا خيرها بغيرها ..
وثانكس يا احلى ردود

 

[بطاطا]

لا تروحون

او جان قدمتوا اقتراحات للادارة هناك !

حجي بالمنتدى ما يغير شي

 

[om MaRyooM]

^
^

أدري والله ياعمري

بس الكلام للادارة او لأي مكان لا يودي ولا يجيب !!

 

[يالبيه 17]

لااا تعلـيـــق

 

[Q8Buying]

ما قصرتي عالموضوع

 

[esperanza]

ليش لا يروحونله؟

آنا أشوفه أرقى من وايد مطاعم بالديره .. في مطاعم ممكن تنقدين عليها مثلن ظهرج بظهر اللي وراج وزحمه وأغاني تلج وريحة الطباخ تارسه المكان

أما من موضوعج بس الستاف باردين .. أغلب المطاعم ننطر وايد على ما يخلص الأوردر ..

غيره ماكو انتقادات ثانيه أقدر آخذ فيها .. التلفزيون والطاولات والمواعين والسحاب ما أشوفهم مشكله .. يعني كلش ما يضرون الواحد....والتلفزيون هذا حق الاجتماعات, رجال الأعمال يستخدمونه إذا سوولهم اجتماع بالمطعم ويعرضون عليه البوربوينت

بس المهم القعده هاديه والأكل حلو والمنظر يريح البال هذا أهم شي

آنا أروحله ريوق البوفيه راقي وهادي يونس

اللي بتنتقد تقولنا ششافت ما يسوى؟ قطع الرقاب ولا قطع الأرزاق

 

[brooad]

حسافه والله مو ماسكه مطاعم الأبراج شركات على مستوى! يعني الكل يتشوق يدخله بس لما يدخل يقول حسافه و هذي آخر مره!

 

[bobo lover]

بدال لا يقطون الفلوس برا الديرة حق اللي يسوا و اللي ما يسوا .. خل يسنعون الديرة شوي !!!
يبنون مستشفيات و مدارس سنعة و يسوون الجامعة الجديدة !!

 

[ZooZooWa]

توه في خبر إن في حريجة في الأبراج
الظاهر حوبتج يمكن هالسالفة تخليهم
يجددون المطعم

بس على فكرة آنا رحت مطعم الأفق عجيب البوفيه مالهم
والمطعم مرتب ونظيف

 

[ألماس q8]

امبي صح والله صااااااجه

احنا لما نتريق بالابرااج نستغرب

وين قاعدين بأي عصر فشلااااا

 

[أوكسجين]

الله يعينج
يقولون اليوم صارت فيه حريجه >>>>> حريق باللغه العربيه

 

[tolay]

لازم نشتكي حق الهيئه المختصه !!!

مطعم الابراج موشويه !!! لازم يكون ارقى من جذي

 

[buffy]

وييييييييييييييييع من صجج رايحه ابراج الكويت شخباري
اليوم سامعه خبر ان محترق صج؟

 

[ام بنتها]

قمت المأساة
والبوفيه بعد حدث ولا حرج و المشكله لشخص ب 12 ماا ادري على شنو لا تشكيله ولا شي المقبلات ما في ولا شي بس سلطات و اطباق رئيسيه جم نوع مشويات و طبق عيش واحد و طبق واحد معكرونيا وطبق فيليه سمج و طبق ربيان شكله الله يزيد النعمه حدددددددددددددددددددددددددددده ما يسوااااااا الواحد يروحله حتى بوفيه مركزسلطان الكئيب وايد اشرف منه و بمليون مره

 

[دن دن]

اي والله صاجه فشلونا

تعشينا فيه انا وبنات عمي ولا نفكر نرجعله حدي استغربت من مستواه الصراحه

اكثر شي بط جبدي ان المشروبات مو من ضمن البوفيه الـ 8 د.ك على شنو مادري حتى الخدمه خذوا عليها