مطعم بالدمام يفرض غرامة مالية على من لا يكمل طعامه‎

[~ بنت الهدى ~]

اذا مع ابوووي نخلص الأكل

بس اذا مع احد ثاني لازم يبقى اكل استغفر الله حرام بس شبعت و فيه ناس يحطونه ب قصدير وياخذونه البيت شكلي بسويها

شكرا نجدااااويه

 

[(دنيتي)]

خوش فكره

بس يعني مثلا الانسان شبع شنو يسوي غصب بياكل؟


يقدر ياخذ الاكل الباجي سفري؟


يسلمو​

 

[DaLoo3t BaBaTii]

لووووووول اكل بالاكراه هذا

انزين اذا شبعت شسوي !!؟؟؟

مو شي هالقرار !

 

[viva la glam]

مو خوش فكره مثلا انا شبعت شلون

 

[احساس دلع]

خووووش مطعم ........

 

[Unusual]

الفكرة بايخة ،، احيانا مانطلب اكل كثيييييير ومع ذلك يبقى ..
او نكون طالبين صنف جدييييد ومااعجبنا .. يعني مو شرط يكون اسراف وتبذيييير من جانبنا ..

وفي الأخيير ندفع غراااامة .. !!! عجيبة والله ..

 

[نجداويه نجد]

لاهنتواا يالطبيات علي المرور ..

بخصوص الأخوات اللي عارضوا الفكره هذا شي خاص فيهم وكل وحده إذكرت أسبابها
لكن صاحب المطعم كان هدفه واضح وهو المجاعات اللي في افريقيا ولازم نحمد الله علي هالنعم اللي حنا نتقلب فيها ليل ونهار موب بقايا الاكل ينكب بالزباله ولاحوله ولاقوة إلا بالله

 

[عــاشــقــه]

القرار الهدف منه الحد من الإسراف يعني طلبي على قدج
لأن احنا كا خليج دائماً نطلب زائد عن الحد جنه مجاعه وآخر شي يأكل قفشه والباجي بالزباله تكرمون

شوفوا برنامج أحمد الشقيري خواطر الفرق بينا وبين اليابانيين يحطون على قدهم ويمسحونه مساح وياريت المطعم يعطونه حق أحد مثل الفراشين لا كله ينقط

 

[~..samar]

والله آنا اعجبتني الفكرة لان الاغلبية لما يروحون مطاعم يبالغون ف الطلب والباقي ينقط ف الزبالة وعلى فكرة اعرف ناس ف امريكا يقولون الاكل عندنا ما ينقط لو شنو لان كل واحد يطلب على قده حساافة والله عندهم حركات احسن من العرب المسلمين .. ثانكس ع الموضوع ..​

 

[~..samar]

بنات ترا مكتوب ان الغرامة سعر رمزي .. يعني مو غرامة مبالغ فيها ..​

 

[نجداويه نجد]

لاهنتوااا علي المرو

 

[aṕriliå]

لو يطبقونه بالكويت طفرت

حياتي ماكملت صحني

الواحد شيسوي يشتهي كل المنيووو ومن ثاني لقمة يشبع

 

[بكره أحلى وأحلى]

الفكره حلوه علشان الناس تحس بقيمه النعمه

وترى بنات لو ما حط هالغرامه مطعمه راح يربح اكثر لان الناس راح تطلب من غير وعي

بس هو يبي يوعي الناس على عدم الاسراف في الاكل وان في ناس مو لاقيه تاكل

عجبني رد وحده من الخوات الله يجزاها خير ان الباجي من اكلنا ناخذه تيك اوي ونعطيه أي شخص جدامنا محتاج نكسب فيه اجر بدل ما ينقط بالزباله وانتوا بكرامه

 

[نجداويه نجد]

لاهنتواا علي المرور

 

[ريف الخفوق]

احسن قرار

ملينا من الأسراااااااااااااف

 

[نجداويه نجد]

لاهنتي علي المرور

 

[Miss Cherry]

شنو هذا والله لو عندنا بالكويت هالمطعم اقاطعه

خلاص اذا فيه خير ويفكر بالفقاره كاسرين خاطره ياحرام .. خل يجمع الاكل الباجي ويتبرع فيه واجد لجان عندهم هالخدمة جمع الاكل الفائض وتوزيعه على المحتاجين بس مو يلزم زباينه بضرايب

 

[نجداويه نجد]

8
8

8


هي انتي شفيك كذاا ، صاحب المطعم عنده مرؤه وهذا يدل علي سمو اخلاقه .. والحمدالله انك مو من رواد المطعم ..